ئێمە لە تۆرە کۆمەڵایەتیەکان

جیهان

ئەڵمانیا سەبارەت بە بەهێزبوونەوەی داعش هۆشداریدەدات


خەڵك – بەشی هەواڵ

وەزیری دەرەوەی ئەڵمانیا هۆشداری دەداتە لێپرسراوانی عیراق و وڵاتانی ناوچەكە و جیهان لە بەهێزبوونەوەی تیرۆریستانی داعش.

هایكۆ ماس وەزیری دەرەوەی ئەڵمانیا لە كۆنفڕانسێكی ڕۆژنامەوانیدا لەگەڵ هاوتا ئوردونییەكەی لە عەممان ڕایگەیاند:”كشانەوەی هێزەكانی هاوپەیمانیی نێودەوڵەتی دژی داعش “زەمینەیەكی گونجاو بۆ تیرۆریزم دەڕەخسێنێت” و هێرشەكان لە ناوچەكە و وڵاتانی ئەوروپا دەستپێدەكەنەوە”.

وەزیری دەرەوەی ئەڵمانیا لەبارەی گرژییەكانی نێوان واشنتۆن و تاران ڕایگەیاند:”ئەگەر ئێران خوازیارە گرژییەكان كەمببنەوە، ئەوا دەبێت واز لە دروستكردنی نیگەرانی لە ناوچەكە بهێنێت، لەوانەش لە عیراق”.

هایكۆ ماس ئاماژەی بەوەش كرد، خەڵكی ئێران مافی خۆیانە ئاشتییانە بۆچوونەكانی خۆیان دەرببڕن.

ئەم لێدوانەی وەزیری دەرەوەی ئەڵمانیا لەكاتێكدایە، ڕۆژی 5/1/2020 بەبێ بەشداریی نوێنەرانی كورد و زۆرینەی سوننەكان، ئەنجومەنی نوێنەرانی عیراق كۆبووەوە و دەنگی لەسەر كشانەوەی هێزە بیانییەكاندا لە عیراق.

ك.ج

جیهان

ترمپ و پۆتین لەسەر نرخی نەوت گفتووگۆ دەكەن


خەڵك- بەشی هەواڵ
دۆناڵد ترەمپ سەرۆكی ئەمریكا ڕایدەگەیەنێت، لەگەڵ ڤلادیمێر پۆتین سەرۆكى ڕوسیا لەبارەی ناكۆكییەكان نێوان مۆسكۆ و ڕیاز لەبارەی نرخی نەوتەوە گفتووگۆ دەكەن ، سەرۆكی ڕوسیاشی بە “پیاوێكی شیاو” دادەنێت.

ترەمپ ڕایگەیاند”بە تەلەفۆن قسە لەگەڵ پۆتین دەكات لە دوای پەیوەندی بە بەرنامەی “Fox and Friends”، و گفتووگۆ لەبارەی ناكۆكییەكانی نێوان ڕوسیا و سعودیە دەكەن سەبارەت بە نرخی نەوت، چونكە هەردوولا “توشی شۆك”بوون لەو بارەیەوە”.

بە وتەی سەرۆكی ئەمریكا”لەدوای بەرنامەكە ڕاستەوخۆ قسە لەگەڵ پیاوێكی شیاودا دەكات كە ناوی ڤلادیمێر پۆتینە”.

لە وەڵامی پرسیارێكدا سەبارەت بەوەی كە وەڵامی چی دەبێت گەر سەرۆكی ڕوسیا داوای لێكرد سزاكان هەڵبگرێت، ترەمپ وتی:”من سزاكان دەسەپێنم، بەدرێژایی مێژووی وڵاتەكەمان لە هەموو سەرۆكەكانی تر توندوتیژتر بووم لەسەر ڕوسیا”.

سەرۆكی ئەمریكا دەڵێت”پۆتین لەماوەی دوو ساڵی ڕابردوودا زیاتر لە جارێك قسەی لەو بارەیەوە كردووە”، پێشبینیشی كرد سەرۆكی ڕوسیا لەكاتی پەیوەندییەكەدا سەبارەت بە هەڵگرتنی سزاكان پرسیاری لێبكات.

سەبارەت بەو هەڵانەش كە ڕوسیا لە ئۆكرانیا و خۆرهەڵاتی ناوەڕاست ئەنجامی داون، ترەمپ وتی:”مۆسكۆ شان بە شانی وڵاتەكەی لە دووەمین جەنگی جیهاندا شەڕى كردووە”.

بەردەوام بە لە خوێندنەوە

جیهان

زیاتر لە 150 كەسی تر لە سعودیە تووشی كۆرۆنا بوون


خەڵك- بەشی هەواڵ
وەزارەتی تەندروستی سعودیە، تۆماركردنی 49 حاڵەتی چاكبوونەوەی نوێی تووشبوانی ڤایرۆسی كۆرۆنا و تۆماركردنی 154 حاڵەتی تووشبوون بە ڤایرۆسەكە لەماوەی 24 كاتژمێری ڕابردوودا ڕادەگەیەنێت.

ئەمڕۆ دوو شەممە، محەمەد عەبدولعالی وتەبێژی وەزارەتی تەندروستی سعودیە لە كۆنفرانسێكی ڕۆژنامەوانیدا ڕایگەیاند”لایەنە پزیشكییەكان لە شانشینی عەرەبی سعودیە، لەماوەی ڕۆژی ڕابردوودا 154 توشبوونی نوێیان بە ڤایرۆسی كۆرۆنا (كۆڤید-19) لە ناوچە جیاجیاكانی وڵاتدا تۆماركردووە، لەئێستاشدا كۆی گشتی تووشبوان لە وڵاتدا گەیشتۆتە 1453 حاڵەت”.

بە وتەی عەبدولعالی”لەماوەی 24 كاتژمێری ڕابردوودا هیچ حاڵەتێكی گیانلەدەستدان بە كۆرۆنا لە سعودیە تۆمارنەكراوە، لەگەڵ ئەمەشدا 49 حاڵەتی چاكبوونەوەی نوێ‌ تۆماركراون، بەمشێوەیە كۆی گشتی ژمارەی ئەوانەی نەخۆشییەكەیان پەڕاندووە و چاكبوونەتەوە گەیشتۆتە 115 كەس”.

وتەبێژی وەزارەتی تەندروستی سعودیە دەڵێت”هەموو ئەوانەی تووشی ڤایرۆسی كۆرۆنا بوون، چاودێری تەندروستی پێویست دەكرێن و ڕاگەیاندنی حاڵەتەكانی چاكبوونەتەوەش، لە دوای زۆرێك لە پشكنینەكانی تاقیگەیە كە دەیسەلمێنن توشبووەكە بەتەواوەتی چاكبۆتەوە”.

بەردەوام بە لە خوێندنەوە

جیهان

ئێران ئاماری تووشبوانی كۆرۆنای لەماوەی 24 كاتژمێری ڕابردوودا بڵاوكردەوە


خەڵك- بەشی هەواڵ
وتەبێژی وەزارەتی تەندروستی ئێران، ئاماژە بە تۆماركردنی 3186 حاڵەتی توشبوونی نوێ‌ دەكات بە ڤایرۆسی كۆرۆنا لە ماوەی 24 كاتژمێری ڕابردوودا و باس لە چاكبوونەوەی 33.5%ی كۆی گشتی تووشبوانیش دەكات تائێستا.

ئەمڕۆ دوو شەممە، كیانۆش جەهانپور وتەبێژی وەزارەتی تەندروستی ئێران لە لێدوانێكی ڕۆژنامەوانیدا ڕایگەیاند”لەماوەی 24 كاتژمێری ڕابروودا 3186 حاڵەتی توشبوونی نوێ‌ بە ڤایرۆسی كۆرۆنا (كۆڤید- 19) تۆماركراون، بەمشێوەیە كۆی گشتی تووشبوان لە وڵاتدا بۆ 41 هەزار و 495 حاڵەت بەرزبۆوە”.

بە وتەی جەهانپور”3511 كەس لە تووشبوان، باری تەندروستییان ناجێگیرە”.

وتەبێژی وەزارەتی تەندروستی ئێران دەڵێت”ئێمە خۆشحاڵین لەبەر ئەوەی ژمارەی ئەوانەی چاكبوونەتەوە گەیشتۆتە 13911 كەس، لە هەمان كاتدا لەماوەی 24 كاتژمێری ڕابردوو، 117 كەس گیانیان لەدەستداوە، بەمەش كۆی گشتی ئەوانەی بە پەتاكە تائێستا گیانیانلەدەستداوە گەیشتۆتە 2757 كەس”.

كیانۆش جەهانپور ڕایگەیاندووە”تا نیوەڕۆی ئەمڕۆ، زیاتر لە 63 ملیۆن هاووڵاتی لە پرۆژەی لەبێژنگدانی نیشتمانی بۆ ئاشكراكردنی تووشبوان بە ڤایرۆسی كۆرۆنا بەشدارییان كردووە”.

بەردەوام بە لە خوێندنەوە

کوردستان