ئێمە لە تۆرە کۆمەڵایەتیەکان

عێراق

نامەیەكی هەڕەشەئامێزیی ئەمریكا بۆ عادل عەبدولمەهدی ئاشكرادەكرێت

خەڵك- بەشی هەواڵ
ئاژانسێكی جیهانی ئاماژە بە نامەیەكی زارەكی ڕاستەوخۆی ئەمریكا دەكات بۆ نووسینگەی عادل عەبدولمەهدی، سەرۆك وەزیرانی كاربەڕێكەری عیراق، كە لە دوای هەڕەشەكانی ترەمپ بوو بۆ سەپاندنی سزاكان بەسەر عیراقدا.

ئاژانسی (فرانس پرێس) لە زاری بەرپرسانی عیراقەوە بڵاویكردۆتەوە، “نووسینگەی سەرۆك وەزیران پەیوەندییەكی تەلەفۆنی پێگەیشتووە و پێیان ڕاگەیاندووە، گەر هێزەكانی ئەمریكا لە عیراق دەربكرێن، ئەوا لە واشنتن-ەوە ئەژماری عیراق لە بانكی یەدەگی فیدڕاڵی لە نیویۆرك دادەخرێت، كە نزیكەی 35 ملیار دۆلاری تێدایە”.

هەر لەو چوارچێوەیەدا، بەرپرسێكی تری عیراقی ڕایگەیاندووە، “ئەو هەنگاوەی ئەمریكا بەو واتایەیە، كە حكومەت ناتوانێت كاری ڕۆژانەی خۆی ئەنجام بدات و مووچەی فەرمانبەرانی دابین بكات، بەهای دراوی عیراقیش دادەڕمێت”.

ئەو بەرپرسەی عیراق دەڵێت: “ئەو هەنگاوە واتای داڕمانی ئابووری عیراق دەگەیەنێت”.

بەرپرسێكی باڵاش هەر لەو بارەیەوە باسی لەو ڕێگەچارانە كردبوو، كە ویلایەتە یەكگرتووەكان تاوتوێیان دەكات، لەبارەی ڕێگرتن لە گەیشتنی عیراق بە سێیەكی ئەو پارە نەختینەیەی، كە ڕەوانەی بانكەكان دەكرێن، دیپلۆماتكارێكی باڵاش لە باڵًیۆزخانەی ئەمریكا لە بەغدا پێشتر باسی لە هەوڵەكانی ئەمریكا كردبوو بۆ سنورداركردنی ئەو پارانەی دێنە عیراق و ئەو ڕێگەچارەیەشی بە ڕێگەچارەی ئەتۆمی و لێدانی كەمەرشكێن، وەسف كردبوو.

أ.ج

عێراق

عیراق هەڵوێستی لەسەر “گرێبەستی سەدە” ڕاگەیاند

خەڵك- بەشی هەواڵ
وەزارەتی دەرەوەی حكومەتی عیراق هەڵوێستی فەرمی سەبارەت بە “گرێبەستی سەدە” ڕاگەیاند و دەڵێت: “دەبێت دەوڵەتی سەربەخۆ بۆ فەلەستین دروست بكرێت و پایتەختەكەی قودس بێت”.

شەوی ڕابردوو بە كاتی عیراق، دۆناڵد ترەمپ، سەرۆكی ئەمریكا و بنیامین ناتانیاهۆ، سەرۆك وەزیرانی ئیسڕائیل لە كۆنگرەیەكی ڕۆژنامەوانی هاوبەشدا لە واشنتن پێشنیاری چارەسەری كێشەی نێوان ئیسڕائیل و فەلەستین-یان ڕاگەیاند، كە بە “گرێبەستی سەدە” ناسراوە.

وەزارەتی دەرەوەی عیراق لە بەیاننامەیەكدا ئاماژەی بەوەكردووە، كە پێویستە عەرەب و موسڵمانان لەپاڵ فەلەستین بووەستن بۆ گێڕانەوەی مافە یاساییەكانی و بنیاتنانی دەوڵەتی سەربەخۆ بۆیان، كە قودس پایتەختەكەی بێت.

ڕاشیگەیاندووە، كە عیراق لەپاڵ برا فەلەستینیەكانی دەوەستێت بۆ گێڕانەوەی مافەكانی، كە شەرعیەتی نێودەوڵەتی هەیە و بڕیاری ئەنجوومەنی ئاسایشی بۆ دەرچووە، بەجۆرێك كە مافی خۆیانە بگەڕێنەوە بۆ سەر ماڵ و خاكی خۆیان.

جەختیشی كردۆتەوە، كە قودس و مزگەوتی ئەقسا تا ئێستا لەژێر داگیركاریدایە، بۆیە پێویستە لەسەر عەرەب و موسڵمانان لەپاڵ فەلەستینییەكان بووەستن بۆ پشتیوانی كردنیان لە مافە ڕەواكانیان و گێڕانەوەی زەویە داگیركراوەكان لە تەواوی سوریا و لوبنان.

بەردەوام بە لە خوێندنەوە

عێراق

بەرهەم ساڵح دوا كاتی بۆ دیاری كردنی سەرۆك وەزیران دانا

خەڵك- بەشی هەواڵ
سەرۆك كۆماری عیراق لەڕێگەی نامەیەكەوە بۆ كوتلە سیاسییەكان جەخت لە كاندید كردنی كەسێكی شیاو بۆ پۆستی سەرۆك وەزیران دەكاتەوە و دواكاتیش بۆ ئەو پرسە 1ی شوبات دەبێت.

بەپێی زانیارییەكانی (خەڵك)، بەرهەم ساڵح، سەرۆك كۆمار دوایين كاتی بۆ كوتلە سیاسیەكان داناوە دەربارەی كاندید كردنی كەسایەتییەك بۆ پۆستی سەرۆك وەزیران و بۆ ئەوەش دواكات شەوی هەینی دەبێت.

بۆ بەدواداچوونی ئەو پرسە (خەڵك) پەیوەندی كرد بە سالار مەحمود، ڕاوێژكاری سەرۆك كۆماری عیراقەوە، بەڵام ڕایگەیاند، كە لە بەغدا نییە و ئاگادار نییە.

هاوكات، (خەڵك) چەند جارێك پەیوەندی كرد بە حەسەن جیهاد، وتەبێژی سەرۆك كۆماری عیراق، بەڵام پەیوەندییەكەی بێ‌ وەڵام بوو.

بەرهەم ساڵح، سەرۆك كۆماری عیراق لە نامەیەكدا، بۆ كوتلە سیاسییەكان داوای لێ‌ كردوون بە زووترین كات ڕێكبكەون لەسەر دیاری كردنی كەسێكی شیاو بۆ پۆستی سەرۆك وەزیران.

بەپێی نامەكە، كە وێنەیەكی دەست (خەڵك) كەوتووە، بەرهەم ساڵح، سەرۆك كۆماری عیراق ڕۆژی 1ی شوباتی 2020ی وەك دوایین وادە بۆ كوتلە سیاسییەكان دیاری كردووە تاوەكو ناوی كاندیدێك پێشكەش بكەن بۆ پۆستی سەرۆك وەزیران و كۆتایی بەو كێشە و ئاڵۆزیانە بهێنن، كە لە شەقامی عیراقیدا ڕوویانداوە.

هەر لە نامەكەدا هاتووە، كە “ئەوەی لە شەقام ڕوودەدات كاریگەری كردۆتە سەر دۆخی دامەزراوەكان و هاووڵاتیان و بەهۆیەوە چەندین خۆپیشاندەری ئاشتیخواز و چەندین ئەندامی هێزە ئەمنییەكانیش شەهید بوون، بۆیە بەردەوام بوون لەو دۆخەی ئێستا كارێكی مەترسیدارە و دۆخەكە زیاتر ئاڵۆز دەكات”.

بەرهەم ساڵح داوای گفتوگۆی جددی و بنیاتنەر دەكات بۆ دیاری كردنی كەسێكی شیاو، كە جێگەی خواستی هەمووان و شەقامی عیراقی بێت بۆ سەرۆك وەزیران و پێشكەش كردنی تا 1-2-2020 تاوەكو ڕێكارە دەستووری و یاساییەكان بۆ ڕاسپاردنی ئەنجام بدرێن.

سەرۆك كۆمار هۆشداریش دەدات، كە ئەگەر تا ئەو بەروارە كاندیدی سەرۆك وەزیران پێشكەش نەكرێت و ڕێككەوتنی لەسەر نەكرێت، ئەوا خۆی لەو ناوانەی هەڵیبژاردوون بەهۆی گفتوگۆكانی لەگەڵ لایەنەكان لەماوەی ڕابردوودا كەسێك بۆ سەرۆك وەزیران ڕادەسپێرێت.

بەردەوام بە لە خوێندنەوە

عێراق

نوێنەرێك: بڕیاری دەركردنی هێزە بیانییەكان لە عیراق توركیاش دەگرێتەوە

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەێنێت، بڕیاری دەركردنی هێزە بیانییەكان لە عیراق توركیاش دەگرێتەوە.

ڕۆژی 5ی ئەم مانگە، ئەنجومەنی نوێنەرانی عیراق بڕیارێكی بۆ دەركردنی هێزە بیانییەكان لە عیراق دەركرد، بەپێی بڕیارەكە هەرێمی كوردستانیش دەگرێتەوە، چونكە سەر بە عیراقە و ئەمەش لە دەستوردا چەسپاوە.

لەوبارەیەوە، ئەڵماس فازڵ ئەندامی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی لە لێدوانێكی ڕۆژنامەوانیدا ڕایگەیاند:” ئەو بڕیارە تا ئێستا نەكراوە بە یاسا، بۆیە پێویستە حكومەت ئەو بڕیارە بكات بە یاسا، لە ڕاستیدا ئەگەر بێتو بڕیارێك هەبێت بۆ دەركردنی هێزە بیانییەكان كە ئەوان لە چوارچێوەی ڕێككەوتنێكدا هاتوون بۆ لەناوبردنی داعش ئەوە كات كارەكانیان تەواو بووە و پێوستە لەو چوارچێوەیەدا بڕیار بدرێت بە دەركردنی هێزە بیانییەكان”.

ئەو ئەندامەی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی ڕوونیشیكردەوە:”ئەگەر باس لە دەركردنی هێزی بیانی بكەین، بڕیارەكە هەموو وڵاتەكان دەگرێتەوە، بە ئەمریكا و ئێران و توركیاشەوە، بڕیارەكەش بۆ كەمكردنەوەی ئەو گوشارە گەورانەیە كە لەسەر عیراق هەیە، كە لە بنەڕەتدا ململانێیەكی گەوەری نێودەوڵەتی لە عیراق هەیە، بەداخەوە عیراق بووەتە گۆڕەپانی یەكلاكردنەوەی ململانێكان بە تایبەت ململانێی سیاسی كە سەروەری خاكی پێشێل دەكرێت، بۆیە بڕیاری دەكردنی هێزی بیانی توركیاش دەگرێتەوە”.

ك.ج

بەردەوام بە لە خوێندنەوە

کوردستان