ئێمە لە تۆرە کۆمەڵایەتیەکان

کوردستان

بەڤیدیۆ..تیرو پشك بۆ حاجیانی ئەمساڵ ئەنجام دەدرێت

خەڵك-بەشی هەواڵ

بەڕێوەبەری گشتی بەڕێوەبەرایەتی گشتی حەج و عومرە ڕایدەگەیەنێت، تاكو ئێستا تێچووی گەشتی حەج بۆ ئەمساڵ دیاری نكراوە.

شێخ قاسم بەرزنجی بەڕێوەبەری گشتی بەڕێوەبەرایەتی گشتی حەج و عومرە لە كۆنفڕانسێكی ڕۆژنامەوانیدا ڕایگەیاند، ئەمڕۆ تیر و پشك بۆ ئەو كەسانە دەكرێت كە خوازیاری گەشتی حەجن و دوای تیرو پشكەكەش لە كۆی گشتی پڕۆسەكە 45% بۆ 50% تیرو پشك ڕادەكێشرێت، ئەمەش بە مانای ئەوە نایەت كە دەڕۆن بۆ گەشتەكە، بەڵكو تەنها بۆ حاڵەتی لەناكاوە.

وتیشی”بەهیچ شێوەیەك هەر هاوڵاتیەك حەجی كردبێت ئەمساڵ ناتوانێت حەج بكاتەوە”.
ئاماژەی بۆ ئەوەش كرد، پڕۆسەی دواخستن بەهیچ شێوەیەك نییە، بۆ ئەوەی ساڵێكی دیكە بڕوات، پڕۆسەكە تەنها بۆ یەك ساڵە و لەوانەیە ساڵێكی دیكە بەشێوەیەكی دیكە تیرو پشكەكە بكرێتەوە، هەروەها پڕۆسەی تەنازول كردن لە چەند حاڵەتێكدا بوونی هەیە، تەنها ئەگەر یەكێك وەفاتی كردبێت تەنها باوك و دایك و هاوسەرەكەی دەتوانن بچنە شوێنی، هەروەها خوشك و برا بۆ یەكتر و كوڕ و كچ بۆ دایك و باوكیان.

سەبارەت بە تێژووی حەجی ئەمساڵ، ناوبراو ڕایگەیاند، تێچووی حەج تاكو ئێستا دیار نییە، ڕۆژی سێ شەممە و چوار شەممە دەتوانن سەردانی بەڕێوەبەرایەتییەكان بكەن، چونكە تێچووی حەج ساڵ لەدوای ساڵ گۆڕانكاری بەسەردا دێت و زیاد دەكات، چونكە سعودیە بڕیاری داوە نرخی ڤیزە بەرز بكاتەوە.

ڕوونیشیكردەوە، ڕێژەی دەرچوونی خوازیارنای گەشتی حەج بەشێوەیەكی گروپ بەم شێوەیە دەبێت: (گروپی پیاو بە تەنها 12%، گروپی سیانی 15%، گروپی مەحرەم حاجی 3%، گروپی ئافرەت بە تەنیا 12%، گروپی ئافرەت لەگەڵ مەحرەم 50%)

ئاشكراشیكرد، ئێستا تیروپشك بۆ 4369 دەكرێت و 521 كەس دەمێنێتەوە كە 100 كەس دراوە بۆ شەهیدان، 104 كەس بۆ كۆمپانیاكانە، 25 كەسیش دواخستنی پار ساڵ، ئەوانی دیكەش لیژنەكانە هەرچەندە جێگیر نییە و دوای یەدەگی پێڕادەكێشرێت.

کوردستان

گۆڕان: بەشداریکردنمان لەحکومەت، بەمانای وازهێنان نییە لەڕەخنە و بۆچوونەکانمان

خەڵک – بەشی هەواڵ

 

وتەبێژى بزوتنەوەى گۆڕان ڕایدەگەیەنێت، سورین لەسەر هەموو ئەو دروشم و بەرنامانەى هەمانبوە و فشار دروست دەکەین بۆ جێبەجێ کردنیان، دەشڵێت: “کاتێک لەبرى باشبونى موچە دۆخەکە خراپ بێت، بێگومان خەڵک رەخنە دەگرێت و رەخنەکانیش رەوایەتى خۆیان هەیە”.

عەدنان عوسمان وتەبێژى بزوتنەوەى گۆڕان لە چاوپێکەوتنێکدا لەگەڵ رادیۆى دەنگى گۆڕان ڕایگەیاند، بەشداریکردنى هەر هێزێکى سیاسى لە حکومەت، بە ماناى وازهێنانى لە بەرنامەکانى رابردوى نییە.

 

وتیشى: “بزوتنەوەى گۆڕان لەپێناو بەرەو پێشبردنى بەرنامەکانى، بەشدارى لە حکومەتدا کردوە، ئەم بەشداریکردنە بە ماناى وازهێنان لە رەخنە و بۆچونەکانى رابردو و قسەکانمان نییە، ئێمە سورین لەسەر هەموو رەخنە و دروشمەکانمان و دەمانەوێت هەموو ئەوانە بەرجەستە بکرێت و بکرێتە کردار، بزوتنەوەى گۆڕان بە بەرنامە و پاکێجى خۆیەوە چوەتە دەسەڵات و کاریان لەسەر دەکات”.

لەبارەى ئەو رەخنانەى لە بزوتنەوەى گۆڕان دەگیرێت، عەدنان عوسمان رایگەیاند، بەشێک لە رەخنەکان بریتى بووە لەوەى کە بزوتنەوەکە پەیامى چاکسازى و دادپەروەرى و بەدامەزراوەیى کردنى دامودەزگاکانى هەبووە، بەڵام لە بەشداریکردنى ئێستا و پێشوى لە حکومەتدا، ئەگەر تەماشاى واقعى کوردستان بکەین بەو شێوەیە نەبوە کە ئێمە ویستومانە، هێشتا ئەو قۆناغە گرنگانەى کە پێویستە رەنگدانەوەى هەبێت لەسەر ژیانى خەڵک و هەرێمى کوردستان و دامەزراوەکان، بەوشێوەیە نەبوە.

دەشڵێت: “بزوتنەوەى گۆڕان بەرامبەر رەخنەکان لەسەر دوو ئاست قسەى خۆى هەیە، یەکەم؛ ئێمە بەردەوام لە هەوڵداین لە حکومەت و پەرلەمان و حکومەتە خۆجێیەکان و پەیوەندیە سیاسیەکانمان لەگەڵ لایەنەکانى بەشدار لە حکومەت، بۆ ئەوەى هەنگاوى خێرابنرێت و فشار دەکەین. بوونى ئێمە لە حکومەت بەهێزبوونى فشارەکەیە و نەبوونى ئێمە لاوازبوونى فشارەکەیە.
دوەم؛ چارەسەرى (29) ساڵى گەندەڵى و نادادپەروەرى و بێ سیستمى کاتى دەوێت، هەبوونى فشار و دانانى کات بۆ جێبەجێ کردنى بەرنامەکان گرنگە، بەڵام هەندێک هەنگاو دەرفەتى دەوێت، لەگەڵ ئەوەشدا خوازیارى ئێمە ئەوەیە بەشێکى زۆر لە پرسەکان بە زوترین کات چارەسەریان بۆ بدۆزرێتەوە.
وتەبێژى بزوتنەوەى گۆڕان جەخت دەکاتەوە لەوەى، خەڵک مافى خۆیەتى کە دەیەوێت لە ماوەیەکى کەمدا چارەسەرى پرسە گرنگەکان رەنگبداتەوە لە ژیانیدا، کاتێک لەبرى باشبونى موچە دۆخەکە خراپ بێت، لەبرى ئەوەى پەرلەمان بەرەو بەهێزى بڕوات؛ لاواز ببێت، بێگومان رەخنە دەگرێت و رەخنەکان رەوایەتى خۆیان هەیە.

بەردەوام بە لە خوێندنەوە

کوردستان

توركیا شەهیدكردنی دوو گەریلای راگەیاند

خەڵك- بەشی هەواڵ

وەزارەتی بەرگریی توركیا رایگەیاند كە لە میانی ئۆپەراسیۆنێكی سوپای توركیادا، دوو گەریلای پەكەكە لە ناوچەی ئاڤاشین لە هەرێمی كوردستان كوژراون.

لە راگەیەنراوێكدا وەزارەتی بەرگریی توركیا رایگەیاند، لە میانی ئۆپەراسیۆنێكی ئاسمانیی بۆسەر ناوچەی ئاڤاشین، دوو گەریلای پەكەكە كە لە ئامادەكاریدابوون بۆ ئەنجامدانی هێرش شەهید كراون.

لە راگەیەندراوەكەدا، جەخت لەسەر بەردەوامی ئۆپەراسیۆنەكان كراوەتەوە.
تاكو ئێستا هەپەگە باڵی سەربازی پەكەكە هیچ رونكردنەوەیەكی لەبارەی راگەیەنراوەكەی وەزارەتی بەرگری توركیاوە نەداوە.

بەردەوام بە لە خوێندنەوە

کوردستان

هەرێمی كوردستان هەل بۆ وەبەرهێنەرە ئیسپانییەكان دەڕەخسێنێت

خەڵك- بەشی هەواڵ

ئەمڕۆ نێچیرڤان بارزانی سەرۆكی هەرێمی كوردستان لەگەڵ باڵیۆزی ئیسپانیا لە عێراق خوان خوسیە ئیسكوبار و شاندێكی بازرگانیدا كۆبووەوە.

بەپێی راگەیەندراوی سەرۆكایەتی هەێمی كوردستان، نێچیرڤان بارزانی جەختیكردووە لەسەر پەرەدان بە پەیوەندییەكانی هەرێمی كوردستان و ئیسپانیا بە تایبەت لەلایەنی ئابووری و بازرگانییەوە.

وتیشی: هەرێمی كوردستان ئامادەیە بۆ پێشكەشكردنی سەرجەم پشتیوانی و كارئاسانی كەرتی تایبەت و وەبەرهێنەرانی ئیسپانی بۆ رەخساندنی هەلی كار و وەبەرهێنان لە هەرێم و بەشداریكردن لە كەرتی ئابووری لە كوردستان.

هەردوولایەن تاوتوێی رەوشی گشتی ناوچەكە، پرۆسەی سیاسی عێراق، پەیوەندییەكانی هەرێم و بەغدا و چارەسەركردنی كێشەكانیان، ڤایرۆسی كۆرۆنا و مەترسییەكانی تیرۆر و دۆسێ گرنگەكانی دیكەیان كرد.

بەردەوام بە لە خوێندنەوە

کوردستان