ئێمە لە تۆرە کۆمەڵایەتیەکان

ئابوری

یەكگرتوو: هەر پەڕلەمانتارێك خزمەتی هەبوو با خانەنشین ببێت

خەڵك- بەشی هەواڵ
سەرۆكی فراكسیۆنی یەكگرتوو لە پەڕلەمانی كوردستان ڕایدەگەیەنێت، كە پێویستە یاسای خانەنشینی وەك عیراق جێبەجێ‌ بكرێت، كەو دادگەری تێدایە و دەڵێت: “هەر پەڕلەمانتارێك بە شایستەیی خۆی ئەگەر پێوەرەكانی تێدابوو با خانەنشین ببێت”.

د. شێركۆ جەودەت، سەرۆكی فراكسیۆنی یەكگرتوو بۆ (خەڵك) ئاماژەی بەوەكرد، ئێمە وەكو فراكسیۆنی یەكگرتوو لە 18-2-2019ەوە پاكێجی چاكسازیمان وەك پێشنیارە یاسا داوەتە سەرۆكایەتی پەڕلەمان و ئەوانیش ناردیان بۆ حكومەتی هەرێم و دواتر وەڵامی داوەتەوە و مانگێك لەمەوبەر ناردویەتییەوە بۆ پەڕلەمان.

ڕاشیگەیاند، ئێمە لەو پێشنیارە یاسایەدا بە زەقی داوای جێبەجێ‌ كردنی یاسای خانەنشینی یەكگرتووی عیراقی-مان كردووە، كە باس لە پێوەری 15 ساڵ خزمەت و تەمەنی 45 ساڵی دەكات، كە سیستمێكی دادپەروەرانەیە و داوامان كردووە لە هەرێمیش پەیڕەو بكرێت.

دەربارەی پڕكردنەوەی فۆڕمی ڕەتكردنەوەی خانەنشینی وتیشی، “ئێمە بڕوامان وایە هەر پەڕلەمانتارێك مافی خانەنشینی هەیە بەپێی پێوەرەكانی خزمەت و تەمەن و لێبڕینی خانەنشینی داوە، ئەوا با خانەنشین ببێت، بەڵام ئەوەی مافی نییە خانەنشین نەكرێت”.

جەختیشی كردەوە، كە ئێمە لەگەڵ ئەوە نیین بە 4 ساڵ هیچ پلە تایبەتێك خانەنشین بكرێت و دژی وەستاوینەتەوە.

لەدوای پەسەند كردنی یاسای چاكسازی لە پەڕلەمانی كوردستان و ناڕەزایی هاووڵاتیان بۆ خانەنشینی پەڕلەمانتاران، 10 پەڕلەمانتار لەكۆی 111 پەڕلەمانتاری كوردستان نووسراویان بەجیا ڕادەستی سەرۆكایەتی پەڕلەمان كردووە بۆ ڕەتكردنەوەی خانەنشینی.

ئابوری

تمەن بۆ نزیكەی 3 ملیۆن دابەزی

خەڵك- بەشی هەواڵ
جارێكی دیكە بەهۆی سەپاندنەوەی سزا ئابوورییەكان و سەرهەڵدانی ڤایرۆسی كۆرۆناوە بەهای تمەنی ئێرانی لە مێژووی ئەو وڵاتەدا نزمترین بەهای تۆماركرد.

خاوەنی نووسینگەیەكی ئاڵوگۆڕی دراو لە سلێمانی بۆ (خەڵك) ئاماژەی بەوەكرد، كە ئەمڕۆ جارێكی دیكە بەهای تمەن دابەزیوە و وەكو دەڵێن “هاڕەی كردووە” و ئەوەش نزمترین نرخە لە مێژووی ئەو دراوەدا.

ڕاشیگەیاند، كە ئێوارەی ئەمڕۆ لە كاتی داخستنی بازاڕی دراوەكان نرخی گۆڕینەوەی 100 دۆلار گەیشتۆتە 2 ملیۆن ‌و 908 هەزار تمەن بی حەواڵە و بە 2 ملیۆن و 800 هەزار تمەنە بە كاش.

ماوەی چەند هەفتەیەكە بەهۆی دووبارە دەستپێكردنەوەی سەرجەم سزا نێودەوڵەتییەكانی ئەمریكا بۆ سەر ئێران بەهای تمەن بەرامبەر دۆلاری ڕۆژ بەڕۆژ ڕووی لە دابەزینە.

بەردەوام بە لە خوێندنەوە

ئابوری

ناردنی نەوت لە بەغداوە بۆ هەرێم دەستی پێكرد
خەڵك؛ ئەو بڕەی ڕۆژانە دەگاتە شارەكانی هەرێم ئاشكرادەكات

خەڵك- بەشی هەواڵ
ئەندامێكی پەڕلەمانی عیراق ڕایدەگەیەنێت، ئەو بڕە نەوتەی لە لایەن عیراقەوە بۆ شارەكانی هەرێم دیاریكراوە دەست بە ناردنی كراوە، ئەو بڕانەش ئاشكرادەكات، كە ڕۆژانە لە ڕێگەی تانكەرەوە ڕەوانەی شارەكانی هەرێم دەكرێن.

غالب محەمەد ، ئەندامی پەڕلەمانی عیراق بە (خەڵك)ی ڕاگەیاند، هەموو ڕێكارەكانی ناردنی بەشە نەوتی هەرێم لە لایەن وەزارەتی نەوتی عیراقەوە كۆتایی هاتووە و بڕیارە بۆ ئەمساڵ 50 ملیۆن لیتر ڕەوانە بكرێت.

وتیشی، “بۆ هەر بەرمیلێك نەوتی سپی بڕەكەی بە پارە لەسەر هاووڵاتی بە 31 هەزار و 500 دینار دیاریكراوە، بەو شێوەیەش بۆ هەرێمی كوردستان ڕوانە دەكرێت، لە ئێستادا كۆمپانیاكانی گواستنەوەی سوتەمەنی پێویستە دەستبەكاربن بۆ هێنانی ئەو بڕە نەوتەی ڕەوانە دەكرێت”.

ڕاشیگەیاند، بۆ پاریزگای سلێمانی و ئیدارەكانی گەرمیان و ڕاپەڕین بڕیارە ڕۆژانە 216 هەزار لیتر و بۆ پاریزگای هەڵەبجە 36 هەزار لیتر و هەولێر 144 هەزار لیتر و دهۆكیش 70 هەزار لیتر نەوت دەنێردرێت.

هەفتەی ڕابردوو غالب محەمەد بۆ (خەڵك) ئاشكرای كرد، كە ڕەزامەندی وەزارەتی نەوتی وەرگرتووە بۆ ڕەوانەكردنی بڕی 50 ملیۆن لیتر نەوت بۆ شارەكانی هەرێم.

بەردەوام بە لە خوێندنەوە

ئابوری

نرخی دۆلار لە بازاڕەكانی هەرێمی كوردستان دابەزی

خەڵك-بەشی هەواڵ

 

نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو دابەزیوە.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ یەك شەممە 27-9-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 122 هەزار و 800 دینار مامەڵەی پێوە كراوە.

 

لە چەند ڕۆژی ڕابردوودا وەزارەتی دارایی هەرێم بڕیاریدا بەشێوەیەكی ئەلیكترۆنی و ئاشكرا مامەڵەی گۆڕینی دۆلار بەرانبەر بە دینار ئەنجام بدات، ئەمەش كاریگەری لەسەر دابەزینی نرخی دۆلار لە هەرێم هەیە.

 

بەهۆی ناجێگیری بازاڕ و قەیرانی دارایی و ڤایرۆسی كۆرۆنا لە هەرێمی كوردستان و عیراق، نرخی دۆلار ناجێگیرە، ئەمەش لەكاتێكدایە لە چەند ڕۆژی ڕابردوو نرخی 100 دۆلاری ئەمریكایی گەیشتە 125 هەزار دینار بوو.

بەردەوام بە لە خوێندنەوە

کوردستان