ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

ئەو وڵاتانەی کە پێشەنگن لە بەکارهێنانی تەکنەلۆجیا و داهێنان دا

خەڵک-

لە زۆرێک لە وڵاتانی جیهاندا تەکنەلۆجیا وەک دەرفەتی بەکارهێنانی خزمەتگوزاری ئینتەرنێتی خێرا و مۆبایلە زیرەکەکان و بەکارهێنانی کارتی ئەلیکترۆنی پارەدان بە شێوەیەکی بەرچاو بووەتە سەرچاوەی ئابوری جیهان. بۆ دیاریکردنی ئەو وڵاتانەی کە پێشەنگن لە بەکارهێنانی تەکنەلۆجیا و داهێناندا، راپۆرتە نوێیەکان ریزبەندیان کردووە بۆ پێنج وڵات کە لە ئاستێکی بەرزی بەکارهێنانی خزمەتگوزاری هێڵی ئینتەرنێتی خێراوە لە ژیانێکی سەردەمیانەی دیجیتاڵیدان.

Image result for technology man

1. ئەستۆنیا (ئیستۆنیا): بە پلەی یەکەم دێت لەسەر ئاستی ئەو وڵاتانەی پێشەنگن لە بەکارهێنانی تەکنەلۆجیادا، لە وڵاتی ئیستۆنیا خزمەتگوزاری ئینتەرنێتی بێسنوور بەکاردێت لەگەڵ خزمەتگوزاری ئۆنلاینی حکومی. وڵاتی ئیستۆنیا لە دوای ڕاگەیاندنی جیابونەوەی لە یەکێتی سۆڤیەت لە ساڵی 1991دا، بەشی زۆری ژێرخانی ئابوری تەرخان کردووە بۆ دەستەبەرکردنی ژیانێکی سەردەمیانەی دیجیتاڵی.
حکومەتی ئیستۆنیا پاڵپشتی ماددی بەرنامەی ئەلیکترۆنی ئیستۆنیا دەکات کە ناسراوە بە پڕۆگرامی ئەلیکترۆنی دەنگدان و تەندروستی و بانک و نیشتەجێبوون کە ئەمەش ڕێگەخۆشکەر بووە بۆ ئەو هاووڵاتیانەشی کە خەڵکی ئیستۆنیا نین بتوانن سودمەندبن لە بەکارهینانی خزمەتگوزاری بانکی و هەبوونی کارتی ناسنامە وکارتی ئەلیکترۆنی پارەدان و ڕێگەیان پێدراوە کە بتوانن کۆمپانیا دابمەزرێنن لەو وڵاتەدا کە لە ئاکامدا، بۆتە هۆکاری دروستبوونی دەرفەتی نوێی ئابوری بۆ وڵاتی ئیستۆنیا.

2. فینلەندا: بە پلەی دووەم دێت لە ڕیزبەندی وڵاتانی پێشەنگ لە بەکارهێنانی تەکنەلۆجیادا و بەیەکەم وڵات دادەنرێت لە پێدانی کارتی ئەلیکترۆنی پارەدان و دابینکردنی خزمەتگوزاری ئینتەرنێتی بێسنوور بۆ پەنابەران و ئەو هاووڵاتیانەی مافی نیشتەجێبوونیان هەیە لە فینلەندا.
ئاسانکاری کردووە بۆ ئەو کۆچبەرانەی کە زمانی فینلەندی نازانن بە دابینکردنی ئینتەرنێتی حکومی و وەرگێڕانی خزمەتگوزارییەکان بۆ چەند زمانێک و پێدانی دەرفەتی خوێندن بە یەکسانی بۆ هەموو هاووڵاتیەکی نیشتەجێی ئەو وڵاتە.

3. ئیسرائیل: بە پێشەنگی وڵاتانی تەکنەلۆجی دادەنرێت بە هەبوونی هەردوو خزمەتگوزاری هێڵی ئینتەرنێت و ژمارەی مۆبایلی ناوخۆیی، وڵاتی ئیسرائیل سەنتەرێکی بەهێزی ئەلیکترۆنی و داهێنانی هەیە کە دانیشتوانەکەی دەتوانن بە ئاسودەیی تیایدا بژین، تەنیا بەشێکی کەم لە دانیشتوانەکەی دوورن لە بەکارهێنانی تۆڕە کۆمەڵایەتییەکان و ئەپەکانی پەیوەندیکردنەوە، هەتا کەسە بەتەمەنەکانیشیان دەتوانن مۆبایلی زیرەک بەکاربهێنن و لە ڕێگەی پەیوەندی ڤیدیۆیی و نامەی دەنگییەوە پەیوەندی بە کەسە نزیکەکانیانەوە بکەن لە وڵاتێکی دیکە، زۆرێک لە گەشتیاران سەردانی شاری (تەل ئەبیب)دەکەن کە ناسراوە بەو (شارەی کە هەرگیز نانوێت)، لەم شارەدا هێڵی ئینتەرنێت زۆر خێرا و هەرزانە و متمانە پێکراویشە لە زۆرێک لە کۆفی شۆپەکان و شوێنە گشتییەکاندا وای فای بێ بەرامبەر و گشتی هەیە و لە زۆرێک لە میترۆپۆلەکاندا وای فای هەیە بۆ کڕیارەکان کە دەتوانن بێ بەرامبەر بەکاری بهێنن.

4.کەنەدا: وڵاتی کەنەداش بە یەکێک لەو وڵاتە پێشەنگانە دادەنرێت کە ژیانێکی سەردەمیانەی دیجیتاڵییان هەیە لەوانە خزمەتگوزاری هیڵی ئینتەرنێتی خێرا و سەرچاوەکانی پەیوەندی و هەبوونی ئینتەرنێتی حکومی و بەکار‌هێنانی کارتی ئەلیکترۆنی پارەدان. لەگەڵ ئەوەش لە وڵاتی کەنەدا هێڵەکانی پەیوەندیکردن بەراورد بە وڵاتانی دیکە گرانترە، بەڵام دابینکردنی هێڵی ئینتەرنیت بۆ شوێنە دوورەکان جێگای بایەخە.
کەنەدا بە پلەی یەکەم دێت لە هەبوونی گرانترین هێڵی ئینتەرنێت، بەڵام بە هەبوونی خزمەتگوزاری ئینتەرنێتی حکومی بێسنوور یارمەتی هاووڵاتییان دەدات بۆ بەڕێوەبردنی کار و بازرگانییەکانیان لە هەرشوێنێک بن.

5. کۆریای باشور: بە پلەی یەکەم دێت بە هەبوونی خزمەتگوزاری هێڵی ئینتەرنێتی خێرا لە ماڵەکانیاندا، ژیانی ڕۆژانەی کۆریای باشوور زۆر بە خێرایی بەڕێدەکرێت بەهۆی هەبوونی تەکنەلۆجیای پێشکەوتوو و خێرا لەو وڵاتەدا، دەتوانیت بە تەنیا لە ماوەی پێنج چرکەدا داوای خواردنێک بکەیت و پێتبگات و پارەکەشی بدەیت.
لەنێو شەمەندنەفەرەکانی کۆریای باشوردا خزمەتگوزاری ئینتەرنێت دابینکراوە بۆ ئەوەی سەرنشینەکان بێزار نەبن لە ماوەی گەشتەکەیاندا و حکومەتی کۆریای باشور ڕێگەدەدات بە دانیشتوانەکەی بە یەکسانی هێڵی ئینتەرنێت بەکاربهێنن بە پێچەوانەی وڵاتی کۆریای باکورەوە.

سەرچاوە:کاروان ئای تی.

Image result for technology man

ریکلام

ئۆتۆمبێل و تەکنەلۆژیا

گرفتی ئەپلیکەیشنەکانی سیستمی IOS چارەسەرکرا

خەڵک – بەشی هەواڵ

 

ئەمڕۆ هەینی بەشێک لەئەپلیکەیشنە بەناوبانگەکانی مۆبایل  و خزمەتگوزارییەکان لەسەر سیستمی IOS لەکارکەوتن، بەنمونەى (Spotify, Pinterest ,Tinder and viber)، کە دواتر چارەسەرکرا.

 

بەشێک لەئەپلیکەیشن و خزمەتگوزارییە بەناوبانگەکانى سیستمی IOS لەسەر ئایفۆن و ئایپاد لەکارکەوتن، کە دواتر چارەسەرکراو  هۆکاری کێشەکە گەڕێندرایەوە بۆ SDK Facebook.

 

تاکو ئێستا لەلایەن بەکارهێنەرانی سیستمی ئەندرۆیدەوە هیچ ڕیپۆرتێک نەگەڕاوەتەوە، کە کێشەیەکیان لەگەڵ ئەپلیکەیشنەکان یاخود خزمەتگوزارییەکان هەبێت.

 

 

بەردەوام بە لە خوێندنەوە

ئۆتۆمبێل و تەکنەلۆژیا

هێڵەکاتی ئینتەرنێت بۆ ماوەى سێ کاتژمێر ڕادەگیرێن

خەڵک – بەشی هەواڵ

بڕیارە لەماوەى ڕۆژانی تاقیکردنەوەی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى هێڵەکانی ئینتەرنێت لەکاتژمێر ٦ بۆ ٩ی بەیانی ببڕێت.

 

وەزارەتی گواستنەوە و گەیاندن، بەڕەزامەندی وەزارەتی پەروەردە بڕیاریدا لە ڕۆژانی تاقیکردنەوەکانی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى هێڵەکانی ئینتەرنێت لەسەرتاسەری هەرێمی کوردستان لەکاتژمێر ٦ بۆ ٩ی بەیانی دەوەستێت.

 

ئەمە لەکاتێکدایە بڕیارە سبەینێ شەممە تاقیکردنەوەی نیشتیمانیی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى لەسەرتاسەری هەرێمی کوردستان دەستپێبکات.

 

بەردەوام بە لە خوێندنەوە

ئۆتۆمبێل و تەکنەلۆژیا

بۆ ساڵی شەشەم لەسەر یەك: كیا هێمای بازرگانیی ژمارە یەكە، بۆ كوالێتییە یەكەمەكان

خەڵک

بۆ ساڵی شەشەم لەسەر یەك: كیا هێمای بازرگانیی ژمارە یەكە لە توێژینەوەی “جەی دی پاوەر”ی ئەمەریكی بۆ كوالێتییە یەكەمەكان

• ئەو كەسانەی لە ویلایەتە یەكگرتووەكانی ئەمەركیا ئۆتۆمبێڵەكانی كیایان كڕیوە، لە كاتی كڕینیانەوە تا 90 ڕۆژ، باسی كەمترین كێشەیان كردووە لە ئۆتۆمبێلەكانیان.

• یەكەم هێمای بازرگانییە كە دوو ساڵ لەسەر یەك خەڵاتەكانی “جەی دی پاوەر”بۆ كوالێتیی یەكەمەكان بەدەست بێنێ.

• ئۆتۆمبێلەكانی فۆرت(سیراتۆ) و سیدۆنا و سۆینتۆ و سوڵ لە سەرەوەی هەڕەمی جۆرەكانی خۆیانن.

عێراق – كۆمپانیای “كیا مۆتۆرز” پلەی یەكەمی كەرتی ئۆتۆمبێلی بەدەستهێنا لەمیانەی “توێژینەوەی كوالێتییە یەكەمەكان” (IQS) لە ویلایەتە یەكگرتووەكانی ئەمەریكا، كە لە كۆمپانیای “جەی دی پاوەر” (JD Power) دەردەچێت، ئەمەش دوای ئەوەی تەنیا 136 كێشەیان لە 100 ئۆتۆمبێڵدا ڕاگەیاند، بەمەش كیا بۆ ساڵی شەشەم لەسەر یەك یەكەم دەبێت لە نێوان ئەو هێما زۆر و جۆاروجۆرەی ئۆتۆمبێڵ كە لە بازاڕدا هەن، ئەو كارەی دیڤ سارجێنت، جێگری سەرۆكی “جەی دی پاوەر” بۆ كاروباری كوالێتی ئۆتۆمبێڵ، بە “كاروانێكی ڕیزپەڕ و بێ وێنە” وەسفی دەكات.
سەركەوتنە بەردەوامەكانی كیا لە توێژینەوەی كوالێتییە یەكەمەكان بەشێوەیەكی بنەڕەتی بۆ هەردوو ئۆتۆمبێڵی فۆرت (یان سیراتۆ) و سوڵ دەگەڕێتەوە، كە دوو باشترین ئۆتۆمبێڵن، لە نێوان 10 باشترین جۆرەكانی كەرتی ئۆتۆمبێڵ. بەتێكڕایی چەند جۆرێكی ئۆتۆمبێڵەكانی كیا لەڕووی ئەداوە سەركەوتنیان بەدەست هێناوە، لەوانەش: فۆرت (ئۆتۆمبێڵە تێكچەقیوەكان Compact Car)، سیدۆنا (مینیڤان Minivan)، سۆرێنتۆ (وەرزشیی فرەمەبەستی مامناوەندی بەرز Upper Midsize SUV)، سوڵ (وەرزشیی فرەمەبەستی بچووك Small SUV).
شون یوون، سەرۆكی “كیا مۆتۆرز” لە ئەمەریكای باكوور و سەرۆكی جێبەجێكاری لە “كیا مۆتۆرز”ی ویلایەتە یەكگرتووەكانی ئەمەریكا ڕایگەیاند: “شەرەفێكی گەورەیە كە بۆ ساڵی شەشەم لەسەر یەك پلەی یەكەمی كەرتەكانی ئۆتۆمبێڵ لە توێژینەوەی “جەی دی پاوەر”ی ئەمەریكی بۆ كوالێتیی یەكەمەكان بەدەست دێنین و لە لووتكەی هێما بازرگانییەكانی ئەم بازاڕە فراوانە دەبین، ئەمە ئەو ئەركەشمان دەخاتەسەر كە دەبێ لە هەوڵەكانمان بەردەوام بین و هەموو هەوڵێك بدەین بۆ ئەوەی ببینە باشترین”. یوون ئاماژەی بەوەشدا كە “لەژێر ڕۆشنایی بردنەوە باشترین پلە و براوەبوونی چوار ئۆتۆمبێڵ لە جۆرەكانی خۆیان و -چوار ئۆتۆمبێڵی دیكەش یەكێك لە سێ پلە یەكەمینەكانی جۆری خۆیان بەدەست هێناوە-، لێرەشەوە فەلسەفەی هێمای كیا لە “پێشكەشكردنی هەموو ئەوەی كە پێویستە” بەردەوام دەبێت و بەرهەمەكانی پێشكەشی بازاڕی ئۆتۆمبێڵ دەكات، كە بازاڕێكی پڕ ڕكابەرییە”.
جێی باسە كە ڕاپۆرتی ساڵانە، پشت بە شیكردنەوەی وەڵامەكانی 87,282 توێژەر، تایبەت بە 189 ئۆتۆمبێڵ و لەمیانەی 26 جۆر دەبەستێت. هەڵسەنگاندنی ئۆتۆمبێڵەكانیش لەسەر چەند بنەمایەك دەبن، لەوانەش: ئەزموونی هاژووشتن، ئەدای بزووێنەر و گێڕ و كۆمەڵێك كێشەی پەیوەست بە كوالێتیی ئۆتۆمبێڵەكان و ئەو كێشانەی خاوەن ئۆتۆمبێڵەكان باسی دەكەنەوە.

-كۆتایی-

كورتەیەك لەبارەی كۆمپانیای كيا موتورز:
كۆمپانیای كیا مۆتۆرز (www.kia.com)، لە ساڵی 1944ز دامەزراوە، كۆمپانیای دروستكردنی ئۆتۆمبێڵە و بەوە دەناسرێتەوە كە كوالێتییەكی بەرزی جیهانیی هەیە، ساڵانە 3 ملیۆن ئۆتۆمبێڵ لە 190 وڵات دەفرۆشێت، لە سەرانسەری جیهان زیاتر لە 52،000 كارمەند كاری تێدا دەكەن، داهاتی ساڵانەی زیاتر لە 49 ملیار دۆلاری ئەمەریكییە، پاشكۆی دروستكردنی لە پێنج وڵات هەیە. بە چاودێری سەرەكی پاڵەوانێتی كراوەی ئوستڕالیا و هاوبەشی ئۆتۆمبێڵە فەرمییەكانی فیفا – دەستەی كارگێڕیی جامی جیهانیی تۆپی پێ- و هاوبەشی فەرمیی جامی ئەوروپا بۆ تۆپی پێی “UEFA” 2019″ دادەنرێ، كە گەورەترین كێبڕكێی تۆپی پێی پیشەییە لە جیهاندا، دروشم و ماركەی كۆمپانیای كیا مۆتۆرز بە (توانای سورپرایزكردن) بەناوبانگە، چونكە كۆمپانیاكە دەتوانێ بە پێشكەشكردنی توانا و شارەزایی سەرسووڕهێنەر و نایاب و وەرگیراو لە واقیعی داهێنان، كە بەدەرە لە هەموو پێشبینییەكان، سورپرایز بۆ جیهان بكات.

كورتەیەك لەبارەی كۆمپانیای نيم:
كۆمپانیای (كیا نیم) (www.kiairaqnim.com) لە ساڵی 2010 دامەزراوە، تایبەتە بە دابەشكردن و خزمەتگوزاریی بەرهەمەكانی كیای جیهانی، كە لە كارگەكانی كیا مۆتۆرز لە كۆریا و كارگەكانی دیكەی هەمان كۆمپانیا لە جیهانەوە دەهێنرێنە هەرێمی كوردستان و باكووری عێراق. بنكەكانی كیا نیم بەسەر شارەكانی: هەولێر، سلێمانی، دهۆك، كەركووك و مووسڵ دابەش بوونە و بەرزترین ئاستی خزمەتگوزاریی دوای فرۆشتن، پێشكەشی ئۆتۆمبێڵەكانی كیا دەكەن، ئەویش لە ڕێگای كارمەند و شارەزایانی ناوەخۆ، كە لەلایەن كۆمپانیای كیا مۆتۆرزی جیهانییەوە ڕاهێنراون و هەمیشە لەگەڵیان لە پەیوەندیدیان، بۆ ئەوەی باشترین خزمەتگوزاری پێشكەشی كڕیارانی ئۆتۆمبێڵی كیا بكەن. كۆمپانیای نیم، پۆلێنی پلاتینیۆمی لەلایەن كۆمپانیای كیا مۆتۆرزی جیهانی بەدەستهێناوە، ئەمەش بەرزترین ئاستی پۆلێنكردنە.
كۆمپانیای نیم لە ڕێگای ژمارەیەك بەرنامە و پڕۆگرامی ناوەخۆوە، پاڵپشتی كۆمەڵگای ناوەخۆ دەكات، لەڕووی بابەتەكانی وەكو ڕاهێنانی پیشەیی و سەلامەتیی ڕێگا و بوارەكانی ژینگە و وەرزش، پەیوەندیشی لەگەڵ ئەو دامەزراوە حكوومی و ناوەخۆییانە هەیە كە گرنگی بەم بابەتانە دەدەن.

بەردەوام بە لە خوێندنەوە

کوردستان