ئێمە لە تۆرە کۆمەڵایەتیەکان

کوردستان

شارەوانی هەولێر: نابێت ڕێگەبدرێت هیچ كەسێك موڵكی گشتی بۆ بەرژەوەندی خۆی بەكاربهێنێت


خەڵك-بەشی هەواڵ

سەرۆكایەتیی شارەوانی هەولێر ڕایدەگەیەنێت، پڕۆسەی لادانی زێدەڕۆیی لەسەر شەقامە گشتییەكان لە شاری هەولێر دەستی پێكردووە.

سەرۆكایەتیی شارەوانی هەولێر لە ڕوونكردنەوەیەكدا ئاماژە بۆ ئەوە دەكات، لادانی زێدەڕۆیی بابەتێكی یاساییە، نابێت ڕێگەبدرێت هیچ كەسێك لەدەرەوەی یاسا موڵكی شارەوانی كە موڵكی گشتییە بۆ بەرژەوەندی خۆی بەكاربهێنێت.

دەقی روونكردنەوەی سەرۆكایەتیی شارەوانی هەولێر..

سەبارەت بە هەڵمەتی لادانی زێدەڕۆیی لەسەر موحەرەماتی پاركی شەهید سامی عبدولڕەحمان و بەلاڕێدا بردنی بابەتەكە لەلایەن كەسانی زێدەڕۆكارەوە، بە پێویستمان زانی ئەو ڕوونكردنەوەیە بدەینە هاوڵاتیانی شاری هەولێری خۆشەویست.

1- پرۆسەی لادانی زێدەڕۆیی لەسەر شەقامە گشتییەكان لە شاری هەولێر دەستی پێكردووە و لەو ماوەیەدا ئەو هەڵمەتە لەچەندین شەقامی شار ئەنجامدراوە و دوایینیان هەڵمەتی هەڵگرتنی كابینەكانی بەردەم پاركی شەهید سامی عبدالرحمن بوو، هەڵبەت ئەوە دوایین هەڵمەت نابێت و بەردەوام دەبێت و چیتر ڕێگە نادرێت زێدەڕۆكاران لە هەر ئاستێك بن دوور لە هەموو ڕێكارێكی یاسایی، لەسەر موڵكی ئەو شارە سوودمەندبن.

2- ئەو كابینانە بەشێوەی زێدەڕۆ، دوور لە هەموو ڕێكارێكی یاسایی، لەسەر سۆشتە دانراون كە لەلایەك مافی پیادەی گشتییە و لەلایەكی تر محرماتی پاركی (شەهید سامی عبدالرحمن)ە، واتە هیچ شتێكی فەرمی و یاسایی نییە و هەر كەس پێی وا بێت مافی خوراوە دەتونێت پەنا بۆ دادگا ببات و یاسا لە نێونمان سەروەر بێت.

3- پاركی شەهید سامی عبدالرحمن یەكێكە لە بەرچاوترین شوێنەكانی شاری هەولێر، لەو كاتەوەی ئەو كابینانە دانراون ڕۆژانە بە دەیان و سەدان هاوڵاتی و كچ و كوری شەهید و گەنجی بێكار و كەمدەرامەت، داوا دەكەن كە چۆن ڕێگە بەو چەند كەسە دراوە ئاوا ڕێگە بە ئەوانیش بدرێت كابینەیەك دابنێن بۆ دابین كردنی بژێوی ژیانیان، لێرەدا دەكەوینە بەردەم دوو بژاردە:

– یەكەمیان ئەگەر ئەو كابینانە لا نەدرێن و هەر كەسێكی تر داوای كرد ڕێگەی پێ بدرێت و جیاوازی نەكرێت لە نێوان كەس كە دیارە بەو ڕێگەیە شار بەرەو وێرانە دەڕوات هیچ مانایەك بۆ بوونی یاسا و دامەزراوەكانی شارەوانی نامێنێتەوە.

– دووەم: ئەوەی كە ڕێگە نەدرێت كەس زێدەڕۆیی بكاتە سەر شۆستە و شەقام و جیاوازی نەكرێت كە ڕێگە بە چەند كەسێك بدرێت كە لە پەنجەكانی دەستێك زیاتر نین، و داواكاری سەدان كچ و كوری شەهیدان و گەنجی تری ئەو شارە بەلاوەبنرێت.

4 – چەند مەترێك لەولاتری ئەو كابینانە، لەناو پاركی شەهید سامی عبدالرحمن چەندین كوشك هەن كە هاوڵاتیان و گەنجی تر بەپێی یاسا بەركارەكانی بەكرێدانی موڵكی حكوومەت، بە شێوەی زیادكردنی ئاشكرا و بەپێی یاسا وەریانگرتووە، ساڵانە كرێ دەدەن بە حكومەت و گرێبەستیی یاساییان هەیە، كە چەندین بڕگە لەخۆ دەگرێت، بەهۆی ئەو كابینە زێدەڕۆییانەی سەر شۆستەی پارك ڕێژەیەكی كەم خەڵك سەردانی كۆشكەكانی ناو پارك دەكەن، لە كاتێكدا ئەوان رێگەپێدراون. واتە ئەو گەنجانەی خاوەن كابینەن لەناو پارك كە بە یاسایی كاریان كردووە و كرێگرتەی شارەوانین، زەرەرمەند بوون و ئەوانەی زێدەرۆكارن و ڕێز لە یاسا ناگرن و یاسا پێشێل دەكەن لەسەر شۆستە سوودمەندن، چ مەنتقێك ئەوە قبوڵ دەكات پەیرەوكاری یاسا زەرەرمەندبێت و زێدەڕۆكار سوودمەند؟

5- لەبەر ئەوەی كابینەكانی سەر شۆستە بەشێوەی زێدەڕۆ دانراون و دوور لە ڕێكاری یاسایین، هیچ جۆرە التزامێكی فەرمییان لەگەڵ شارەوانی نییە، واتە هیچ جۆرێك لە رسومات یان كرێ یان باج نادەن بە حكومەت، لە كاتێكدا موڵكی حكومەت نابێت بە پێی یاسای بەڕێوەبردنی شارەوانییەكان و یاسای داهاتی شارەوانییەكان بێ بەرامبەر بدرێت بە هیچ كەسێك.

6- لادانی زێدەڕۆیی بابەتێكی یاساییە، نابێت ڕێگەبدرێت هیچ كەسێك لەدەرەوەی یاسا موڵكی شارەوانی كە موڵكی گشتییە بۆ بەرژەوەندی خۆی بەكاربهێنێت.

7- سەبارەت بەوەی بكرێن بە گرێبەست و كرێ بدەن، ئەوە جۆرێكە لە شەرعییەت دان بە زێدەڕۆیی و سەرپێچی یاسایە، لە ڕووی یاساییەوە ناكرێت راستەخۆ موڵكی شارەوانی بدرێت بە كەس، بەڵكو دەبێت لە ڕێگەی زیادكردنی ئاشكراوە بێت، كە موڵكەكە بۆ ماوەی مانگێك جاردانی بۆ دەكرێت، دواتر هەر كەسێك دەتوانێت لە پرۆسەی زیادكردنەكە بەشدار بێت و كێ زۆرترین كرێ بدات، شارەوانی گرێبەستی لەگەڵ دەكات، ئەو بابەتە بە یاسا رێكخراوە بۆ ئەوەی دەرفەتی یەكسانیی بۆ هەموو خەڵك فەراهەم بێت و ڕێگە لە قۆرخكاری بگیرێت، نەوەك چەند كەسێك دەستەبژێر بكرێن و دوور لە یاسا لە نێوان زیاتر لە ملیۆنێك كەسی دانیشتووی پایتەخت سوودمەند بكرێن.

8- زێدەڕۆكاران هەوڵیان داوە سۆزی خەڵكی بۆخۆیان رابكێشن بەوەی لە وڵاتانی تریش كابینەی سەر شەقام هەن، بەڵێ هەیە، بەڵام لە وڵاتانیش ئەو بابەتە بە یاسا ڕێكخراوە و بە زێدەڕۆیی دانەنراون و نەكراون بە موڵكی چەند كەسێكی دیاریكراو.

9- زێدەرۆكاران هەوڵ دەدەن هەستی خەڵك بجوڵێنن بەوەی كە شارەوانی رێگرە لە كەسابەتی گەنجان و چەند كەسێك هەلی كاریان لەدەست داوە. دڵنیاتان دەكەینەوە كە خاوەنی راستەقینەی زێدەڕۆكاران ئەگەر لە چینی هەژار بوونایە نەیاندەتوانی لەو شوێنە زێدەڕۆیی ئەنجامبدەن.

10- حكومەتی هەرێمی كوردستان لە كارنامەی خۆیدا جەختی كردۆتەوە لەسەر دابین كردنی هەلی كار بۆ تەواوی ئاستە جیاوازەكان، بەتایبەتی گەنجان، كە لە ماوەیەكی نزیكدا دەرئەنجامی ئەو هەوڵانەی حكوومەت لە ئەرزی واقعدا ڕەنگدەداتەوە كە لە چوارچێوەی یاسادا هەلی كار دەرەخسێندرێت، نەوەك بە بێ یاسایی و بە هاندانی زێدەڕۆیی.

لە كۆتاییدا هاوڵاتیانی شاری هەولێر دڵنیا دەكەینەوە كە بە هەموو شێوەیەك بەرگری لە یاسا و یەكسانی كۆمەڵایەتی و ڕەخساندنی دەرفەتی وەك یەك دەكەین بۆ هەموو هاوڵاتیان و گەنجانی خۆشەویست و هەوڵ دەدەین بە تەواوی یاسا سەروەر بێت و مەودا بۆ قۆرخكاری نەهێڵینەوە. جیاوازی شاری هەولێر دەیسەلمێنێت كە حكوومەت و شارەوانی هەولێر هەمیشە لە هەوڵدایە بۆ پێشخستن و جوانكردنی سیمای ئەو شارە، هیچ هەوڵێكیش ساردمان ناكاتەوە لەسەر بیروباوەرمان بۆ چەسپاندنی یاسا و ئەنجامدانی چاكسازی و ڕێگەگرتن لە قۆرخكاری، بەڵكو لە جاران ڕژدتر كادەكەین بۆ بەرەوپێشبردنی شاری هەولێر لە هەموو ڕوویەكەوە.

راگەیاندنی سەرۆكایەتیی شارەوانیی هەولێر

س.ع

کوردستان

میترۆ: لە شەش مانگی ڕابردوودا 98 پێشێلكاری بەرامبەر ڕۆژنامەنووس و دەزگای ڕاگەیاندن تۆماركراوە


خەڵك – بەشی هەواڵ

سەنتەری میترۆ ئامارەكانی شەش مانگی پێشێلكاری بەرامبەر ئازادیی ڕۆژنامەنووسی لەهەرێمی كوردستان بڵاوكردەوە.

سەنتەری میترۆ لە ئامارەكەیدا ڕوونیكردووەتەوە: لە شەش مانگی ڕابردوودا لە 1ی كانوونی دووەم بۆ 30 حوزەیرانی 2020 سەنتەری میترۆ (98) جۆری پێشێلكاری بەرامبەر (72) ڕۆژنامەنووس و دەزگای ڕاگەیاندن تۆمار كردووە، لە ناویاندا (5) ڕۆژنامەنوسی ژن بوون. بەم شێوەیە:

(53) حاڵەتی ڕێگری لە ڕووماڵكردن

(5) حاڵەتی هەڕەشە

(7) حاڵەتی دەستبەسەركردن لە دەرەوەی چوارچێوەی یاسای ڕۆژنامەگەری

(8) هێرش و لێدان

(9) حاڵەتی دەستبەسەركردن بە بێ فەرمانی دادگا

(11) حاڵەتی دەستبەسەركردنی شكاندنی كەلوپەلی ڕۆژنامەنووسان

(3) هێرشی ئەلكترۆنی

(2) كەیسی هەراسانكردنی كچان و ژنانی لەناو دەزگاكانی میدیا

بەردەوام بە لە خوێندنەوە

کوردستان

وتەبێژی تەندروستی سلێمانی كۆرۆنای تێپەڕاند


خەڵك – بەشی هەواڵ

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی لە هەژماری تایبەتی خۆی لە تۆڕی كۆمەڵایەتی فەیسبوك نووسیویەتی:”خۆشبەختانە دوای 14 ڕۆژ كەرەنتینە و وەرگرتنی چارەسەر و جێبەجێكردنی ڕێنماییە تەندروستییەكان، كەمێك پێش ئێستا ئەنجامی پشكنینەكەم نێگەتیڤ بوو، واتە كۆرۆنام تێپەڕاند”.

ئاماژەی بەوەشداوە:” زۆرینەی حاڵەتەكانی كۆرۆنا بێ نیشانەن یا نیشانەی مام ناوەندیان هەیە وەك من، هەروەها ئەو زۆرینەیەی وەك منن تەنها بە وەرگرتنی چارەسەری زۆر سادە، ئیسراحەتكردن، خۆ كەرەنتینەكردن، خواردنی میوە و خواردنەوەی ئاو و دووركەوتنەوە لە دڵەڕاوكێ و جێبەجێكردنی ڕێنمایی پزیشكان سەردەكەون بەسەر كۆرۆنادا وەك بەندە”.

 

دەقی نووسینەكەی د.یاد نەقشبەندی:

سوپاس بۆخوا و سوپاس بۆهەمووان كۆرۆنام تێپەڕاند

هاووڵاتیانی خۆشەویست پاش 14 ڕۆژ كەرەنتینە و وەرگرتنی چارەسەر و جێبەجێكردنی ڕێنماییە تەندروستییەكان، كەمێك پێش ئێستا ئەنجامی پشكنینەكەم نێگەتیڤ بوو، واتە كۆرۆنام تێپەڕاند، پێم خۆشە لێرەوە سوپاسی هەموو ئەو كەس و لایەنە سیاسی و حزبی و حكومیانە بكەم بۆ هەواڵ پرسینتان گەورەتان كڕدم و گەرموگوڕترتان كردم لەخزمەتكردن.

لەم چەند خاڵەدا پەیامێك بدەم بە هاووڵاتیان وەك چاك بووەوەیەكی كۆرۆنا :

١. زۆرینەی حاڵەتەكانی كۆرۆنا بێ نیشانەن یا نیشانەی مام ناوەندیان هەیە وەك من.

۲. ئەو زۆڕینەیەی وەك منن تەنها بە وەرگڕتنی چارەسەری زۆر سادە، ئیسڕاحەتكردن، خۆ كەرەنتینەكردن، خواردنی میوە و خواردنەوەی ئاو، وە دووركەوتنەوە لە دڵەڕاوكێ و جێبەجێكردنی ڕێنمايی پزیشكان سەردەكەون بەسەر كۆرۆنادا وەك بەندە.

لە كۆتای هیوام لەشساغی و تەندوستیەكی باشە بۆ هەموو لایەك، وە هیوای زوو چاك بوونەوە بۆ هەموان دەخوازم تەنها پابەندی ڕێنمایيە تەندوستیيەكان بین بەكەمتین زیان كۆرۆنا تێدەپەڕێنین.

د.یاد نەقشبەندی
وتەبێژی بەڕێوبەرایەتی گشتی تەندوستی سلێمانی

بەردەوام بە لە خوێندنەوە

کوردستان

چوارتا.. بەهۆی تەقینەوەی گوللە تۆپێك هاووڵاتییەك گیانی لەدەستدا


خەڵك – بەشی هەواڵ

لە شارەدێی چوارتای سەر بە پارێزگای سلێمانی گوللە تۆپێك بە هاووڵاتییەكدا تەقییەوە و دەستبەجێ‌ گیانی لەدەستدا.

بەپێی زانیارییەكانی (تۆڕی میدیای خەڵك)، هاووڵاتییەكە ناوی (ع.ع. بارەیی)یە و پیاوێكی گەنجە و دەستكاری گوللە تۆپەكەی كردووە و پێیدا تەقیوەتەوە.

بەردەوام بە لە خوێندنەوە

کوردستان