ئێمە لە تۆرە کۆمەڵایەتیەکان

ئابوری

داوای یاسای خانەنشینی كەرتی تایبەت دەكرێت

خەڵك-بەشی هەواڵ

چاودێرێكی سیاسی ڕایدەگەیەنێت، پەڕلەمان لە یاسای چاكسازیدا خانەنشینی كارمەندانی كەرتی تایبەتی لەبیر كرد.
ئەمڕۆ پەڕلەمان دەنگ بە پڕۆژە یاسای چاكسازی دەدات و جگە لە ڕەخنەی هاوڵاتیانیش، پەڕلەمانتاران خانەنشینی كەرتی تایبەتیان لە یاسای خانەنشینیدا لەبیر كرد، ئەمەش نیگەرانیەكی دیكەی لای هاوڵاتیان دروست كرد.

ئاسۆ عەبدوللەتیف چاودێری سیاسی لە نووسینێكیدا ئاماژە بۆ ئەوە دەكات، لەو دوو دانیشتنەدا نە سەرۆكایەتی پەڕلەمان و نە هیچ فراكسیۆن و پەڕلەمانتارێك بە ئۆپۆزسیۆنیشەوە، ئاماژەیان بە یاسایەك نەكرد بۆ كەرتی تایبەت.

دەشنووسێت”هیچ نەبێت دەبوو، بە مۆبایلەكەی دەستیان و ئۆتۆمبیلەكەی ژێریان و بلیتی فڕۆكەكانیان و تیڤیەكان و سیتی و شوقەو فەیسبووك و ئاڵوگۆڕی گەرمی نامە ناردنەكانیان، ئاگاداری ئەوە بوونایە خەڵكانێك هەن لەم وڵاتە ئێشكگرن و بەدیارتانەوە دانیشتوون لە ئۆفیس و ماڵەكانیان و دەنگیان بە ئێوە بەخشیوەو بیست ساڵە لەژێر چەتری یاسا قورسەكانی كەرتی تایبەت كاردەكەن و گەنجێتی خۆیان گوشیوە و یاسایەك نییە پارێزگاریان لێبكات و ماف و ئیمتیازات و ماندووبونەكانیان بپارێزێت، ئەمە كەمتەرخەمی و جەهلێكی كوشندەیە میللەتێك چاوەڕوانی ئەو جۆرە پەڕلەمانتارانە بێت تاكو پڕۆژە یاسایەكی عەقلانی و دادپەروەرو یەكسانیان بۆ پێشنیار بكات”.

ناوبراو ئاشكراشیدەكات، كارمەندانی ئەم كۆمپانیا ئەهلیانە مانگانە ڕسومات و زەمان دەبەخشن بە وەزارەتی كارو كاروباری كۆمەڵایەتی بە ڕێژەی %17ی موچەكانیان و دیاریش نییە ئەم پارەیە بە چ شێوەو میكانیزمێك دەدرێتەوە بە كارمەندان بۆ ئێستاو ئایندە، ئەمە پێویستی بە كۆنتڕۆڵكردن و میكانیزمی گونجاو هەیە لە نێوان پەڕلەمان و كۆمپانیاو وەزارەتی ناوبراو بۆ ئەوەی ئایندەی ئەم كەرتەش بە تاریكی نەمێنێتەوە.

لە بەشێكی دیكە نووسینەكەدا ئاسۆ عەبدوللەتیف ڕایدەگەیەنێت، پێویستە حكومەت تیمی تایبەت پێكبهێنێت بۆ ووردبینی كەرتی تایبەت و لە ڕووی خزمەتی شارستانی و یاساكانەوە پاڵپشتیان بێت، بە پڕۆژە یاسایەك ماف و ئیمتیازاتی كۆتایی ڕاژە ببەخشێت بە فەرمانبەران و كرێكارانی كۆمپانیا ئەهلیەكان و هیچ نەبێت پاش 15 ساڵ ئەركی وەزیفی (فعلی) خانەنشین بكرێن.

ئابوری

نرخی نەوت 46 دۆلاری تێپەڕاند

خەڵك- بەشی هەواڵ
نرخی نەوت لە مامەڵەكانی ئەمڕۆ چوار شەممەدا،  بەڕێژەی نزیكەی 4% ڕووی لە بەرزبوونەوە كرد و بەرزترین ئاستی لە مانگی ئاداری ڕابردووەوە تۆماركرد.

بەپێی زانیارییەكانی پێگەی (بلۆمبێرگ)، گرێبەستە دواخراوەكانی نەوتی خۆرئاوای تكساس بەرمیلی بۆ 43.40 دۆلار و بە بەڕێژەی 3.98% ڕووی لە بەرزبوونەوە كردووە.

لە هەمان كاتدا گرێبەستی فرۆشتنی بەرمیلێك نەوتی برێنت بۆ 46.10 دۆلار بەرزبۆوە و بەراورد بە نرخی پێشووی بەڕێژەی 3.76% ڕووی لە بەرزبوونەوە كردووە.

بەرزبوونەوەی نرخی نەوت دوای بڵاوبوونەوەی زانیارییەكان بوو كە ئاماژەیان بە دابەزینی زۆری عەمباری نەوتی ئەمریكایی كرد، وێڕای ئەوەی مەترسی بڵاوبوونەوەی ڤایرۆسی كۆرۆنا و زیادبوونی ژمارەی تووشبوانیش لەئارایە كە كاریگەرییان لەسەر كەمكردنەوەی داواكاریی لەسەر نەوت هەیە.

بەردەوام بە لە خوێندنەوە

ئابوری

بۆ یەكەمجار زێڕ نرخێكی پێوانەیی تۆمار كرد

خەڵك-بەشی هەواڵ

 

بۆ یەكەمجارە نرخی زێڕ ژمارەیەكی پێوانەیی تۆمار كرد و گەیشتە بەرزترین ئاست.

شەوی ڕابردوو نرخی یەك ئۆنسی زێڕ دوو هەزار دۆلاری تێپەڕاند بەو پێیەش بەرزترین ئاستی تۆماركردووە بەشێوەیەك تاكو ئێستا ئەو نرخەی بەخۆیەوە نەبینیوە، بەپێی زانیارییەكانیش، ئەمڕۆ چوار شەممەش نرخی یەك مسقاڵ زێڕی عەیار 21 لە هەرێمی كوردستان گەیشتە 355 هەزار دینار.

نرخی مسقاڵێك زێر لە بازاڕەكانی هەرێمی كوردستان بۆ ئەمڕۆ چوار شەممە بەم شێوەیەیە”یەك مسقاڵ زێڕی عەیار 18 بە 302 هەزار دینار، یەك مسقاڵ زێڕی عەیار21 بە 355 هەزار دینار، یەك مسقاڵ زێڕی عەیار 22 بە 369 هەزار دینار، یەك مسقاڵ زێڕی عەیار 24یش بە 402 هەزار دینار.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 5ی‌ ئابی 2020 بەرز بووەوە، بەشێوەیەك نرخی‌ نەوتی برێنت بە 44 دۆلار و 44 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 65 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان