ئێمە لە تۆرە کۆمەڵایەتیەکان

عێراق

پنتاگۆن: كورد و سوننە لەگەڵ كشانەوەی هێزەكانمان نین لە عیراقدا
ژمارەی قوربانیانی هێرشە مووشەكییەكەی ئێرانیش ئاشكرادەكات

خەڵك – بەشی هەواڵ

وەزارەتی بەرگری ئەمریكا (پنتاگۆن) ئاشكرایدەكات، 34 سەربازی هێزەكانیان بە هۆی هێرشە مووشەكییەكەی ئێران بۆ سەر بنكەی سەربازیی عەین ئەسەد لە ئەنبار بریندار بوون، ڕاشیدەگەیەنێت، كورد و سوننە لەگەڵ مانەوەماندان لە عیراقدا.

جۆناسان هۆفمان وتەبێژی وەزارەتی بەرگری ئەمریكا (پنتاگۆن) لە كۆنگرەیەكی ڕۆژنامەوانیدا ڕایگەیاند، بەهۆی هێرشە مووشەكییەكەی ئێران بۆ سەر بنكەی سەربازی عەین ئەسەد لە پارێزگای ئەنبار، 34 سەرباز بریندار بوون كە بەشێكیان بۆ چارەسەكردن گواستراونەتەوە بۆ ئەڵمانیا.

پێشتر پنتاگۆن ڕایگەیاندبوو، 11 سەرباز لەو هێرشە مووشەكییەدا بریندار بوون كە ڕۆژی 8ی ئەم مانگە سوپای ئێران لە تۆڵەی كوژرانی قاسم سولەیمانی فەرماندەی پێشووی فەیلەقی قودس بۆ سەر بنكەی سەربازی عەین ئەسەد ئەنجامیدا.

سەبارەت بە پرسی كشانەوەی هێزەكانیشیان لە عیراق، جۆناسان هۆفمان وتەبێژی وەزارەتی بەرگری ئەمریكا (پنتاگۆن) وەك ئاماژەیەك بۆ ڕەتكردنەوەی داواكارییەكە ڕایگەیاند: كورد و سوننە لەگەڵ كشانەوەی هێزەكانی ئەمریكادا نین.

ك.ج

عێراق

پێشبینی دەكرێت لیستێكی یەكگرتووی كورد و شیعە و سوننە دروستبكرێت

خەڵك- بەشی هەواڵ
پەرلەمانتارێكی هاوپەیمانی عیراقیون، پێشبینی دەكات بۆ هەڵبژتردنی داهاتوو، هاوپەیمانی سیاسی لەنێوان پێكهاتە جیاجیاكاندا دروستبكرێت.

حەسەن فدعەم پەرلەمانتاری هاوپەیمانی عیراقیون لە پەرلەمانی عیراق لە لێدوانێكی ڕۆژنامەوانیدا ڕایگەیاند”پێشنیارێك هەیە بۆ دامەزراندنی هاوپەیمانییەكی درێژكراوە كە لە دهۆكەوە دەستپێدەكات و لە بەسرە كۆتایی دێت و سوننە و شیعە و كورد لە یەك لیستدا بۆ هەڵبژاردنی داهاتوو كۆدەكاتەوە”.

سەبارەت بە ئەگەری ئەنجامدانی هەڵبژاردنی پێشوەختیش لەكاتی دیاریكراوی خۆیدا، فدعەم وتی”لەوبڕوایەدانیم هەڵبژاردن لە مانگی حوزەیرانی داهاتوودا سازبكرێت، بەهۆی نەبوونی كاتی پێویست لەبەردەم كۆمسیۆنی سەربەخۆی هەڵبژاردنەكان”.

پەرلەمانتارەكەی هاوپەیمانی عیراقیون پێشبینی كرد”هەڵبژاردن لە مانگی تشرینی ساڵی 2021 ئەنجام بدرێت”.

پەرلەمانی عیراق لە شەممەی ڕابردوو دەنگیدا لەسەر بازنەی هەڵبژاردنی یاسای نوێی هەڵبژاردنەكان بۆ 16 پارێزگە و دەنگدانیشی لەسەر پارێزگەكانی كەركوك و نەینەوا بۆ ئەمڕۆ دوو شەممە دواخست.

مستەفا كازمی سەرۆك وەزیرانی عیراق، ڕۆژی شەشی مانگی حوزەیرانی 2021ی وەك وادەی ئەنجامدانی هەڵبژاردنی پێشوەختە لە وڵاتدا داریی كردووە.

بەردەوام بە لە خوێندنەوە

عێراق

بەشير حەداد: تەنیا لەم حاڵەتەدا دەنگ لەسەر بازنەی هەڵبژاردنی كەركوك و نەینەوا دەدرێت

خەڵك- بەشی هەواڵ
جێگری دووەمی سەرۆكی پەرلەمانی عیراق ڕایدەگەیەنێت، ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا، بەبێ‌ پێكهاتنی نێوان نوێنەرانی پێكهاتەكان.

بەشیر حەداد، جێگری دووەمی سەرۆكی پەرلەمانی عیراق لە كۆبوونەوەیەكدا بە ئامادەبوونی دەستەی سەرۆكایەتی پەرلەمانی عیراق و نوێنەران و پەرلەمانتارانی پارێزگەكانی كەركوك و نەینەوا و سەرۆكی لیژنەی یاسایی، ڕایگەیاند”دواخستنی دەنگدان لەسەر دابەشكردنی بازنەی هەڵبژاردنەكان لە كەركوك و نەینەوا، لەدوای دەنگدانی پەرلەمان بوو لەسەر بازنەی هەڵبژاردنی 16 پارێزگە لە دانیشتنی شەممەی ڕابردوو، ئەمەش لەپێناو بەخشینی هەلی زیاتر بە پێكهاتەكان بۆ گەیشتن بە ڕێكەوتنێك كە ببێتە جێگەی ڕەزامەندی هەموو لایەنەكان، سەرلەئێوارەی ئەمڕۆش دەنگ لەسەر بازنەی هەڵبژاردنی ئەو دوو پارێزگەیە دەدرێت”.

بە وتەی بەشیر حەداد”ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا بەبێ‌ پێكهاتنی نێوان نوێنەرانی پێكهاتەكان، پەرلەمانیش بەردەوام هەوڵیداوە ڕۆڵی خۆی ببینێت لە پەسەندكردنی یاساكان و داڕشتنیان، بەشێوەیەك لەگەڵ پێداویستی قۆناغەكە و خواستی جەماوەردا بگونجێت”.

بەردەوام بە لە خوێندنەوە

عێراق

عیراق، سلێمانی زۆرترین حاڵەتی مردنی بە كۆرۆنا تۆماركردەوە

خەڵك- بەشی هەواڵ
وەزارەتی تەندروستی عیراق ڕایدەگەیەنێت، 3691 حاڵەتی نوێی تووشبوون بە ڤایرۆسی كۆرۆنا تۆماركراوە و 3244 كەسیش چاكبوونەتەوە و 48 كەسیش مردوون، كە بەتەنیا 15 كەسیان لە سلێمانی بوون.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 19 هەزار و 73 پشكنینی تایبەت بە كۆرۆنا ئەنجام دراوە و دەركەوتووە 3691 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

هەر لە بەیاننامەكەدا هاتووە”زۆرینەی تووشبووەكان لە بەغدا بوون، هەروەها لە سلێمانی 345 و هەولێر 486 و دهۆك 452 و كەركوك 175 حالًەت تۆماركراوە.
وەزارەتی تەندروستی عيراق ئاماژەی بە چاكبوونەوەی 3244 تووشبووی پەتاكە كردووە كە زۆربەیان لە بەغدا بوون.

تەندروستی عیراق لە بەیاننامەكەیدا ژمارەی حاڵەتەكانی گیانلەدەستدانیشی ئاشكراكردووە لەماوەی 24 كاتژمێری ڕابردوو كە 48 حاڵەت بووە و تەنیا لە سلێمانیش 15 حاڵەتیان تۆماركراون.

بەردەوام بە لە خوێندنەوە

کوردستان