ئێمە لە تۆرە کۆمەڵایەتیەکان

ژینگە

پۆلیسی دارستان لە شارباژێڕ ڕاوچییەك دەستگیر دەكات

خەڵك- بەشی هەواڵ

بەڕێوەبەرایەتی پۆلیسی دارستان و ژینگەی سلێمانی ڕایدەگەیەنێت، پێویستە هاووڵاتیان خەمخۆری ئاژەڵ و باڵندە كێویەكان بن بە هۆی هاتنی وەرزی و سەرما سۆڵە و بەفربارین، چونكە زۆر بە زەحمەت خۆراكی پێویستیان دەست دەكەوێت، بەڵام بە پێچەوانەوە هەندێك لە هاووڵاتیان سەرقاڵی ڕاوكردنن و دەشڵێت: “لە سنوری شارباژێڕ ڕاوچیەك دەستگیركرا”.

عەمیدی پۆلیس، هێمن كمرخان ئەفەندی، بەڕێوەبەری ڕاگەیاندنی بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، هەمیشە و بەردەوام لەپێناو پارێزگاری كردن لەسروشت و ژینگەی كوردستان و پاراستنی ئاژەڵ و باڵندە كێویەكان مەفرەزەكانمان لەسەرجەم بەش و بنكەكان بەشەو و بەڕۆژ بەردەوام لە ئەركدان.

ڕاشیگەیاند، لە ئەنجامی دەرچوونی مەفرەزەیەكی بەشی پۆلیسی دارستان و ژینگەی شارباژێر بۆ گوندی قەلاچوالان توانیان هاووڵاتییەك دەستگیر بكەن، كە سەرقاڵی ڕاوكردنی باڵندەی كێوی بووە.

وتیشی، “مەفرەزەكە دەستیان گرت بەسەر چەكێكی جۆری تاپڕ و دوو فیشەكی تاپڕدا و پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی”.

بەڕێوەبەری ڕاگەیاندنی پۆلیسی دارستان و ژینگەی سلێمانی جەختی لەوەكردەوە، كە لەپێناو پاراستنی سروشت و ژینگەی كوردستاندا پێویستە هەمووان پابەندبین بەڕێنماییەكانی پۆلیسی دارستانەوە.

أ.ح

ژینگە

بەوێنە، بارانی بەلێزمە و لافاو هاتووچۆ لە شارێكی عیراقدا لەگەڕدەخات

خەڵك- بەشی هەواڵ
بەهۆی بارانی بەلێزمە لە شاری موسڵ، جوڵەی هاتووچۆی ئۆتۆمبێل لە شەقامەكانی ئەو شارەدا لەگەڕكەوت.

بەپێی ئەو وێنانەی لەلایەن میدیاكانی عیراقەوە بڵاوكراونەتەوە”شەقامەكان لە شاری موسڵ نوقمی لافاو بوون و جوڵەی هاتووچۆ لەگەڕكەوتووە، هاووڵاتیان و خوێندكارانی زانكۆش ناچاربوون بەنێو ئاودا كە چەند سانتیمەترێك لەسەر ڕووی زەوی بەرزبۆتەوە بەهۆی بارانی بەلێزمەوە،بەپێیان بچنە سەر كارەكانیان”.

پێشتر كەشناسانی عيراقى باسیان لە بارینی بارانی بەلێزمە كردبوو لە شارەكانی بەسرە و میسان و واست و دیالە و سلێمانی و هەولێر و دهۆك و نەینەوا، پێشبینیشیان كردبوو بارانبارین لەمشەودا لەو شارانە رابوەستێت و ئەگەریش هەیە لە سلێمانی بەردەوام بێت.

بەردەوام بە لە خوێندنەوە

ژینگە

بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە ناوچەی دینارتە سەر بە پارێزگای دهۆك بە بڕی 31 ملم باریوە.

بەردەوام بە لە خوێندنەوە

ژینگە

لە شارباژێڕ هاووڵاتییەك دەستگیركرا

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای دەكات، كە لەپێناو پاراستنی سروشت و ژینگەی كوردستان مەفرەزەكانی پۆلیسی دارستان بەشەو و ڕۆژ بەردەوام لە هەوڵ و ماندووبوندان بۆ مانەوەی داری دارستانەكان ژینگەی كوردستان و دەشڵێت: “بەهۆی تێكدانی ژینگەوە هاووڵاتییەك لە شارباژێڕ دەستگیر كرا”.

عەمیدی پۆلیس، هێمن كەمەرخان، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، هەمیشە و بەردەوام لەپێناو پارێزگاری كردن لەسروشت و ژینگەی كوردستان مەفرەزەكانمان لەسەرجەم بەش و بنكەكان بەشەو و بەڕۆژ بەردەوامیان هەیە.

دەشڵێت: “لە ئەنجامی دەرچوونی مەفرەزەیەكی بەشی پۆلیسی دارستان و ژینگەی شارباژێر لە درەنگانێكی شەودا بۆ شارەدێی سیتەك، توانیان هاووڵاتییەك دەستگیربكەن بەهۆكاری تێكدانی ژینگە و دەستیش گیرا بەسەر (2) ئامێری شۆفڵدا” .

ڕاشیگەیاند، پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان