ئێمە لە تۆرە کۆمەڵایەتیەکان

کوردستان

لەبارەی ئازادكردنی چەكدارانی داعش، هەسەدە وەڵامی وەزیری دەرەوەی ڕوسیا دەداتەوە

خەڵك-بەشی هەواڵ

 

وتەبێژی هەسەدە ڕایدەگەیەنێت، پەیوەندییەكانمان، جگە لە روسیا، لەگەڵ هەموو دەوڵەتە پەیوەندیدارەكان هەیە.

سێرگی لاڤرۆڤ وەزیری دەرەوەی ڕوسیا ڕایگەیاند، دەستگیركراوانی داعش لەلایەن هەسەدەوە ئازاد دەكرێن ئەمەش مەترسی زۆری بۆ ناوچەكە هەیە، و وتەبێژی هەسەدەش لە وەڵامدا ئاشكرایكرد، لەسەر بابەتی چەكدارانی داعش جگە لە ڕوسیا لەگەڵ هەموو وڵاتە پەیوەندیدارەكان لەسەر هێڵن.

ئاژانسی فوڕات نیوز بڵاویكردەوە، كینۆ گابریەل وتەبێژی هێزەكانی سوریای دیموكرات “هەسەدە” ڕایگەیاند، ئەو ڕاپۆرتانەی گەیشتوونەتە بەردەستی لاڤرۆڤ پشتڕاست نەكراونەتەوە.

وتیشی”جگە لە ڕوسیا، پەیوەندیمان لەگەڵ هەموو دەوڵەتە پەیوەندیدارەكاندا هەیە و بیروڕا و زانیارییەكانیان لەگەڵ تاوتوێ دەكەین و زانیاریی هەموو دەستگیركراوانی داعشمان لەبەردەستدایە”.

ئاشكراشیكرد، لەگەڵ هێرشی بەردەوامی سوپای توركیا و هاوپەیمانەكانی بۆسەر ناوچەكانمان و مەترسییەكانی بۆ سەر ئەو گرتووخانانە، بە بەردەوامی ئەو ناوەند و گرتووخانانە داعشی لێیە دەپارێزین.

س.ع

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان