ئێمە لە تۆرە کۆمەڵایەتیەکان

کوردستان

چوار شوێن بەهۆی نەبوونی مەرجی تەندروستی سزا دران

خەڵك – بەشی هەواڵ
قائیمقامیەتی شارۆچكەی كەلار ڕایدەگەیەنێت، بەهۆی پابەندنەبوون بە ڕێنماییە تەندروستیەكان چوار شوێن لە ناو بازاڕی شارەكە سزادران.

قائیمقامیەتی شارۆچكەی كەلار لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ لیژنەكانی سەر بە قائیمقامیەت سەردانی چەند شوێنێكیان كرد و سزای چەند شوێنێكیان دا لەوانە، (سەمونخانەی گەرمیان) لەبەر ئەوەی پارچەی قوماش و تەختەی ژێر سەمونەكان ڕەش و پیس بووی بەكارهێناوە.

ڕاشیگەیاندووە، (مینی ماركێتی بەرزان) لەبەر هەبوونی 10 كیلۆ خۆراكی بەسەرچوو، هەروەها (ماسی برژاوی كاكە حەمە) لەبەر هەبوونی ماسی خراپ بوو لە نێو ساردكەرەوەكەی.

قائیمقامیەتی شارۆچكەی كەلار جەختیشی كردۆتەوە، هەر ئەمڕۆ (سەمونخانەی پێشمەرگە) سزا درا لەبەر ئەوەی عەلاكەی نایلۆن بەكاردەهێنێت.

کوردستان

بوومەلەرزە لە شارێكی كوردستان ڕوویدا

خەڵك – بەشی هەواڵ
بوومەلەرزەیەك بە گوڕی 4.2 پلە بە پێوەری ڕێختەر شاری قەسری شیرینی لە پارێزگای كرماشانی ڕۆژهەڵاتی كوردستانی هەژاند.

بوومەلەرزەكە كاتژمێر 11:40 خوولەك و بە قووڵایی 10 كیلۆمەتر لە ئاستی ڕووی زەوی و دووری 19 كیلۆمەتر لە ناوەندی شاری قەسری شیرین ڕوویدا.

تا ئێستا زانیاری دەربارەی ئەگەری كەوتنەوەی زیانی گیانی یان ماددی لە بوومەلەرزەكە ڕانەگەیەندراوە.

بەردەوام بە لە خوێندنەوە

کوردستان

فڕۆكە جەنگییەكانی توركیا چیای گارە بۆردومان دەكەن

خەڵك – بەشی هەواڵ
بۆردومان و هێرشەكانی توركیا بۆ سەر هەرێمی كوردستان بەردەوامە و ئەمڕۆش چیای گارە بۆردومان كرایەوە.

ئەمڕۆ چوار شەممە فڕۆكە جەنگییەكانی توركیا چیای گارەیان لە سنووری پارێزگای دهۆك بۆردومان كرد.

توركیا لە ناوەڕاستی مانگی ڕابردووەوە بە بیانووی بوونی هێزەكانی پەكەكە لەشكركێشییەكی بەرفراوانی لە سنووری هەردوو پارێزگای هەولێر و دهۆك دەستپێكردووە و بە پێی ئەو زانیارییانەی توركیا بە فەرمی بڵاویكردوونەتەوە، تا ئێستا ژمارەی بنكە سەربازییەكانی لە هەرێمی كوردستاندا گەیاندووەتە 37 بنكە و بەردەوامیش ناوچە سنوورییەكان بۆردومان دەكات.

بەردەوام بە لە خوێندنەوە

کوردستان

كۆبوونەوەی شاندی باڵای یەكێتی و یەكگرتوو دەستیپێكرد

خەڵك – بەشی هەواڵ
شاندی باڵای یەكێتیی نیشتمانیی كوردستان و یەكگرتووی ئیسلامی كوردستان لە سلێمانی كۆبوونەوە.

میدیای فەرمی یەكێتی بڵاویكردەوە كە لە كۆبوونەوەكەدا ” پێشهاته‌ سیاسی و ئابوورییه‌كان” تاووتوێ ده‌كرێن.

پێشتریش لاهور شێخ جەنگی هاوسەرۆكی یەكێتی لە سەردانێكیدا بۆ لای سەڵاحەدین بەهادین ئەمینداری گشتی یەكگرتوو باسیان لە چارەسەركردنی دۆخی سیاسی هەرێم و پەیوەندییەكانی نێوان هەولێر و بەغدا كردبوو.

بەردەوام بە لە خوێندنەوە

کوردستان