ئێمە لە تۆرە کۆمەڵایەتیەکان

ئابوری

یاسین مەحمود: حكومەت زیاتر لە هەزار پڕۆژە جێبەجێ دەكات

خەڵك-بەشی هەواڵ

وتەبێژی یەكێتی وەبەرهێنەرانی كوردستان ڕایدەگەیەنێت، حكومەتی هەرێمی كوردستان پلانێكی تۆكمەی داناوە و ئەمساڵ زیاتر لە هەزار پڕۆژە جێبەجێ دەكات.

یاسین مەحمود وتەبێژی یەكێتی وەبەرهێنەرانی كوردستان لە لێدوانێكی ڕۆژنامەوانیدا ڕایگەیاند، حكومەتی هەرێمی كوردستان پلانی داناوە بۆ ئەمساڵ كە كۆمەڵێك پڕۆژەی گرنگ و ستراتیژی لە هەرێمی كوردستان جێبەجێ بكات، بۆ ئەو مەبەستەش وەزارەتی پلاندانان سەرقاڵی دانانی پلانێكی تۆكمەیە بۆ ئامادەكردنی لیستی پڕۆژەكان.

وتیشی”لە سەرۆكایەتی ئەنجومەنی وەزیران لیژنەیەك پێكهێنراوە بە سەرۆكایەتیی د.ئومێد سەباح، بۆ ئەوەی هەڵسەنگاندن بۆ پڕۆژەكان بكات، بۆیە ئەو پڕۆژانە جێبەجێ دەكرێن، كە خزمەت بە ژێرخانی ئابووریی هەرێمی كوردستان دەكەن”.

ئاماژەی بۆ ئەوەش كرد، حكومەتی هەرێمی كوردستان بڕیاری داوە بودجە بۆ سەرجەم ئەو پڕۆژانە تەرخان بكات، كە تائێستا تەواو نەكراون و هەر لەمساڵدا زیاتر لە هەزار پڕۆژە لە سەرتاسەری هەرێمی كوردستان جێبەجێ دەكرێن.

ڕوونیشیكردەوە، حكومەت بەرنامەی داناوە هەندێك سەرمایەدار و كۆمپانیای گەورە بە قەرزی درێژخایەن یاخود بە شێوازی دیكە چەندین پڕۆژە لە هەرێمی كوردستان ئەنجام بدەن، بۆیە حكومەت بەردەوامە لە جێبەجێكردنی ئەو بەرنامەیەی لە كابینەی نوێدا دایناوە.
س.ع

ئابوری

نرخی دۆلار لە بازاڕەكانی هەرێم

خەڵك-بەشی هەواڵ

 

نرخی دۆلار لە بازاڕەكانی هەرێمی كوردستان بە بەراورد بە ڕۆژانی ڕابردوو بەرز بووەتەوە.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ سێ شەممە 13-7-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 122 هەزار و 900 دینار مامەڵەی پێوە كراوە، ئەمەش لەكاتێكدا كە لەكاتی كردنەوەی بازاڕ بە 123 هەزار و 175 دینار مامەڵەی پێوە كراوە.

بەهۆی ناجێگیری بازاڕ و قەیرانی دارایی و ڤایرۆسی كۆرۆنا لە هەرێمی كوردستان و عیراق، نرخی دۆلار ناجێگیرە، ئەمەش لەكاتێكدایە لە چەند ڕۆژی ڕابدروو نرخی 100 دۆلاری ئەمریكایی گەیشتە 125 هەزار دینار بوو.

بەردەوام بە لە خوێندنەوە

ئابوری

وەزارەتی دارایی و ئابووری ڕوونکردنەوە لەسەر درێژکردنەوەی ماوەى خزمەتی چەند دادوەرێک دەدات

خەڵک – بەشی هەواڵ

وەزارتی دارایی و ئابووری حکومەتى هەرێم ڕوونکردنەوەیەکی لەبارەی دەنگۆی درێژکردنەوەی ماوەى خزمەتی چەند دادوەرێک بڵاوکردەوە.

 

وەزارتی دارایی و ئابووری حکومەتى هەرێم ڕایگەیاند، ماوەیەكە لە لایەن هەندێك دادوەر و پارێزەر و كەسایەتی و میدیاكاری‌ بەڕێزەوە پرسیار لە بارەى درێژكردنەوەی ماوەی خزمەتی چەند دادوەرێكی بەڕێز دەکرێت.

 

باسی لەئەوەشکردووە، هیچ نووسراو و داواكارییەكی لەو بابەتە بۆ وەزارەتی دارایی و ئابوری نەهاتووە.

ئەوەش خراوەتەڕوو، وەزارەتی دارایی و ئابوری ئامادە نییە لە ژێر هیچ پاساوێكدا بڕیار و كاری نایاسایی تێپەڕێنێت.

بەردەوام بە لە خوێندنەوە

ئابوری

ئەم هەفتەیە كۆتایی بە دابەشكردنی مووچە دێت

خەڵك-بەشی هەواڵ

 

وەزارەتی دارایی و ئابووری حكومەتی هەرێمی كوردستان بەردەوامە لە دابەشكردنی مووچەی مانگی شوباتی فەرمانبەران و بەپێی زانیارییەكانیش ئەمڕۆ ئەو خشتەیەی بڵاویكردەوە كۆتایی پێدێت.

بەپێی ڕاگەیەنراوەكەی وەزارەتی دارایی ئەمڕۆ دووشەممە 13ی تەمموزی 2020، مووچەی وەزارەتەكانی شارەوانی و گەشتوگوزار، كارەبا، كشتوكاڵ و سەرچاوەكانی ئاو، ڕۆشنبیری و لاوان، ئاوەدانكردنەوەو نیشتەجێكردن، سێ سەرۆكایەتییەكەی هەرێم، مووچە وەردەگرن.

بەپێی زانیارییەكانیش، سبەینێ سێ شەممە، مووچەی خانەنشینی سەربازی و ڕۆژی چوارشەممەش، مووچەی خانەنشینی شارستانی دابەش دەكرێت.

دابەشكردنی مووچە لەكاتێكدایە كە حكومەتی هەرێم لە حەوت مانگدا تەنها مووچەی دوو مانگی دابەش كردووە و بەپێی زانیارییەكانیش تا ئێستا دیار نییە مووچەی مانگی داهاتوو چۆن و كەی دابەش دەكرێت.

بەردەوام بە لە خوێندنەوە

کوردستان