ئێمە لە تۆرە کۆمەڵایەتیەکان

کوردستان

زاخۆ ؛ ئێوارەی ئەمڕۆ گەنجێك دایك وبرایەكی خۆی كوشت

خەڵك – بەشی هەواڵ

لە زاخۆ گەنجێكی تەمەن 23 ساڵ دەستڕێژەی گوللەی لە دایك و برایەكی خۆی كرد وگیانیان لەدەستدا و لەگەڵ هێزەكانی پۆلیسیش ڕووبەڕوو بویەوە و پۆلیسێك و خۆشی بریندار كرد، لە ئێستادا هەر دوو بریندارەكە لە نەخۆشخانەن.

سەرچاوەیەك لە پۆلیسی زاخۆ بۆ (خەڵك) ڕایگەیاند ، پاش ئاگاداركردنەوەمان لە بوونی ڕووداوێكی تەقەكردن لە گەڕەكی حسینیەی ناو سەنتەری شارۆچكەی زاخۆ هێزەكانمان گەیشتنە شوێنی ڕووداوەكە دەركەوت، كە گەنجێكی تەمەن 23 ساڵ دەستڕێژی گوللەی لە دایك و برایەكی خۆی كردووە و گیانیان لە دەستدا.

وتیشی ،”دواتر ڕووبەڕووی هێزەكان بوویەوە و پۆلیسێكی برینداركرد و دواتر لە پەنجەرەی ماڵكەیانەوە ڕێگەی نەدا كەس لەو شوێنە نزیك بێتەوە و تەقەی لە ئۆتۆمبێل و هاووڵاتیان دەكرد، پاشان تەقەی لەخۆی كرد و برینداربوو دەستگیرا”.

ڕاشیگەیاند، لە دوای ئەوەی بە برینداری دەستگیركرا، لەماڵەوە دەركەوت تەقەی لەدایك و برایەكی خۆی كردووە و خوشكێكی دیكەی لەماڵەوە خۆی لەترسان حەشار داوە، ماڵەكەیان لە شوقەیەكدا بووە.
ئاماژەی بۆ ئەوەشكرد، ئەو گەنجە نەخۆشی دەروونی هەبووە ، لە ئێستادا لە نەخۆشخانە چارەسەری بۆ دەكرێت و كەیسەكەشی ڕەوانەی دادگاكراوە.

کوردستان

داوا دەكرێت سەرۆكی هەرێم یاسای چاكسازی واژوو نەكات

خەڵك-بەشی هەواڵ

كەم ئەندامان داوا لەسەرۆكی هەرێم دەكەن یاسای چاكسازی ئیمزا نەكات
خەڵك-ئارام سەردار

ژمارەیەك لە كەمئەندامانی هەرێمی كوردستان دژی یاسای چاكسازی گردبوونەوە داوا دەكەن سەرۆكی هەرێم واژووی نەكات.

لە ژێر ناونیشانی (خۆشگوزەرانی ئەركی حكومەتە و دەبێت بەئەركی خۆی هەڵبستێت)
ئەمڕۆ چوار شەممە ۲۲ی كانوونی دووەمی ۲۰۲۰ لەگردبوونەوەیەكدا كەمئەندامان و خاوەن پێداویستییە تایبەتەكان لەهەولێر داوا لەسەرۆكی هەرێم دەكەن یاسای چاكسازی واژوو نەكات.

مەسعود ئەنوەر سەرۆكی كۆمەڵەی ژین بۆ خاوەن پێداویستییە تایبەتەكان لەكۆنفڕاسێكی ڕۆژنامەوانیدا ڕایگەیاند، سەڕەڕای چەندین كۆبوونەوە لەگەڵ حكومەت و پەڕلەمان كەوا لەیاسای چاكسازی ڕەچاوی گوزەران و ژیانی كەمئەندامان و خاوەن پێداویستییە تایبەتەكان بكرێت، بەڵام بەداخەوە بەڵێنەكانیان نەبردە سەر.

دەشڵێت”ئێمە وەك كۆمەڵەی ژین تایبەت بە كەمئەندامان داوا لە سەرۆكی هەرێم دەكەین ئەو پڕۆژە یاسایەی لەژێر ناوی چاكسازی كە لەلایەن حكومەتی هەرێم ڕەوانەی پەڕلەمان كرا و لەپەڕلەمان دەنگی لەسەردراوە، واژووی نەكات”.

سەبارەت بەجێبەجێكردنی یاسای خاوەن پێداویستیە تایبەتەكان ناوبراو وتی”بەداخەوە یاساكە وەك خۆی جێبەجێ ناكرێت، لەهەمانكاتدا ڕێنمایی هەیە لەبەرژەوەندی خاوەن پێداویستییە تایبەتەكان جێبەجێ ناكرێت”.

س.ع

بەردەوام بە لە خوێندنەوە

کوردستان

بەفر بارین كاریگەری لەسەر هاتوچۆی بازرگانی لە خاڵە سنوورییەكان نەكردووە

خەڵك-بەشی هەواڵ

بەڕێوەبەری ناحیەی بیارە ڕایدەگەیەنێت، تیمەكانی ئاوەدانكردنەوە و شارەوانی بە بەردەوامی سەرقاڵی پاككردنەوەی ڕێگا سەرەكییەكانن.

حەمید بارام بەڕێوەبەری ناحیەی بیارە بە (خەڵك)ی ڕاگەیاند، ناوچەی هەورامان ناوچەیەكی سارد و شاخاوییە و لە وەرزی زستاندا ڕووبەڕووی شەپۆلێكی بەفر و بارانی بەهێز دەبێتەوە، بەڵام لیژنەكان بە بەردەوامی كارئاسانی بۆ هاوڵاتیان دەكەن.
وتیشی”تیمەكانی شارەوانی و كۆمپانیای گارێكس و لیژنەكانی سەر بە ناحیەی بیارە و بەڕێوەبەرایەتی ڕێگاوبانی هەڵەبجە بەردەوامن لە پاكردنەوەی ڕێگاوبانەكان و هاتوچۆی هاوڵاتیانیش بە بەردەوامی هەیە وخاڵی سنووری شوشمێش هاتوچۆی بازرگانی تێدایە و تا ئەمساتە نەمانهێشتووە هیچ كێشەیەك دروستببێت”.

سەبارەت بە كەمبوونەوەی هاتوچۆی شۆفێران و دابەزینی ئاستی بازرگانی لە خاڵی سنووری شوشمێ، ناوبراو ڕایگەیاند، بەهیچ شێوەیەك بەفر بارینەكە كاریگەری لەسەر كەمكردنەوی هاتوچۆی شۆفیران و ئاستی بازرگانی نەبووە.

بەردەوام بە لە خوێندنەوە

کوردستان

سەرۆكی هەرێم و سەرۆكی ئەمریكا كۆبوونەوە

خەڵك-بەشی هەواڵ

نێچیرڤان بارزانی، سەرۆكی هەرێمی كوردستان لە دووەمین ڕۆژی كۆڕبەندی ئابووری جیهان لە داڤۆس لەگەڵ دۆناڵد تڕەمپ سەرۆكی ئەمەریكا كۆبووەوە.

لە سەرەتای كۆبوونەوەكەدا دۆناڵد تڕەمپ ڕایگەیاند، بەخۆشحاڵیەوە ماوەیەكی زۆرە پێكەوە كار دەكەین و خەلافەتی داعشمان تێكشكاند و ئاسایشی ناوچەكەش دەپارێزن.

لای خۆشییەوە نێچیرڤان بارزانی سەرۆكی هەرێمی كوردستان خۆشحاڵی خۆی بە كۆبوونەوەكە دەربڕی و سوپاسی پشتگیرییە بەردەوامەكانی ئەمەریكاشی كرد و ئاشكرایكرد، پێكەوە داعشمان تێكشكاند و بەناوی كوردستانیشەوە سوپاسی هاوكارییەكانی ئەمریكا دەكەین.

ڕۆژی 21/1/2020 یەكەم ڕۆژی كارەكانی 50ەمین كۆڕبەندی ئابووری جیهانی داڤۆس دەستیپێكرد، كە تێیدا (224) پانێڵ و دیدار و كۆبوونەوەی ڕەسمی ئەنجام دەدرێن و (774) بەشداربووش وتار، یاخود لە پانێڵ و كۆبونەوەكان قسە دەكەن.

بەردەوام بە لە خوێندنەوە

کوردستان