ئێمە لە تۆرە کۆمەڵایەتیەکان

جیهان

مەزڵوم عەبدی داوای ئاشكراكردنی چارەنووسی هەزاران هاووڵاتی ڕفێنراو دەكات

خەڵك-بەشی هەواڵ

فەرماندەی گشتی هێزەكانی سوریای دیموكرات (هەسەدە) داوای ئاشكراكردنی چارەنووسی هەزاران هاووڵاتی ڕفێنراو لە سوریا دەكات.

مەزڵوم عەبدی فەرماندەی گشتی هێزەكانی سوریای دیموكرات (هەسەدە) لە جریوەیەكدا لە تۆڕی كۆمەڵایەتی تویتەر، لە بارەی دیاریكردنی چارەنووس و ژمارەی ئەو كەسانەی كە لە ڕابردوو لە ناوچە جیاجیاكانی سوریا بێسەروشوێن بوون نووسیویەتی، 3 هەزار و 286 كەس لە ناوچەكانی كۆبانێ‌ و عەفرین و جزیرە بێسەروشوێنن.

فەرماندەی گشتی (هەسەدە) ڕوونیشیكردووەتەوە:”داعش 544 هاووڵاتی ڕفاندووە و دوو هەزار و 368 كەسیش لەلایەن گرووپەكانی سەر بە ئۆپۆزسیۆنی سوریا و 374 كەسی تریش لەلایەن دەزگا ئەمنییەكانی سەر بە حكومەتی سوریاوە ڕفێنراون و هەروەها لە هەرێمەكانی ژێر دەسەڵاتی ئێمەش 8 كەس ڕفێندراون”.

فەرماندەی گشتی هێزەكانی سوریای دیموكرات لە جریوەیەكی تردا ڕایگەیاندووە:”لەڕێگەی لیژنەیەكەوە لێكۆڵینەوە بۆ ئاشكراكردنی چارەنووسی ئەو 8 كەسە بێسەروشوێنەی ژێر دەسەڵاتی خۆمان پێكهێنراوە و ئەنجامی لێكۆڵینەوەكان بەزووترین كات لەڕێگەی دەزگا ڕاگەیاندنەكانەوە بۆ ڕای گشتی ڕادەگەیەنرێت”.

ك.ج

جیهان

ترەمپ لە داڤۆس: ژمارەیەك سەربازمان برینداربوون

خەڵك- بەشی هەواڵ
سەرۆكی ولایەتە یەكگرتووەكانی ئەمریكا ئاشكرای دەكات، كە ژمارەیەك سەربازیان لە هێرشە مووشەكییەكەی ئێراندا بریندار بوون.

دۆناڵد ترەمپ، سەرۆكی ئەمریكا لە وتارێكدا لە پەراوێزی كۆڕبەندی ئابووری داڤۆس ڕایگەیاند، كە برینداربوونی سەربازەكانمان لە عەین ئەسەد لە عیراق مەترسیدار نییە و تەنها كەمێك تووشی سەرگێژخواردن بوون.

ڕاشیگەیاندووە، تەنها كەمێك سەرگێژخواردنیان هەبووە و چارەسەر كراون.

وتیشی، “لە سەردەمی ئیدارەکەی مندا بەراورد بە ئیدارەکانی پێشو بێکاری کەمترین ڕێژەی سەدی هەیە، “ئەوەش ڕیکۆردێکی مێژوویی تۆمارکردوە”.

پێشتر، كاپتن ئۆربان، وتەبێژی فەرماندەیی ناوەندی ئەمریكی لە 17ی كانوونی دووەمی ئەمساڵ ڕایگەیاند، كە بەهۆی هێرشە مووشەكییەكەی ئێران بۆ سەر عەین ئەلئەسەد لە عیراق، كە لە 8ی ئەم مانگە ئەنجام درا 11 سەرباز بریندار بوون.

بەردەوام بە لە خوێندنەوە

جیهان

ئۆغلۆ: ئاگربەست لە سووریادا ئاسان نییە

خەڵك –بەشی هەواڵ

وەزیری دەرەوەی توركیا ڕایگەیاند ئاگربەست لە سووریادا لە ئیدلب كارێكی ئاسان نییە و لەگەڵ ڕوسیاش لەبارەی ئیدلبەوە بۆچوونەكانیان یەك نین.

مەولود چاوش ئۆغلۆ وەزیری دەرەوەی توركیا لە گوتارێكدا لە كۆڕبەندی داڤۆس ڕایگەیاند، بە ملیۆنان سووریایی ئاوارەی توركیا بوون و 400 هەزاری دیكە ڕوویان لە توركیا كردووە.

دەشڵێت “سووریا هەموو هێڵە سوورەكانی بەزاندووە، توندوتیژییەكانی سووریا لە ئیدلب ڕەتدەكەینەوە”.

ئاماژەی بەوەشكرد پەكەكە پێشێلكاری زۆری كردووە.

لەبارەی لیبیاشەوە ڕایگەیاند، هێزەكانیان بۆ مەشق و ڕاهێنانەكان بە هێزەكانی ئەو وڵاتە چوونە ئەوێ.

بەردەوام بە لە خوێندنەوە

جیهان

ترەمپ لە سەندنەوەی متمانە ڕزگاری بوو

خەڵك –بەشی هەواڵ

ئەنجومەنی پیرانی ئەمریكا داواكاری ئەنجومەنی نوێنەرانی وڵاتەكەی بۆ سەندنەوەی متمانە لە دۆناڵد ترەمپ سەرۆكی ئەمریكا ڕەتكردەوە.

شەوی ڕابردوو بە زۆرینەی دەنگ ئەندامانی ئەنجومەنی پیرانی ئەمریكا داواكاری سەندنەوەی متمانەیان ڕەتكردەوە و ترەمپیان بێتاوان ناساند لەو دۆسێیانەی لەسەر كرابوونەوە.

لە دەنگدانی پیراندا 53 كەس لە بەرژەوەندی ترەمپ دەنگیان دا و 47ی دیكەش لە دژی ترەمپ دەنگیاندا، بۆیە ترەمپ لە دۆسیەكانی ڕزگاری بوو كە لەسەر كرابوونەوە لەلایەن دیموكراتەكانەوە لە ئەنجومەنی نوێنەران.

پێشتریش ترەمپ چەند جارێك تۆمەتەكانی ڕەتكردەوە كە ئاڕاستەی كرابوون و بەهۆیانەوە هەوڵی سەندنەوەی متمانەی لێ دەدرا.

پشتیوانیكردنی ترەمپ لەلایەن ڕوسیاوە لە هەڵبژاردنەكاندا، فشاركردن لە سەر ئۆكرانیا و خراپ بەكارهێنانی دەسەڵات ئەو دۆسێیانە بوون كە لەسەری كرابوونەوە.

بەردەوام بە لە خوێندنەوە

کوردستان