ئێمە لە تۆرە کۆمەڵایەتیەکان

ناوخۆیی

بالەی یانەی پێشمەرگەی سلێمانی بە گێمی یەکلاکەرەوە لە شورتەی بردەوە

خەڵک-ئارام سەردار

ئەمڕۆ شەممە ۲٥ی کانوونی دوومی ۲۰۲۰ لە هۆڵی کۆلێژی پەروەردەی وەرزشی زانکۆی سەلاحەدین بە بەشداری حەوت یانە ڕکابەریەكانی قۆناغی بژاردەی خولی بالەی یانە نایابەكانی عیراق بۆ گەیشن بە قۆناغی چوارگۆشەی زێڕین دەستی پێكرد.

لە یەكەم رۆژی یاریەكانیشدا لە یاری لوتكەدا هەریەکە لە یانەکانی پێشمەرگەی سلێمانی و شورتە بەیەك گەیشتن .

لە گێمی یەكەمی یاریەکەدا یاریزانانی پێشمەرگەی سلێمانی بە ئاستێکی بەرز دەركەوتن ئەم گێمەیان بە ئەنجامی 25 خاڵ بەرامبەر 20 خاڵ لە بەرژەوەندی خۆیان یەكلا كردەوە ، بەڵام یاریزانانی شورتە بە دوو گێم وەڵامی پێشمەرگەی سلێمڵنیان دایەوە گێمی دووەمیان بە ئەنجامی 25 خاڵ بەرامبەر 21 خاڵ و گێمی سێیەمیش كە ڕکارەبەری بەهیزی بە خۆیەوە بینی شورتە بە 26 خاڵ بەرامبەر 24 خاڵ بردەوە.

پێشمەرگەی سلێمانی لە گێمی چوارەمی یاریەكە ئەنجامەكەی پێچەوانە كردەوە گێمی چوارەمی بە 25 خاڵ بەرامبەر 20 خاڵ لەبەرژەوەندی خۆی یەکلاکردەوە.

لە کۆتا گێمیش سەڕەڕای بەهێزی یاریەکە کە هەردوو تیپ بە تۆمارکردنی خاڵ وەڵامی یەكتریان دەدایەوە، بەڵام كۆتایەكەی ئەم گێمەش بۆ پێشمەرگەی سلێمانی بوو بە ئەنجامی 16 خاڵ بەرمبەر 14 خاڵ سەرەنجام بە 3 گێم بەرامبەر 2 گێم پێشمەرگەی سلێمانی براوەی یاریكە بوو.

بڕیارە ماوەی یەک هەفتە یاریەكانی ئەم قۆناغە بە شێوازی خولی یەك قۆناغ بەڕێوەبچێت ڕكابەریەكانی ئەم قۆناغە بۆ دیاری كردنی چوار تیپی چوارگۆشەی زێڕینە دواتر یانەكان لە قۆناغی چوارگۆشە ڕكابەری لەسەر یەكلاکردنەوەی ناسناوی ئەم وەرزەی خولی بالەی عیراق دەكەن.

ریکلام

ناوخۆیی

یانەی هەولێر دوواین ئامادەکارییەکانی بۆ دەستپێکی خولی نایابی عیراق ئەنجامدا

خەڵك-ئارام سەردار
بڕیارە سبەی سێ شەممە 18ی شوباتی 2020 لەهەولێر یەكەم یاری لەخولی نایابی عیراق بە بەشداری 15 یانە بەڕێوەدەچێت، لەیەكەم یاریش یانەی هەولێر میوانداری یانەی حدود دەكات.

ئەمرۆ بەمەبەستی بەشداریكردن لە خولی نایابی عیراق، یانەی هەولێر دواین ئامادەكاری خۆی بۆ یەكەم یاریان لە خولەكە دەست پێكرد، ئەمەش دوای ئەوەی پێشتر خولی نایابی عیراق بەهۆی خوپیشاندان و ئالۆزیەكانی ناوەڕاست و باشوری عیراق بۆ نزیكەی 4 مانگ ڕاگیرا، تا لە كۆتایدا بڕیار درا بە شیوازێكی نوێ‌ خولەكە بەڕێوەبچێت.

لەئێستادا یانەی هەولێر دوای هەڵوەشاندنەوەی خولی پیشوو بڕیارە بۆ بەڕێوەچوونی خولەكە بە شێوازێكی نوێ‌ و بە بەرگێكی جیاواز بۆ یەكەمین یاری بە تەواوی یاریزنەكانی بەشداری بكات، هەڵوەشاندنەوەی خولی پێشووش بووە دەرفەتیكی باش بۆ هەولێر تا زیاتر ئامادەكاری بكات و شەش یاریزانیش بۆ ڕیزەكانیان بگوازێتەوە.

یاریەكانیش بە یەك قۆناغ ئەنجام دەدرێت واتە هەر یانەیەك 14 یاری ئەنجام دەدات، هەولێر لە دەست پێكی هەفتەی یەكەم لە یاریگای یەكەمی یانەكەی و لە سەعات 3: 30 دەقیقەی میونداری یانەی حدود دەكات، سیستەمی خولەكە بە جۆرێكە لە دەست دانی هەر خالێك بە ئاسانی قەرەبوو ناكرێتەوە بە هۆی كەمی ژمارەی یاریەكان، بە تایبەتی بۆ یانەیەك كە بیەوێت ڕكابەری بكات تا لە ڕیزبەندی پێشەوەی خولەكە بێت و بلیتیكی بەشداری كردن لە پاڵەوانەیتیەكانی دەرەوە بە دەست بهێنێت، چونكە هیچ یانەیەك دانابەزیت بۆ ڕكابەریەكان تەنها بۆ یانەكانی پیشەنگ نەبێت.

بەردەوام بە لە خوێندنەوە

ناوخۆیی

(بەوێنە) لە هەولێر پاڵەوانیەتی شمشێربازی بۆ كوڕان و كچان بەرێوەچوو

خەڵك-ئارام سەردار

دوای ساڵانێك لەبەڕێوەنەچوونی پاڵەوانیەتی شمشێربازی، ئەمڕۆ یەك شەممە 16ی شوباتی 2020 لەهەولێر دواین یاری پاڵەوانیەتیەكی شمشێربازی بۆ یانەكانی شاری هەولێر لەهەردوو ڕەگەز بەرێوەچوو .

لەلایەن لقی هەولێری یەكێتی شمشێربازی كوردستان پاڵەوانیەتیەكی كراوەی شمشێربازی لە ئاستی پێشكەوتوانی كوڕان و كچان بۆ یانەكانی شاری هەولێر ئەنجام دا، ماوەی سێ ڕۆژ بەردەوام بوو.

هەر یەك لە یانەكانی ئەكاد و قەڵا و هەندرێن و پێشكەوتن لە پاڵەوانیەتیەكە دا بە 19 یاریزان و كوڕ و 12 یاریزانی كچ بەشدار بوون، لە ڕكابەریەكەدا لە كچان یاریزانان (ئیمان سەردار) لە یانەی قەڵا، (سارا قاسم) لە یانەی پێشكەوتن، گەیشتن بە یاری كۆتایی و لە دوا یاریشدا (ئیمان سەردار) پلەی یەكەمی بە دەست هێنا.

هەروەها لەڕكابەری یاریزانانی كوڕاندا هەر یەك لە یاریزانان (ئەحمە عەبدولكەریم) لە یانەی ئەكاد و (عەبدول سەمەد لەتیف) لە یانەی پێشكەوتن یاری كۆتاییان ئەنجام دا یاریزانەكەی پێشكەوتن (عەبدول سەمەد لەتیف) براوەی یاریەكە بوو لە كۆتایی پاڵەوانیەتیەكەش خەڵات بە سەر سەركەوتوان دابەش كرا.

بەردەوام بە لە خوێندنەوە

ناوخۆیی

هیدات لەتیف پەیوەندی بە ڕیزەكانی یانەی برایەتی كرد

خەڵک-ئارام سەردار

بەشێوەیەكی فەڕمی بۆ یارییەكانی قۆناغی دووەمی خولی نایابی تۆپی پێی كوردستان، (هیدایەت لەتیف) ی هێرشبەری یانەی هەولێر پەیوەندی بە ڕیزەكانی یانەی برایەتی كرد.

لە ڕاگەیەناوێکدا ڕاگەیاندنی یانەی برایەتی کە وێنەیەکی بۆ (خەڵک) نێردراوە ئاماژە بەوەدەکات، بەشێوەیەكی فەڕمی بۆ یارییەكانی قۆناغی دووەمی خولی نایابی تۆپی پێی كوردستان، (هیدایەت لەتیف) ی هێرشبەری یانەی هەولێر پەیوەندی بە ڕیزەكانی یانەی برایەتی كرد.

دەشڵێت، (هیدایەت لەتیف) لەدایكبووی ساڵی 1994 ەو لە هێڵی هێرشبەر یاری دەكات و لە ڕیزی یانەكانی (هەندرێن، برایەتی خولی عێراق و هەولێر) یاریكردووەو لە قۆناغی یەكەمی خولی نایابی تۆپی پێی كوردستان لە ڕیزەكانی یانەی هەولێر یاری دەكر و هیدایەت لەگەڵ برایەتی درێسی ژمارە 26 دەپۆشێت.

بەردەوام بە لە خوێندنەوە

کوردستان