ئێمە لە تۆرە کۆمەڵایەتیەکان

کوردستان

ئەنجامی‌ هەڵسەنگاندنی‌ دایەنگە حكومی‌‌ و ناحكومییەكانی‌ بۆ ساڵی‌ (٢٠١٩) ڕاگەیەندرا

خەڵك- بەشی هەواڵ
ڕۆژی‌ یەك شەممە، ١٩ی‌ ١ی‌ ٢٠١٩، بە ئامادەبوونی‌ كوێستان محەمەد، وەزیری‌ كار و كاروباری‌ كۆمەڵایەتی ‌‌و عومەر گوڵپی‌، بەڕێوەبەری‌ گشتی‌ چاودێری‌‌ و گەشەپێدانی‌ كۆمەڵایەتی‌ لەپارێزگای‌ سلێمانی ‌‌و ژمارەیەك لە بەڕێوەبەر و بەرپرسان ‌و بەڕێوەبەری‌ دایەنگەكانی‌ سنوری‌ پارێزگای‌ سلێمانی‌، لە هۆڵی هۆتێل تایتانیك لە شاری سلێمانی، بەشی‌ دایەنگەكان لە دیوانی‌ بەڕێوەبەرایەتی‌ گشتی‌ بۆ ساڵی‌ سێیەم لەسەر یەك، ئەنجامی‌ هەڵسەنگاندنی‌ دایەنگە حكومی‌‌ و ناحكومییەكانی‌ بۆ ساڵی‌ (٢٠١٩) ڕاگەیاند.

بەپێی ڕاگەیەنراوی بەڕێوەبەرایەتی گشتی چاودێری كۆمەڵایەتی و گەشەپێدانی سلێمانی، عومەر گوڵپی‌، بەڕێوەبەری‌ گشتی‌ پاش خستنەڕووی‌ ئەو پلان‌ و ستراتیجەی،‌ كە بەڕێوەبەرایەتی‌ گشتی‌ لە ماوەی‌ چوار ساڵی‌ داهاتوو بۆ دایەنگەكانیان گرتۆتە بەر، باسی‌ لە ئامانجەكانی‌ پڕۆسەی‌ هەڵسەنگاندن كرد وەك یەكێك لەو بەرنامانەی‌، كەلە ستراتیجی‌ كاركردنی‌ دایەنگەكاندا هەیە و هەموو ساڵێك لە سێ مانگی‌ كۆتاییدا بەڕێوەی‌ دەبات.

وتوشیەتی، “هەموو ئەو ڕێوشوێنانەی‌ دەیانگرینەبەر لە جێبەجێكردنی‌ سیستم ‌و ڕێنمایی‌ دایەنگەكان ‌و بەدواداچوون‌ و بڕیاری‌ جیاجیا، مەبەستمانە ڕەخساندنی‌ ژینگەیەكی‌ گونجاوە بۆ گەشەی‌ منداڵ، كە سوپاس بۆ خوا ئێمە لە سلێمانی‌ تیایدا پێشەنگین”.

ئەنجامەكانی دایەنگە ناحكومییەكان بەمجۆرە بوون:

١ـ گروپی‌(A) پێكهاتبوو لەم دایەنگایانە: (گەشە، شاری نەورۆز، خەونی مناڵان، جاف تاوەر، مۆنتی سۆری سلێمانی، بەرزاییەكانی سلێمانی، ڕۆژ، قەیوان ستی، گەشاوە).

٢ـ گروپی‌ (B) پێكهاتبوو لەم دایەنگایانە: (شنیاری نوێ، تەوار، سان، ئانی، ڤاری، گۆیژە، ناز، ئەستێرەكان، هەرەوەزی).

٣ـ گروپی‌ (C) پێكهاتووە لەم دایەنگایانە:(شار، چوارچرا، پاساری، مریەم، سەندرێلا، بەرزاییەكانی قەیوان، گەڵا، ئەژین، تەرزە، مەلیك، هەنارە گوڵ، ڕەنگاڵە، سۆز، شەنگین، گوندی ئەڵمانی، ئەلەند، لالە).

٤ـ گروپی‌ (D) پێكهاتبوو لەم دایەنگایانە: (فردەوس، مارگرێت، میر، شاری پزیشكانی 2، سۆزی باوك، كۆشكی مناڵ، كانی گوڵ، هیرۆنی نوێ، ساندیبێل، میوە، گوڵەمێخەك، هەنگاوی بچوك، لانیا، ڕێبەری دوو، باران، گوڵاڵە سوورە، هێلانەی مناڵان).

٥ـ گروپی‌ (E) پێكهاتبوو لەم دایەنگایانە: (پیرەمەگرون، ژیكەڵە، سۆزی دایك).

ئەنجامەكانی دایەنگە حكومییەكانیش بەمجۆرە بوو:

١ـ گروپی‌ (B) پێكهاتبوو لەم دایەنگایانە:(بەختیاری، بازیان).
٢ـ گروپی‌ (C) پێكهاتووە لەم دایەنگایانە:( چوارباخ، خنجیل، دایك).
٣ـ گروپی‌ (D) پێكهاتبوو لەم دایەنگایانە: (دوكان، چوارتا، دەربەندیخان).
٤ـ گروپی‌ (E) پێكهاتبوو لەم دایەنگایانە: (قەڵادزێ، ڕانیە).

جێی‌ ئاماژەیە لە سنوری‌ پارێزگای‌ سلێمانی‌ سەرجەم ژمارەی‌ منداڵان لە دایەنگەكان بریتیە لە(3,753) منداڵ ‌و ژمارەی‌ دایەنگەكان بریتیە لە (٨٤) دایەنگە، كە بەمجۆرە دابەشبوون: ژمارەی‌ دایەنگە حكومییەكان بریتییە لە (١١) دایەنگە ‌و (٥٣٤) منداڵیان لە خۆگرتووە، دایەنگە ناحكومییەكان ژمارەیان (٥٧) دایەنگەیە كە (3,021) منداڵیان لە خۆگرتووە و ژمارەی‌ ستافەكانیشان بریتیە لە (٧٢٩) كەس لە ڕەگەزی‌ مێ‌، ژمارەی‌ دایەنگەی‌ فەرمانگەكانیش بریتییە لە (١٦) دایەنگە، كە (١٩٨) منداڵیان لە خۆگرتووە.

لە ساڵی (2019)دا، لە ڕێگەی‌ لیژنەی‌ سەرپەرشتی‌‌ و بەدواداچوونی‌ بەشی‌ دایەنگەكانەوە، (455) سەردانی‌ دایەنگە كراوە بەمەستی‌ سەرپەرشتی ‌‌و بەدواداچوونی‌ دایەنگەكان‌ و ڕێنماییكردنیان، لە لیژنەی‌ هاوبەشی‌ قائمقامیەتیش، كە نوێنەری‌ بەشی‌ دایەنگەكانی‌ تێدایە (325) سەردانی دایەنگەیان كراوە بۆ دڵنیابوونەوە لەوەی‌ دایەنگەكان پابەندی‌ یاسا و ڕێنماییەكان‌ و ژینگەیەكی‌ گونجاون بۆ گەشەی‌ منداڵ، وە (٦٦) سەردانی بەمەبەستی هەڵسەنگاندنی دایەنگەكان ئەنجام دراوە.

کوردستان

پەلامارێكی داعش لە سنووری جەلەولا تێكشكێنرا

خەڵك-بەشی هەواڵ

 

هێزەكانی سوپای عیراق پەلامارێكی چەكدارانی داعشیان لە سنووری شارەدێی جەلەولا تێكشكاند.

بەپێی زانیارییەكان، داعش لەگوندی ئوم حنتە بەقەناس تەقەی لە هاووڵاتیان و سوپای عیراق كردووە و بەهۆیەوە هاووڵاتیەكی مەدەنی بەسەختی برینداربووە و دواتر هێزەكانی سوپای عیراق و داعش لەنزیك گوندەكە ڕووبەڕووی یەكتر بوونەتەوە و شەڕ ڕوویداوە و داعش تێكشكێنراوە.

ئەمەش لەكاتێكدایە، كە ناوە ناوە چەدارانی داعش لە ناوچە كێشەلەسەرەكان هێرش دەكەنە سەر پێشمەرگە و سوپای عیراق و هاووڵاتیانی مەدەنی و بەهۆی ئەو هێرشانەشەوە قوربانی لێكەوتووەتەوە، تاكو ئێستاش حكومەتی عیراق نەیتوانیوە ئاسایشی ئەو ناوچانە بپارێزێـت و ڕۆژ لە دوای ڕۆژ جموجوڵەكانی داعش لە پەرەسەندندان.

بەردەوام بە لە خوێندنەوە

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

کوردستان

دەڤەری برادۆست.. بەھۆی ڕووخانی بیرێك ھاووڵاتییەك گیانی لەدەستدا

خەڵك – نزار مستەفا

لە دامێنی چیای حەسەن بەگ لە دەڤەری برادۆست هاووڵاتییەك بەهۆی ڕووخانی بیری ئاوەوە گیانی لەدەستدا.

ئێوارەی ئەمڕۆ شەممە ھاووڵاتییەك بەناوی (سەلیم بەھائەدین شیڤی) دانیشتووی گەڕەكی برایەتی لە شارۆچكەی سۆران كە خێزاندارە و خاوەنی سێ منداڵە، بەھۆی ڕووخانی بیرێكی ناو باغەكەی لە دامێنی چیای حەسەن بەگ گیانی لە دەستدا و ھاوڕێكەشی بریندار دەبێت.

لە ئێستادا تەرمی ناوبراو ڕەوانەی پزیشكی دادی سۆران كراوە بۆ لێكۆڵینەوە لەسەر چۆنیەتی ڕووداوەكە و بریندارەكەش دۆخی ناجێگیرە و لەژێر چاودێری پزیشكدایە.

بەردەوام بە لە خوێندنەوە

کوردستان