ئێمە لە تۆرە کۆمەڵایەتیەکان

کوردستان

نرخی مریشك كەمدەكرێتەوە و هەناردەش قەدەغەكرا

خەڵك – بەشی هەواڵ
قایمقامیەتی شارۆچكەی كەلار ڕایدەگەیەنێت ، لە پێناو بەرژەوەندی گشتی و بە لەبەرچاوگرتنی بارودۆخی هاووڵاتیان بڕیاردرا بە كەمكردنەوە و جێگیركردنی نرخی مریشك و قەدەغەكردنی هەناردەی لە گەرمیانەوە بۆ دەرەوەی ناوچەكە.

قایمقامیەتی شارۆچكەی كەلار لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە ، ئەمرۆ دووشەممە 20-1-2020 لە دیوانی قایمقامیەت بە ئامادەبوونی نوێنەری ئیدارەی گەرمیان، قایمقامی كفری و بەرێوەبەرانی هەر یەك لە بەرێوەبەرایەتی ڤێتێرنەری و چاودێری بازرگانی گەرمیان، ئاسایشی خۆراك لە ئاسایشی كەلاركۆبوونەوەیەك لە بارەی بەرزبوونەوەی نرخی مریشك ئەنجامدرا.

ڕاشیگەیاندووە ، لە كۆبوونەوەكەدا دوای ئەوەی لایەنە پەیوەندیدارەكان زانیاری و پێشنیاری خۆیان خستەڕوو و گفتوگۆیان لەوبارەیەوە كرد بڕیار درا بە كەمكردنەوە و جێگیركردنی نرخی مریشك بە شێوەیەك یەك كیلۆ مریشك بە دوو هەزار و 750 دینار بگاتە دەستی هاووڵاتی.

لە ڕاگەیەنراوەكەدا هاتووە، كۆبونەوەكەدا بڕیاریش درا بە قەدەغەكردنی هەناردەی مریشك لە گەرمیانەوە بۆ دەرەوەی ناوچەكە ، هەروەها پێداچوونەوە بە نرخی ئالێكی پەلەوەریشدا بكرێت.

کوردستان

هەواڵێكی خۆش لە وەزیری تەندروستی هەرێمەوە

خەڵك – بەشی هەواڵ

د.سامان بەرزنجی وەزیری تەندروستی هەرێم ڕاگەیەنراوێكی لەبارەی ئەنجامی سەرجەم پشكنینەكانی گومانلێكراوانی نەخۆشی ڤایرۆسی كۆرۆنای نوێ COVID-19 لەماوەی 24 كاتژمێری ڕابردوو بڵاوكردەوە.

دەقی ڕاگەیەنراوەكە:

خۆشحاڵین بە ڕاگەیاندنی ئەنجامی سەرجەم پشكنینەكانی گومانلێكراوانی نەخۆشی ڤایرۆسی كۆڕۆنای نوێ COVID-19 لەماوەی 24 كاتژمێری ڕابردوو كەوا نێگەتیڤە و خاڵی بوون لەم ڤایرۆسە.

حكومەتی هەرێمی كوردستان لە سەنگەری بەرەنگاربوونەوەی ئەم ڤایرۆسە دایە و تەندروستی هاوڵاتیانمان لە سەرووی هەمووانە.

د.سامان بەرزنجی وەزیری تەندروستی

بەردەوام بە لە خوێندنەوە

کوردستان

وەزارەتی تەندروستی عیراق تۆماركردنی حاڵەتێكی نوێی تووشبوون بە ڤایرۆسی كۆرۆنای ڕاگەیاند

خەڵك – بەشی هەواڵ

وتەبێژی وەزارەتی تەندروستی عیراق ئاشكرایدەكات، حاڵەتێكی تری ڤایرۆسی كۆرۆنا لە شاری كەركوك تۆماركراوە.

د.سەیف بەدر وتەبێژی وەزارەتی تەندروستی عیراق لە ڕاگەیەنراوێكدا ئاشكرایكردووە، حاڵەتێكی نوێی تووشبوون بە ڤایرۆسی كۆرۆنا لە شاری كەركوك تۆماركراوە، كە پیاوێكی تەمەن (51) ساڵە و لە ماوەی ڕابردوودا سەردانی وڵاتی ئێرانی كردووە.

وتەبێژی وەزارەتی تەندروستی عیراق ئاماژەی بەوەشداوە، لەدوای پشكنینە پێویستەكان ئەنجامەكان دەریانخستووە كە ئەو كەسە تووشی ڤایرۆسی كۆرۆنا بووە و لە ئێستادا لە یەكێك لە نەخۆشخانەكانی ئەو شارە لە ژێر چاودێری پزیشكدایە.

ك.ج

بەردەوام بە لە خوێندنەوە

کوردستان

تەندروستی سلێمانی ئاگادارییەك بۆ كۆمپانیاكانی پێداویستی پزیشكی بڵاودەكاتەوە

خەڵك – بەشی هەواڵ

بەڕێوەبەرایەتی گشتی تەندروستی سلێمانی لە ئاگادارینامەیەكدا ئاگاداری گشت كۆمپانیاكانی پێداویستی پزیشكی دەكاتەوە دەرخستەی خۆیان پێشكەش بكەن، بەمەبەستی دابین كردنی دەمامكی تایبەت بە ڤایرۆسی كۆرۆنا بەشێوەی كراوە.

بەڕێوەبەرایەتی گشتی تەندروستی سلێمانی لەو ئاگادارینامەیەدا، جۆر و بڕی ماسكەكەی ئاشكرا كردووە.

دەقی ئاگادارینامەكە:

بەڕێوەبەرایەتی گشتی تەندروستی سلێمانی

بابەت/ ئاگاداری و جاڕنامامەی ئاشكرا

بەڕێوەبەرایەتی گشتی تەندروستی سلێمانی ئاگاداری گشت كۆمپانیاكان دەكات، دەرخستەی خۆیان پێشكەش بكەن، بەمەبەستی دابین كردنی دەمامكی تایبەت بە ڤایرۆسی كۆرۆنا بەشێوەی كراوە.

ڕۆژی دووشەممە (۲-۳-۲۰۲۰) شوێنی پێشكەش كردن كۆگای دەرمانی هەرێم، هەمان ڕۆژ ئیحالە دەكرێت، جۆرەكان و ژمارەیان:

1- N95 face mask ffp3 100000

2-surgical face mask 50000

ڕاگەیاندنی بەرێوبەرایەتی گشتی تەندروستی سلێمانی

بەردەوام بە لە خوێندنەوە

کوردستان