ئێمە لە تۆرە کۆمەڵایەتیەکان

کوردستان

داواكاری كۆماری توركیا، داوایەكی بنەماڵەی ئۆجەلانی ڕەتكردەوە

خەڵك-بەشی هەواڵ

داواكاری كۆماری داواكارییەكی محەمەد ئۆجەلان برای عەبدوڵلا ئۆجەلان ڕێبەری پارتی كرێكارانی كوردستان “پەكەكە” و مازلوم دینچی پارێزەریان ڕەتكردەوە.

دوێنی محەمەد ئۆجەلان برای عەبدوڵلا ئۆجەلان ڕێبەری پارتی كرێكارانی كوردستان “پەكەكە” و مازلوم دینچ، سەردانی داواكاری كۆماری بورسایان كرد و داوایان كرد عەبدوڵلا ئۆجەلان ببینن، بەڵام داواكەیان ڕەتكرایەوە.

هاوكات خانەوادەی عومەر خەیری كۆنار، حالیمی ییڵدرم، ڤەیسی ئایتاشیش قبوڵ نەكرا و بەپێی زانیارییەكان داواكاری گشتی بە بیانوی (سنوورداركردنی زیندانیان) سەردانی خانەوادەكانی قبوڵ نەكرد.
س.ع

کوردستان

سەرچاوەیەك: عەللاوی بەباشی وەڵامی شاندێكی هەرێمی نەداوەتەوە

خەڵك- بەشی هەواڵ
سەرچاوەیەك ڕایدەگەیەنێت، شاندێكی هەرێمی كوردستان كە بە سەرۆكایەتی هۆشیار زێباری سەردانی بەغدای كرد و چاوی بە محەمەد تۆفیق عەللاوی سەرۆك وەزیرانی ڕاسپێردراوی عیراق كەوت، بە توڕەیی كۆبووەوەكەی بەجێهێشت بەو هۆیەی عەللاوی بەدەنگەوەهاتنی نەبووە بۆ مافە دەستورییەكانی هەرێم.

سەرچاوەیەكی كوردی بە ماڵپەڕی (سۆمەریە نیوز)ی ڕاگەیاندووە”شاندێكی كوردی كە بەسەرۆكایەتی هۆشیار زێباری سەردانی بەغدای كرد بۆ چاوپێكەوتن لەگەڵ محەمەد تۆفیق عەللاوی سەرۆك وەزیرانی ڕاسپێردراو، بە توڕەییەوە كۆبوونەوەكەی بەجێهێشت، بەو هۆیەی سەرۆك وەزیرانی ڕاسپێردراو بەدەنگەوەهاتنی نەبووە بۆ مافە دەستورییەكانی هەرێمی كوردستان”.

پێشتر شاندێكی كورد بە سەرۆكایەتی هۆشیار زێباری ئەندامی مەكتەبی سیاسی پارتی دیموكراتی كوردستان بۆ دانوستان لەبارەی پێكهێنانی حكومەتی نوێ‌ لەگەڵ محەمەد تۆفیق عەللاوی، سەردانی بەغدای كردبوو.

بەردەوام بە لە خوێندنەوە

کوردستان

بەوێنە؛ لە ڕووداوێكی هاتووچۆدا ٣ كەس بوونە قوربانی

خەڵك – بەشی هەواڵ

بەڕێوەبەری ڕاگەیاندنی پۆلیسی هاتووچۆی دهۆك ڕایدەگەیەنێت ، لە ڕووداوێكی هاتووچۆدا لەسەر ڕێگای نێوان شارەدێی مانگیشا و كۆمەڵگەی باگیرا لە پارێزگای دهۆك، كەسێك گیانی لەدەستدا و دوو كەسی دیكەش برینداربوون.

ئازاد تەها، بەڕێوەبەری ڕاگەیاندنی پۆلیسی هاتووچۆی دهۆك لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، شەوی ڕابردوو لەسەر ڕێگای سەرەكی شارەدێی مانگێش و كۆمەڵگای باگیرا لە سنووری پارێزگای دهۆك، دوو ئۆتۆمبێل لە جۆرەكانی هیۆندای ئەكسنت-ی تایبەت و نیسان سەنی كرێ پێكیانیاندا و سێ قوربانی لێكەوتەوە.

ڕاشیگەیاندووە، بەهۆی ڕووداوەكەوە شۆفێرێك گیانی لەدەستدا و2 سەرنشینی دیكەش برینداربوون و بۆ وەرگرتنی چارەسەر بریندارەكان ڕەوانەی نەخۆشخانەی دهۆك كران .

وێنەی ‏ازاد طه azad taha‏.

وێنەی ‏ازاد طه azad taha‏.

وێنەی ‏ازاد طه azad taha‏.

بەردەوام بە لە خوێندنەوە

کوردستان

هاتوچۆ لە ڕێگەی خاڵی سنووری نێودەوڵەتی پەروێزخان ڕاگیرا

خەڵک ـ بەشی هەواڵ

بەهۆی تەشەنەکردنی ڤایرۆسی کۆرۆناو بڵاوبونەوەی لە بەشێک لە وڵاتانی دراوسێ، بەبڕیاری حکومەتی ھەرێمی کوردستان، هاتوچۆی گەشتیاریی لەڕێگەی مەرزی نێودەوڵەتی پەروێزخانەوە ڕاگیرا.

دوای بڕیاری وەزارەتی ناوخۆی حکومەتی ھەرێمی کوردستان، لەبەڕێوەبەرایەتی نشینگەی پارێزگای سلێمانیەوە بنکەی نشینگەی پەروێزخان ئاگادار کرایەوە، کەلە کاتژمێر ١٢ی ئەمشەو ٢١/٢٠ی٢٠٢٠/٢ ەوە هاتوچۆی گەشتیاران لە عێراقەوە بۆ ئێران و بەپێچەوانەشەوە ڕابگیرێت.

ئەو هاوڵاتییە عێراقیانەی کە لە وڵاتی ئێرانن و دەیانەوێت بگەڕێنەوە، پاش پشکنینیان لەلایەن بنکەی تەندروستی پەروێزخانەوە بەنوسراوی فەرمیی پزیشکیی بنکەی نشینگەی پەروێزخان لەجێگیریی دۆخی تەندروستییان ئاگادار دەکرێتەوەو ئەوکات ڕێگەی ئەوەیان پێدەدرێت بگەڕێنەوە ناو خاکی عێراق و هەرێمی کوردستان.

جگە لە گەشتکردن، ئەو هاوڵاتیانەش کە دەیانەوێت بۆ چارەسەری پزیشکی و خوێندن و هەر کارێکی دیکە ڕوو لە وڵاتی ئێران بکەن، بەهیچ شێوەیەک ڕێگەیان پێنادرێت و هەموو جۆرە هاتن و چونێک ڕاگیراوە.

سەبارەت بە بەردەوامی یان ڕاگرتنی ئاڵ و گۆڕی بازرگانی، پێویستی بەبڕیاری حکومەت و بەڕێوەبەرایەتی گشتی گومرگی هەرێمی کوردستانە.

ڕاگەیاندنی کۆمەڵگای دەروازەی نێودەوڵەتی پەروێزخان

بەردەوام بە لە خوێندنەوە

کوردستان