ئێمە لە تۆرە کۆمەڵایەتیەکان

کوردستان

تەندروستی هەرێم بۆ (خەڵك) ڕەتی دەكاتەوە
ئێران هاتنی هاووڵاتیانی بۆ هەرێم لەترسی ڤایرۆسی كۆرۆنا قەدەغە دەكات

خەڵك- بەشی هەواڵ
بەهۆی مەترسییەكان توشبوون بە ڤایرۆسی (كۆرۆنا)، وەزارەتی تەندروستی ئێران هاووڵاتیانی ئاگادار دەكاتەوە گەشت بۆ ئیمارات نەكەن، لە هەمان كاتدا ئامۆژگاریشیان دەكات، نەچنە هەرێمی كوردستان و عیراق و سعودیە، بەڵام وەزارەتی تەندروستی هەرێم بە فەرمی بوونی حاڵەتی تووشبوو بە ڤایرۆسی كۆرۆنا ڕەتدەكاتەوە.

سەعید نمكی، وەزیری تەندروستی ئێران لە لێدوانێكی ڕۆژنامەوانیدا ڕایگەیاندووە، “ئامۆژگاری هاووڵاتیان دەكەین، بەپێی توانا گەشت بۆ ئەو وڵاتانە نەكەن، لە حاڵەتی گەشتكردنیش بۆ ئەو وڵاتانەی حاڵەتی توشبوون بە ڤایرۆسەكەی تێدا تۆماركراوە، تكامان هەیە ڕەچاوی بابەتەكانی پاكوخاوێنی گشتی وەك دەستشۆردن و پاككردنەوەی بەشێوەیەكی بەردەوام بكرێت”.

بە وتەی وەزیری تەندروستی ئێران، “هەموو توانایەكمان بۆ ڕووبەڕووبوونەوەی ڤایرۆسی كۆرۆنا خستۆتەگەڕ، بەجۆرێك ڕێوشوێنە پێویستەكان لە هەموو فڕۆكەخانەكاندا گیراونەتەبەر، بەڵام ناكرێت هەموو دەروازەكان دابخرێن بەڕووی هاتنەناوەوەی ڤایرۆسەكە بۆ ئێران، بۆیە پێویستە هاووڵاتیان لەڕووی تەندروستییەوە خۆیان بپارێزن”، ڕەتیشكردۆتەوە تا ئەم ساتە هیچ حاڵەتێكی توشبوون لەنێو ئێراندا تۆماركرابێت.

لای خۆیەوە، بەڕێوەبەری فەرمانگەی پەیوەندییە گشتییەكان لە وەزارەتی تەندروستی ئێران ڕایگەیاندووە، “ڤایرۆسی كۆرۆنا لە سنورەكانی ئێران نزیكبۆتەوە، بەو پێیەی حاڵەتەكانی توشبوون لە ئیمارات و هەرێمی كوردستانی عیراق بە ڤایرۆسی كۆرۆنا تۆماركراون، هەندێك حاڵەتی گوماناویش لە سعودیە بەدیكراون، لەگەڵ نەبوونی سیستمی چاودێری تەندروستی بەهێز لە هەندێك لە وڵاتانی دەورووبەر، بۆیە ئامۆژگاری ئێرانییەكان دەكەین چاودێری هەندێك تێبینی تەندروستی بكەن”.

ئەم لێدوانەی وەزارەتی تەندروستی ئێران، دوای ئەوەیە كە هەریەك لە تەندروستی عیراق و كوردستانیش ڕەتیانكردۆتەوە هیچ حاڵەتێكی توشبوون بەو ڤایرۆسی كۆرۆنا تۆمار كرابێت.

لای خۆیەوە، دکتۆر محمد قادر، وتەبێژی وەزارەتی تەندروستی حکومەتی هەرێمی کوردستان سەبارەت بەتۆمارکردنی حاڵەتێک ڤایرۆسی کۆڕۆنا لەفڕۆکەخانەی نێودەوڵەتی هەولێر بە(خەڵک)ی ڕاگەیاند، تا ئەو کاتە ئێستا هیچ حاڵەتێکی توشبوون بە ڤایرۆسی کۆڕۆنا لەهەرێمی کوردستان و تەنانەت ڕۆژهەڵاتی ناوەڕاست تۆمار نەکراوە.

دەشڵێت، ئەو دەنگۆیەی بڵاوکرایەوە هەواڵێک بووە لە پەیجە عەرەبیەکان، بەڵام هەواڵێکی ناڕاستە.

ئابوری

ڕۆژی 25 ئەیلول پارەكەی بەغدا دەگاتە هەرێم
دوای گەیشتنی 320 ملیارەكەی بەغدا دەست بە دابەشكردنی مووچە دەكرێت

خەڵك – بەشی هەواڵ

بڕیارە ڕۆژی پێنج شەممە 25ی ئەیلول حكومەتی ناوەند ئەو بڕ پارەیە ڕەوانەی هەرێم بكات كە وەك مووچەی فەرمانبەرانی هەرێمی كوردستان لەسەری ڕێككەوتوون.

بەپێی زانیارییەكانی (تۆڕی میدیایی خەڵك)، بڕیارە ڕۆژی پێنج شەممەی داهاتوو بەغدا مووچەی ئەم مانگەی فەرمانبەران كە بڕەكەی 320 ملیار دینارە، ڕەوانەی هەرێم بكات، لە هەرێمیش ڕۆژی دوو شەممە دەست بەدابەشكردنی مووچە بكرێت.

هاوكات، هێڤیدار ئەحمەد جێگری سەرۆكی لیژنەی دارایی و كاروباری ئابووری لە پەرلەمانی كوردستان ئاشكرایكردووە،”هەفتەی داهاتوو حكومەتی هەرێمی كوردستان لیستی نوێی مووچە ڕادەگەیەنێت. حكومەت داهاتی ئامادەكردووە و ئەوەی عیراقیش دێت”.

سەبارەت بە چۆنیەتی دابەشكردنی مووچە، هێڤیدار ئەحمەد، ڕایگەیاندووە “ئەوەی حكومەت ڕایگەیاندووە و ئەوەشی سەرۆكی حكومەت باسی كردووە بەپێی داهات مووچە دابەشدەكرێت”.

بەردەوام بە لە خوێندنەوە

کوردستان

جێگری سەرۆك وەزیرانی عیراق: هەرێمی كوردستان بووەتە سەرچاوەی بە قاچاغبردنی نەوت

خەڵك – بەشی هەواڵ

وەزیری دارایی عیراق، هەرێمی كوردستان بە “بەرهەمهێنانی نەوتی زیادە” و “فرۆشتنی بە قاچاغ” تۆمەتبار دەكات و دەڵێت، ئەوە كێشەی بۆ عیراق لەنێو ڕێكخراوی ئۆپێك دروستكردووە. لەبەرامبەردا جێگری سەرۆكی لیژنەی وزە و سامانە سرووشتییەكانی پەرلەمانی كوردستان دەڵێت: لیژنەی نەزاهەی عیراق ئاگادارە كە “نەوت لە شوێنەكانی تری عیراقەوە بە قاچاغ دەبرێت، نەك لە هەرێمی كوردستان”.

عەلی عەلاوی جێگری سەرۆك وەزیرانی عیراق، كە هاوكات وەزیری داراییە بە ئاژانسی “S&P Global Platts”ی ڕاگەیاندووە، “هەرێمی كوردستان بووەتە سەرچاوەی بە قاچاغبردنی نەوت و بەرهەمهێنانی نەوتی زیادە”، كە بە وتەی عەلاوی، ئەوەش وایكردووە عیراق كە دووەم گەورەترین بەرهەمهێنەری نەوتی نێو ڕێكخراوی ئۆپێكە، شكستبێنێت لە پابەندبوون بە ڕێككەوتنی ئۆپێك پڵەس لە كەمكردنەوەی بەرهەمهێنانی نەوت.

عەلاوی ئەوەشی ئاشكراكردووە، هەرێمی كوردستان ڕۆژانە 450 بۆ 470 هەزار بەرمیل نەوت بەرهەمدەهێنێت. دەشڵێت “بەڵام ئەو بڕە دیار نییە كە بە ڕێگەی قاچاغ دەفرۆشرێت، چونكە لە هەندێ كێڵگەی نەوت دزەپێكردنی نەوت هەیە، كە بە تانكەر بۆ هەندێ شوێن دەبرێت و بڕەكەی نازانین چەندە”.

لەبەرامبەر ئەو لێدوانەی وەزیری دارایی عیراقەوە، گوڵیزار ڕەشید جێگری سەرۆكی لیژنەی وزە و سەرچاوە سرووشتییەكانی پەرلەمانی كوردستان ڕایگەیاندووە”هەرێمی كوردستان شوێنی بە قاچاغبردنی نەوت نییە، بەڵكو ئەوە لە شوێنەكانی تری عیراق نەوت بە قاچاغ دەبرێت و لیژنەی نەزاهەی عیراقیش سەلماندوویەتی”.

جێگری سەرۆكی لیژنەی وزە و سەرچاوە سرووشتییەكان دەشڵێت، هەرێمی كوردستان لە نەخشەی وزەی جیهانیدا متمانەی بۆ كۆمپانیا نەوتییە جیهانییەكان دروستكردووە، وەك؛ كۆمپانیاكانی ئێكسۆن مۆبیل، گازپرۆم، شێڤرۆن و چەند كۆمپانیایەكی تر، “ئەگەر حكومەتی عیراق دەیەوێت ئامارەكان بزانێت، با سەیری ئامارەكانی كۆمپانیای دیلۆیت بكات كە داتا و زانیاری لەبارەی هەناردەكردنی نەوتی هەرێمی كوردستان بڵاودەكاتەوە”.

بەردەوام بە لە خوێندنەوە

کوردستان

ئەردۆغان داوای هەماهەنگی نێودەوڵەتی دەكات بۆ لەناوبردنی (پەكەكە)

خەڵك- بەشی هەواڵ
سەرۆكی توركیا داوای هەماهەنگییەكی “ڕاستگۆیانە” دەكات لە كۆمەڵی نێودەوڵەتی لەپێناو لەناوبردنی پارتی كرێكارانی كوردستان (پەكەكە) لە عیراق، كە بە وتەی ئەو:” دەكرێت “بە هەمان شێوەی داعش ڕیشەكێش بكرێت”.

ئەردۆغان لە نایەمەیەكی لەڕێی ڤیدیۆ بۆ كۆمەڵی گشتی نەتەوە یەكگرتووەكان لە میانی كردنەوەی خولی 75، ئەو قسانەی كرد و ڕایگەیاند:”كۆمەڵی نێودەوڵەتی ناتوانێت چارەسەرێكی هەمیشەیی بۆ پرسی سوریا بدۆزێتەوە، تا یەك هەڵوێست نەبێت بەرانبەر بە هەموو ڕێكخراوە تیرۆریستییەكان”.

ئەردۆغان دەڵێت:”توركیا ژمارەیەكی زۆری پەنابەری لەخۆگرتووە لەسەر ئاستی جیهان و بەرگری لە تەواوی شكۆی مرۆڤایەتی دەكات لەڕێی ئەو قوربانیانەی پێشكەشیان دەكات”.

لەلایەكی ترەوە سەرۆكی توركیا وتی:”ئەو وڵاتانەی خواستی خۆیان بۆ كردنەوەی باڵیۆزخانە لە قودس دەربڕیوە، هاوبەش دەبن لە زیاتر ئاڵۆزكردنی كێشەكە”.

بەردەوام بە لە خوێندنەوە

کوردستان