ئێمە لە تۆرە کۆمەڵایەتیەکان

کوردستان

نوێنەرێك: پڕۆسەی دامەزراندنی پەروەردەی كەركوك ڕاگیرا

خەڵك – بەشی هەواڵ

ئەندامێكی ئەنجومەنی نوێنەرانی عیراق لە فڕاكسیۆنی یەكێتی ئاشكرایدەكات:”بەبڕیاری وەزارەتی پەروەردە، پڕۆسەی دامەزراندنەكەی كەركوك ڕاگیراوە و پێداچوونەوەی پێدا دەكرێت”.

مەریوان نادر ئەندامی ئەنجومەنی نوێنەرانی عیراق لە فڕاكسیۆنی یەكێتی ڕایگەیاند:”ئەمڕۆ سێ شەممە نوێنەرانی كورد، عەرەب و توركمان لە ئەنجومەنی نوێنەرانی عیراق لەگەڵ لێپرسراوانی وەزارەتی پەروەردە و بەڕێوەبەری گشتی پەروەردەی كەركوك كۆبووینەوە و دوای گفتوگۆیەكی زۆر گەیشتووینەتە ئەو بڕیارەی ئەم دامەزراندنە بەمشێوەیەی ئێستا ڕابگیرێت و پێداچوونەوەی پێدا بكرێت”.

مەریوان نادر ئاماژەی بەوەشدا:”پڕۆسەكە دووبارە لەلایەن لیژنەی بەڕێوەبەرایەتی پەروەردەی گشتی كەركوكەوە وردبینی تێدا دەكرێت و لیژنەی پەروەردەی ئەنجومەنی نوێنەرانیش پێداچوونەوەی تیادادەكات و هەموو ئەو هەنگاوانە شلەژێر چاودێری دەستەی دەستپاكی عیراقدا دەبێت”.

جێی ئاماژەیە، هەفتەی ڕابردوو پەروەردەی كەركوك ناوی دامەزراوانی بڵاوكردەوە، بەهۆی ئەوەی زۆربەی دامەزراندنەكە بەر پێكهاتەی عەرەب كەوتووە، پێكهاتەی كورد و توركمان دژی وەستانەوە و داوایانكرد پڕۆسەكە رابگیرێت و پێداچوونەوەی بۆ بكرێت.

ك.ج

کوردستان

لەدایكبووانی چی ساڵێك وەردەگیرێن؟
لە خوێندنگەكان ناونووسین بۆ پۆلی یەكەمی بنەڕەتی دەستپێدەكات

خەڵك- بەشی هەواڵ
بۆ ساڵی نوێی خوێندنی (2020- 2021) ناونووسین بۆ وەرگرتنی خوێندكارانی پۆلی یەكەمی بنەڕەتی دەستپێدەكات و بەڕێوەبەری خوێندنگەیەكیش دەڵێت: “ئەوانەی لە ساڵی 2014 لەدایكبوون بوون داخڵی خوێندن دەكرێن”.

بەڕێوەبەری خوێندنگەیەك لە شاری سلێمانی بۆ (خەڵك) ڕایگەیاند، كە بۆ ساڵی خوێندنی 2020 – 2021 دەست بە وەرگرتنی خوێندكاران بۆ پۆلی یەكەمی بنەڕەتی دەكەین و دەبێت دایكان و باوكان پەیوەندی بكەن بە خوێندنگەكانەوە تا ناوی منداڵەكانیان تۆمار بكەن.

ڕاشیگەیاند، كە بۆ ئەمساڵ ئەو منداڵانەی لەدایكبووی 1/ 1/ 2014 تاوەكو 31/ 12/ 2014 داخڵی پۆلی یەك دەكرێن.

ئاماژەی بەوەشكردووە، پێویستە منداڵەكە لەكاتی ناو تۆماركردنی ئامادەبێت و دوو وێنەی ڕەنگاوڕەنگ و كۆپی پێناس یان كارتی نیشتمانی و فۆڕمی خۆراك و ژمارەی گەڕەك و كۆڵان و خانوو لەگەڵ ژمارە مۆبایلی دایك و باوكی و گروپی خوێنی منداڵەكەش تۆمار دەكرێت.

بەپێی زانیارییەكان، لە ئێستادا ڕۆژانی یەك شەممە و چوار شەممە لە خوێندنگەكان بەڕێوەبەر و بەشێكی مامۆستایان دەوام دەكەن بە مەبەستی تۆماركردنی ناوی خوێندكارە نوێیەكان.

بەردەوام بە لە خوێندنەوە

کوردستان

بەرپرسێكی تەندروستی دەستی لەكاركێشایەوە

خەڵك – بەشی هەواڵ

بەڕێوەبەی گشتی تەندروستی ڕاپەڕین لە ڕێگەی نامەیەكەوە داوای دەست لەكاركێشانەوی لە پۆستەی كردووە و داواش دەكات تا وەرگرتنی ڕەزامەندی دەست لەكاركێشانەوەكەی كەسێك كاروبارەكانی تەندروستی ڕاپەڕین ڕایی بكات.

هیوا مەحمود عەلی، بەڕێوەبەی گشتی تەندروستی ڕاپەڕێن لە دەست نوسێكدا، كە وێنەیەكی دەست (خەڵك) كەوتووە و ڕۆژی 12ی ئاب ی 2020 نوسراوە داوای دەست لەكاركێشانەوەی لە پۆستی بەڕێوەبەری پێشكەش كردووە .

لە نوسراوەكەدا داوای كردووە لەبەر هەندێك كاری تایبەتی خۆی داوای دەستلەكاركێشانەوەی كردووە و تا كاتی وەرگرتنی ڕەزامەندی كەسێك بۆ ڕایی كردنی كاروبارەكان تەندروستی ڕاپەڕین ڕابسپێرێت .

بەردەوام بە لە خوێندنەوە

کوردستان

پەڕلەمانتارێكی كورد تەلەفۆن بۆ بەرهەم ساڵح دەكات

خەڵك – بەشی هەواڵ
ئەندامێكی لیژنەی دارایی و ئابووری لە پەڕلەمانی عیراق ڕایدەگەیەنێت، بێ ئاگام لەوەی باس دەكرێت، كە مستەفا كازمی بڕی 250 ملیار دینار وەك دیاری ڕەوانەی هەرێم دەكات، دەشڵێت: “دوێنێ لەگەڵ سەرۆك كۆمار قسەم كرد باسی هیچی لەوبارەیەوە نەكرد”.

ئێوارەی ئەمڕۆ شەممە 15ی ئابی 2020 لە میدیاكانەوە بڵاوكرایەوە، كە گوایە لەسەر داوای بەرهەم ساڵح، سەرۆك كۆماری عیراق، مستەفا كازمی بڕیاریداوە وەك دیاری بڕی 250 ملیار دینار بۆ مووچەی مووچەخۆرانی هەرێم ڕەوانە بكات و هیچ لایەنێكی فەرمی ئەوەی پشتڕاست نەكردۆتەوە.

ئەحمەدی حاجی ڕەشید، ئەندامی لیژنەی دارایی و ئابووری لە پەڕلەمانی عیراق بە (خەڵك)ی ڕاگەیاند، ئاگاداری ئەو ناردنی بڕە پارە نیم و هیچم نەبیستووە لەو بارەیەوە، دوێنێش لەگەڵ سەرۆك كۆمار قسەم كرد لەوبارەیەوە باسی هیچی نەكرد.

ڕاشیگەیاند، پرسی مەسەلەی نیازپاكی لە یاسادا جێگای نابێتەوە، ئیتر نازانم مستەفا كازمی ئەوە دەكات یان نا ئەوە لای خۆیەتی، بەس من هیچ شتێكم لەوبارەیەوە نەبیستووە.

بەردەوام بە لە خوێندنەوە

کوردستان