ئێمە لە تۆرە کۆمەڵایەتیەکان

ئابوری

بڕی قەرزەكانی سەر عیراق ئاشكرادەكرێت

خەڵك- بەشی هەواڵ
مزهر محەمەد ساڵح، ڕاوێژكاری سەرۆك وەزیرانی عیراق بۆ كاروباری دارایی، بڕی قەرزە دەرەكی و ناوخۆییەكانی سەر عیراق، ئاشكرا دەكات.

ساڵح لە لێدوانێكی بۆ ئاژانسی دەنگوباسی (العراقیە) (واع) ڕایگەیاندووە”بڕی قەرزە دەرەكییەكانی سەر عیراق، كەمترە لە 30 ملیار دۆلار، هەندێك لە قەرزە دەرەكییەكانیش بەندە بە ڕێككەوتنی یانەی پاریس كە نزیكەی 80%ی قەرزەكانی پێش ساڵی 1990ی لابراون و یەكلایی نەكراونەتەوە”.

بەوتەی ڕاوێژكارە داراییەكەی حكومەتی عیراق”قەرزی دەرەكی سەر وڵات بۆ قۆناغی پێش 1990 دەگاتە 128 ملیار دۆلار، بەڵام 80%ی بەپێی ڕێككەوتنی یانەی پاریسەوە سڕدراوەتەوە”.

مزهر محەمەد ساڵح دەڵێت”41 بۆ 42 ملیار دۆلاری ئەو قەرزانە پەیوەندییان بە وڵاتانی كەنداوەوە هەیە، لەگەڵ هەندێك وڵاتی تر كە پێش ساڵی 1990 لە دەرەوەی ڕێككەوتنی یانەی پاریس قەرزییان بە عیراق بەخشیوە”، ئاماژەی بە چارەسەركردنی ئەو قەرزە هەڵپەسێردراوانەش كردووە لەڕێی پەنابردنە بەر ڕێككەوتنی پاریس، بەو پێیەی ڕێككەوتنێكی پێوەرییە بۆ هەموو قەرزەكانی سەر عیراق.

ئەو ڕاوێژكارە داراییە ڕایگەیاندووە”پاشماوەی ئەو قەرزەی لە ڕێككەوتنی یانەی پاریس دەمێنێتەوە، كەمترە لە 9 ملیار دۆلار، هەندێك قەرزی تر بەهۆی جەنگی دژ بە گروپە تیرۆریستییەكانی داعش بەسەر عیراقەوە كەڵەكە بووە كە بە نزیكەی 13 ملیار دۆلار مەزەندە دەكرێت”.

مزهر محەمەد ساڵ پێیوایە”پاشماوەی پارەی ئەو وڵاتانەی لەنێو ڕێككەوتنی پاریس و دەرەوەن، لەگەڵ دامەزراوە داراییە نێودەوڵەتییەكان و لایەنەكانی تر، ناچنە ژێرباری ڕێككەوتنی یانەی پاریس و بە نزیكەی 28 ملیار دۆلار مەزەندە دەكرێت”.

بە وتەی ڕاوێژكارە داراییەكەی حكومەتی عیراق”ئەو قەرزانە لە ساڵی 2020 تا 2028، هەر یەكە و بەپێی شایستەی خۆی بە وەجبە دەدرێنەوە، قەرزی ناوخۆی عیراقیش بە نزیكەی 42 ملیار دۆلار مەزەندە دەكرێت كە بۆ بانكەكانی ناوەندی و ڕافیدەین و (L.T.B.A) و بانكی ڕەشید، دەگەڕێتەوە”.

 

أ.ج

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

ئابوری

خەڵك؛ وردەكاری بڕیارەكەی حكومەت بۆ پێوەری ئاو ئاشكرادەكات

خەڵك- بەشی هەواڵ
بەپێی ڕێنماییەكانی وەزارەتی شارەوانی و گەشتوگوزاری هەرێم، هەر ماڵ و شوێنێك پێوەری ئاو نەبەستێك مانگانە بڕی 100 تاوەكو 450 هەزار دینار غەرامە دەكرێت و بەڕێوەبەرایەتی گشتی ئاو و ئاوەڕۆی هەرێم دەڵێت: “لەم مانگەوە دەستپێدەكات”.

بەڕێوەبەرایەتی گشتی ئاو و ئاوەڕۆ، كە سەر بە وەزارەتی شارەوانییە لە ڕاگەیەنراوێكدا ئاماژەی بەوەكردووە، كە دەست بە جێبەجێکردنی ماددەی (٩) لە ڕێنمایی ژمارە (١)ی ساڵی ٢٠١٨ دەكەن لەگەڵ ئەنجامدانی خوێندنەوە بۆ پێوەری ئاو لە خولی (٧)، كە لە ٢٠٢٠/٩/١٣ دەست پێ دەکات.

بەپێی نووسراوی بەڕێوەبەرایەتی گشتی ئاو و ئاوەڕۆ ژمارە (٢٢١٩ لە ٢٠٢٠/٩/٨)، كە دەست (خەڵك) كەوتووە، پێویستە ماددەی (٩) لە ڕێنمایی تایبەت بە بەستن و خوێندنەوەی پێوەری ئاوی خواردنەوە لە هەرێمی کوردستان ژمارە (١)ی ساڵی ٢٠١٨ جێبەجێ بکرێت بۆ گشت بەکارهێنەرانی ئاو لە ڕێکەوتی دەستپێکردنی خولی (٧).

بەپێی ڕێنماییەكە، كە دەست (خەڵك) كەوتووە، هەر ماڵێك یان شوێنێكی نیشتەجێبوون یان پەرستگایەك پێوەری ئاوی نەبەستبێت بڕی 100 هەزار دینار غەرامە دەكرێت و دوای 3 مانگ ئەگەر هەر نەیبەست بڕەكە دەبێتە 200 هەزار و بۆ فەرمانگەكان و كەرتی تایبەت و بازرگانی بڕی غەرامەكە زیاترە و زۆرترین غەرامەش بۆ شووشتنگە (غەسل) دیاری كراوە، كە 250 هەزار دینارە و دوای 3 مانگ دەبێتە 450 هەزار دینار.

بەردەوام بە لە خوێندنەوە

ئابوری

پەڕلەمانتارێكی پارتی باسی دابەشكردنی مووچە دەكات

خەڵك- بەشی هەواڵ
بڕیاردەری لیژنەی دارایی پەڕلەمانی عیراق لە پشكی پارتی ڕایدەگەیەنێت، كە مووچەی فەرمانبەران بۆ ئەم مانگە دابین كراوە و كێشەی نییە، بەڵام بۆ مانگەكانی دیكە ئاستەنگ دروست دەبێت.

ئەحمەد سەفار، بڕیاردەری لیژنەی دارایی پەڕلەمانی عیراق لەلێدوانێكی ڕۆژنامەوانیدا، كە میدیاكانی عیراق بڵاویانكردۆتەوە ئاماژەی بەوەكردووە، كە مووچەی فەرمانبەران و خانەنشینان بۆ مانگی ئەیلول دابین كراوە، بەڵام حكومەت تووشی ئاستەنگ دەبێتەوە بۆ دابین كردنی مووچەی مانگەكانی داهاتوو، واتە لە مانگی 10وە كێشەی بۆ دروت دەبێت.

ڕاشیگەیاندووە، كە پڕۆژە یاسای بودجەی گشتی فیدڕاڵی بۆ ساڵی 2020 تا ئێستا نەگەیشتۆتە پەڕلەمان، بۆیە قورسە قسە بكرێت لەسەر ناوەڕۆژی پڕۆژەكە بەهۆی ئەوەی نەگەیشتۆتە بەردەستی پەڕلەمان.

ئاماژەی بەوەشكردووە، داهاتی نەوت لە دابەزیندایە و هەروەها داهاتی نانەوتی، ئەوەش وا لە حكومەت دەكات دووبارە پەنا بباتە بەرقەرز.

لای خۆشیەوە، جەمال كۆچەر، ئەندامی لیژنەی دارایی لە پەڕلەمانی عیراق ڕایگەیاندووە، كە حكومەتی عیراق لەڕێگەی قەرزی ناوخۆییەوە مووچەی مانگەكانی داهاتووی فەرمانبەران دەدات و ئەوەش لە پڕۆژە یاسای بودجە جێگیر كراوە.

جەختیشی كردەوە، كە بەبێ‌ ڕەزامەندی پەڕلەمان بۆ ئەو بڕگەیە، حكومەت نەیدەتوانی مووچە بدات، هەروەها پەڕلەمان ناچار بوو ڕەزامەندی بدات تاوەكو حكومەت بتوانێت قەرز بكات و مووچە بدات.

بەردەوام بە لە خوێندنەوە

کوردستان