ئێمە لە تۆرە کۆمەڵایەتیەکان

جیهان

كوژرانی قاسم سولەیمانی دووجار ڕێكخراوی داعشی خۆشحاڵ كرد

خەڵك-بەشی هەواڵ

ڕێكخراوی داعش پێشوازی لە كوشتنی قاسم سولەیمانی فەرماندەی سوپای قودس دەكات و لە ڕاگەیەنراوێكدا كە بەو بۆنەوە بڵاویان كردەوە هیچ ئاماژەیەكیان بە ئەمریكا نەكردووە.

بڕیاری كوشتنی قاسم سولەیمانی لەلایەن دۆناڵد تڕەمپەوە چەندین پەیامی جۆراوجۆری بەدوای خۆیدا هێنا و یەكێك لە پەیامەكانیشی پەیوەندی بە شەڕی ناتەواوی هێزە چەكدارەكانەوە هەیە.

دوای ئەم هەنگاوە هێزەكانی هاوپەیمانان بە سەرۆكایەتی ئەمریكا كە دژی داعش دەجەنگن ئۆپەراسیۆنەكانی خۆیان لە عیراق هەڵدەپەسێرن، چونكە ئەو هێزانە ئاشكرایانكرد، لە ئێستادا تەنها بەرگری لە خۆیان دەكەن، چونكە لە لایەنی سەربازییەوە بە دوور دەزانرێت كە بۆچوونێكی دیكەیان هەبێت.


ئێران و هاوپەیمانەكانی لە عیراق سوێندیان خواردووە كە تۆڵەی كوشتنی قاسمی سولەیمانی و هاوڕێكانی كە لە موشەكبارانكردنەكەی ئەمریكا لە نزیك فڕۆكەخانەی بەغدا كوژران بكەنەوە، لەبەر ئەوە هێزەكانی ئەمریكا و سەرجەم هاوپەیمانە ڕۆژئاواییەكانی لە عیراق ڕووبەڕووی ئامانجی ئەو هێزە چەكدارانەی عیراق دەبنەوە.

لەلایەكی دیكەوە ئەمە ڕووداوێكی زۆر باشە بۆ داعش و هاوكاری ئەم ڕێكخراوە دەكات تاكو ئەو گورزەی بەر خەلافەتەكەیان كەوت قەرەبوو بكەنەوە.
هەروەها بڕیاری دەركردنی هێزە بیانییەكان لەلایەن پەڕلەمانی عیراقەوە جارێكی دیكە هەواڵێكی خۆشە بۆ چەكدارانی داعش.

ڕێكخراوی داعش لەم ساڵانەی كۆتاییدا ئەوەی دەرخستووە كە گروپێكی گیانفیدان، ئەوان لە ڕاستیدا لە گروپەكانی پێشووی خۆیان وەكو قاعیدە لە عیراق دەچن و لەوانەوە لەدایك بوون.
زۆرێك لە چەكدارەكای داعش یان كوژراون یاخود لە زیندانەكاندان، بەڵام ئەم گروپە هێشتا لە حاڵەتی خۆڕێكخستنەوەدایە لە هەمان ئەو ناوچانەی پێشتر لە عیراق و سوریا لەژێر دەستیدا بوو سەرقاڵی چالاكییەكانییانن و زۆرجار كەمینەكانیان دادەنێن و هاوڵاتییانیش دەكەنە قوربانی.


دەوڵەتی عیراق هێزی سەربازی دەگمەنی هەیە كە لەژێر دەستی هێزەكانی ئەمریكایی و ئەوروپایی ڕاهێنانیان پێكراوە، بەڵام ئەمریكا و هاوپەیمانەكانی جگە لە ئەڵمانیا و دانیمارك دوای كوشتنی سولەیمانی سەرجەم ڕاهێنانەكانیان لە عیراق ڕاگرتووە، هاوكات ئەڵمانیاش دەیەوێت ڕاهێنەرانی بەرەو ئەردەن و كوێت بگوازێتەوە.

چەكدارانی داعش هۆكارێكی دیكەیان هەیە بۆ خۆشحاڵ بوونیان، ئەویش بڕیارەكەی سەرۆك كۆماری ئەمریكا بۆ كوشتنی سولەیمانی، واتە كوشتنی یەكێك لە دوژمنەكانیان بە دەستی دوژمنێكی دەیكەیان، ئەمەش نمایشێكی دڵخۆشكەر بوو بۆ داعشەكان.
هێرشەكانی داعش لە ساڵی 2014 دەستی پێكرد و توانییان بەشێكی زۆر لە زەوییەكانی عیراق و بەتایبەت موسڵی گەورە شاری عیراق كۆنتڕۆڵ بكەن.

دواتر بە بڕیارێكی عەلی سیستانی گەورە مەرجعی باڵای شیعەكان گەنجان بۆ ڕووبەڕووبونەوەی داعش ئامادە كران (حەشدی شەعبی) و قاسم سولەیمانی و سوپای قودیش ڕۆڵێكی گەورەیان بینی لە دروستكردن و دامەزراندن و پڕچەككردنی ئەم گروپە شیعەیە و ئێستاش حەشدی شەعبی بە هێزێكی ئەمنی كاریگەری عیراق ناوی دەهێنرێت و بەرپرسەكانیش بۆ تۆڵەكردنەوە لە سولەیمانی بەردەوام لێدوانی توند بڵاودەكەنەوە.
لە ساڵەكانی دوای 2014 هێزەكانی حەشی شەعبی و هێزەكانی ئەمریكا هاوپەیمان بوون دژی داعش، بەڵام ئێستا وادەبینرێت كە چەكدارەكانی شیعە بەهیچ شێوەیەك ناگەڕێنەوە بۆ سەرەتا و دەیانەوێ ڕووبەڕووی هێزەكانی ئەمریكا لە عیراق ببنەوە.


هێزەكانی حەشدی شەعبی پێش كوشتنی قاسمی سولەیمانیش دەستیان بە هێرشەكانیان بۆسەر بنكە و بارەگاكانی ئەمریكا دەست پێكرد، دواتر ئەمریكا وەڵامی دانەوە و بەهۆی بۆردومانی فڕۆكەكانی ئەمریكا زیاتر لە 25 چەكداری حەشدی شەعبی لە كەتیبەكانی حزبوڵڵا كوژران.

سەرچاوە:BBC

س.ع

جیهان

ئاگرێك لە دوورگەی ئیمراڵی كەوتەوە
هەدەپە داوای دیداری ئۆجالان دەكات

خەڵك – بەشی هەواڵ

بە هۆی ڕووداوێكی ئاگركەوتنەوە لە دوورگەی ئیمراڵی، پارتی دیموكراتی گەلان (هەدەپە) داوای ئەنجامدانی دیدار لەگەڵ عەبدوڵا ئۆجالان ڕێبەری زیندانیكراوی پارتی كرێكارانی كوردستان دەكات.

میدیاكانی توركیا بڵاویانكردەوە، ئەمڕۆ ئاگرێك لە دوورگەی ئیمراڵی كەوتووەتەوە كە دەكەوێتە باشووری دەریای مەڕمەڕە، ئەو دوورگەیەیەی كە عەبدوڵا ئۆجالان ڕێبەری پارتی كرێكارانی كوردستان (پەكەكە)ی تێدا زیندانیكراوە.

هاوكات، عائیشە باجار باشاران پەرلەمانتاری پارتی دیموكراتی گەلان (هەدەپە) لە كۆنگرەیەكی ڕۆژنامەوانیدا لە بارەگای سەرەكی هەدەپە لە ئەنقەرەی پایتەختی توركیا، سەرنجی خستە سەر هەستیاری گەلی كورد بەرامبەر بە دۆخی تەندروستی ئۆجالان و داوایكرد كە دەستبەجێ ڕێگە بدرێت بە شاندێكی هەدەپە سەردانی ئیمراڵی بكات بۆ دڵنیا بوون لە تەندروستی ئۆجالان.

عائیشە باجار باشاران جەختیشیكردەوە، تاكە ڕێگەی دڵنیابوونەوە لە باشیی تەندروستی ئۆجالان ئەوەیە ڕێگە بە شاندێكی هەدەپە یاخود كەسوكار و پارێزەرانی ئۆجالان بدرێت سەردانی ئیمرالی بكەن.

ك.ج

بەردەوام بە لە خوێندنەوە

جیهان

بەهۆی كۆرۆناوەیە
سعودیە عومرەكردن ڕادەگرێت

خەڵك- بەشی هەواڵ
بۆبەرگرتن لە تەشەنەكردنی ڤایرۆسی كۆرۆنا، شانشینی عەرەبی سعودیە بەجێگەیاندنی ڕیوڕەسمی عومرەكردن لەوڵاتەكەیدا بەشێوەیەكی كاتی ڕادەگرێت.

ئەمڕۆ پێنج شەممە، وەزارەتی دەرەوەی سعودیە لەبەیاننامەیەكدا ڕایگەیاند”بڕیاردرا بەشێوەیەكی كاتی هاتنەناوەوە بۆ وڵاتەكەی بۆ مەبەستی ئەنجامدانی عومرە ڕابگرێت، ئەمەش لەچوارچێوەی ئەو رێوشوێنانەدایە كە بۆ بەرگرتن لە تەشەنەكردنی ڤایرۆسی كۆرۆنا دەگیرێنەبەر”.

هەر لە بەیاننامەكەدا هاتووە”لەچوارچێوەی گرتنەبەری ڕێوشوێنەكانی خۆپارێزی و بەرگرتن لە بڵاوبوونەوەی ڤایرۆسی كۆرۆنا و نەگەیشتنی بە سعودیە، وەزارەتی دەرەوە بڕیاریدا هاتنی گەشتیاران بۆ وڵاتی سعودیە بەمەبەستی ئەنجامدانی عومرە و سەردانی مزگەوتی پێغەمبەر (د.خ) لەمەدینە، بەشێوەیەكی كاتی ڕابگرێت، وێڕای ڕێگرتنی كاتی لە هاتنە ناوەوەی هاووڵاتیانی ئەو وڵاتانەی ڤایرۆسی كۆرۆنایان تێدا بڵاوبۆوەتەوە”.

بەردەوام بە لە خوێندنەوە

جیهان

جێگری سەرۆكی ئێران بۆ كاروباری ژنان توشی كۆرۆنا بوو

خەڵك- بەشی هەواڵ
سەرچاوە ڕۆژنامەوانییەكان ڕایدەگەیەنن، جێگری سەرۆكی ئێران بۆ كاروباری ژنان توشی ڤایرۆسی كۆرۆنا بوو.

بەپێی سەرچاوە ڕۆژنامەوانییەكان”تەئكیدكراوەتەوە لە حاڵەتی توشبوونی مەعسومە ئیبتیكار، جێگری سەرۆكی ئێران بۆ كاروباری ژنان بە ڤایرۆسی كۆرۆنای نوێ‌ كە لە وڵاتەكە بڵاوبۆتەوە”.

هەر ئەمڕۆ باس لە توشبوونی موجتەبا زولنور سەرۆكی لیژنەی ئاسایشی نەتەوەیی و سیاسەتی دەرەوەی پەرلەمانی ئێران كرا بە ڤایرۆسی كۆرۆنا، بەر لەوەش دەسەڵاتدارانی ئێران ڕایانگەیاندبوو، ئەنجامی شیكارییەكان كە بۆ ئیرەج حەریرچی جێگری وەزیری تەندروستی كراوە، دەریدەخەن، حەریرچی توشی ڤایرۆسی كۆرۆنا بووە.

بەردەوام بە لە خوێندنەوە

کوردستان