ئێمە لە تۆرە کۆمەڵایەتیەکان

کوردستان

مەسرور بارزانی لەبارەی پڕۆژە یاسای چاكسازی دڵنیایی دەداتە هاووڵاتیان

خەڵك – بەشی هەواڵ

سەرۆكی حكومەتی هەرێمی كوردستان ڕایدەگەیەنێت، پەسەندكردنی پڕۆژە یاسای چاكسازی هەنگاوێكی مێژووییە بەرەو كوردستانێكی بەهێزتر و هاووڵاتییان دڵنیادەكاتەوە، كە دەقی كۆتایی یاساكە دڵنیایی گرنگی تێدایە سەبارەت بە مووچە وئیمتیازاتەكانی فەرمانبەر و مووچەخۆران.

مەسرور بارزانی، سەرۆكی حكومەتی هەرێمی كوردستان بە بۆنەی پەسندكردنی یاسای چاكسازی لە پەرلەمانی كوردستان پەیامێكی بڵاوكردە و تیایدا ڕاگەیاندووە، پەسەندكردنی پڕۆژە یاسای چاكسازی هەنگاوێكی مێژووییە بەرەو كوردستانێكی بەهێزتر و یەكێك لە ئەركە لە پێشینەكانی كابینەی نۆیەمی حكومەتی هەرێمی كوردستان بوو.

ڕاشیگەیاندووە، چاكسازی پرۆسەیەكی بەردەوامە و گشت كەرتەكان دەگرێتەوە و ئەم یاسایەش بەڵگەیەكی روونی دیكەیە لە سەر پابەندبوونی حكومەتی هەرێمی كوردستان بۆ سنووردانان بۆ گەندەڵی و هەوڵدان بۆ بنبڕكردنی.

لە ڕاگەیەنراوەكەدا هاتووە، سەرۆكی حكومەتی هەرێمی كوردستان هاووڵاتییان دڵنیا دەكاتەوە، كە دەقی كۆتایی یاساكە دڵنیایی گرنگی تێدایە سەبارەت بە مووچە وئیمتیازاتەكانی فەرمانبەر و مووچەخۆران بە جۆرێك، كە كەسانی شایستە مافەكانیان پارێزراو دەبێت.

دەقی پەیامەكەی سەرۆكی حكومەتی هەرێمی كوردستان:
دەستخۆشی لە پەرلەمانی كوردستان دەكەم بۆ پەسەند كردنی پڕۆژە یاسای چاكسازی . ئەمە هەنگاوێكی مێژووییە بەرەو كوردستانێكی بەهێزتر . ئەم پرۆژەیە بەشێكی گرنگی كارنامەی كابینەی نۆیەمی حكومەتی هەرێمی كوردستان بوو بۆ وەڵامدانەوەی خواست وداوای هاووڵاتییانی هەرێمی كوردستان بۆ ئەنجامدانی چاكسازی. ئامانجیش رێكخستنەوەی خەرجییە گشتییەكان و هێنانەدی دادپەروەرییە بۆ فەرمانبەران و كەسوكاری سەربەرزی شەهیدان و پێشمەرگە قارەمانەكان .

دوای پێكهێنانی كابینەی نۆیەمی حكومەتی هەرێمی كوردستان لە تەمووزی ساڵی رابردوو ، ئێمە دەستبەجێ لیژنەیەكی باڵامان لە حكومەت پێكهێنا بۆ پێداچوونەوە و بەهێزكردنی رەشنووسی پڕۆژە یاسای چاكسازی.

هاوولاتییان دڵنیا دەكەینەوە كە دەقی كۆتایی یاساكە دڵنیایی گرنگی تێدایە سەبارەت بە مووچە وئیمتیازاتەكانی فەرمانبەر و مووچەخۆران بە جۆرێك كە كەسانی شایستە مافەكانیان پارێزراو دەبێت .

چاكسازی پرۆسەیەكی بەردەوامە و گشت كەرتەكان دەگرێتەوە. ئەم یاسایەش بەڵگەیەكی روونی دیكەیە لە سەر پابەندبوونی حكومەتی هەرێمی كوردستان بۆ سنووردانان بۆ گەندەڵی و هەوڵدان بۆ بنبڕكردنی . هەروەها هەنگاوێكی گرنگیشە بەرەو حكومەتێكی مۆدێرن و شەفاف و باشتركردنی خزمەتگوزارییەكان و خزمەتكردنی هاووڵاتییانی هەرێمی كوردستان بە بێ جیاوازی كە ئامانجی سەرەكی ئەم حكومەتەیە.

مەسرور بارزانی

سەرۆكی حكومەتی هەرێمی كوردستان

2020/1/16

ژینگە

عەبدولڕەحمان سدیق پۆستێكی باڵای لە كابینەی نۆ وەرگرت

خەڵك – بەشی هەواڵ
نووسەر و ئەندازیار سیاسەتمەداری كوردو ئەندامێكی پێشووی سەركردایەتی یەكگرتووی ئیسلامیی كوردستان پۆستی سەرۆكی دەستەی پاراستن و چاككردنی ژینگە لە هەرێمی كوردستان وەرگرت و ئەمڕۆ سەرۆكی هەرێم واژۆی لەسەر كرد .

نێچیرڤان بارزانی، سەرۆكی هەرێمی كوردستان ئەمڕۆ دووشەممە 10/8/2020، فەرمانی هەرێمی بۆ عەبدولڕەحمان سدیق، نووسەر و ئەندازیار سیاسەتمەدار ی كورد واژۆ كرد تا وەك سەرۆكی دەستەی پاراستن و چاككردنی ژینگە لە هەرێمی كوردستان دەست بەكار بێت.

سەرۆكی هەرێمی كوردستان لە دوای واژۆكردنی دەستبەكاربوونەكەی ستایشی شارەزایی و خزمەت و هەوڵەكانی بۆ پاراستنی ژینگە و بڵاوكردنەوەی كولتووری ژینگەپارێزی عەبدولڕەحمان سدیق كرد، كە هەر لەدوای ڕاپەرینی ئازاری 1991ـەوەبەردەوام بووە و هیوای سەركەوتن بۆ خواست .

بیۆگرافیا :
عەبدولڕەحمان سدیق لە دایكبووی ٢ی ئازاری ١٩٦٢ شاری كەركوك، نووسەر و ئەندازیار سیاسەتمەدار ی كوردە، ئەندامی پێشووی سەركردایەتی یەكگرتووی ئیسلامیی كوردستان بووە و بڕوانامەی ئەندازیاری هەیە و چالاكوانێكی بواری ژینگەیە، لەماوەی ٢٠٠٣ تاكوو ٢٠٠٤ وەزیری ژینگەی عێراق بوو هاوكات ئەندامی ئەنجوومەنی نوێنەران (پەڕلەمان)ی عیراق بوو.

بەردەوام بە لە خوێندنەوە

کوردستان

تەندروستی سلێمانی: لە 24 كاتژمێری ڕابردوودا 22 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 22 تووشبووی كۆرۆنا چاكبوونەتەوە و 3 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 32 نەخۆش داخڵی‌ نەخۆشخانەكانی‌ كۆرۆنا بوون و 22 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 146 تووشبوو لە نەخۆشخانەكان ماونەتەوە و لەو ژمارەیە 32 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 3 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان

بەوێنە، بەهۆی ڕووخانی خانوویەك لە كەركوك كەسێك گیانی لەدەستدا و كەسێكی تر بریندار بوو

خەڵك- بەشی هەواڵ
بەڕێوەبەرایەتی بەرگری مەدەنی كەركوك، گیانلەدەستدانی كەسێك و برینداربوونی كەسێكی تر بەهۆی ڕووخانی خانوویەك ڕاگەیاند.

بەپێی ڕاگەیەندراوێك كە لەلایەن بەڕێوەبەرایەتی بەرگری مەدەنی كەركوكەوە بڵاوكرایەوە”لە ناوچەی تازەی لە گەڕەكی زەیتون لە پارێزگەی كەركوك، تیمەكانی بەرگری مەدەنی، توانیان دوو هاووڵاتی لە ژێر داروپەردوودا دەربهێنن، دوای ئەوەی بنمیچی خانووەكەیان بەسەریاندا ڕووخابوو”.

هەر لە ڕاگەیەندراوەكەدا هاتووە”تیمەكان داروپەردووەكانیان لابردووە و شیشەكانیان لەڕێی ئامێر و كەرەستەی بڕین و لێكترازانی هایدرۆلیكی تایبەتەوە پچڕاندبوو كە لەلایەن تیمەكانی بەرگری مەدەنییەوە بۆ ڕزگاركردنی قورسی ژێر داروپەردوو بەكاردەهێنرێن”.

بەرگری مەدەنی كەركوك دەڵێت”ئەوان فریاكەوتنی سەرەتاییان بۆ بريندارەكان ئەنجامدا و پشان گوازرانەوە بۆ نەخۆشخانەیەكی نزیك لەپێناو وەرگرتنی چارەسەر، بەڵام یەكێك لە بریندارەكان بەهۆی سەختی برینەكەی لە نەخۆشخانە گیانی لەدەستدا، لەئێستاشدا لێكۆڵینەوە بۆ زانینی هۆكاریی داڕوخانی بنمیچی ئەو خانووە دەستیپێكردووە”.

بەردەوام بە لە خوێندنەوە

کوردستان