ئێمە لە تۆرە کۆمەڵایەتیەکان

عێراق

موقتەدا سەدر داوای خۆپیشاندانی جیهانی دەكات دژ بە ئەمریكا

خەڵك- بەشی هەواڵ
ساڵح محەمەد عیراقی نزیك لە موقتەدا سەدر ڕابەری ڕەوتی سەدر، بانگەوازێكی جیهانی ڕادەگەیەنێت بۆ خۆپیشاندان لەبەردەم باڵیۆزخانەی ئەمریكایی لە وڵاتەكان.

ئەمڕۆ پێنج شەممە، ساڵح محەمەد عیراقی كە بە كەسێكی نزیك لە موقتەدا سەدر دادەنرێت، لە نوسینێكدا لەسەر تۆڕی كۆمەڵایەتی (فەیسبوك) ڕایگەیاندووە”ئایا گەلانی جیهان هاوكاریی گەلی عیراق دەبن و بەشێوەیەكی ئاشتیانە خۆپیشاندان لەبەردەم باڵیۆزخانەی ئەمریكا لە وڵاتەكانیاندا سازدەكەن.. یان لێدەگەڕێن عیراق ڕووبەڕووی چارەنوسی خۆی ببێتەوە”.

پێشتر نەسیر شەممەری جێگری ئەمینداری گشتی بزوتنەوەی نوجەبا و ئەندامی لیژنەی ڕێكخستنی خۆپیشاندانەكان ڕایگەیاندبوو”خۆپیشاندانە ملیۆنییەكە كە لەلایەن موقتەدا سەدر ڕابەڕی ڕەوتی سەدرەوە بانگەوازی بۆ كراوە، لە وادەی خۆیدا سبەینێ‌ هەینی سازدەكرێت و هیچ نیازێكیش بۆ دواخستنی لەئارادا نییە”.

شەممەری دەڵێت”هیچ مەترسییەك لەسەر بەشداربوانی خۆپیشاندانە ملیۆنییەكە كە بڕیارە سبەینێ‌ هەینی سازبكرێت، بەدی نەكراوە”.

بە وتەی ئەو بەرپرسەی بزوتنەوەی نوجەبا”هیچ خواستێك بۆ دواخستنی خۆپیشاندانەكە نییە كە داوای دەركردنی هێزەكانی ئەمریكا دەكات، ئیتر مەترسییەكان هەرچەندێكبن، چونكە ئازادی و سەروەریی عیراق، شیاوی ئەوەیە قوربانی لەپێناودا بدرێت و ڕووبەڕووی مەترسی ببینەوە”.

عێراق

پارتی بۆچوونی عەللاوی سەبارەت بە داواكانی كورد ئاشكرادەكات

خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، محمەد تۆفیق عەللاوی لەبەرانبەر داواكارییەكانی كورد نەرمی نواندووە.

هەرچەندە محەمەد تۆفیق عەللاوی ڕاسپێردراو بۆ پێكهێنانی كابینەی نوێی عیراق بڕیاری دا كەسانی سەربەخۆ بۆ كابینەكەی دیاری بكات، بەڵام كورد و سوننە و بەشێك لە شیعە بەو بڕیارە ڕازی نین و پێیانوایە، دانانی وەزیر بەركەوتەی هەڵبژاردنە و پێویستە حزبەكان خۆیان نوێنەرەكان دیاری بكەن، ئەمەش بۆتە هۆی دروستی بوونی كێشە و دواكەوتنی پێكهێنانی كابینەكە.

مەیادە نەجار، پەڕلەمانتاری پارتی لە پەڕلەمانی عیراق بە (خەڵك)ی ڕاگەیاند، كۆبوونەوەكان بۆ تاوتوێكردن و دۆزینەوەی چارەسەرێك بۆ كێشەی نێوان لایەنە سیاسییەكانی هەرێم لەنێوان خۆیان و لەگەڵ عەللاوی بەردەوامە.

وتیشی، “لە كۆبوونەوەكانی نێوان لایەنەكانی هەرێم و بەغدا، عەللاوی لەبەرانبەر هەرێم نەرمی نواندووە”.

سەبارەت بە یەكلایی كردنەوەی كاندیدەكانی هەرێم بۆ پۆستە وەزارییەكان، ناوبراو ئاشكرایكرد، تاكو ئێستا لەسەر بابەتی كاندیدەكانی كورد قسە نەكراوە.

حزبە كوردستانییەكان، كە بە شاندێكی باڵا چوونە بەغدا بۆ گفتوگۆ كردن لەگەڵ عەللاوی و حزبە شیعی و سوننیەكان، وەك خۆیان دەڵێن: “داوای پشكی هەرێم لە بودجە و مووچە و شایستە داراییەكانی جوتیاران و پێشمەرگە كراوە لەگەڵ ئاسایی كردنەوەی دۆخی ناوچە جێناكۆكەكان و دیاری كردنی وەزیرەكانی پشكی كورد لەلایەن هەرێمی كوردستانەوە نەك ئەوەی خودی عەللاوی وەزیرەكان دیاری بكات”.

بەردەوام بە لە خوێندنەوە

عێراق

خەڵك؛ هەڵوێستی كورد بۆ بەشداریكردنی لە كۆبوونەوەی پەڕلەمانی عیراق ئاشكرادەكات

خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، وەكو كورد بەشداری كۆبوونەوەی پەڕلەمان ناكەین بۆ متمانەدان بە كابینەی حكومەتی عیراق.

حەسەن كەعبی، جێگری سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، ڕۆژی چوار شەممەی داهاتوو پەڕلەمان بۆ متمانەدان بە كابینەی حكومەت كۆدەبێتەوە و هاوكات محەمەد حەلبوسی، سەرۆكی پەڕلەمان داوای لە دەستەی سەرۆكایەتی پەڕلەمان كرد سبەینێ دوو شەممە كۆببنەوە بۆ دیاریكردنی ڕۆژێك بۆ كۆبوونەوەی پەڕلەمان و بەپێی زانیارییەكانیش، پەڕلەمانتارانی كورد و سوننە تاكو ئێستا هیچ كاتێكیان بەدەست نەگەیشتووە بۆ كۆبوونەوە.

مەیادە نەجار، ئەندامی پەڕلەمانی عیراق بە (خەڵك)ی ڕاگەیاند، ئێمە وەكو كورد بەشدار نابین لە كۆبوونەوەی پەڕلەمان تایبەت بە متمانەدان بە كابینەی حكومەتی عیراق، ئەگەر ئەوان خۆیان وەزیرە كوردەكان دەستنیشان بكەن.

وتیشی، “وەزیرەكان بەركەوتەیەكی پەڕلەمانییە و دەبێت خۆمان دەستنیشانیان بكەین، ئەگەر ئەو كەسانە حزبی بن یان حزبی نەبن، ئەوان ناتوانن كەسێكمان بۆ دابنێن و بیكەن بە نوێنەری ئێمە، ئێمە خۆمان نوێنەری خۆمان دەستنیشان دەكەین”.

ئاشكراشیكرد، ئێمە پەڕلەمان و حكومەتمان هەیە و ئەوە عورفێكی سیاسیی وڵاتەكەمانە، هەر لایەنێك دەبێت كاندیدی خۆی دەستنیشان بكات.

جەختی لەوەشكردەوە، حكومەتی نوێی عیراق بەو شێوەیە باسی لێوەدەكرێت، پاڵپشتی نێودەوڵەتی و نێوخۆیشی نابێت، چونكە ئێمە و سوننە و بەشێك لە شیعە نابینە بەشێك لەو حكومەتە، لەبەرئەوە ئەم حكومەتە تێناپەڕێت ئەگەر تێشپەڕێت تەمەنی زۆر كورت دەبێت.

بەردەوام بە لە خوێندنەوە

عێراق

حەلبوسی، داوای كۆبوونەوەی دەستەی سەرۆكایەتی پەڕلەمان دەكات

خەڵك-بەشی هەواڵ

سەرۆكی پەڕلەمانی عیراق ڕایدەگەیەنێت، پێویستە سبەینێ دەستەی سەرۆكایەتی پەڕلەمان كۆببێتەوە بۆ دیاریكردنی ڕۆژێك بۆ متمانەدان بە كابینەی نوێ.

محەمەد حەلبوسی، سەرۆكی پەڕلەمانی عیراق لە ڕاگەیەنراوێكدا، داوای كردووە سبەینێ دوو شەممە 24/2/2020 دەستەی سەرۆكایەتی پەڕلەمانی عیراق كۆببێتەوە، بە مەبەستی تاوتوێكردن و دیاریكردنی ڕۆژی دەنگدان بە كابینەی نوێی عیراق.

ئەمەش لەكاتێكدایە حەسەن كەعبی، جێگری سەرۆكی پەڕلەمانی عیراق لە ڕاگەیەنراوێكدا ئاشكرایكرد، ڕۆژی چوار شەممە پەڕلەمان بۆ متمانەدان بە كابینەی نوێ كۆدەبێتەوە، هاوكات موقتەدا سەدر-یش هەڕەشەی ئەوە دەكات، ئەگەر ئەم هەفتەیە دەنگ بە كابینەكە نەدرێت خۆپیشاندانی ملیۆنی ئەنجام دەدات.

بەردەوام بە لە خوێندنەوە

کوردستان