ئێمە لە تۆرە کۆمەڵایەتیەکان

جیهان

ترەمپ گرێبەستی سەدە بۆ ئاشتی لە خۆرهەڵاتی ناوەڕاست ڕادەگەیەنێت

خەڵك- بەشی هەواڵ
سەرۆكی ئەمریكا “گرێبەستی سەدە” بۆ چەسپاندنی ئاشتی لە خۆرهەڵاتی ناوەڕاست ڕادەگەیەنێت و دەڵێت، فەلەستینییەكان شایەنی ژیانێكی باشترن، ئیسرائیلیش لەمڕۆدا هەنگاوێكی گرنگی بەرەو ئاشتی هەڵناوە، بۆیە لەو ڕووەوە سەرسام بە هەنگاوەكانی ئیسرائیل.

دۆناڵد ترەمپ سەرۆكی ئەمریكا لە كۆنفرانسێكی ڕۆژنامەوانی هاوبەش لەگەڵ بنیامین نەتانیاهۆ سەرۆك وەزیرانی ئیسرائیل لە دوای شیكردنەوەی هەندێك لە وردەكارییەكانی پلانی ئاشتی بۆ خۆرهەڵاتی ناوەڕاست كە بە “گرێبەستی سەدە” ناودەبرێت ڕایگەیاند”فەلەستینییەكان شیاوی ژیانێكی باشترن و بۆ چەسپاندنی ئاشتی و هەنگاونان ڕووەوە ئەو ئاراستەیە، سەرسامم بە هەوڵەكانی ئیسرائیل”، ئاماژەی بە پشتیوانی نەتانیاهۆش كرد لە “گرێبەستی سەدە”.

هەر لە قسەكانیدا، ترەمپ ڕایگەیاند”من بۆ ئەوە هەڵنەبژێردراوم خۆم لە بڕیارە قورسەكان بدزمەوە، دەبێت ڕێڕەوی ئاشتی ببێتە بناغەی ئاشتی بۆ كۆتایی هاتنی ناكۆكییەكانى نێوان ئیسرائیل و فەلەستینییەكان، بۆیە پێویستە فەلەستنییەكانیش خۆیان نەخەنە نێو توندڕەوی و تیرۆرەوە”، پلانەكەشی بۆ ئاشتی بە ڕێككەوتنێكی مێژویی وەسفكرد.

سەرۆكی ئەمریكا لە بارەی پرۆژەكەوە وتی:”قودسی شەرقی بەپێی پلانە نوێیەكە دەبێتە پایتەختی فەلەستینییەكان و هەر لەڕێی پلانەكەی ئەوانەوە یەك ملیۆن هەلی كار بۆ فەلەستینییەكان دەڕەخسێت كە لەئێستادا لە حاڵەتێكی هەژاریی ترسناكدا دەژین”.

بە وتەی سەرۆكی ئەمریكا، ئامانجیان لە پرۆژەكە بەدیهێنانی ئاشتی راستەقینەیە، سوپاسی سەرۆك وەزیرانی ئیسرائیلیشی كرد كە پێشوازیی لە پێشنیارەكە كردووە و ئامادەیی خۆی بۆ سازش و دانوستانە لەپێناو ئاشتیدا دەربڕیوە.

جیهان

لە میسر، خۆپیشاندانی دژی سیسی بەڕێوەچوو

خەڵك-بەشی هەواڵ

 

خۆپیشاندان دژی سەرۆك كۆماری ميسر ئەنجامدرا.

 

كەناڵی تەلەفزیۆنی موكەمیلین بڵاویكردەوە، گروپێك لە ناوچەی عەرەب مەعمەل لە شاری سوێز-ی ڕۆژهەڵاتی قاهیرەی پایتەخت خۆپیشاندانیان دژ سیسی ئەنجامدا و هوتافی “ناتوانم بخەوم ئاسوودە نابم، بڕوخێ سیسی بڕوخێ” دەوتەوە.

بەپێی زانیارییەكان، بڕیارە ٢٠ی ئەیلول خۆپیشاندان ساز بكرێت و لەم خۆپیشاندانەشدا پەیامی “ناترسین، ناترسین، لەنێوان ئێمە و تۆدا ڕۆژی ٢٠ی ئەیلول هەیە”یان بە ڕژێم دەوتەوە.

ئەمەش لەكاتێكدایە، محەمەد عەلی سەركردەی ئۆپۆزسیۆنی میسری، كە لە ئیسپانیا دەژی، داوای لە گەلەكەی كرد لە ٢٠ی ئەیلول خۆپیشاندان دژی سیسی ئەنجام بدەن.

بەردەوام بە لە خوێندنەوە

جیهان

تووشبووانی كۆرۆنا لە ئەمریكا لە 7 ملیۆن نزیك دەبێتەوە

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 30 ملیۆن و 701 هەزار و 291 حاڵەت.

بە گوێرەی ئامارە جیهانییەكان، تاكو كاتژمێر 9:30ی ئەمڕۆ شەممە ژمارەی تووشبووانی كۆرۆنا لە جیهاندا گەیشتە 30 ملیۆن و 701 هەزار و 291 حاڵەت، لەو ژمارەیەش نۆسەد و 56 هەزار و 498 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە شەش ملیۆن و 925 هەزار و 941 كەس و 203 هەزار و 171 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

جیهان

“قودس، موڵكی تڕەمپ نییە تاكو بتوانێت كڕین و فرۆشتنی پێوە بكات”

خەڵك-بەشی هەواڵ

كونسولی گشتی فەلەستین لە هەرێمی كوردستان ڕایدەگەیەنێت، ئاساییكردنەوەی پەیوەندییەكانی دوو وڵاتی عەرەبی لەگەڵ ئیسرائیل ڕەتدەكەینەوە و ئەو هەنگاوەیان تاكلایەنەیە و دەرچوونە لە كۆدەنگی ئیسلامی و دەستپێشخەری عەرەبی بۆ ئاشتی كە لە لوتكەی بەیروت لە ساڵی ٢٠٠٢ دا بڕیاری لەسەردرا.

نەزمی حەزوری كونسولی گشتی فەلەستین لە هەرێمی كوردستان بە ئانادۆڵی ڕاگەیاند، سەرۆك مەحمود عەباس سەرۆكی دەوڵەتی فەلەستین و سەركردایەتی فەلەستین بە ڕوون و ئاشكرا ئەوەیان ڕاگەیاندووە كە ئاساییكردنەوەی پەیوەندییەكانی نێوان ئیمارات و بەحرەین لەگەڵ ئیسرائیل ڕەتدەكەنەوە و مایەی نیگەرانیمانە، لەكاتێكدا ستایشی گەلی هەردوو وڵاتی ئیمارات و بەحرەین دەكەین لە پاڵپشتی بەردەوامیان بۆ گەلی فەلەستینی لە هەموو بوارەكاندا و لە ئامێزگرتنی هاووڵاتییانی فەلەستینی بۆ كاركردن لە وڵاتەكانیان.
وتیشی”كاردانەوە و هەڵوێستەكان لە ئاستی پێویستدا نەبوون، بەتایبەت وەك دەوڵەتی فەلەستین شكستمان هێنا بۆ دەركردنی بڕیار لە كۆمكاری وڵاتانی عەرەب بۆ ئیدانەكردنی بڕیاری ئاساییكردنەوە و هەنگاوی تاكلایەنەی ئەو وڵاتانە بۆ ئاساییكردنەوە، بەو پێیەی ئەم هەنگاوە دەرچوونە لە كۆدەنگی عەرەبی و و هەنگاوی تاكلایەنەیە، ئەوەی جەختی لێدەكەینەوە ئەوەیە كە ئەو هەنگاوە دەرچوونە لە دەستپێشخەری عەرەبی بۆ ئاشتی، دەستپێشخەرییەكەی شای ئوردن، عەبدوڵڵای دووەم و شای كۆچكردووی سعوودیە، فەهد بن عەبدولعەزیز لە لووتكەی بەیروت لە ساڵی ٢٠٠٢.

 

ئاساییكردنەوەی پەیوەندییەكانی دوو وڵاتی عەرەبی لەگەڵ ئیسرائیل تاكلایەنەیە و دەرچوونە لە كۆدەنگی ئیسلامی

 

سەرۆكی ئەمریكا لە ڕێوڕەسمی واژووكردنی ئاساییكردنەوەی پەیوەندییەكانی نێوان ئیمارات و بەحرەین لەگەڵ ئیسرائیل ڕایگەیاند، ژمارەیەك وڵاتی عەرەبی دیكە هەنگاوی هاوشێوە دەنێن، لەو بارەوە حەزوری ڕایگەیاند، تڕەمپ بووە بە وتەبێژی فەرمی بەناوی ئاساییكردنەوە، لەپاڵ ئەوەی سەرۆكی ئەمریكایە، وتەبێژە بەناوی ئاساییكردنەوە، ئەو قسە لەسەر ئەو وڵاتانە دەكات كە پەیوەندییەكانیان ئاساییدەكەنەوە، بەر لەوەی وڵاتەكە خۆی ئەوە ڕابگەیەنێت، تڕەمپ بەر لەو وڵاتانە دەڵێت ئەوان باڵیۆزخانەی خۆیان لە وڵاتی بەرامبەر دەكەنەوە لەكاتێكدا هێشتا ئەوان خۆیان ئەوەیان ڕانەگەیاندووە، وێڕای ئەوەی ئەو هەنگاوە لەناو ڕێككەوتنەكەشدا هەیە، بەڵام تڕەمپ وەك وتەبێژ مژدەی ئەوە ڕادەگەیەنێت كە وڵاتانی دیكە هەیە و بەشێوەی بریقەدار باس لەوە دەكات، ئەو لەو وڵاتانە بە پەرۆشترە كەنیازی ئاساییكردنەوەیان هەیە، ئەمە پێشبینی كراوە.

ڕوونیشیكردەوە، ئێمە نەمانوتووە لەگەڵ ئاشتی نین، بەڵام ئاشتییەك كە لەسەر بنەمای دەستپێشخەری عەرەبی بۆ ئاشتی و بڕیارەكانی نێودەوڵەتی بێت، لەوانە ئەنجوومەنی ئاسایش، كۆمەڵەی گشتی نەتەوە یەكگرتووەكان، ئەو ڕێكخراوە نێودەوڵەتییانەی دانیان بە مافی گەلی فەلەستین ناوە.

ئاشكراشیكرد، قودس خاكێكی ئاسایی نییە وەك خانوو یان شارێك مامەڵەی كڕین و فرۆشتنی پێوە بكرێت، قودس لەلایەن خوای گەورەوە پیرۆز كراوە و ئیسرا و میعراج تیایدا ڕوویداوە، خاكی پیرۆزی سەرجەم ئایینەكانە، شوێنی لەدایكبوونی پێغەمبەر عیسایە، موڵكی تڕەمپ نییە تاكو بتوانێت كڕین و فرۆشتنی پێوە بكات یان بە ئارەزووی خۆی بڕیار بدات بیكات بە پایتەختی ئیسرائیل.

بەردەوام بە لە خوێندنەوە

کوردستان