ئێمە لە تۆرە کۆمەڵایەتیەکان

کوردستان

وەزیری ئەوقاف؛ ئەمساڵ باشترین خزمەتگوزاری بۆ حاجیانی كوردستان دابین دەكرێت

خەڵك – بەشی هەواڵ

وەزارەتی ئەوقاف و كاروباری ئایینی حكومەتی هەرێم ڕایدەگەیەنێت ، ئەمساڵ پلانی گونجاو و سەردەمیانە بۆ كاروباری حاجیان دانراوە تا خزمەت بە پرۆسەكە بكەن ، دەشڵێت،” باشترین خزمەتگوزاری ئەمساڵ بۆ حاجیانی كوردستان دابین دەكرێت”.

وەزارەتی ئەوقاف و كاروباری ئایینی حكومەتی هەرێم لە ڕاگەیەنراوێكدا بڵاویكردەوە، دوێنێ پێنج شەممە 30/1/2020 پشتیوان سادق، وەزیری ئەوقاف وكاروباری ئایینی سەرپەرشتی كۆبوونەوەی تایبەت بە كاروباری بەرێوەبەرایەتی گشتی حەج و عومرە-ی كرد و كۆبوونەوەكە بەئامادەبوونی بەرێوەبەری گشتی حەج و عومرەو لایەنە پەیوەندیدارەكان بەرێوەچوو.

لە كۆبونەوەكەدا باس لە بنەمای كاروبارەكانی حەج كراوە، كە پشت بە ڕاسپاردەكانی دیداری حەجی كوردستان دەبەستێت و لە 19-12-2019 ڕێكخرا بۆ ئەمەش وەزارەتی ئەوقاف لە پرۆسەی حەجی كوردستان هەموو هەوڵێك دەدات بۆ پێشكەش كردنی باشترین خزمەتگوزاری.

وەزیری ئەوقاف تەئكیدی كردەوە، كە ئەمساڵ پلانی گونجاو سەردەمی بۆ كاروباری حاجیان دانراوە، ئەركە لە سەر فەرمانبەر و كارمەندانی وەزارەت بە ئەوپەڕی بەخشش وتواناوە خزمەت بە پرۆسەكە بكەن ئەركەكانیان ڕاپەرێنن و هەموو ڕێنمایی و ڕێكارەكان بەشێوەیەك دەبێت ڕەچاوی بەرژەوەندی گشتی دەكرێت و لەخزمەتی هاووڵاتیاندا دەبێت.

لە كۆتایی ڕاگەیەنراوەكەدا هاتووە، بۆ خزمەتگوزاریەكانی دیكەی كارگێری و تەندروستی شوێنی حەوانەوەی حاجیان وەزیری ئەوقاف لیژنەكانی تایبەتمەندی ڕاسپارد تا پلانی گونجاو بخەنەڕوو لەڕووی كرداریشەوە كاتێكی گونجاو دیاریكرا.

کوردستان

نزیكەی هەزار تووشبووی كۆرۆنا لە سلێمانی چاكبوونەوە

خەڵك – بەشی هەواڵ
بەڕێوەبەرایەتی گشتی تەندروستی سلێمانی ڕایدەگەیەنێت، لە ماوەی چوار هەفتەی ڕابردوودا نزیكەی هەزار تووشبوی ڤایرۆسی كۆرۆنا لە شاری سلێمانی چاكبوونەتەوە.

د. سەباح هەورامی، بەڕێوەبەری گشتی تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە ماوەی چوار هەفتەی ڕابردوودا 911 توشبووی ڤایرۆسی كۆرۆنا لە شاری سلێمانی چاكبوونەتەوە.

ڕاشیگەیاندووە، لە سەرەتای سەرهەڵدانی ڤایرۆسەكەوە تا ئێستا لە ڕۆژی 13-5-2020 تا ئەمڕۆ 7021 توشبووی كۆرۆنا چاك بوونەتەوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا 23 حاڵەتی مردن بە كۆرۆنا تۆماركراوە

خەڵك- بەشی هەواڵ

وەزارەتی تەندروستی هەرێم ئاشكرای دەكات ، كە لە 24 كاتژمێری ڕابردوودا 612 كەس تووشی كۆرۆنا بوون و 23 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە ، 4146 پشكنین ئەنجام دراوە و دەركەوتووە لە هەولێر72 كەس و سلێمانی 94 كەس و لە گەرمیان 28 كەس و دهۆك 418 كەس تووشی كۆرۆنا بوون.

ئاشكراشی كردووە، كە 534 كەس چاكبوونەوە و 23 كەسیش گیانیان لەدەستداوە.

بەردەوام بە لە خوێندنەوە

کوردستان

یەكگرتوو بارەگاكانی لە پارێزگایەكی هەرێم داخست

خەڵك – بەشی هەواڵ
بەرپرسێكی یەكگرتووی ئیسلامی كوردستان ڕایدەگەیەنێت، بەهۆی مەترسییەكانی ڤایرۆسی كۆرۆناوە لە هەڵەبجە بۆ ماوەی 2 هەفتە تەواوی ئۆرگان و بارەگاكانیان بەداخراوی دەهێڵنەوە.

حەسەن شێخ عەبدوڵا، ئەندامی سەركردایەتی و بەرپرسی مەڵبەندی 5ی یەكگرتووی ئیسلامی لە لێدوانێكی ڕۆژنامەوانیدا ڕایگەیاندووە، دوای ئەوەی لەلایەن لیژنەی نەخۆشخانەی وەفای تایبەت بە ڤایرۆسی كۆرۆناوە ئاگاداركراونەتەوە بۆ ڕێگریكردن لەبڵاوبونەوەی ڤایرۆسەكە بارەگاكانیان داخستووە.

ڕاشیگەیاندووە، بەهۆی مەترسی بڵاوبونەوەی ڤایرۆسی كۆرۆنا ماوەی یەك هەفتەیە بارەگاكانیان داخستووە و هەفتەیەكی دیكەش بەداخراوی دەمێنیتەوە.

بەردەوام بە لە خوێندنەوە

کوردستان