ئێمە لە تۆرە کۆمەڵایەتیەکان

عێراق

سكرتێری حزبی شیوعی عیراق بۆ (خەڵك): خۆپیشاندانەكان بوونە ڕاپەڕین

خەڵًك- ئیدریس جەبار
سكرتێری كۆمیتەی ناوەندی حزبی شیوعی عیراقی پێیوایە خۆپیشاندانەكان بوونە ڕاپەڕین و هەروا بە ئاسانی كۆتاییان نایەت، ڕەتیشیدەكاتەوە بە پاشەكشەكردنی لایەنێك یان چەند لایەنێكی سیاسی لەنێو خۆپیشاندەران، تەوژمەكانی ناڕەزایی دابمركێن و كۆتاییان بێت.

ڕائید فەهمی، سكرتێری كۆمیتەی ناوەندی حزبی شیوعی عیراق، لە لێدوانێكی تایبەت بە (خەڵك) ڕایگەیاند، “خۆپیشاندانەكان لەئێستادا بونەتە ڕاپەڕین، ئەم ڕاپەڕینەش توێژێكی بەرفراوانی گەلی بەلای خۆیدا پەلكێش كردووە بۆ پشتیوانی لە داواكارییەكانی، لەو پێناوەشدا سەدان كەس شەهید بوون و هەزارانی تر برینداربوون و ڕووبەڕووی چەندان جۆری پێشێلكاری بووەوە، بۆیە بە پاشەكشەكردنی لایەنێكی سیاسی كۆتایی نایەت”.

بە وتەی ڕائید فەهمی، “كۆتایی هێنان بە خۆپیشاندان كاری دەستەبژێرێكی دیاریكراو نییە، كە هەڵگری بیروبڕوای ئایدۆلۆژی بێت، درێژەدان بەو خۆپیشاندانە لەلایەن ئەو لاوانەوەیە، كە تەمەنیان لەنێوان 15 بۆ 25 ساڵاندایە و گوزارشت لە ئازار و نەهامەتییەكان و ڕەتكردنەوەی ئەم واقعە دەكەن، كە سوكایەتییان پێدەكات، بۆیە دەكرێت بڵێین فاكتەرەكانی قوڵبوونەتەوە لەنێو كۆمەڵگەدا، بۆیە هەروا بەئاسانی ناكرێت لەڕێی سەركوتكردن و زیادكردنی گوشارەكان كۆتایی پێ بهێنرێت، بۆنمونە لەمڕۆدا خێمەكانیان دەسووتێنرێت، لە ڕۆژی دواییدا خێمەی نوێ‌ هەڵدەدەن، كەسێكیان شەهید دەبێت، دەیانی تر و سەدانی تر جێگەی دەگرنەوە”.

بە بۆچوونی سكرتێری كۆمیتەی ناوەندی حزبی شیوعی عیراقی، “دەكرێت پێشبینی بكرێت، ئەم بزاوتنەی ئێستا هەرچەندە گوشارەكانی لەسەر توند بكرێت و ڕووبەڕووی سەركوتكاری ببێتەوە، چاوقایمتر دەبێت و هەنگاوە بەرەو ئەو گۆڕانكارییە هەڵدەنێت، كە چاوەڕوان دەكرێت”.

ڕئید فەهمی دەڵێت: “خۆپیشاندانەكان، جێ‌ پەنجەی خۆیان بەسەر ڕەوشی ئێستاوە بەجێهێشتووە و زەمینەسازییان بۆ گۆڕانكاری ڕەخساندووە، مانەوەی ڕەوشەكەش بەمشێوەی ئێستا، كە هەندێك لایەن گرەو لەسەر ماندووبوون و دامركادنەوەی دەكەن، بەرەنجامی ئەرێنی بەدەستەوەنادات و چەقبەستنێكی سیاسی بێهودە دێنێتەئارا”.

لەسەرەتای مانگی تشرینی یەكەمی 2019، خۆپیشاندانی ناڕەزایی بەغدا و شارەكانی تری ناوەڕاست و باشووری عیراقییان گرتۆتەوە و تێیاندا خۆپیشاندەران داوای چاكسازی و بنبڕكردنی گەندەڵی و دۆزینەوەی هەلی كار و باشتركردنی ئاستی خزمەتگوزارییەكانیان كرد، دواتر داواكارییەكان گەیشتنە ئاستی ڕووخاندنی حكومەت و وازهێنانی توێژی سیاسی دوای 2003 ، بەهۆی پێكداهەڵپژانی نێوان خۆپیشاندەران و هێزە ئەمنییەكانیش، تائێستا زیاتر لە 600 كەس كوژراون و نزیكەی 25 هەزار كەسی تریش برینداربوون.

عێراق

فەتح هەڕەشە لە كازمی دەكات

خەڵك- بەشی هەواڵ
هاوپەیمانی فەتح، هەڕەشەی بانگهێشتكردنی مستەفا كازمی سەرۆك وەزیرانى عيراق دەكات، گەر بودجەی 2021 ڕەوانەی پەرلەمان نەكات.

زەهرە بەجاری پەرلەمانتاری هاوپەیمانی فەتح لە لێدوانێكی ڕۆژنامەوانیدا ڕایگەیاند:”هاتنی ئەمڕۆی سەرۆك وەزیران بۆ پەرلەمان، لە چەند خولەكێك تێنەپەڕی”.

بە وتەی ئەو پەرلەمانتارەی هاوپەیمانی فەتح”كازمی بۆ ئامادەبوون لە پرسەی كۆچی دوایی پەرلەمانتار زوهێری هاتبوو، دوابەدوای ئەوەش ڕاستەوخۆ پەرلەمانی بەجێهێشت”.

بەجاری دەڵێت”پەرلەمان لە دانیشتنەكانی داهاتوويدا، كازمی ناچار دەكات ئامادەی بەردەم پەرلەمان بێت، گەر لەماوەی چەند ڕۆژی داهاتوودا بودجەی 2021 ڕەوانەی پەرلەمان نەكات”.

بەردەوام بە لە خوێندنەوە

عێراق

وەزارەتی دەرەوەی عیراق: ئیمارات بە فەرمی لەبارەى ڕاگرتنی ڤیزەوە ئاگاداری نەكردووین

خەڵك- بەشی هەواڵ

وەزارەتی دەرەوەی عیراق ڕایدەگەیەنێت، بەشێوەیەكی فەرمی لەبارەی ئەو ڕێكارانەی ئیماراتەوە ئاگادارنەكراوە كە بۆ ڕاگرتنی ڤیزەی چوونە ناوەوەی هاووڵاتیانی عیراق بۆ وڵاتەكە جێبەجێ دەكرێن.

بەپێی بەیاننامەیەك كە ئەمڕۆ پێنج شەممە لەلایەن وەزارەتی دەرەوەی عیراقەوە بڵاوكرایەوە”بە فەرمی لەبارەی ئەو ڕێوشوێنانەوە ئاگادارنەكراون كە دەوڵەتی ئیماراتی عەرەبی یەكگرتوو، سەبارەت بە ڕاگرتنی ڤیزەی چوونەناوەوەی هاووڵاتیانی عیراق بۆ وڵاتەكە دەیانگرێتەبەر”.

هەر لە بەیاننامەكەدا هاتووە”لیستی ڕاگرتنی ڤیزە لەلایەن ئیماراتەوە چەند وڵاتێك لەخۆدەگرێت كە عیراقیشی تێدایە، بۆیە وەزارەتەكەیان لەڕێڕەوە دیپلۆماسییەكانییەوە بەدواداچوون بۆ ئەو بابەتە دەكات، وەزارەتی دەرەوەش باڵیۆزی كۆماری عیراقی لە ئەبوزەبی لەو بارەیەوە ئاگاداركردۆتەوە”.

بەردەوام بە لە خوێندنەوە

عێراق

كۆمپانیای دەرمانی سامەڕا دۆزینەوەی چارەسەری كۆرۆنا ڕادەگەیەنێت

 

خەڵك- بەشی هەواڵ

كۆمپانیای گشتی پیشەسازی دەرمان و پێداویستییە پزیشكییەكان لە سامەڕا كە یەكێكە لە پێكهاتەكانی وەزارەتی پیشەسازی و كانزاكانی سەر بە حكومەتی فیدراڵ، بەرهەمهێنانی گیراوەی “سامافیری نوێ‌” ڕادەگەیەنێت كە دەبێتە مایەی چارەسەری ڤایرۆسی كۆرۆنا، خواستی خۆشی بۆ ڕەوانەكردنی دەرمانەكە بۆ وەزارەتی تەندروستی دەردەبڕێت.

ئەمڕۆ پێنج شەممە، عەبدولحەمید عەبدولڕەحمان سالم، بەڕێوەبەری كۆمپانیاكە لە بەیاننامەیەكدا ڕایگەیاند:”وەك جێبەجێكردنی ڕێنماییەكانی وەزیری پیشەسازی و كانزاكان و بە ڕێكەوتن لەگەڵ وەزارەتی تەندروستی و ژینگە، كادرە زانستی و تەكنیكییەكانی بەشی توێژینەوە و پەرەپێدان، وەجبەیەكی نوێژینەوەی تایبەتی لە گیراوەی سامافیری نوێ‌ بەرهەمهێنا كە وەك دژە ڤایرۆسی كۆرۆنا پۆلێن دەكرێت و كاریگەریی زۆری هەبووە لە چارەسەركردنی تووشبوان بە ڤایرۆسی كۆرۆنا، ئەمەش دوای ئەنجامدانی تاقیكردنەوەی تایبەت بۆ چارەسەری تووشبوان”.

بە وتەی، بەرپرسەكەی كۆمپانیای دەرمانی سامەڕا”كۆمپانیاكەیان بەنیازە لەو گیراوە نوێیە بڕی پێویست بۆ وەزارەتی تەندروستی ڕەوانە بكات، ئەمەش وەك پاڵپشتی كۆمپانیاكەیان بۆ سوپای سپی و هاوبەشیكردن لە بەرەنگاربوونەوەی بڵاوبوونەوەی ڤایرۆسەكە”.

سالم دەڵێت”كۆمپانیای دەرمانی سامەڕا لە سەرەتای دەستپێكردنی تەنگژەی پەتای كۆرۆنا، هەوڵەكانی پۆ پشتیوانی لە وەزارەتی تەندروستی خستۆتەگەڕ، لەپێناو بەرگرتن لە زیاتر بڵاوبوونەوەی پەتاكە لەڕێی بەرهەمهێنانی گیراوەی (ئەزترۆسام) و مەوادی پاككەرەوەى كهولی پزیشكی و سبتۆڵ، وێڕای بەردەوامبوونی كارەكان لە كارگەی بەغدا كە سەر بە كۆمپانیای سامەڕایە، تا بڕی پێویست لە ئۆكسجینی پزیشكی بۆ هاووڵاتیان لە نەخۆشخانەكاندا بەرهەمبهێنێت”.

بەردەوام بە لە خوێندنەوە

کوردستان