ئێمە لە تۆرە کۆمەڵایەتیەکان

ئابوری

بە فەرمی دەوامی بەشێك لە فەرمانبەران كەم كرایەوە

خەڵك-ئومێد حسێن

وەزارەتی كار و كاروباری كۆمەڵایەتی حكومەتی هەرێمی كوردستان چەند بڕیارێك لە بەرژەوەندی فەرمانبەرانی خاوەن پێداویستی تایبەت دەردەكات و بەڕێوەبەرێكی گشتی-ش دەڵێت: “داواكارین سەرجەم كەمئەندامانی وەزارەتەكانی دیكەش بگرێتەوە”.

وەزارەتی كار و كاروباری كۆمەڵایەتی حكومەتی هەرێمی كوردستان بڕیاری كەمكردنەوەی دەوامی فەرمانبەرانی خاوەن پێداویستی تایبەتی دەركرد، كە بەپێی بڕیارەكە، كاتژمێرێك دەوامی ڕۆژانەی كەمئەندامان و خاوەن پێداویستییە تایبەتەكان كەمكرایەوە، هەروەها دەستنیشانكردنی فەرمانبەرێك لە هەر پرسگەیەك بەمەبەستی هاوكاریكردنی كەمئەندامان.

لای خۆشیەوە، عومەر گوڵپی، بەڕێوەبەری گشتی چاودێری‌ و گەشەپێدانی‌ كۆمەڵایەتی‌ سلێمانی بۆ (خەڵك) ئاماژەی بەوەكرد، لە كۆتایی ساڵی ڕابردوو لە كۆبوونەوەی ئەنجوومەنی شیاندنی كەمئەندامان گفتوگۆمان لەسەر ئەو پرسە كرد، بە گەڕانەوە بۆ ڕۆحی ماددەكانی یاسای ماف و ئیمتیازی كەمئەندامان وەزارەت ئەو بڕیارەی دەركردووە.

وتیشی، “بەپێی بڕیارەكەی وەزارەت ئەو فەرمانبەرانەی كەمئەندامن لە سنووری فەرمانگە و بەڕێوەبەرایەتییەكانی وەزارەت، كاتژمێرێك دەوام كەمتر بكەن”.

جەختیشی كردەوە، كە بڕیارەكە تەنها فەرمانبەرانی كەمئەندامی وەزارەتەكەمان دەگرێتەوە و داواشمان كردووە لە دامودەزگاكانی دیكەی حكومەت كەمئەندامان كاتژمێرێك هاوكاری بكرێن، بۆیە ماوەتەوە لەسەر ئەوەی وەزارەت نووسراو بكات بۆ ئەنجوومەنی وەزیران بۆ ئەوەی فەرمانبەرانی وەزارەتەكانی دیكەش بگرێتەوە”.

ئابوری

ئارایشتگایەكی خانمان لە سلێمانی داخرا

خەڵك- بەشی هەواڵ

بەهۆی پابەند نەبون بە مەرج و ڕێنماییەكانی كاركردن، لیژنە هاوبەشەكانی قائیمقامیەتی سلێمانی ئارایشتگایەك دادەخات.

شاتو حسێن، سەرۆكی لیژنەی ئارایشتگاكانی سەر بەلیژنە هاوبەشەكانی قائیمقامیەتی سلێمانی رایگەیاند، “لەئەنجامی سەردانە بەردەوامەكانی لیژنەكە بۆ ئارایشتگا و ئەو شوێنانەی خانمان بۆ جوانكاری روی تێدەكەن و پشكنینی بۆ شوێن، ئامێر و ئەو كەسانەی كاری تێدا دەكەن، دەركەوتووە ئارایشتگای یارا لە گەڕەكی چوارچرای شاری سلێمانی، پابەندی مەرجەكانی كاركردن نابێت”.

وتی، “یەكێك لە سەرپێچیەكانی ئارایشتگای یارا جێبەجێ نەكردنی مەرجە تەندروستیەكانە لە شوێنەكەیدا، كە ئەمەش پێچەوانەی ڕێنماییەكانە و مەترسی گواستنەوەی نەخۆشی لەسەر ئەو خانمانە‌ دروست دەكات، كە سەردانی ئەو ئارایشتگایه دەكەن”‌.

وتیشی، “مۆڵەت، بنەمای كاركردنە بۆهەرپیشەیەك، كە لەشوێنێكدا ئەنجام دەدرێت، بۆیە پێویستە ئەو شوێنەی پیشەیەكی دیاریكراوی تێدا ئەنجام دەدرێت مۆڵەتی ‌لایەنە پەیوەندیدارە‌كان وەرگرتبێت، پاشان دەتوانێت كاری تێدا بكات، بەپێچەوانەوە لیژنەكانی قائیمقامیەت شوێنەكە و خاوەنەكەشی روبەروی ڕێكاری یاسایی دەكرێنەوە‌”.

ئاماژەی بۆ ئەوەكرد، بەفەرمانی قائیمقامی سلێمانی ئارایشتگای یارا دادەخرێت تا ئەو كاتەی مۆڵەتی كاركردن لە لایەنە پەیوەندیدراەكان وەردەگرێت و خاوەنەكەشی ڕووبەڕووی ڕێكاری یاسایی دەكرێتەوە.

لەكاتی سەردانی لیژنە هاوبەشەكان بۆ دوكان و بازاڕ و شوێنه گشتیە‌كان، ‌پێشینەی كارەكانیان هەڵسەنگاندنی شوێنەكەیە لەڕوی تەندروستییەوە‌، پاشان ئەو ئامێر پێداویستیانەی ڕۆژانە بەكاری دەهێنن و ئەو كەسانەی لەشوێنەكە كار دەكەن، لەكاتی هەبوونی كەموكورتی شوێنەكە و خاوەنەكەشی ڕووبەڕووی ڕێكاری یاسایی دەكرێتەوە.

بەردەوام بە لە خوێندنەوە

ئابوری

لە شارباژێڕ بنكەی گواستنەوەی خۆڵ و خاشاك دروست دەكرێت

خەڵك- بەشی هەواڵ

وەزارەتی شارەوانی ڕایدەگەیەنێت، كە لە چوارتا بە گوژمەی زیاتر لە 700 ملیۆن دینار بنكەی گواستنەوەی خۆڵ و خاشاك دروست دەكرێت.

وەزارەتی شارەوانی و گەشتوگوزاری حكومەتی هەرێم لە ڕاگەیەنراوێكدا ئاماژەی بەوەكردووە، بە مەبەستی كۆكردنەوە و گواستنەوەی خۆڵ و خاشاك لە سنووری شارباژێر-عەربەت، لە شارۆچكەی چوارتا بنكەیەكی گواستنەوەی خۆڵ و خاشاك لە لایەن كۆمپانیایەكی جێبەجێكارەوە دروست دەكرێ و بەڕێوەبەرایەتی گشتی شارەوانییەكانی سلێمانیش سەرپەرشتی هەنگاوەكانی دروستكردنی دەكات.

ڕاشیگەیاندووە، پڕۆژەی دروستكردنی بنكەی گواستنەوەی خۆڵ و خاشاكی شارباژێر-عەربەت، كە لە سنووری چوارتا دروست دەكرێت، لە لایەن ستافێكی شارەزای بەڕێوەبەرایەتی گشتیی شارەوانییەكانی سلێمانی سەرپەرشتی دەكرێت و گوژمەی دروستكردنی 715 ملیۆن و 550 هەزار دینارە.

جەختیشی كردۆتەوە، ئامانجیش لە دروستكردنی ئەو بنكەیە، كۆكردنەوە و كێشانی خۆڵ و خاشاكی ناوچەكەیە، كە دواتر بۆ كارگەی ڕیسایكلین بەڕێدەكرێت بۆ ساغكردنەوە، ئێستاش ٦٨٪ی كارەكانی پڕۆژەكە تەواو بووە و بڕیاریشە بەمنزیكانە تەواوی كارەكانی تەواو بكرێت.

بەردەوام بە لە خوێندنەوە

ئابوری

سبەینێ‌ لە دوو گەڕەكی سلێمانی پێوەری زیرەكی كارەبا دەبەسترێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەك لە سلێمانی ڕایدەگەیەنێت، سبەینێ‌ لە گەڕەكەكانی كانی سپیكە و كەڵەكن پێوەری زیرەكی كارەبا دەبەسترێت و بەهۆیەوە كارەبای نیشتمانی و مۆلیدە نابێت.

لیژنەی سەرپەرشتیاری پرۆژەی تۆڕی زیرەك لە سلێمانی لە ڕاگەیەنراوێكدا ئاماژەی بەوەكردووە، “دانیشتووانی هەردوو گەڕەكی (كەڵەكن و كانی سپیكە) ماڵەكانی بەری ڕاست و چەپی شەقامی سەرەكی پێش هەواری شار، كە لەسەر هەردوو فیدەری (٤۱۲ و ٤۱۳) كارەبا وەردەگرن ئاگادار دەكەین، كە سبەینێ چوار شە‌ممە (۲۹/۱/۲٠۲٠ ) پێوەری زیرەكی كارەبایان بۆ دەبەسترێت”.

ڕاشیگەیاندووە، لە كاتژمێر (8 ی بەیانی بۆ 4ی ئێوارە) كارەبای نیشتمانی و مۆلیدەیان نابێت، و دەشڵێت: “مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

ئاماژەی بەوەشكردووە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان