ئێمە لە تۆرە کۆمەڵایەتیەکان

جیهانی

ئەوەی ئینگلتەرا لەقۆناغی کۆمەڵەکان بە پانەمای کرد، کرواتیا لەنیوەی کۆتایی مۆندیالدا پێی کردەوە !

خەڵک سپۆرت

شەوی ڕابردوو یاریزانانی هەڵبژاردەی ئینگلتەرا ویستیان فێڵێکی یاسایی لە هەڵبژاردەی کرواتیا بکەن، بەڵام ناوبژیوان ڕێگەی پێنەدان.

لەقۆناغی کۆمەڵەکاندا کاتێک ئینگلتەرا ڕووبەڕوی پانەما بویەوە، ئینگلیزەکان بێڕەحمانە هەڵیانکوتایە سەر گۆڵی ڕکابەرە لاوازەکەیان و شەش گۆڵیان تۆمار کرد، کار گەیشتە ئەوەی ڕاهێنەری پانەما داوایان لێبکات کە لەوە زیاتر هەوڵ نەدەن، هەر لەو یارییەدا هاری کەین بەتۆمار کردنی سێ گۆڵ (دوانیان بە پەناڵتی) خۆی کردە گۆڵکاری مۆندیال.

پانەمیەکان لەو یارییەدا و لەکاتێکدا یاریزانانی هەڵبژاردەی ئینگلتەرا سەرقاڵی ئاهەنگێران بوون بەگۆڵەکەی کەین، ویستیان فێڵێکی یاسایی بەکاربهێنن و لەو کاتەدا دەست بەیاریی بکەنەوە، ئەویش کاتێک ڕوودەدات کە هیچ یاریزانێکی ئینگلیزی لەنێو یاریگادا نەبوایە، بەڵام لەو کاتەدا گۆڵپارێز ئامادەیە و یاریزانێک و دووانی تر دەگەڕێنەوە نێو یاریگای پانەما و ناوبژیوان هێرشەکە ڕادەگرێت (بەوشێوەیە یاسایی نییە).

وەک لە گرتەکەدا دیارە، ئەوەی ڕوودەدات نیشانەی باڵادەستی ئینگلتەرا و بێچارەیی یاریزانانی پانەمایە، بەوشێوەیە نەبێت بێگومان گۆڵیان پێتۆمار ناکرێت.

ڕۆژێک بۆ تۆ، ڕۆژێک بۆ ئەوان…

ئەم دیاردەیە دووبارە بۆوە، بەڵام بەسەر ئینگلتەرای بێڕەحم بەرامبەر پانەما پێچەوانە کرایەوە.

شەوی ڕابردوو لەکاتێکدا کرواتیەکان سەرقاڵی ئاهەنگێران بوون بە گۆڵی دووەم (گۆڵەکەی مادزۆکیچ)، یاریزانانی ئینگلتەرا چارەیان نەما بۆیە بەخێرایی تۆپەکەیان گەڕاندەوە نێوەندی یاریگا و ویستیان بەهەمان شێوازی پانەما گۆڵ تۆمار بکەن، بەڵام دیسانەوە جونێت شاکیری ناوبژیوان ڕێگری لێکردن و هێرشەکەی وەستاند.

لەم گرتەیەدا بۆمان دەردەکەوێت، ئەوەی ئینگلتەرا بە پانەمای کرد، کرواتیا بە خودی ئینگلتەرای دەکاتەوە.

جیهانی

(گالاکتیکۆسی نوێ) پێرێز ئه‌ستێره‌یه‌کی “فول کوالیتی” وه‌ک جێنشینی مۆدریچ ده‌ستنیشان کردووه‌ !

خه‌ڵک سپۆرت

فلۆرنتینۆ پێرێزی سه‌رۆکی یانه‌ی ڕیاڵ مه‌درید هیوایه‌کی ئه‌وتۆی به‌ لوکا مۆدریچی کرواتی نه‌ماوه‌ و بۆ شوێنگرتنه‌وه‌ی پلانی بۆ گواستنه‌وه‌یه‌کی گه‌وره‌ و هه‌ژێنه‌ر داڕشتووه‌.

پۆرتاڵی “دۆن بالۆن”ی ئیسپانی له‌زاری ئالبێرتۆ ڕامبلای ڕۆژنامه‌نوسی ناوداره‌وه‌ ئاشکرای کردووه‌، لوکا مۆدریچ به‌هۆی هه‌ڵکشانی ته‌مه‌نیه‌وه‌ (٣٣ ساڵ) توانا جه‌سته‌ییه‌کانی له‌ده‌ستداوه‌ و ئه‌وه‌ش به‌ڕونی له‌لایه‌ن ده‌سته‌ی هونه‌ری یانه‌ی شاهانه‌وه‌ هه‌ستی پێکراوه‌، هه‌روه‌ها یاریزانه‌که‌ له‌گواستنه‌وه‌کانی هاوینه‌ی ڕابردوه‌وه‌ هه‌وڵیداوه‌ په‌یوه‌ندی به‌ یانه‌ی ئینته‌رمیلانه‌وه‌ بکات و وه‌ک ده‌رده‌که‌وێت چیتر به‌ مانه‌وه‌ی له‌ڕیزه‌کانی شاهانه‌ خۆشحاڵ نه‌بێت.

سه‌رچاوه‌که‌ نوسیویه‌تی: ئیداره‌ی ڕیاڵ هیوایه‌کی ئه‌وتۆیان به‌ “لوکیتا” نه‌ماوه‌ و ده‌یانه‌وێت له‌ گواستنه‌وه‌کانی زستانه‌، یاخود هاوینه‌ی داهاتو بۆ ئینته‌رمیلان، یاخود یه‌کێک له‌ یانه‌ زه‌به‌لاحه‌کانی چین ده‌ستبه‌رداری بن، وه‌ک شوێنگره‌وه‌ش ناوێکی گه‌وره‌ی ئینگلزییان ده‌ستنیشان کردووه‌.

ئه‌و یاریزانه‌ی پێرێز و هاوه‌ڵانی ده‌یانه‌وێت جێگه‌ی مایسترۆ کرواتیه‌که‌ی پێبگرنه‌وه‌ “دیلی ئالی” ئه‌ستێره‌ی ئینگلیزی یانه‌ی تۆتنهامه‌، که‌ له‌ئێستادا یه‌کێکه‌ له‌ باشترینه‌کانی جیهان و ته‌مه‌نی ته‌نها ٢٢ ساڵه‌، ئه‌گه‌ر ته‌مه‌ن و ئاستی له‌به‌رچاو بگرین ئاشکرایه‌ بۆ ماوه‌ی پێنج تا شه‌ش ساڵی تر ده‌توانێت له‌نێو یاریگادا ئه‌سپی خۆی تاو بدات.

گواستنه‌وه‌ی دیلی ئالی ئاسان نابێت، دانێل لیڤی سه‌رۆکی “که‌ڵه‌شێره‌ ڕومیه‌کان” پێداگری له‌مانه‌وه‌ی ده‌کات و نرخی سه‌ره‌تایی ٨٠ ملیۆن پاوه‌نده‌، هه‌موو ئه‌گه‌ره‌کان به‌و ئاڕاسته‌یه‌ن ئه‌گه‌ر ڕیاڵ به‌فه‌رمی داوای بکات ئه‌وا نرخه‌که‌ی بۆ ١٠٠ ملیۆن پاوه‌ند به‌رز ده‌بێته‌وه‌.

بەردەوام بە لە خوێندنەوە

جیهانی

(کلاسیکۆی لێدان به‌ لێدان) ڕیاڵ و بارسا بۆ دوو لاوی به‌هره‌دار ئه‌مسه‌ر و ئه‌وسه‌ریان له‌یه‌کتری گرتووه‌ !

خه‌ڵک سپۆرت

ئیداره‌ی یانه‌ی به‌رشلۆنه‌ ئاماده‌کاری بۆ گواستنه‌وه‌ی ئه‌ستێره‌یه‌کی لاوی هۆڵه‌ندی ده‌کات و له‌بازاڕی گواستنه‌وه‌کاندا ناچارن به‌ره‌نگاری یانه‌ی ڕیاڵ مه‌درید ببنه‌وه‌.

پۆرتاڵی “دۆن بالۆن”ی ئیسپانی له‌زاری سه‌رچاوه‌کانیه‌وه‌ ئاشکرای کردووه‌، به‌رپرسانی یانه‌ی به‌رشلۆنه‌ جموجۆڵیان بۆ گواستنه‌وه‌ی ماتیاس دی لیختی هۆڵه‌ندی ئه‌ستێره‌ی هه‌ڵکشاوی یانه‌ی ئه‌یاکس ئه‌مسته‌ردام ده‌ست پێکردووه‌ و نزیکن ڕێکه‌وتنی سه‌ره‌تایی ئیمزا بکه‌ن، له‌به‌رامبه‌ردا فلۆرنتینۆ پێرێزی سه‌رۆکی یانه‌ی شاهانه‌ی مه‌درید هه‌مان یاریزانی خستۆته‌ ئه‌جێندای گواستنه‌وه‌کانی هاوینه‌وه‌ و ئه‌گه‌ر زۆره‌ له‌هه‌ر ئان و ساتێکدا تێهه‌ڵکێشی گفتوگۆکان ببێت له‌گه‌ڵ یانه‌ مێژووییه‌که‌ی هۆڵه‌ندا.

به‌پێی سه‌رچاوه‌که‌، ئه‌گه‌ر پێرێز ئه‌م هه‌نگاوه‌ بنێت ئه‌وا بارسا وه‌ک وه‌ڵامێک لێدان ئاڕاسته‌ی “مێره‌نگی” ده‌کات و پلانی (بی) به‌کار ده‌خه‌ن، پلانه‌که‌ش بریتیه‌ له‌ داواکردنی یاریزانی شوێنگره‌وه‌ که‌ بۆند داڤینسۆن سانچێزی کۆڵۆمبی به‌رگریکاری به‌توانای یانه‌ی تۆتنهامه‌، هۆکاره‌که‌ش زیاتر له‌ تۆڵه‌ سه‌ندنه‌وه‌ ده‌چێت به‌وپێیه‌ی ئه‌م ٢٢ ساڵه‌ کۆڵۆمبیه‌ له‌لایه‌ن یانه‌ی شاهانه‌وه‌ داواکراوه‌.

به‌پێی زانیارییه‌ سه‌ره‌تاییه‌کان، گواستنه‌وه‌ی سانچێزی کۆڵۆمبی له‌ له‌نده‌نه‌وه‌ بۆهه‌ر یانه‌یه‌کی تر زیاتر له‌ ٤٠ ملیۆن پاوه‌ندی تێده‌چێت، که‌ نزیکه‌ له‌ نرخی ماتیاس دی لیختی داواکراوی یه‌که‌مه‌وه‌.

بەردەوام بە لە خوێندنەوە

جیهانی

(به‌وێنه‌) ئاماده‌کاریه‌کانی هه‌ڵبژارده‌ی هۆڵه‌ندا بۆ ڕووبه‌ڕوبونه‌وه‌ی مه‌کینه‌کانی ئه‌ڵمانیا

خه‌ڵک سپۆرت

ئه‌مشه‌و کاتژمێر (١٠:٤٥) به‌کاتی کوردستان هه‌ڵبژارده‌ی هۆڵه‌ندا له‌ “فیڵتس ئارینا” ده‌بێته‌ میوانی هه‌ڵبژارده‌ی ئه‌ڵمانیا.

ڕووبه‌ڕوبونه‌وه‌که‌ کۆتا یاریی قۆناغی کۆمه‌ڵه‌کانی خولی نه‌ته‌وه‌کانی ئه‌وروپا ده‌بێت (جه‌وله‌ی شه‌شه‌م)، تیایدا ئاشه‌وانه‌ پرته‌قاڵیه‌کان به‌ بردنه‌وه‌ و یه‌کسانبون ده‌توانن سه‌رکه‌وتن بۆ قۆناغی داهاتو مسۆگه‌ر بکه‌ن، له‌حاڵه‌تی شکستیشدا ئه‌و چانسه‌ له‌ده‌ست ده‌ده‌ن.

گرنگی ڕووبه‌ڕوبونه‌وه‌ی دوو زلهێزه‌که‌ی بواری تۆپی پێ له‌وه‌دایه‌، که‌ ئه‌ڵمانیا ده‌بێته‌ هیواو فریادڕه‌س بۆ هه‌ڵبژارده‌ی فه‌ره‌نسا، چونکه‌ ئه‌گه‌ر بێتو مه‌کینه‌کان بتوانن له‌ هۆڵه‌ندیه‌کان ببه‌نه‌وه‌ ئه‌وا فه‌ره‌نسا له‌ قۆناغی داهاتو بێبه‌ش ده‌بێت، به‌پێچه‌وانه‌وه‌ هۆڵه‌ندا براوه‌ی گروپه‌که‌ ده‌بێت.

بۆ ئه‌م مه‌به‌سته‌ش ڕۆناڵد کومانی ڕاهێنه‌ری ناوداری هه‌ڵبژارده‌ی هۆڵه‌ندا به‌وپه‌ڕی تواناوه‌ خۆی بۆ به‌ره‌نگاربونه‌وه‌ی ئه‌ڵمانه‌کان ئاماده‌ کردووه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین