ئێمە لە تۆرە کۆمەڵایەتیەکان

ئابوری

وتەبێژی فەڕمی عێراق زانیاری نوێ لەسەر موچەی فەرمانبەرانى هەرێم ئاشكرادەكات

خەڵك- بەشی هەواڵ

وتەبێژی فەرمی حكومەتی عێراق رایگەیاند، كە پابەندن بە ناردنی 317 ملیار دینارەكەوە، بەڵام لەوانەیە چەند رۆژێك دوابكەوێت و سەبارەت بە موچەی مامۆستایانیش وتویەتی”نیوەی موچە حكومەتی عێراق و دەیدات و نیوەكەی دیكەی هەرێم خۆی دەیدات و دابەشكردنی موچەكە پەیوەندی بە هەرێمەوە هەیە”.

سەعد حەدیسی لە چاوپێكەوتنێكدا لەگەڵ “هاوڵاتی” وتویەتی” پارەكەش لەدوایین رۆژەكانی مانگ دەنێردرێت، لە وەزارەتە ئیتیحادییەكانیش بەهەمانشێوەیە، مووچە لەكۆتا رۆژەكانی مانگ خەرجدەكرێت و پێشخستن و دواخستن بۆ چەند رۆژێك پەیوەندی بەهەبوونی پارەی نەختینەوە هەیە، بەڵام بەگشتی پارەكە لەنێو مانگەكەدا دەدرێت”.

هەر لە قسەكانیدا سەعد حەدیسی باسی رێكەوتنی كردووە بۆ دابەشكردنی موچەی تەواو و وتویەتی” مووچەی فەرمانبەران هەرێم دەبێت بەتەواوەتی بدرێت هاوشێوەی فەرمانبەرانی حكومەتی ئیتیحادی بەپێی یاسای خزمەتی وەزیفی لە داهاتی ئەو نەوتەی لەكێڵگە نەوتییەكانی هەرێم دەفرۆشرێت بەبێ پاشەكەوت، كاتێك حكومەتی ئیتیحادی مووچەی فەرمانبەرانی هەرێمی هەژماركرد، بەوپێیە ئەژماری كرد كە دەچنە ژێر باری یاسای خزمەتی وەزیفیی ئیتیحادیی و پەیژەی پلە وەزیفییەكان و ئەو مووچانەی ئەو پلە وەزیفییانە دیاری دەكەن، وەك چۆن لەلایەن حكومەتی ئیتیحادییەوە كاری پێدەكرێت. بەو پێیەی یاساكە یەك یاسایەو لەسەر هەموو فەرمانبەران پەیڕەو دەكرێت، بۆیە رێككەوتنەكە وایە كە ئەو پارەیەی حكومەتی ئیتیحادی دەینێرێت، لەگەڵ داهاتی نەوتیی هەرێم تەواوی مووچەی فەرمانبەرانی هەرێم دابین دەكات، بەتەواوی بەبێ لێبڕین و كەمكردنەو بێ پاشەكەوت”.

ئابوری

لیژنەی چاودێریکردنی کەمکردنەوەی بەرھەمھێنانی نەوت کۆبووەوە

خەڵک-

کۆبوونەوەی لیژنەی تایبەت بە چاودێرکردنی ڕێکەوتنی کەمکردنەوەی بەرھەمھێنانی نەوت لە وڵاتانی ئۆپێک و بەرھەمھێنەرانی سەربەخۆ لە ئەبو زەبی کۆبوونەوە، خستنە ڕووی نەوتی زیاتر بۆ بازاڕەکان یان کەمکردنەوەی تەوەری سەرەکیی کۆبوونەوەکەیان بووە.

کۆبوونەوەی لیژنەی تایبەت بە چاودێرکردنی ڕێکەوتنی کەمکردنەوەی بەرھەمھێنانی نەوت لە وڵاتانی ئۆپێک و بەرھەمھێنەرانی سەربەخۆ ماوەی دوو رۆژە لە شاری ئەبو زەبیی پایتەختی ئیمارات درێژەی ھەیە، لیژنەکە لە وەزیرانی نەوت و وزەی وڵاتانی کوێت، روسیا، عومان، ڤەنزوێلا، جەزائیر پێکھاتوون و کاریان چاودێرکردنی پابەستەبوونی ئەندامانی ئۆپێک و وڵاتانی دەرەوەی ڕێکخراوەکەیە لە بەرھەمھێنەرانی نەوت، بەو ڕێکەوتنەی ماوەی دوو ساڵە درێژەیان پێداوە لە بارەی کەمکردنەوەی خستنەڕووی نەوت و بەرزکردنەوەی نرخەکەی.

بابەتێکی دیکەی کۆبوونەوەکەش چوونە دەرەوەی تەواوەتیی ئێرانە لە بازاڕی نەوت بەھۆی سزاکانی ئەمریکاوە، ھەرچەند ئەو وڵاتە لە ئێستادا رۆژانە نزیک بە ٥٠٠ ھەزار بەرمیل نەوت بە ٨ وڵات دەفرۆشێت کە لە لایەن ئەمریکاوە لە سزاکان بەخشراون، بەڵام ٦ مانگی دیکە ئەو مۆڵەتە تەواو دەبێت و ھەناردەی نەوتی ئێران بۆ سفر دادەبەزێت.

لیژنەکە تا ئێستا ھیچ ڕاگەیەنراوێکی لەبارەی ئەنجامی کۆبوونەوەکانی ڕانەگەیاندووە، بەڵام خەمڵاندنەکان بەرەو ئەوە دەچن، ئەو وڵاتانە درێژە بە کەمکردنەوەی خستنەڕووی نەوت بدەن، بە مەبەستی ھاوسەنگ ھێشتنەوەی نرخی نەوتا لە بازاڕەکانی جیھان.

لە سەرەتای ساڵی ٢٠١٧دا، رێکخراوی ئۆپێک لەگەڵ بەرھەمھێنەرانی سەربەخۆ بە سەرکردایەتی روسیا، لەسەر کەمکردنەوەی ١ ملیۆن و ٨٠٠ ھەزار بەرمیل نەوت لە رۆژێکدا رێککەوتبوون، لە مانگی تەممووزی ئەمساڵیشەوە بڕەکەیان بۆ ١ ملیۆن و ٢٠٠ ھەزار بەرمیل لە رۆژێکدا کەمکردەوە، رێککەوتنەکەش لە مانگی ١٢ ی ئەمساڵدا کۆتایی دێت، ئەگەر درێژ نەکرێتەوە.

لەئێستادا نرخی یەک بەرمیل خاوی برێنت لە بازاڕەکانی جیھاندا لە نزیکی ٧٢ دۆلار مامەڵەی پێوە دەکرێت، لە مانگی ئەیلولی ڕابردووش نرخی بەرمیلێک نەوتی خاوی برێنت گەیشت بە نزیکی ٨٦ دۆلار، دواتر بەھۆی فشارەکانی ئەمریکا لە بازاڕی نەوت، نرخەکەی بەرەو دابەزین کشایەوە.

 

 

بەردەوام بە لە خوێندنەوە

ئابوری

دارایی دابەشكردنی مووچەی بەشێكی دیكەی فەرمانبەرانی ڕاگەیاند

خەڵك- بەشی هەواڵ
دوای هەفتەیەك لە دەستپێكردنی دابەشكردنی مووچە، گەنجینەی سلێمانی دابەشكردنی مووچەی مانگی ئاب-ی فەرمانبەرانی دوو شوێنی دیكەی ڕاگەیاند.

سەرچاوەیەك لە گەنجینەی سلێمانی بۆ (خەڵك) ڕایگەیاند، كە سبەینێ‌ سێ‌ شەممە 13-11-2018 مووچەی وەزارەتی داد و ئەنجومەنی دادوەری خەرج دەكرێت.

ئاماژەی بەوەشكرد، كە ڕۆژی چوار شەممە مووچەی وەزارەتی كار و كاروباری كۆمەڵایەتی دابەش دەكرێت و لە هەمان كاتدا مووچەی كەمئەندامان دابەش دەكرێت.

لای خۆشیەوە، سامان حسێن، سكرتێری یەكێتی كەمئەندامانی كوردستان بۆ (خەڵك) هەواڵەكەی پشتڕاستكردەوە و وتی، “ڕۆژی چوار شەممە مووچەی كەمئەندامان دابەش دەكرێت”.

بەردەوام بە لە خوێندنەوە

ئابوری

بڕی 500 ملیۆن دینار بۆ قەرەهەنجیر و شوان تەرخان كرا

خەڵك- بەشی هەواڵ
پارێزگاری كەركوك بە وەكالەت، فەرمان دەكات بڕی 500 ملیۆن دینار بۆ هەردوو ناحیەی شوان و قەرە هەنجیر بۆ جێبەجێكردنی پڕۆژە خزمەتگوزارییەكان تەرخان بخرێت.

بەپێی بەیاننامەیەك، كە لەلایەن نوسینگەی ڕاگەیاندنی پارێزگاری كەركوكەوە بڵاوكراوەتە، وە”راكان جبوری، پارێزگاری كەركوك بە وەكالەت، لەگەڵ بەڕێوەبەرەكانی فەرمانگە خزمەتگوزارییەكانی كەركوك، بە ئامادەبوونی ئەندامانی ئەنجومەتی پارێزگا كۆبۆتەوە”.

هەر لە بەیاننامەكەدا هاتووە، “لە كۆبوونەوەكەدا بەڕێوەبەری ناحیەكانی شوان و قەرەهەنجیر ئامادەبوون و باس لە ئەنجامی سەردانەكەی جبوری كراوە بۆ بەغدا، كە تێیدا لەگەڵ وەزیری دارایی گفتوگۆیان لەبارەی میلاك و پشكی پارێزگاكان لە بودجەی گشتی 2019 كردووە و لە گفتوگۆكاندا ئاماژە بە تەرخانكردنی بڕی 500 ملیۆن دینار كراوە بۆ جێبەجێكردنی پڕۆژە خزمەتگوزارییەكان بۆ هەردوو ناحیەی شوان و قەرەهەنجیر”.

لە بەیاننامەكەی نوسینگەی ڕاگەیاندنی پارێزگای كەركوكدا باس لە “دابینكردنی بنەتۆو كراوە بۆ جوتیاران و ئاماژە بە پێویستی كاركردن كراوە بۆ چاككردنەوەی ئەو تاوەرە كارەباییانەی، كە لەم ماوەیەی دواییدا بەهۆی كاریی تێكدەرانەوە زیانیان پێگەیشتبوو”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 92%, 12
    12 92%
    12 - 92% هەموو دەنگەکان
  • وه‌زارەتی دارایی و ئابووری 8%, 1 دەنگ دان
    1 دەنگ دان 8%
    1 دەنگ دان - 8% هەموو دەنگەکان
  • وه‌زارەتی بازرگانی و پیشه‌سازی 0%, 0
    0
    0 - 0% هەموو دەنگەکان

کوردستان

دوایین