ئێمە لە تۆرە کۆمەڵایەتیەکان

جیهان

جۆنسۆن: پەیوەندیمان بە كوشتنی سولەیمانیەوە نییە

خەڵك –بەشی هەواڵ

سەرۆك وەزیرانی بەریتانیا ڕایگەیاند، بەریتانیا پەیوەندی بە كوشتنی قاسم سولەیمانییەوە نییە.

بۆریس جۆنسۆن سەرۆك وەزیرانی بەریتانیا ڕایگەیاند بەریتانیا پەیوەندی بە رووداوی كوشتنی قاسم سولەیمانی فەرماندەی سوپای قودسی ئێرانەوە نییە.

راشیگەیاند خوازیاری روودانی بەرەوروبوونەوە نین لەنێوان رۆژئاوا و ئێراندا، بەڵام نابێت رێ بدرێت ئێران چەكی ناوەكی هەبێت.

پەیوەندییەكانی ئێران و بەریتانیا ئاڵۆزی تێكەوت دوای بەشداریكردنی باڵیۆزی بەریتانیا لە تاران لە خۆپیشاندانێكدا لە دژی خستنەخوارەوەی فڕۆكە ئۆكرانییەكە و دەستگیركردنی لەلایەن هێزە ئەمنییەكانی ئێرانەوە.

دەسەڵاتدارانی ئێرانی ڕەخنەیان لە لەندەن گرتووە كە بەردەوام شوێنكەوتووی سیاسەت و هەڵەكانی ئەمریكایە.

ریکلام

جیهان

ئەندەنووسیا گەشتە ئاسمانییەكانی بۆ چین ڕاگرت

خەڵك –بەشی هەواڵ

هێڵی ئاسمانی ئەندەنووسیا گەشتە ئاسمانییەكانی بۆ چین ڕاگرت.

حكومەتی ئەندەنووسیا ڕایگەیاند هەڵپەساردنی گەشتە ئاسمانییەكان بۆ چین بەهۆی نەخۆشی كۆرۆناوەیە و تا كاتێكی نادیار گەشتەكان ڕادەگیرێن.

ئەمڕۆ بەریتانیاش گەشتە ئاسمانییەكانی بۆ شارەكانی پەكین و شەنگەهای چین ڕاگرت.

بەپێی نوێترین ئامار 132 كەس بەهۆی كۆرۆناوە گیانیان لەدەستداوە و 6 هەزار كەسی دیكەش تووشی نەخۆشییەكە بوون.

نەخۆشییەكە بە چەندین وڵاتی دیكەشدا بڵاوبووەتەوە و ئەمڕۆ ئیماراتی عەرەبی وەك یەكەم وڵاتی ڕۆژهەڵاتی نێوەڕاست گەیشتنی نەخۆشییەكەی بەو وڵاتە ڕاگەیاند.

بەردەوام بە لە خوێندنەوە

جیهان

نوێنەری سەرۆكی ڕووسیا گەیشتە هەولێر

خەڵك – بەشی هەواڵ

نوێنەری سەرۆكی ڕووسیا بۆ كاروباری ڕۆژهەڵاتی ناوەڕاست و جێگری وەزیری دەرەوەی ڕووسیا، بە سەردانێك گەیشتە هەولێر.

میخائیل بۆگدانۆڤ، نوێنەری سەرۆكی ڕووسیا بۆ كاروباری ڕۆژهەڵاتی ناوەڕاست، پێشنیوەڕۆی ئەمڕۆ بەیاوەری شاندێكی باڵای وڵاتەكەی لە ڕێی فڕۆكەخانەی هەولێری نێودەوڵەتی گەیشتنە هەولێر و بڕیارە دوو رۆژ بمێننەوە.

میخائیل بۆگدانۆڤ، لەم سەردانەیدا چاوی بە سەرۆكی هەرێم و سەرۆكی حكومەت دەكەوێت و پرسی ڕۆژئاوای كوردستان و پەیوەندییەكانی نێوان هەرێم و ڕووسیا لەڕووی وزە و ئابووری و وەبەرهێنان تاوتوێ دەكات.

ه.ب

بەردەوام بە لە خوێندنەوە

جیهان

ساڵی ڕابردوو بە گەرمترین ساڵ دیاریكرا

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، ساڵی 2019 بووە دووەم گەرمترین ساڵ بە درێژایی 180 ساڵی ڕابردوو.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، بەپێی دوو لێكۆڵینەوەی جیاواز، یەكیان لە ڕێگەی (ئاژانسی ناسا) و ئەوی دیكەشیان لە ڕێگەی (ئیدارەی نیشتیمانی بۆ ئۆقیانوس و بەرگەهەوا) ئەنجامدراوە، دەركەوت پلەكانی گەرمای تۆماركراو لەساڵی 2019 بەرزترین ڕێژەی تیادا بووە، دوای ساڵی 2016 یان بە واتایەكی دیكە ئەوەیان دووەم بەرزترین ڕێژەی پلەی گەرمییە كە بە درێژایی 180 ساڵی ڕابردوودا تۆمار دەكرێت.

ئاشكراشیدەكات، لە ڕاپۆرتەكەی (ئیدارەی نیشتیمانی بۆ ئۆقیانوس و بەرگەهەوا) دا هاتووە، ساڵی 2019 بووە ساڵی 44ەمین گەرمترین ساڵ كە یەك لەدوای یەك ڕێژەی بەرزی پلەی گەرمی تیایاندا تۆمار دەكرێن، دوای كۆكردنەوەی داتا لە 20.000 وێستگەی كەشناسی لە سەرتاپای جیهاندا.

ڕوونیشیدەكاتەوە، ساڵی 2019 بووە دووەم ساڵ لە نێو (ویلایەتە یەكگرتووەكانی ئەمریكا) دوای 1973 كە بەرزترین رادەی شێی و باران بارینی تیادا تۆمار كراوە و دەرەنجامەكان ئاماژە بەوە دەدەن كەوا تا دێت بارودۆخ و ریتمەكانی كەشوهەوا توندترو ئاڵۆزتر دەبن لەسەر هەسارەی زەوی، وە بەرزبوونەوەی نێوەندەكانی پلەی گەرمی جیهانی تا ئاستی 1.1 پلەی سیلیزیی یەكێكە لەو گۆڕانكاریانەو گەڕانەوەی بۆ باری پێشووتری نیمچە مەحاڵە.

بەردەوام بە لە خوێندنەوە

کوردستان