ئێمە لە تۆرە کۆمەڵایەتیەکان

عێراق

وەزیری كارەبا لە تارانە
عیراق كارەبا لە ئێران دەكڕێت

خەڵك- بەشی هەواڵ
قاسم فەهداوی وەزیری كارەبای عیراق لە تارانی پایتەختی ئێرانە و لەگەڵ بەرپرسانی ئەو وڵاتەدا، بەگەڕخستنەوەی هێڵەكانی هاوردنی وزەی كارەبا بۆ عیراق، تاوتوێ‌ دەكات.

وەزارەرتی كارەبای عیراق رایگەیاندووە، وەفدێكی وەزاری بە سەرۆكایەتی قاسم فەهداوی وەزیری كارە گەیشتە تارلاانی پایتەختی ئێران، بۆ تاوتوێكردنی بەگەڕخستنەوەی هێڵەكانی هاوردنی وزەی كارە لەئێرانەوە.

هەر بەپێی راگەیاندراوەكەی وەزارەتی كارەبای عیراق وەك ئاژانسی دەنگوباسی (فارس)ی ئێرانی ئاماژەی پێكردووە”وەفدەكە زنجیرەیەك چاوپێكەوتن لەگەڵ بەرپرسانی حكومەتی ئێران بەشێوەیەكی گشتی ، و بەرپرسانی وەزارەتی وزەی ئێرانی بە تایبەت، سازدەكات، بۆ مەبەستی بەگەڕخستنەوەی هێڵەكانی هاوردنی كارەبای ئێرانی بۆ عیراق، پاش ئەوەی بۆ ماوەی نزیكەی چوار هەفتە راگیرابوو، بەهۆی حەواڵەنەكردنی ئەو بڕە پارەیەی كە پێویستە بدرێت بە وڵاتەكە، وێڕای هۆكارە تەكنیكییەكانی تر.

هەر لە راگەیاندنەكەی وەزارەتی كارەبای عیراقدا هاتبوو”وەفدەكەی هەوڵ دەدات ئەو كێشانە چارەسەر بكات كە پەیوەندییان بە راگرتنی هێڵەكانی كارەباوە هەیە و نزیكەی (1200) مێگاوات كارەبا دەداتە سیستمی كارەبای نیشتمانی عیراق و لە هێڵەكانی (خوڕمشەهر- بەسرە) و (كرخە- عەممارە) و (كرماشان- دیالە) و _زرپێڵی زەهاو- خانەقین)، پێكدین.
بەگەڕخستنەوەی ئەو هێڵانە، پێدانی كاتژمێرەكانی وزەی كارەبا بۆ پارێزگاكانی بەسرە و بەغدای پایتەخت و پارێزگاكانی تر زیاد دەكات كە لەم چەند رۆژەی دواییدا بەهۆی خراپی ئاستی دابینكردنی وەزەی كارەباوە، دانیشتوانی ژمارەیەك لە پارێزگاكان خۆپیشاندانی ناڕەزایی فراوانیان لە دژی حكومەت سازكرد.

عێراق

پەرلەمانی عیراق کۆدەبێتەوە

 

 

خەڵک – بەشی هەواڵ

 

بڕیارە نیوەڕۆی ئەمڕۆ شەممە پەرلەمانی عیراق کۆببێتەوە.

 

نیوەڕۆی ئەمڕۆ کاتژمێر ١٢ پەرلەمانی عیراق کۆدەبێتەوە و بڕیارە خوێندنەوە بۆ چەند پڕۆژە یاسایەک بکرێن.

 

لەکۆبوونەوەی ئەمڕۆی پەرلەمانی عیراقدا بڕیارە گفتوگۆ لەبارەى ژمارەیەک پڕۆژەیاسایەک بکرێت، لەوانە: خوێندنەوەی یەکەم بۆ پڕۆژە یاساکانی هەموارکردنی یاسای دادگای تاوانەکانی عێراق، پڕۆژەیاسای دەستەی نیشتمانیی چاودێری ئەتۆمی، تیشکی، کیمیایی و بایەلۆجی، پڕۆژەیاسای پەیوەندیکردنی عیراق بە ڕێککەوتننامەی نێودەوڵەتی هێڵی بار، پڕۆژە یاسای پەیوەندیکردنی عیراق بە پرۆتۆکۆڵی ئامادەکاریی و بەرپەرچدانەوە و هاوکار لەبارەی پیسبوون بە ماددەی ترسناک و زیانمەندی گشتی و چەند پڕۆژە یاسایەکی دیکە.

 

 

بەردەوام بە لە خوێندنەوە

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

کوردستان