ئێمە لە تۆرە کۆمەڵایەتیەکان

ئابوری

بەریتانیا بەهۆی دەرچوونی لە یەكێتی ئەوروپا دراوێكی نوێ دەردەكات


خەڵك – بەشی هەواڵ

حكومەتی لەندەن ڕایدەگەیەنێت، بەهۆی دەرچوونی وڵاتەكەی لە یەكێتی ئەوروپا دراوێكی نوێی كانزایی دەردەكات.

ساجید جاوید وەزیری دارایی بەریتانیا ڕایگەیاند، بەهۆی دەرچوونی بەریتانیا لە یەكێتی ئەوروپا دراوێكی نوێی كانزایی دەردەكات، كە بەهاكەی 50 پێنسە و گوزارشتە لە ئاشتی و خۆشگوزەرانی و هاوڕێیەتی لەگەڵ هەموو گەلان، كاتی دەرچوونی بەریتانیاش لە یەكێتییەكە دەكەوێتە ڕۆژی 31 ی كانوونی دووەمی 2020.

وەزیری دارایی بەریتانیا ئەوەشی خستووەتەڕوو، لە ڕۆژی هەینییەوە نزیكەی 3 ملیۆن پارچە دراوی كانزایی بەسەر بانك و نووسینگەكانی پۆستە و مۆڵەكاندا دابەش دەكەن، دواتریش و هەر لەمساڵدا 7 ملیۆن پارچەی تر دابەش دەكەن.

ساجید جاوید وەزیری دارایی بەریتانیا لەكاتی خستنەڕووی یەكەم چاپی دراوەكە ڕایگەیاند، جیابوونەوە لەیەكێتی ئەوروپا خاڵێكی جیاكەرەوەیە لە مێژووماندا، ئەو دراوە نوێیەش بانگی وەرزێكی نوێ لێدەدات، دوای نزیكەی سێ ساڵ لە مشتومڕی توند لەسەر كاتی جیابوونەوە لە ئەوروپا ڕۆژی هەینی بەریتانیا لە یەكێتی ئەوروپا دێتە دەرەوە .

ئەمەش لە كاتێكدایە، ئێوارەی ئەمڕۆ چوارشەممە 29/1/2020 پەرلەمانی ئەوروپا بە زۆرینەی دەنگ دەرچوونی بەریتانیای لە یەكێتی ئەوروپا پەسند كرد، پەرلەمانتارەكان كە نزیكەی 50 ساڵە لەنێو یەك هۆڵدا كۆدەبنەوە، ماڵئاواییان لەیەك كرد و باوەشیان پێكداكرد.
ك.ج

ئابوری

سعودیە تۆمەتبار دەكات
پسپۆڕێكی عیراقی: نرخی نەوت بەرزدەبێتەوە


پسپۆڕێكی كەرتی نەوت لە عیراق پێشبینی دەكان نرخی نەوتی خاو لەپاش كەمبوونەوەی مەترسییەكانی ڤایرۆسی كۆرۆنا لە جیهاندا بۆ سەرو 50 دۆلار بۆ بەرمیلێك ڕوو لە بەرزبوونەوە بكات، سعودیە و وڵاتانی تری كەنداویش بە هۆكاریی دابەزینی نەوت لە بازاڕەكانی جیهاندا تۆمەتبار دەكات”بەوپێیەی بڕێكی زۆری نەوتییان خستۆتەبازاڕەوە”.

حەمزە جەواهیری، پسپۆڕی عیراقی لە كەرتی نەوتدا لە لێدوانێكیدا بۆ میدیاكانی عیراق ڕایگەیاندووە”دابەزینی نرخی نەوت زۆر بەردەوام نابێت، لەماوەی سێ‌ مانگی داهاتوودا و لەپاش كەمبوونەوەی مەترسییەكانی ڤایرۆسی كۆرۆنا، نرخەكان بۆ سەرو 50 دۆلار بۆ بەرمیلێك ڕوو لە بەرزبوونەوە دەكەن”.

بە وتەی ئەو پسپۆڕە عیراقیە”سعودیە و وڵاتانی كەنداو هۆكاریی دابەزینی نرخی نەوتن، بەوپێیەی لەكاتی لەگەڕكەوتنی كارگە جیهانییەكاندا بڕێكی زۆری نەوتییان خستۆتەبازاڕەوە”.

جەواهیری پێیوایە”زۆرێك لە وڵاتان خاوەنی نەوتی نائاسایین وەك نەوتی بەردین كە تێچووی بەرهەمهێنانی لەنێوان 40 بۆ 50 دۆلاردایە و بەرهەمهێنانی ڕاگیراوە و هۆكاریی ئەمەش وەبەرهێنانی جیهانییە كە كار بۆ گوشارخستنە سەر وڵاتە بەرهەمهێنە ئاساییەكان دەكات، بەرهەمی نەوتی خۆیان كەمبكەنەوە بەهۆی ئەو زیانە زۆرەی پێیانگەیشتووە لەنێوانیاندا ئەمریكا”.

بەردەوام بە لە خوێندنەوە

ئابوری

نرخی ئەمپێری كارەبای مۆلیدە دیاری دەكرێت


خەڵك-بەشی هەواڵ
بڕیارە لە قائیمقامیەتی سلێمانی كۆبوونەوە بۆ نرخی مۆلیدە بكرێت و ئەندامێكی پەڕلەمانی عیراق لە پشكی كەركوك و ئەندامی شانەی قەیرانەكانی ئەو پارێزگایە ئاشكرای دەكات، كە بۆ هەردوو مانگی ئازار و نیسان نرخی ئەمپێرێكی مۆلیدە بە 3 هەزار دینار دیاری كراوە.

ڕێبوار تەها، ئەندامێكی پەڕلەمانی عیراق لە پشكی كەركوك لە ڕوونكردنەوەیەكدا ئاماژەی بەوەكردووە، نرخی پارەی دیاریكراو بۆ هەر ئەمپێرێك بۆ مانگەكانی (ئازار و نیسان) وەك لەلایەن شانەی قەیرانەكانی كەركوكەوە بڕیارمان لەسەرداوە تەنها ۳ هەزار دینارە.

ڕاشیگەیاندووە، لەكاتی پابەند نەبوون و وەرگرتنی پارەی زیاتر، هاووڵاتیان دەتوانن نزیكترین بنكەی پۆلیس ئاگادار بكەنەوە تا ئیجرائاتی خۆیان لەگەڵ سەرپێچیكاران دەست پێبكەن.

بۆ بەدواداچوونی نرخی ئەمپێری مۆلیدە بۆ مانگی ئازار لە سلێمانی (خەڵك) پەیوەندی كرد بە چەند بەرپرسێكی پارێزگای سلێمانی و خاوەنی چەند مۆلیدەیەكی ئەهلییەوە، بەڵام ئامادەنەبوون لێدوان لەوبارەیەوە بدەن.

خاوەن مۆلیدەیەك تەنها وتی، “لە قائیمقامیەت كۆبوونەوە دەكرێت و بڕیاری لەسەر دەدرێت”.

ئەمە لەكاتێكدایە، كە لەمانگی ئازاردا بەهۆی قەدەغەی هاتووچۆ و پشووی دامەزراوەكانی حكومەتەوە، كاتژمێرەكانی كارەبای نیشتمانی زۆربوون و بەوپێیەش پێدەچێت نرخێكی كەم بۆ پارەی مۆلیدە دیاری بكرێت.

بەردەوام بە لە خوێندنەوە

ئابوری

لەسەر مووچە هۆشداری توند بە حكومەت دەدرێت
پەڕلەمانتارێك بۆ سێ‌ سەرۆكایەتیەكە: ئەگەرناتوانن دەستبەرداری كورسیەكانتان ببن


خەڵك- بەشی هەواڵ
ئەندامێكی كوردی پەڕلەمانی عیراق هۆشداری بە هەرسێ‌ سەرۆكایەتییەكەی هەرێم دەدات لە ئەگەری دەستكاری كردنی مووچەی فەرمانبەران و دەڵێت: “زەحمەت نەبێت دەستبەرداری كورسیەكانتان ببن با كەسانی تر لەبری ئێوە ئەو كارە بكەن”.

سەركەوت شەمسەدین، ئەندامی پەڕلەمانی عیراق لە هەژماری خۆی لە فەیسبووك ئاماژەی بەوەكردووە، حكومەتی هەرێمی كوردستان و هێزە بەشدارەكانی حكومەت هێندە دەستەوسان و بێ ئیرادە و بێ مۆراڵن لەم دۆخە سەختە، كە هاووڵاتیانی كوردستانی پێدا تێپەڕ دەبێت، لەبری كۆششكردن بۆ دۆزینەوەی ڕێگا چارەی خێرا بۆ دەربازكردنی خەڵك لەم دۆخە مەترسیدارە، لە بری دەرهێنانی پارەی ژێرزەمینەكان و دەستبردن بۆ داهاتی كۆمپانیا زەبەلاحەكانی خۆیان، سەرقاڵی هێنانەوەی سیاسەتی نیوە مووچەن دژ بە فەرمانبەران.

دەشڵێت: “كاتی ئەوەیە سەرۆكی حكومەت و سەرۆكی هەرێم و سەرۆكی پەڕلەمان و جێگرەكانیان لەبری دەستبردین بۆ مووچە هەوڵەكانیان لەگەڵ حكومەتی عیراق بخەنە گەر بۆ دەرباز بون لەم دۆخە، بە پێچە‌وانەوە هەر هەوڵێك بۆ دەستبردن بۆ مووچە شڵەژانی كۆمەڵایەتی و ئەمنی و تەندروسی دروست دەكات و ئێوە‌ش بەرپرسی یەكەمن لە دەرئەنجامەكەی”.

ئاماژەی بەوەشكردووە، ئێمە ناتوانین لە ژێر هیچ بیانویەك، چ تەندروستی بێت یان ئەمنی، چاوەروان بكەین بەر بەرچاومانەوە منداڵ و كەسانی بەتەمەن و خێزانە هەژارەكان بمرن. لە نێوان مردن بە كۆرۆنا كە كەمتر لە (١%)ە و برسێتی كە (٢٥%)ە،‌ كارێك مەكەن خەڵك یەكەمیان هەڵبژێرێت. ئێمە دەزانین خۆپارێزی گرنگە، بەڵام لەوەش گرنگتر گوزەرانی خەڵكە. ئەگەریش ناتوانین چارەسەر بدۆزنەوە، زەحمەت نەبێت دەستبەرداری كورسیەكانتان ببن با كەسانی تر لەبری ئێوە ئەو كارە بكەن.

لای خۆشیەوە، ڕێبوار كەریم، ئەندامی پەڕلەمانی عیراق لە هەژماری خۆی لەفەیسبووك نووسیویەتی، “ئێستا دەركەوت یاسا چاكسازییەكەتان هەر بۆ گیانی مووچەخۆران پەسەندكرابوو، ئەو قسەیە ڕاست نیە كە دەوترێت بەهۆی قەیرانی كۆرۆنا و نرخی نەوتەوە مووچە كێشەی تێدەكەوێت. نەخێر، ئەوەتا حكومەت خۆی زۆر بە ئاشكرا ئەڵێ (مەترسن، شتێك نیە بەناوی پاشەكەوتی مووچەوە، ئەوە تەنها جێبەجێكردنی یاسای چاكسازییە!)”.

دەشڵێت: “كەواتە حكومەت ڕاست دەكات زۆر پێش ئەم بەزمە بڕیاری كەمكردنەوەی مووچەكانتانی داوە لەڕێی بڕینی بەشێك لەدەرماڵەكانتان بەناوی چاكسازییەوە، بۆیە ئەوەی لەمیدیا و هەندێ چالاكوانەوە دەیبیستن، كە هەندێ زانیاری بڵاودەبێتەوە، ئەوە هەر حكومەت خۆی دزەی پێدەكات بۆ ئەوەی وردە وردە لەسەر كەمكردنەوەی مووچە خەڵك ڕابهێنێت”.

جەختیشی كردۆتەوە، نازانم حكومەت پەشیمان دەبێتەوە لەم هەڵوێستەی یاخود نا، بەڵام ئەوە دەزانم كە ئەمجارە بۆی ناچێتەسەر و خەڵك ڕێگەنادات یاری بە قوتی بكرێت، چونكە ئەمە ژیانی هەموو خەڵك و بازاڕی پێوە بەستراوە.

ئاماژەی بەوەشكردووە، بڕۆن، ئەگەر ڕاست ئەكەن، چاكسازی لە دۆسیەی نەوت و غاز و تاڵانی زەوی شارەوانیەكان و گومرك و گرێبەستی وەزارەتەكان و زۆر بواری تر بكەن، گەندەڵی لەوێیە نەوەك لە گیرفانی هاووڵاتی.

بۆ بەدواداچوونی پرسی دەستكاری كردنی مووچەی فەرمانبەران (خەڵك) چەند جارێك پەیوەندی كرد بە د. جوتیار عادل، وتەبێژی فەرمی حكومەتی هەرێم و ئاوات جەناب نوری، وەزیری دارایی هەرێم، بەڵام پەیوەندییەكانیان بەردەست نەبوون.

بەردەوام بە لە خوێندنەوە

کوردستان

کوردستان8 کاتژمێر پێش ئێستا

فراكسیۆنی یەكگرتوو، داوا لە حكومەتی هەرێم دەكات ڕێگاچارەی بەپەلە بگرێتەبەر بۆ هاوكاریكردنی هاووڵاتییانی كەمدەرامەت

خەڵک ـ بەشی هەواڵ فراكسیۆنی یەكگرتووی ئیسلامی كوردستان لە پەرلەمانی كوردستان، لەڕاگەیەنراوێکدا، داوا لە حكومەتی هەرێم دەكات ڕێگاچارەی بەپەلە بگرێتەبەر...

کوردستان8 کاتژمێر پێش ئێستا

مەلا بەختیار: ڤایرۆسێكی نەبینراوی ئافاتاوی، بە ملهوڕو لەخۆباییەكانی وت: خاوەن هەرچیەك هەن‌و چەند دەسەڵاتیشتان هەیە، بەرگەم ناگرن

خەڵك – بەشی هەواڵ مەلا بەختیار، لە وتارێكدا، ئاماژەی بەوە داوە، كە زۆرجار ژیان، چاوەڕواننەكراوەكانی دێنە دی، نەك چاوەڕوانیەكان و...

کوردستان11 کاتژمێر پێش ئێستا

وێنە.. پۆلیسی هەولێر دەستگیركردنی دوو بازرگانی ماددەی هۆشبەری ڕاگەیاند

خەڵك – بەشی هەواڵ بەڕێوەبەرایەتی پۆلیسی پارێزگای هەولێر ڕایدەگەیەنێت، دوو تۆمەتباریان دەستگیركردووە كە بازرگانییان بە ماددەی هۆشبەرەوە كردووە. بەڕێوەبەرایەتی پۆلیسی...