ئێمە لە تۆرە کۆمەڵایەتیەکان

ئابوری

ئەنجوومەنی وەزیرانی هەرێم دوو بڕیاری دەركرد

خەڵك- بەشی هەواڵ

سەرۆك وەزیرانی هەرێمی كوردستان ڕایدەگەیەنێت، پێویستە دامەزراوەكانی حكومەت و كۆمپانیاكانی كەرتی تایبەت بە شێویەكی پیشەییانە و لە چوارچێوەی یاسا و ڕێنماییەكاندا وردبینی تەواو لە ژمێریارییەكانیاندا بكرێت.

بەپێی ڕاگەیەنراوێكی حكومەتی هەرێم، ئەمڕۆ چوار شەممە ٢٢/١/٢٠٢٠ ئەنجوومەنی وەزیرانی هەرێمی كوردستان بە سەرپەرشتی مەسرور بارزانی، سەرۆكی ئەنجوومەنی وەزیران و ئامادەبوونی قوباد تاڵەبانی، جێگری سەرۆك وەزیران كۆبوونەوەی ئاسایی خۆی ئەنجامدا.

لە دەستپێكی كۆبوونەوەكەدا، پڕۆژەی پەیڕەوی (پیادەكردنی پیشەی چاودێری و وردبینی ژمێریاریی لە هەرێمی كوردستان – عیرا ) خرایە ڕوو، كە تایبەتە بە پیشەی ژمێریاریی یاسایی، كە كاری وردبینی لە بودجەی كۆمپانیاكان دەكەن بە مەبەستی رێكخستنەوەی باج.

سەرۆكی ئەنجومەنی وەزیران جەختی لەوە كردەوە، وەك بەشێك لە هێڵە گشتییەكانی كابینەی نۆیەمی حكومەتی هەرێمی كوردستان و چاكسازیكردن لە داهات و بۆ ڕێگەگرتن لە خۆدزینەوە لە دانی باج و ڕەسمی گومرگی، كە بەشێكی داهاتی گشتی پێكدێنن، هەروەها لە پێناو گەیشتنی فەرمانگەكانی باج و گومرگ بە زانیاریی دروست سەبارەت بە داهاتی پڕۆژەكانی باجدەران، پێویستە دامەزراوەكانی حكومەت و كۆمپانیاكانی كەرتی تایبەت بە شێویەكی پیشەییانە و لە چوارچێوەی یاسا و ڕێنماییەكاندا وربینی تەواو لە ژمێریارییەكانیاندا بكرێت بەهەماهەنگی لەگەڵ وەزارەتی دارایی و ئابووری لە پێناو ئاسانكاریكردن لە كاروباری باجدا . هەروەها پەیمانگای باڵای پێگەیاندنی ژمێریار و وردبینانیش بخرێتە سەر وەزارەتی خوێندنی باڵا و تویژینەوەی زانستی، بۆ پێگەیاندنیان بە شێوازێكی ئەكادیمیانە و بە پێی پێوەرە زانستییەكان. دوای گفتوگۆكردن دەربارەی پڕۆژەی پەیڕەوەكە، ئەنجوومەنی وەزیران بە كۆی دەنگ پەسەندی كرد.

ئەنجوومەنی وەزیران لە بڕگەیەكی دیكەی كۆبوونەوەكەدا، جەختی كردەوە لەسەر بەكارهێنانی موڵك و ماڵی دەوڵەت و ئۆتۆمبێلەكانی حكومەت لە چوارچێوەی یاسا و ڕێنماییەكان بە جۆرێك، كە تەنیا لە خزمەتی بەرژەوەندی گشتیدا بێت و لە كاتی مامەڵە پێكردنیشیان ڕەچاوی یاسای فرۆشتن و بەكرێدانی موڵك و ماڵی دەوڵەت بكرێت.

ئابوری

ڕۆژی 25 ئەیلول پارەكەی بەغدا دەگاتە هەرێم
دوای گەیشتنی 320 ملیارەكەی بەغدا دەست بە دابەشكردنی مووچە دەكرێت

خەڵك – بەشی هەواڵ

بڕیارە ڕۆژی پێنج شەممە 25ی ئەیلول حكومەتی ناوەند ئەو بڕ پارەیە ڕەوانەی هەرێم بكات كە وەك مووچەی فەرمانبەرانی هەرێمی كوردستان لەسەری ڕێككەوتوون.

بەپێی زانیارییەكانی (تۆڕی میدیایی خەڵك)، بڕیارە ڕۆژی پێنج شەممەی داهاتوو بەغدا مووچەی ئەم مانگەی فەرمانبەران كە بڕەكەی 320 ملیار دینارە، ڕەوانەی هەرێم بكات، لە هەرێمیش ڕۆژی دوو شەممە دەست بەدابەشكردنی مووچە بكرێت.

هاوكات، هێڤیدار ئەحمەد جێگری سەرۆكی لیژنەی دارایی و كاروباری ئابووری لە پەرلەمانی كوردستان ئاشكرایكردووە،”هەفتەی داهاتوو حكومەتی هەرێمی كوردستان لیستی نوێی مووچە ڕادەگەیەنێت. حكومەت داهاتی ئامادەكردووە و ئەوەی عیراقیش دێت”.

سەبارەت بە چۆنیەتی دابەشكردنی مووچە، هێڤیدار ئەحمەد، ڕایگەیاندووە “ئەوەی حكومەت ڕایگەیاندووە و ئەوەشی سەرۆكی حكومەت باسی كردووە بەپێی داهات مووچە دابەشدەكرێت”.

بەردەوام بە لە خوێندنەوە

ئابوری

ماددەیەك لە بودجە دەربارەی دەرماڵە و میلاكی فەرمانبەران زیاد دەكرێت

خەڵك- بەشی هەواڵ

ژمارەیەك پەڕلەمانتاری عیراق پێشنیاریان بۆ زیادكردنی ماددەیەكی دوو بڕگەیی لە بودجەدا لە بەرژەوەندی فەرمانبەران و هێزە سەربازییەكان كردووە.

بەپێی یاداشتێك، كە واژۆی ژمارەیەك پەڕلەمانتاری لەسەرە و هودا سەجاد، پەڕلەمانتاری عیراقی بەرزی كردۆتەوە بۆ سەرۆكایەتی پەڕلەمان، داوا كراوە ماددیەك بۆ پڕۆژە یاسای بودجە زیاد بكرێت سەبارەت بە فەرمانبەرانی گرێبەست و مامۆستایانی وانەبێژ و بریندارانی هێزە سەربازییەكان.

بەپێی یاداشتەكە، كە دەست (خەڵك) كەوتووە، داوا كراوە بڕیاری ژمارە 315ی حكومەتی عیراق بخرێتە ناو پڕۆژە یاسای بودجەی ئەمساڵ (2020)، كە تێیدا حكومەت پابەند دەكرێت بە جێبەجێ كردنی ئەو بڕیارەی خۆی بۆ دامەزراندنی فەرمانبەرانی گرێبەست و مامۆستایانی وانەبێژ و كارمەندانی كرێی ڕۆژانە و وەزارەتی دارایی پارەی پێویستی بۆ تەرخان بكات.

هەر لە یاداشتەكەدا هاتووە، “سەرجەم بریندارەان و پەككەوتووانی سەر بە وەزارەتی بەرگری دەرماڵەی ناوچە گەرمەكان (ناوچە شەڕەكان)یان بۆ هەژمار بكرێت.

بەردەوام بە لە خوێندنەوە

ئابوری

گوزەران و ژیانی كرێكاران لە دۆخێكی خراپدایە

خەڵك-ئارام سەردار
لقی هەولێری سەندیكاكانی كرێكارانی كوردستان هۆشداری لە دۆخی خراپی كرێكاران دەدات و ڕایدەگەیەنێت، كە 4 كرێكار گیانیان لەدەستداوە.

حەسەن ڕەمەزان، وتەبێژی لقی هەولێری سەندیكاكانی كرێكارانی كوردستان بە(خەڵك)ی ڕاگەیاند، بەداخەوە لەماوەی ۹ مانگی ڕابردوو، ٤ كرێكار لەسەر كارەكانیان و لەكاتی كاركردن گیانیان لەدەستداوە.

دەشڵێت: “بەشێك لەهۆكارەكانی گیان لەدەستدانی كرێكاران و برینداربوونیان ئەوەیە كرێكاران پابەندی سەلامەتی خۆپارێزی و ڕێنماییەكان نابن لەسەر كارەكانیان”.

وتیشی، “بەداخەوە بەهۆی كۆرۆنا چەند مانگێك كەرەنتینە بوو و زۆربەی كار و پڕۆژەكانیش وەستان، بۆیە كرێكاران لەدۆخێكی داراییان خراپدان”.

بەردەوام بە لە خوێندنەوە

کوردستان