ئێمە لە تۆرە کۆمەڵایەتیەکان

ئابوری

پەڕلەمانتارێك زانیاری لەسەر پارەی مووچەی فەرمانبەران ئاشكرادەكات

خەڵك – بەشی هەواڵ
ئەندامێكی پەڕلەمانی عیراق ڕایدەگەیەنێت، بەپێی یاسای بودجەی عیراق لە ساڵی ٢٠١٩، یاسای بودجەی ٢٠٢٠ دەنگی لە سەر نەدرێت، مانگانە ١/١٢ خەرج دەكرێت لە بودجەی ٢٠١٩، دەشڵێت: “مووچەی فەرمانبەران بەردەوام دەبێت”.

غالب محەمەد، ئەندامی پەڕلەمانی عیراق لە فراكسیۆنی گۆڕان بە (خەڵك)ی ڕاگەیاند، دوێنی مووچەی مانگی یەكی 2020 ڕەوانەی هەرێم كراوە و مووچەش بەردەوام دەبێت بەپێی یاسای بودجەی عیراق لە ساڵی ٢٠١٩، بۆیە تا یاسای بودجەی ٢٠٢٠ دەنگی لەسەر نەدرێت مانگانە ١/١٢ خەرج دەكرێت لە بودجەی ٢٠١٩، كەواتا مووچەی فەرمانبەران بەردەوام دەبێت.

وتیشی، “حكومەتی هەرێم تا ئێستا یەك بەرمیل نەوتی ڕادەست نەكردوە و یەك دیناریشی ڕادەستی عیراق نەكردوە، ئەمەش ئەوە دەگەیەنێت، كە ئەم حكومەتە خەمی مووچە و بودجەی هاووڵاتیانی نیە، تەنها لە خەمی گیرفانی خۆیانن”.

ڕاشیگەیاند، نووسراوەكەی سەرۆكی لیژنەی دەستپاكی لە پەڕلەمانی عیراق، كە ئاڕاستەی وەزیری دارایی عیراقی كردوە و ڕوونیكردۆتەوە، بە گوێرە یاسای ئیدارەدانی دەوڵەت ئەگەر پارێزگاكان یان هەرێمەكان یان ناوچەكانی ڕێكنەخراو لەناو هەرێمێكدا داهاتەكانی نەوت و غازیان ڕادەست نەكرد، وەزارەتی دارایی دەتوانێت پشكی ئەو شوێنانە كەمبكاتەوە، بەڵام ئەوە كاریگەری بۆ ئێستا زۆر نابێت، بەڵكو كاریگەری دەبێت بۆ یاسای بودجەی ٢٠٢٠، كە دەبێت هەرێمی كوردستان نەوت ڕادەست بكات.

ئابوری

نرخی نەوت 46 دۆلاری تێپەڕاند

خەڵك- بەشی هەواڵ
نرخی نەوت لە مامەڵەكانی ئەمڕۆ چوار شەممەدا،  بەڕێژەی نزیكەی 4% ڕووی لە بەرزبوونەوە كرد و بەرزترین ئاستی لە مانگی ئاداری ڕابردووەوە تۆماركرد.

بەپێی زانیارییەكانی پێگەی (بلۆمبێرگ)، گرێبەستە دواخراوەكانی نەوتی خۆرئاوای تكساس بەرمیلی بۆ 43.40 دۆلار و بە بەڕێژەی 3.98% ڕووی لە بەرزبوونەوە كردووە.

لە هەمان كاتدا گرێبەستی فرۆشتنی بەرمیلێك نەوتی برێنت بۆ 46.10 دۆلار بەرزبۆوە و بەراورد بە نرخی پێشووی بەڕێژەی 3.76% ڕووی لە بەرزبوونەوە كردووە.

بەرزبوونەوەی نرخی نەوت دوای بڵاوبوونەوەی زانیارییەكان بوو كە ئاماژەیان بە دابەزینی زۆری عەمباری نەوتی ئەمریكایی كرد، وێڕای ئەوەی مەترسی بڵاوبوونەوەی ڤایرۆسی كۆرۆنا و زیادبوونی ژمارەی تووشبوانیش لەئارایە كە كاریگەرییان لەسەر كەمكردنەوەی داواكاریی لەسەر نەوت هەیە.

بەردەوام بە لە خوێندنەوە

ئابوری

بۆ یەكەمجار زێڕ نرخێكی پێوانەیی تۆمار كرد

خەڵك-بەشی هەواڵ

 

بۆ یەكەمجارە نرخی زێڕ ژمارەیەكی پێوانەیی تۆمار كرد و گەیشتە بەرزترین ئاست.

شەوی ڕابردوو نرخی یەك ئۆنسی زێڕ دوو هەزار دۆلاری تێپەڕاند بەو پێیەش بەرزترین ئاستی تۆماركردووە بەشێوەیەك تاكو ئێستا ئەو نرخەی بەخۆیەوە نەبینیوە، بەپێی زانیارییەكانیش، ئەمڕۆ چوار شەممەش نرخی یەك مسقاڵ زێڕی عەیار 21 لە هەرێمی كوردستان گەیشتە 355 هەزار دینار.

نرخی مسقاڵێك زێر لە بازاڕەكانی هەرێمی كوردستان بۆ ئەمڕۆ چوار شەممە بەم شێوەیەیە”یەك مسقاڵ زێڕی عەیار 18 بە 302 هەزار دینار، یەك مسقاڵ زێڕی عەیار21 بە 355 هەزار دینار، یەك مسقاڵ زێڕی عەیار 22 بە 369 هەزار دینار، یەك مسقاڵ زێڕی عەیار 24یش بە 402 هەزار دینار.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 5ی‌ ئابی 2020 بەرز بووەوە، بەشێوەیەك نرخی‌ نەوتی برێنت بە 44 دۆلار و 44 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 65 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان