ئێمە لە تۆرە کۆمەڵایەتیەکان

کوردستان

ئایا خانەنشینی پەڕلەمانتاران حەڵاڵە؟
“پێویستە لایەنە ئیسلامییەكان بایكۆتی كۆبوونەوەكانی پەڕلەمان بكەن”

خەڵك-بەشی هەواڵ

ئەندامێكی سەركردایەتی بزووتنەوەی ئیسلامی ڕایدەگەیەنێت، دەبێت حزبە ئیسلامییەكان لەسەر پڕۆژەی چاكسازی هەڵوێستیان هەبێت.

لە دوو ڕۆژی ڕابردوودا پەڕلەمانی كوردستان خوێندنەوەی دووەمی بۆ پڕۆژە یاسای چاكسازی كرد و بەپێی زانیارییەكانیش ڕۆژی پێنج شەممە دەنگ لەسەر پڕۆەكە دەدرێت، بەڵام هاووڵاتیان بە نیگەرانییەوە لە پڕۆژەكە دەڕوانن.

حەسەن شێخانی، ئەندامی سەركرایەتی بزووتنەوەی ئیسلامی بە (خەڵك)ی ڕاگەیاند، كۆبوونەوەكانی پەڕلەمان كراونەتە بەشێك لە پڕوپاگەندەی هەڵبژاردن، ئەو لایەنانەی ئۆپۆزسیۆن بوون یان ئێستا ئۆپۆزسیۆنن بە دەسەڵاتیشەوە كۆبوونەوەكانی پەڕلەمان بەكاردەهێنن بۆ بانگەشەی هەڵبژاردنەكانی داهاتوو و كاری لەسەر دەكەن.

وتیشی، “هەر پەرلەمانتارێك مافی خۆیەتی خانەنشین بكرێت، بەڵام بە مەرجێك ڕەچاوی خزمەت و تەمەن و بڕوانامەی بكرێت و جیاوازی زۆریشی نەبێت لەگەڵ فەرمانبەرانی ئاسایی، بەشێوەیەك بەرزترین مووچەی فەرمانبەر لە هەرێم بكرێتە پێوەر بۆ مووچەی پەرلەمانتاران و پلە باڵاكان”.

ئاماژەی بۆ ئەوەشكرد، حزبە ئیسلامییەكان دەبێت هەڵوێستیان ڕوون بێت لەسەر بابەتەكە و پێویستە پڕۆژەكەیان بۆ ڕای گشتی باس بكەن و لە قۆناغی دووەمیش بایكۆتی ئەم كۆبوونەوانە بكەن، چونكە بوونیان لەناو كۆبوونەوەكە تەواوكردنی ڕێژەی یاسایی كۆبوونەوەكان نیشان دەدات و بەشدارن لە هەموو بابەتێك.

سەبارەت بە شەرعی بوونی خانەنشینی پلە باڵاكان، ناوبراو ڕایگەیاند، جارێ دەسەڵات شەرعیان نەكردووە بە پێوەر تاكو بڕیاری لەسەر بدەن، بەڵام لە ڕووی شەرعەوە دروست نییە، چونكە پەڕلەمانتار هەیە بڕوانامەی نییە و هیچ شتێكی دیكەی نییە و بە بڕێكی زۆر خانەنشین دەكرێت، واتە كەسانێك بە چوار ساڵ بە بڕێكی زۆر خانەنشین دەبن، یاخود كەسانێك هەن پۆستەكەشیان نەبووە، بەڵام خانەنشین كراون و بە ملیارەها دیناری ئەم وڵاتە دەبەن.

ڕوونیشیكردەوە، وەكو بزووتنەوە گلەییەكی زۆرمان لە برایانی یەكگرتوو هەیە، چونكە هیچ پرس و ڕایەكمان پێناكەن لە پرسەكانی تایبەت بە پەڕەكان و ئێستاش هیچ گفتوگۆیەك لەنێوانماندا نییە.

جەختی لەوەشكردەوە، ئەگەربێتو چاكسازییەكی ڕاستەقینە نەكرێت لە هەڕەمی حكومەت بەتایبەتی لایەنی مووچە و پێشمەرگە و فەرمانبەران، ئەوەی لە بەغدا ڕووەدات پێشبینی دەكرێت لە هەرێمیش ڕووبدات، چونكە ئەو ستەمەی لە فەرمانبەران و خەڵكی دەكرێت زۆر زیاترە.
س.ع

کوردستان

نێچیرڤان بارزانی لەگەڵ بۆگدانۆف كۆبووەوە

خەڵك- بەشی هەواڵ
سەرۆكی هەرێمی كوردستان لەگەڵ نوێنەری سەرۆكی ڕوسیا بۆ كاروباری ڕۆژهەڵاتی ناوەڕاست و ئافریقا كۆدەبێتەوە و جەختی لەخواستی هەرێمی كوردستانی بۆ برەودانی پەیوەندییەكانی لە هەموو بوارەكاندا لەگەڵ ڕوسیا كردەوە و دەستخۆشی لە كار و چالاكییەكانی كۆمپانیای گازپرۆمی ڕوسی لە كەرتی وزەدا لە هەرێمی كوردستان كرد.

بەپێی ڕاگەیەنراوێكی سەرۆكایەتی هەرێمی كوردستان، نیوەڕۆی ئەمڕۆ چوار شەممە 29/1/2020 نێچیرڤان بارزانی، سەرۆكی هەرێمی كوردستان، پێشوازی لە میخائیل بۆگدانۆف، نوێنەری سەرۆكی ڕوسیا بۆ كاروباری ڕۆژهەڵاتی ناوەڕاست و ئافریقا و جێگری وەزیری دەرەوەی ڕوسیا و باڵیۆزی ڕوسیا لە بەغدا و كونسولی گشتی لە هەولێر و شاندێكی یاوەری كرد، كە لە ژمارەیەك دیپلۆماتكار و بەرپرسانی كۆمپانیای گازپرۆمی ڕوسی پێكهاتبوون.

بەپێی ڕاگەیەنراوەكە، “بۆگدانۆف سڵاو و ڕێزی ڤلادیمیر پوتین و سەرۆك وەزیرانی ڕوسیای گەیاندە سەرۆكی هەرێمی كوردستان و ستایشی ڕۆڵی بەڕێزیان و پێشكەوتنەكانی هەرێمی كوردستانی كرد”.

هەردوولا دۆخی عیراقیان تاوتوێ كرد و جەختیان لە گرنگیی هەوڵدان بۆ ئارامكردنەوەی گرژی و ئاڵۆزییەكان لە ناوچەكە و نەبوونی عیراق بە گۆڕەپانی كێشە و ململانێی هێزە هەرێمی و نێودەوڵەتییەكان كردەوە، هەروەها تیشكیان خستە سەر خۆپیشاندانەكان و هەوڵەكان بۆ دیاریكردنی سەرۆك وەزیرانی داهاتووی عیراق، كێشەكانی هەولێر ــ بەغدا و گرنگی هەماهەنگیی پێشمەرگە و سوپای عێراق لە ناوچە كێشە لەسەرەكان.

دۆخی سوریا و هەبوونی هێزە نێودەوڵەتییەكان و پرسی كورد و ئایندەیان لە چوارچێوەی سوریا و ڕۆڵی ڕوسیا لەو وڵاتە، بەردەوامیی مەترسییەكانی تیرۆر و چۆنیەتیی ڕووبەڕووبوونەوەی، پرۆسەی ئاشتی لە ڕۆژهەڵاتی ناوەڕاست و دوایین پێشهاتەكانی كێشەی فەلەستین ــ ئیسرائیل، دۆخی ناوچەكە بەگشتی و چەند پرسێكی مایەی بایەخی هەردوولا، بەشێكی دیكەی كۆبوونەوەكە بوو.

بەردەوام بە لە خوێندنەوە

کوردستان

لە ڕاپەڕین مێردمنداڵێك خۆی كوشت

خەڵك- بەشی هەواڵ
بەڕێوەبەرایەتی پۆلیسی راپەڕین ڕایدەگەیەنێت، مێرد منداڵێكی تەمەن 16 ساڵ لە شارەدێی ژاراوە خۆی كوشت،لێكۆڵینەوەش بۆ زانینی هۆكاری ڕووداوەكە دەستیپێكردووە.

بەپێی ڕِاگەیەنراوێك، كە لەلایەن پۆلیسی ڕاپەڕینەوە بڵاوكراوەتەوە، “پێش نیوەڕۆی ئەمڕۆ تەرمی مێردمنداڵێك بەناوی ( س . ع . س ) تەمەن 16 ساڵ، پیشەی قوتابی، دانیشتووی شارەدێی ژاراوەی سەر بە شارۆچكەی پشدەر (قەڵادزێ) گەیەندرایە نەخۆشخانەی گشتی قەڵادزێ، كە بەچەكی جۆری (ئێم فۆڕ) لە ماڵی خۆیاندا خۆی كوشتووە”.

بە وتەی پۆلیس، “لە دوای گەیشتنی تەرمەكە بە نەخۆشخانە، دەركەوتووە شوێنەواری سێ گولـلـە بە سەریەوە هەبووە، پاش توێكاری بۆ لاشەكەی ڕادەستی كەسوكاری كرایەوە”.

پۆلیسی ڕاپەڕین دەڵێت: “دوابەدوای ڕووداوەكە، دەستبەجێ تیمەكانی بەڵگە و تاوانی پشدەر چوونەتەسەر شوێنی مەبەست و دەستگیراوە بەسەر چەكی بەكارهاتوو،بەڵام تائێستاش هۆكاری ڕووداوەكە نەزانراوە، دۆسێی لێكۆڵینەوە بۆ ڕووداوەكە ڕێكخراوە و لێكۆڵینەوەش بەردەوامە”.

بەردەوام بە لە خوێندنەوە

کوردستان

وەزیری كارەبا، هۆشداری دەداتە كۆمپانیاكان لە تەواونەكردنی پڕۆژەكانیان

خەڵك-بەشی هەواڵ

 

ئەمڕۆ چوارشەممە بەرواری 29/1/2020 وەزیری كارەبای هەرێم بەمەبەستی دانانی پڕۆژەی (دامەزراندنی وێستگەی مۆبایلی دێری) لە پارێزگای هەولێر لەگەڵ لە كۆمپانیای (Best) كۆبووەوە.

كەمال محەمەد ساڵح وەزیری كارەبای هەرێم لە كۆبوونەوەكەدا ڕایگەیاند، لە بەرنامەی وەزارەتدایە زیاتر بایەخ بە پڕۆژەكان بدرێت و لە كاتی دیاریكراوی خۆیاندا تەواو بكرێن بۆ ئەوەی هاوبەشان و هاوڵاتیان سوودمەندبن.
وتیشی”لە بەرنامەی چاكسازی وەزارەتدایە هەر كۆمپانیایەك پابەند نەبێت بە مەرج و ڕێنماییەكان لە تەواوكردنی پڕۆژەكان لەو ماوەی بۆی دیاریكراوە، سزا دەدرێت و جارێكی تر مامەڵەی لەگەڵدا ناكرێت، ئەمەش بە ئامانجی ئەوەی تەواوی پڕۆژەكان لەكاتی خۆیدا تەواو بكرێت و كۆمپانیاكانی بواری كەرتی كارەباش كێبڕكێ بكەن بۆ پێشكەشكردنی باشترین پڕۆژە بە كوالیتی بەرز”.

بەپێی زانیارییەكان، واژووكردنی گرێبەستی پڕۆژەی (دامەزراندنی وێستگەی مۆبایلی دێری) لە پارێزگای هەولێر كە بە گوژمەی 1 ملیار و 429 چوار سەد و بیست و نۆ ملیۆن 632 شەش سەد و سی و دوو هەزار و 298 دووسەد و نەوەد و هەشت هەزار دینار و بۆ ماوەی (180) ڕۆژ دەبێت تەواو بكرێت.

بەردەوام بە لە خوێندنەوە

کوردستان