ئێمە لە تۆرە کۆمەڵایەتیەکان

کوردستان

لە سلێمانی خانەیەكی نوێی نەوجەوانان لەسەر سیستمی ئەمریكی دروست دەكرێت

خەڵك – بەشی هەواڵ

وەزیری كار و كاروباری كۆمەڵایەتی حكومەتی هەرێم ڕایدەگەیەنێت، لە سلێمانی خانەیەكی نوێی نەوجەوانانی كوڕان و كچان لەسەر سیستمی ئەمریكی دروست دەكرێت، دەشڵێت: “كەسایەتییەكی شاری سلێمانی بەڵینی دروستكردنی داوە”.

كوێستان محەمەد، وەزیری كار و كاروباری كۆمەڵایەتی حكومەتی هەرێم لە لێدوانێكدا ڕایگەیاندووە، سەرۆكی شارەوانی سلێمانی ڕەزامەندی دەربڕیوە لەسەر دابینكردنی پارچەیەك زەوی، كە دەكەوێتە سنوری گەڕەكی كوردسات، بۆ دروستكردنی خانەیەكی نوێی نەوجەوانانی كوڕان و كچان.

ڕاشیگەیاند، كەسایەتییەكی شاری سلێمانی بەڵینیداوە بە شێوەیەكی مۆدێرن و لەسەر سیستمی ئەمریكی ئەركی دروستكردنی ئەو خانەیە بگرێتە ئەستۆ.

کوردستان

تەڤگەری ئازادیی؛ پڕۆژەیان بۆ چارەسەریی قەیرانەكانی هەرێمی كوردستان هەیە

خەڵك – بەشی هەواڵ

دەستەی بەڕێوبەرایەتی تەڤگەری ئازادیی ڕایدەگەیەنێت، پێشتر و ئێستاشدا پڕۆژەیان بۆ چارەسەریی قەیرانەكەكانی هەرێم هەبووە و دەیانەوێت ببنە ئۆپۆزسیۆنێكی كارا و ڕادیكاڵ بۆیە بوونەتە ئامانج و ئەندامەكانیان دەستگیر دەكرێن، دەشڵێت”ئەندامەكانی ئێمە خاوەن ئیرادەن و بەگرتن و هەڕەشە لە هەڵوێستیان پاشەكشە ناكەن”.

دەستەی بەڕێوبەرایەتی تەڤگەری ئازادیی كۆمەڵگای كوردستان لە شاری سلێمانی ئەمڕۆ كۆبوویەوە، لەدوای كۆبوونەوەكە ڕاگەیەندراوێكیان بۆ ڕای گشتی بڵاوكردەوە تێیدا هاتووە، باس لەو ئاڵۆزیانە كرا، كە لە ناوچەكە و جیهان دا پەرەی سەندووە، بە تایبەت گرنگی بە دۆخی خراپی هەرێمی كوردستان درا و گفتوگۆی قوڵ لەسەر شێوازی چارەسەریی كرا.

ڕاشیگەیاندووە، تەڤگەری ئازادیی بۆ چارەسەری كێشە و ئاڵۆزییەكان پڕۆژە وپلانی هەبووە، بەهەمان شێوە لە داهاتووشدا بێ چارەسەریی نابین و زۆرتر هەوڵ دەدەین، كە تیشك بخەینەسەر ئەو گیروگرفتانە، كە ڕووی لەهەرێمی كوردستان و عێراق و ناوچەكە كردووە.

ئەوەشخراوەتەڕوو، كە لەم قۆناغەدا دەمانەوێت ببین بە چارەسەرییەك و بەردەوام جموجۆڵەكانمان زیاتر بكەین و ڕۆڵی ئۆپۆزسیۆنێكی كارا و ڕادیكاڵ بگێڕین، هەر بۆیە دەستەڵات دەیەوێت لەهەموو جێگایەك كادیر و ئەندامانمان بخاتە ژێر قورسترین فشار و دەزگیریان بكات، كە ئەمەش بەهیچ شێوەیەك مایەی قبوڵ كردن نییە و دەبێ هەموو لایەكیش خۆی یەكلایی بكاتەوە، ئاخۆ لە بەرەی زوڵمی دەستەڵاتی هەولێردان، یان لەگەڵ تێكۆشان و ناڕەزایەتیەكانی گەلی خۆیان دان، لەو ئاستەدا با كەس بێ لایەن نەبێت، چونكە پێمان وایە بێ-لایەنیش هەمدیسان خزمەتی دەستەڵاتی هەولێر دەكات.

تەڤگەری ئازادیی لەسەر دەستگیركردنی ئەندامەكانیان باسی لەوەشكردووە، ئەندامەكانی تەڤگەری ئازادیی هەرچەندی ڕووبەڕووی ڕاوەدونان و فشار و ڕەشبگیریی و زیندانی ببێتەوە، هەرگیز تەنازوول و پاشەكشێ لە فكر و ماف و كار و هەڵوێستەكانیدا ڕوونادات و بگرە پێداگر و بە پلانتر ڕووبەڕووی هەموو پیلانگێڕیەكان دەبێتەوە.

لە كۆتایی ڕاگەیەنراوەكەدا هاتووە، ئەم قۆناغەی هەرێمی كوردستان پێویستی بە شێوازیی ماندێلا كاركردن هەیە، هەر بۆیە خۆمان حازر دەكەین بۆ ئەم قۆناغە، وە لەهەوڵداین هەموو ئەو دەرگایانەی بە ڕووماندا داخراون بیانكەینەوە و هەوڵە دیبلۆماسیەكانمان پەرە پێبدەین و كراوەتر لە جاران ئیش و كارەكانمان ئەنجام بدەین.

بەردەوام بە لە خوێندنەوە

کوردستان

لەدایكبووانی چی ساڵێك وەردەگیرێن؟
لە خوێندنگەكان ناونووسین بۆ پۆلی یەكەمی بنەڕەتی دەستپێدەكات

خەڵك- بەشی هەواڵ
بۆ ساڵی نوێی خوێندنی (2020- 2021) ناونووسین بۆ وەرگرتنی خوێندكارانی پۆلی یەكەمی بنەڕەتی دەستپێدەكات و بەڕێوەبەری خوێندنگەیەكیش دەڵێت: “ئەوانەی لە ساڵی 2014 لەدایكبوون بوون داخڵی خوێندن دەكرێن”.

بەڕێوەبەری خوێندنگەیەك لە شاری سلێمانی بۆ (خەڵك) ڕایگەیاند، كە بۆ ساڵی خوێندنی 2020 – 2021 دەست بە وەرگرتنی خوێندكاران بۆ پۆلی یەكەمی بنەڕەتی دەكەین و دەبێت دایكان و باوكان پەیوەندی بكەن بە خوێندنگەكانەوە تا ناوی منداڵەكانیان تۆمار بكەن.

ڕاشیگەیاند، كە بۆ ئەمساڵ ئەو منداڵانەی لەدایكبووی 1/ 1/ 2014 تاوەكو 31/ 12/ 2014 داخڵی پۆلی یەك دەكرێن.

ئاماژەی بەوەشكردووە، پێویستە منداڵەكە لەكاتی ناو تۆماركردنی ئامادەبێت و دوو وێنەی ڕەنگاوڕەنگ و كۆپی پێناس یان كارتی نیشتمانی و فۆڕمی خۆراك و ژمارەی گەڕەك و كۆڵان و خانوو لەگەڵ ژمارە مۆبایلی دایك و باوكی و گروپی خوێنی منداڵەكەش تۆمار دەكرێت.

بەپێی زانیارییەكان، لە ئێستادا ڕۆژانی یەك شەممە و چوار شەممە لە خوێندنگەكان بەڕێوەبەر و بەشێكی مامۆستایان دەوام دەكەن بە مەبەستی تۆماركردنی ناوی خوێندكارە نوێیەكان.

بەردەوام بە لە خوێندنەوە

کوردستان

بەرپرسێكی تەندروستی دەستی لەكاركێشایەوە

خەڵك – بەشی هەواڵ

بەڕێوەبەی گشتی تەندروستی ڕاپەڕین لە ڕێگەی نامەیەكەوە داوای دەست لەكاركێشانەوی لە پۆستەی كردووە و داواش دەكات تا وەرگرتنی ڕەزامەندی دەست لەكاركێشانەوەكەی كەسێك كاروبارەكانی تەندروستی ڕاپەڕین ڕایی بكات.

هیوا مەحمود عەلی، بەڕێوەبەی گشتی تەندروستی ڕاپەڕێن لە دەست نوسێكدا، كە وێنەیەكی دەست (خەڵك) كەوتووە و ڕۆژی 12ی ئاب ی 2020 نوسراوە داوای دەست لەكاركێشانەوەی لە پۆستی بەڕێوەبەری پێشكەش كردووە .

لە نوسراوەكەدا داوای كردووە لەبەر هەندێك كاری تایبەتی خۆی داوای دەستلەكاركێشانەوەی كردووە و تا كاتی وەرگرتنی ڕەزامەندی كەسێك بۆ ڕایی كردنی كاروبارەكان تەندروستی ڕاپەڕین ڕابسپێرێت .

بەردەوام بە لە خوێندنەوە

کوردستان