ئێمە لە تۆرە کۆمەڵایەتیەکان

هەواڵەکان

ده‌وڵه‌مه‌ندترین پیاوی جیهان كاری ئاگر كوژێنه‌وه‌یه‌

خێزان – لوقمان غه‌فوور 

جێف بێزۆس پاره‌ی سێ ده‌قیقه‌ له‌سه‌روه‌ته‌كه‌ی به‌خشییه‌ ئۆسترالیا بۆ هاوكاری لێقه‌وما و چاره‌سه‌ری ئاژه‌ڵه‌ به‌ركه‌وتووه‌كانی ئاگره‌كه‌ی ماوه‌ی رابردوو له‌ ئوسترالیا.

بزۆس به‌ڕێوه‌به‌ری كۆمپانیای ئه‌مازۆن و ده‌وڵه‌مه‌ندترین پیاوی جیهان رۆژی 13 جێنیوه‌ری رایگه‌یاند كه‌ كۆمپانیاكه‌ی 690 هه‌زار دۆلاری به‌خشی بۆ هاوكاری پێویستی ئه‌و زیانه‌ وێرانكارییه‌ی كه‌ ئاگركه‌وتنه‌وه‌كه‌ی رابردوو گه‌یاندویه‌تی به‌ ئوسرالیا. ئه‌و ده‌ڵێت:”دڵمان لای هه‌موو ئوسرالییه‌كانه‌ و هه‌موو ئه‌وانه‌ی به‌شدارن له‌ كوژاندنه‌وه‌ی ئه‌و ئاگره‌ وێرانكه‌ره‌”.

هه‌روه‌ها ئه‌مازۆن به‌ڵێنیدا كه‌ پاڵپشتێكی هونه‌ری حكومه‌ت بكات به‌وه‌ی كه‌ به‌ چ رێگه‌یه‌ك مامه‌ڵه‌ له‌گه‌ڵ حاڵه‌ته‌كانی فریاگوزاری ئه‌كه‌وێت.

یه‌كێك له‌ مانشێتی بازاره‌كانی ئه‌مڕۆ ئوسترالیا “ده‌وڵه‌مه‌ندترین پیاوی جیهان، چاكخوازی خۆی ئه‌بارێنێت به‌سه‌ر ئاگردا”.

بێزۆس یه‌كێكه‌ له‌ ملیاردێره‌كانی جیهان و ده‌وڵه‌مه‌ندترین پیاوی جیهانه‌، له‌ یه‌ك ده‌قیقه‌دا كۆمپانیاكه‌ی 230 هه‌زار دۆلار په‌یداده‌كات، هه‌رچه‌نده‌ ئه‌و خاوه‌نی چه‌ند كۆمپانیای میدیای گه‌وره‌یه‌ وه‌ك واشنگتۆن پۆست به‌ڵام هه‌رگیز كۆمپانیاكانی به‌كارناهێنێت بۆ ریكلام بۆ خۆی له‌كاتێكدا ساڵی پار هاوكاری زۆر كاره‌ساتی گه‌وره‌ی كردووه‌ وه‌ك لافاوه‌كه‌ی ئه‌ندۆنیزیا كه‌ دوو ئه‌وه‌نده‌ی ئاگره‌كه‌ی ئوسترالیا خه‌ڵك گیانی له‌ده‌ستدا.

بەھۆی ڕووداوی ئاگرکەوتنەوە لە ژمارەیەکی زۆر لە دارستانەکانی ئوسترالیا، 24 كه‌س مردن و 6 ملیۆن هێكتار دار و دره‌خت سوتاو و 500 ملیۆن ئاژه‌ل و زینده‌وه‌ر و باڵنده‌ تیاچووه‌. ئەمریکا و بەریتانیا دوو دەوڵەت بوون کە بە تیمی فریاگوزاری ھاوکاری ئوسترالیایان کرد.

بێزۆس -55 ساڵ، سامانه‌كه‌ی له‌ ساڵی 2019 گه‌یشتۆته‌ 131 ملیار دۆلار. پیاوێكی سه‌رمایه‌دار و گه‌ردوونی ئه‌مریكییه‌، خاوه‌ندارێتی میدیا و وه‌به‌رهێنه‌ره‌. به‌ سه‌رۆكی جێبه‌جێكاری كۆمپانیای ئه‌مازۆن ناسراوه‌. له‌ ئه‌پرلی ئه‌مساڵ 4%ی پشكه‌كانی گواسته‌وه‌ بۆ سه‌ر ژنه‌كه‌ی دوای 25 ساڵ له‌ ژن و مێردایه‌تی.

بێزۆس له‌ ئه‌لبۆكیرك- ویلایه‌تی نیومه‌كسیكۆ – ئه‌مریكا له‌ دایكبووه‌، له‌ 1986 كۆلێژی ئه‌ندازیاری كاره‌با و زانستی كۆمپیوته‌ری ته‌واو كردووه‌. 1994 كۆمپانیای ئه‌مازۆن-ی دامه‌زراندووه‌ و سه‌ره‌تا وه‌ك كۆمپانیایه‌كی ئینته‌رنێت و دواتر فراوانی كردووه‌ بۆ كاری بازرگانی. له‌ ساڵی 2013 رۆژنامه‌ی واشنگتن پۆست ئه‌كرێته‌وه‌ به‌ 250 ملیۆن دۆلاری كاش. چه‌ندین كۆمپانیا و لقی جۆراو جۆری دامه‌زراندووه‌.

ریکلام

هەواڵەکان

خانمە ڕاگەیاندکار  ژیلە: ئەوەی لێی ترساوە ڕوویدا

خێزان

خانمە ڕاگەیاندکار  ژیلە  ڕایدەگەیەنێت ئەوەی لێی ترساوە ڕوویداوە و بەوەش زۆر دڵگیران بووە.

ژیلە دەڵێت”بەداخەوە دایک و باوکم توشی ڤایرۆسی کۆرۆنا بوون”

ژیلە وتوشیەتی””هەتا  ئەوان چاک نەبنەوە، من دڵم ئیستراحەتناکەت”

بەردەوام بە لە خوێندنەوە

هەواڵەکان

شاجوانی کوردستان: موچەی و شوقە و ئۆتۆمبێلم لێ وەرگیراوەتەوە

خێزان

سانا مەحمود شاجوانی کوردستان ئاماژە بەوە دەکات کە ئێستا ئەو بە فەرمی شاجوانی کوردستان نەماوە و موچەی و شوقە و ئۆتۆمبێلی لێ وەرگیراوەتەوە.

سانا مەحمود دەڵێت”موچەی شاجوانیەکەم بۆ یەک ساڵ بوو، شوقە و ئۆتۆمبێلەکەش تەنها بە کاتی پێم درابوو، هەر بۆیە لەپاش ساڵێک هەموویم ڕادەستکردەوە”

سانا وتیشی”زۆر کەس دەڵێت لەم ساڵەدا تۆ چیت کردووە، بەڵام خەڵک بە هەڵە لە شاجوان تێگەیشتووە، چونکە شاجوان تەنها ئایکۆنێکە و دەسەڵاتی جێبەجێکردنی نییە تا وڵات بگۆڕێت”

شاجوانی پێشووی کوردستان وتیشی”تا ڕادەیەک گەیشتومەتە ئەو بڕوایەی بڵێم پەشیمانم لەوەی کە بومەتە شاجوان”

بەردەوام بە لە خوێندنەوە

هەواڵەکان

هەزان ئاتەش: هەفتانە تەنها سێ شەو کاردەکەم و مانگی ١ دەفتەر دۆلار وەردەگرم

خێزان

خانمە هونەرمەندی باکوری کوردستان هەزان ئاتەش کە زۆێک لە ئاهەنگەکانی لە هەرێمی کوردستان ئەنجام دەدات ڕایدەگەیەنیت کە ئەو هەفتانە تەنها سێ شەو کاردەکات و مانگی ١ دەفتەر دۆلار وەردەگرێت.

هەزان ئاتەش ڕایگەیاندووە کە ئەو ناچێتە هەموو جۆرە ئاهەنگێکەوە و تەنها لە شوێنە خێزانیەکان و گرانبەهاکاندا ئاهەنگ دەکات و بەهۆی ئەوەشەوە مانگانە پارەیەکی زۆری دەستدەکەوێت.

هەزان ئاتەش بەوتەی خۆی داهاتەکەی مانگانە گۆڕانکاری بەسەردادێت، بەڵام بەگشتی هەموو مانگێک ١٠ هەزار دۆلاری دەستدەکەوێت کە دەکاتە یەک دەفتەر دۆلار.

 

بەردەوام بە لە خوێندنەوە

کوردستان