ئێمە لە تۆرە کۆمەڵایەتیەکان

ئابوری

خانەنشینی پەرلەمانتاران پەسەند دەكرێت و دەرماڵەى فەرمانبەران كەمدەكرێتەوە

خەڵك- بەشی هەواڵ

پڕۆژەیاسای چاكسازی بەو شێوەیەی كە خوێندنەوەی دووەمی بۆ كراوە پەسەند بكرێت مەترسی لەسەر بڕینی دەرماڵەی فەرمانبەران زیاد دەكات بە ناوی “ڕێكخستن”ەوە، چونكە بە ئاشكرا لە پڕۆژەكەدا باسكراوە و تەنها دەرماڵە یاساییەكان دەمێنێنەوە، لەكاتێكدا زۆربەی دەرماڵەی فەرمانبەران بە بڕیاركراون نەك بە یاسا.

هیوا سەید سەلیم، چالاكوانی كۆمەڵگەی مەدەنی و ئەندامی گروپی دادپەروەری بە (خەڵك)ی ڕاگەیاند، پڕۆژەكە چەندین”حیلەی شەرعی” تێدایە كە بۆ بڕینی دەرماڵە و كەمكردنەوەی مووچە زۆر زیرەكانە دانراون و لە قۆناغەكانی داهاتوودا دەسەڵاتی حكومەت دەكاتەوە بۆ كەمكردنەوەیان.

وتیشی”پێویستە ڕایگشتی كوردستان لە ئاست ئەم ناحەقیەدا بێدەنگ نەبێت، دەرماڵەی فەرمانبەران لەبەردەم مەترسی گەورەدایە و هێشتا كات ماوە بۆ ئەوەی ڕێگری لێبكرێت، بەڵام ئەگەر بوو بە یاسا زۆر قورس دەبێت، بۆیە دەبوو خەڵك و فەرمانبەران بێنە سەر شەقام و ڕێگری لێبكەن”.

پڕۆژەیاسای چاكسازی لەكاتێكدا بووەتە هەڕەشە لەسەر دەرماڵەی فەرمانبەران و كێشە بۆ كەسوكاری شەهیدان دروست دەكات، نەیتوانی كێشەی مووچەی پلەباڵاكان و خانەنشینی پەرلەمانتاران و وەزیرەكان كۆتایی پێبهێنێت و بەپێی پڕۆژەكە بەبێ‌ لەبەرچاوگرتنی تەمەن و خزمەت هەموویان دەتوانن خانەنشین ببن.

ناوبراو هەر لە قسەكانیدا ڕونیكردەوە، یەكسان و عەدالەت لەبەرچاو نەگیراوە، چونكە بۆ پلەباڵاكان مووچە و دەرماڵە بۆ خانەنشینی لەبەرچاوگیراوە و بۆ فەرمانبەرانی ئاسایی تەنها مووچەی بنەڕەتی”تەنها ئەوە بەسە بۆ ئەوەی تانە لە نادادی بدەی لە پڕۆژەكە!”

هێشتنەوەی خانەنشینی پەرلەمانتار و وەزیرەكان لەكاتێكدایە مووچەی هەریەكێكیان 8 ملیۆن و 200 هەزار دینارە و بەپێی پڕۆژەیاسای چاكسازیش هەموویان دەتوانن خۆیان خانەنشین بكەن، لەكاتێكدایە تێیاندایە تەمەنی تەنها 30 ساڵە.

ئابوری

عیراق پێشینە دەداتە فەرمانبەران بەبێ زیادە

خەڵك- بەشی هەواڵ
بانكی ڕافیدەینی عیراق بڕیاریدا، بەبێ خستنەسەری هیچ زیادەیەك پێشینە “بەشێوەی ئەلیكترۆنی” بەو فەرمانبەرانە بدات، كە مووچەكانیان سەر بەو بانكەیە.

نووسینگەی ڕاگەیاندنی بانكی ڕافیدەین بڵاویكردەوە، خزمەتگوزارییەكیان بە ناوی “پێشینەكەم – سلفنی” بۆ ئەو فەرمانبەرانە ڕاگەیاندووە، كە لە بانكەكەیان مووچە وەردەگرن و خاوەنی ماستەر كاردن.

ڕاشیگەیاندووە، پێشكەشكردنی ئەو خزمەتگوزارییە لە ڕێی ئەلیكترۆنییەوە دەبێت و بەشێوەیەكی خێرا و بەبێ خستنەسەری هیچ زیادەیەك دەدرێتە فەرمانبەران.

جەختیشی كردۆتەوە، كە فەرمانبەران لە هەر شوێنێك بن دەتوانن ئەو پێشینەیە وەربگرن.

بەردەوام بە لە خوێندنەوە

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان