ئێمە لە تۆرە کۆمەڵایەتیەکان

جیهان

به‌فر باكووری خۆرهه‌ڵاتی ئه‌مریكا و خۆرهه‌ڵاتی كه‌نه‌دا داده‌پۆشێت

خەڵک – لوقمان غه‌فوور

له‌ سه‌رله‌به‌یانی ڕۆژی هه‌ینی 17 جێنیوه‌ری تا ئێواره‌ی شه‌ممه‌ 18ی جێنیوه‌ری زریانێكی به‌ هێزی به‌فر ڕوویكرده‌ باكووری خۆرهه‌ڵاتی ئه‌مریكا و خۆرهه‌ڵاتی دووری كه‌نەدا.

به‌پێی ڕاپۆرتی كه‌شناسی ئه‌و شه‌پۆلی به‌فره‌ی ڕۆژی 17ی جێنوه‌ری ناوچه‌كه‌ی گرتووەته‌وه‌ له‌ مێژووی ئه‌و دوو وڵاته‌ دوو جاری تر تووشی ئه‌و دۆخه‌ بووه‌.

واشنتۆن پۆست نوسیویه‌تی، ویلایه‌ته‌كانی نۆرس داكۆتا، ساوس داكۆتا، مینیسۆتا له‌ باكووری خۆرهه‌ڵاتی ئه‌مریكا و له‌كه‌نه‌داش له‌ كه‌رتی نیوفۆلاند زۆرترین به‌فری لێباریوه‌، بە جۆرێک له‌ هه‌ندێك شوێن 12 پێ كه‌ (3مه‌تر و نیو) بووه‌.

له‌ هه‌ندێك شاری ویلایه‌تی مینیسۆتا یه‌ك مه‌تر و 20 سانتیمه‌تر به‌فر باریوه‌، له‌ویلایه‌تی نۆرس داكۆتا 2 مه‌تر و 20 سانتیمه‌تر تۆماركراوه‌، هه‌رچی كه‌رتی نیوفۆلاند-ی كه‌نه‌دا 3 مه‌تر و نیو به‌فر باریوه‌.

به‌پێ ڕاپۆرتێكی فۆكس نیوز، ته‌نیا له‌ماوه‌ی 24 کاتژمێردا له‌ ویلایه‌تی نۆرس داكۆتا 87 سانتیمه‌تر باریوه‌، به‌پێ كه‌شناسی ویلایه‌تی نۆرس داكۆتا و ساوس داكۆتا و مینیسۆتا هیچ زیانێكی گیانی ڕووینه‌داوه‌ و نه‌شبووەته‌ هۆی په‌كخستنی خزمه‌ته‌گوزارییه‌كان و توانراویشه‌ كۆنترۆڵی ڕێگاوبانه‌كان بكرێت، ته‌نیا هێڵێ خێرای ئای 29 به‌ ماوه‌ی نزیكه‌ی 300 كیلۆمه‌تر داخراوه‌ بۆ ماوه‌ی 10 کاتژمێر له‌نێوان گراند فۆكس و سویكس فۆلز له‌ ویلایه‌تی ساوس داكۆتا، هه‌ر به‌پێی فۆكس نیوز 690 گه‌شتی ئاسمانی هه‌ڵوه‌شاوه‌ته‌وه‌.

هه‌رچی كه‌رتی نیوفۆڵاند له‌ كه‌نه‌دایه‌ بووەته‌ هۆی بچڕانی ته‌زووی كاره‌با و ته‌واوی شوێنه‌ بازرگانییه‌كان داخراوه‌، ته‌نیا ڕێگه‌ دراوه‌ به‌ پۆلیس و تیمی خزمه‌تگوزاریی بێنه‌ ده‌ره‌وه‌.
ئاشلی براویلر پسپۆری كه‌شناسی به‌ ئاژانسه‌كانی كه‌نه‌دای ڕاگه‌یاندووه‌ هه‌ندێك له‌ماڵه‌كان به‌فر ده‌رگاكانیانی داپۆشیوه‌ و به‌ زه‌حمه‌ت توانیویانه‌ كۆنتڕۆڵی ڕێگا بكه‌ن.

له‌ویلایه‌تی مینیسۆتا-ش، له‌به‌رنامه‌ی كه‌شناسی ته‌له‌فیزیۆنی لۆكاڵی كه‌ی ڤی ئار ئار، له‌ڕاپۆرتێكدا ئاماژه‌ی به‌ داپۆشینی به‌شێك له‌و ئۆتۆمبێلانه‌ كرد كه‌ له‌ ده‌ره‌وه‌ ڕاگیراون و ئه‌مه‌ش وایكردووه‌ كاری تیمه‌كانی پاككردنه‌وه‌ قورس بێت و به‌ وریاییه‌وه‌ ڕێگاكان پاك بكه‌نه‌وه‌.

به‌پێی ڕادیۆی ئێن پی ئار، له‌ هه‌ندێك ناوچه‌ی ویلایه‌تی ساوس داكۆتا-ی ئه‌مریكا خێرای “با” به‌ به‌فره‌وه‌ 160 كیلۆمه‌تر بووه‌ له‌ کاتژمێرێكدا كه‌ هیچ كه‌س نه‌یتوانیوه‌ بوه‌ستێت به‌ پێوه‌، ڕادیۆكه‌ له‌سه‌ر زاری كه‌شناسی ئه‌مریكاوه‌ ئاماژه‌ی به‌وه‌داوه‌، كه‌ ته‌نیا له‌ساڵی 1942 و 1999 ناوچه‌كه‌ زریانی له‌و شێوه‌ی به‌خۆوه‌ دیوه‌.

جیهان

وتەبێژی سوپای ئێران: مووشەكمان ڕەوانەی یەمەن نەكردووە، بەڵكو كەسانی شارەزامان ناردووە

خەڵك – بەشی هەواڵ

وتەبێژی سوپای ئێران ڕایدەگەیەنێت: كەسانی شارەزا و ئەزموونی وڵاتەكەیان ڕەوانەی یەمەن كردووە لە پێناو یارمەتیدانی ئەو وڵاتە لەڕووی سەربازییەوە.

ئەبو فەزڵ شكارچی وتەبێژی سوپای ئێران ڕایگەیاند: تاران هیچ جۆرە مووشەكێكی ڕەوانەی یەمەن نەكردووە، تەنها ئەزموونی وڵاتەكەی لە دروستكردنی مووشەكەی بەرگری ڕەوانەی ئەو وڵاتە كردووە و یەمەنییەكان خۆیان مووشەكەكە دروست دەكەن.

وتیشی: ئێران پشتوانی یەمەن و فەڵەستین دەكات، ئەوەشی ئاشكراكرد هەر كەسێك بەرهەڵستكاری ئەمریكا بكات ئەوان هاوكاری دەكەن.

ئەبو فەزڵ شكارچی ئەوەشی خستەڕوو، دۆخی ئابووری وڵاتەكەی ڕێگە نادات كە هاوپەیمانەكانیان بەسەرجەم ئەو پێداویستیانەی دەیانەوێت دەوڵەمەند بكەن بە بێ بەرامبەر، راشیگەیاند: هاووڵاتیانی یەمەن كەسانێكی ژیرن و لە كاتێكی كەمدا توانیویانە چەندین چەك و پێداویستی سەربازی پێشكەوتوو دروست بكەن وەك فڕۆكەی بێ فڕۆكەوانی پێشكەوتوو.

بەردەوام بە لە خوێندنەوە

جیهان

ترەمپ: چین و ڕێكخراوی تەندروستی جیهانی لەبارەی كۆرۆناوە جیهانیان بەهەڵەدا بردووە

خەڵك – بەشی هەواڵ

سەرۆكی ئەمریكا جارێكی تر ئۆباڵی بڵاوبوونەوەی كۆرۆنای خستە ئەستۆی چین و ڕێكخراوی تەندروستی جیهانی و داوای كرد، نەتەوە یەكگرتووەكان بەو هۆیەوە لێپێچینەوە لە پەكین بكات.

دۆناڵد ترەمپ سەرۆكی ئەمریكا لە میانی وتارێكدا 75 هەمین كۆبوونەوەی كۆمەڵەی گشتیی نەتەوە یەكگرتووەكان ڕایگەیاند، ڤایرۆسی چینی گەورەترین ئاڵنگاری بەردەم كۆمەڵگای نێودەوڵەتییە و لە ئێستادا جیهان لە جەنگدایە دژی ئەو دوژمنە نەبینراوە، كە لە سەرتاسەری جیهان بووەتە هۆی مردنی ژمارەیەكی زۆر لە مرۆڤەكان.

سەرۆكی ئەمریكا وتیشی، چین و ڕێكخراوی تەندروستی جیهانی كە لە ژێر كۆنتڕۆڵی پەكیندایە لەسەرەتاوە جیهانیان بەهەڵەدا بردووە بەوەی ئەو نەخۆشییە لە مرۆڤەكانەوە ناگوازرێتەوە و دواتر چین بە هۆی ڕانەگرتنی گەشتە ئاسمانییەكان بووەتە هۆی بڵاوبوونەوەی ڤایرۆسەكە بە جیهاندا.

دۆناڵد ترەمپ جەختیشی كردەوە، پێویستە نەتەوە یەكگرتووەكان چین ناچار بە وەڵامدانەوە بكات و بە هۆی ڕۆڵی ئەو وڵاتە لە بڵاوبوونەوەی كۆرۆنا لێپێچینەوەی لەگەڵ بكات.

بەردەوام بە لە خوێندنەوە

جیهان

سعودیە 552 حاڵەتی تووشبوونی نوێی بە كۆرۆنا تۆماركرد

خەڵك- بەشی هەواڵ
وزارەتی تەندروستی سعودیە، تۆماركردنی 483 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بە ژمارەیەكی زۆر كەمتر بەراورد بە ماوەكانی ڕابردوودا دادەنرێت كە تووشبوونی ڕۆژانە سێ‌ هەزار كەسی لە وڵاتەكەدا تێدەپەڕاند.

ئەمڕۆ سێ‌ شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 552 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی ڕوون دادەنرێت بۆ پاشەكشەكردنی ژمارەی تووشبووان لە وڵاتەكەدا كە بەڕێژەی 75% ڕووی لە كەمبوونەوە كردووە.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4542 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1185 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 312684 كەس.

بەردەوام بە لە خوێندنەوە

کوردستان