ئێمە لە تۆرە کۆمەڵایەتیەکان

جیهان

هێزەكانی ئەمریكا بنكەیەكی سەربازی لە حەسەكە چۆڵ دەكەن

خەڵك- بەشی هەواڵ
هێزەكانی ئەمریكا، بنكەی (خراب الجیر) لە ناوچەی مالیكیەی ڕۆژئاوای كوردستان نزیك سنوورەكانی سوریا- عیراق- توركیا چۆڵ دەكات، دوای ئەوەی نزیكەی شەش مانگ لەو بنكەیەدا بوو لەو بنكەیەی، كە دەكەوێتە باكووری خۆرهەڵاتی حەسەكە.

ئاژانسی دەنگوباسی فەرمی سوریا (سانا)، لە زاری سەرچاوە خۆجێییەكان ڕایگەیاندووە، “هێزە ئەمریكاییەكان لە بنكەی (خراب الجیر) دەستیكردووە بە چۆڵكردنی تەواوەتی بنكەكە و تائێستا نزیكەی 40 بارهەڵگر كەرەستەی سەربازییان لە بنكەكەدا گواستۆتەوە و ڕوو لە گوندی سوەیدی دەكەن، كە نزیكە لە مەرزی وەلید، ئەمەش وەك زەمینە سازییەك بۆ پاشەكشەكردن بەرەو نێو خاكی عیراق”.

بە بەپێی ئاژنسەكە، سەرچاوەكان لە ڕیفی باشووری شاری حەسەكە ڕایانگەیاندووە، “50 بارهەڵگر، كە كەرەستەی سەربازی و لۆجستی هێزەكانی ئەمریكایان هەڵگرتبوو، شارۆچكەی شەدادییان بەجێهێشتووە و بەرەو باكوور ڕۆیشتوون، كە ڕوو لە ڕێگەی خۆرلاهەڵاتی شارەدێی ئەلهولە لە ڕیفی خۆرهەڵاتی حەسەكە دەكەن، ئەمەش وەك زەمینەسازییە بۆ پاشەكشەكردن بەرەو نێوخاكی عیراق لەڕێی مەرزی وەلید لە ڕیفی شارۆچكەی یەعروبیە”.

هەندێك سەرچاوەی تر دەڵێن: “ئەو بارهەڵگرانەی لە شاری شەدادی چونەتەدەرەوە، لە بارەگاكانی هێزەكانی ئەمریكاوە هاتوون لە ڕیفی خۆرهەڵاتی دێرەزوور”.

چۆڵكردنی ئەو بنكانەی ئەمریكا لە سوریا، دوای چەند كاتژمێرێك بوو لە ڕاگەیاندنەكەی سوپای پاسدارانی ئێران، سەبارەت بە بەئامانجگرتنی بنكەی عەین ئەسەدی ئەمریكایی لە پارێزگای ئەنباری عیراقی و تەقاندنی چەند مووشەكێك بۆ ناو خاكی هەرێم، كە وەك تۆڵەكردنەوەی كوژرانی قاسم سولەیمانی لەلایەن تارانەوە ئاماژەی پێكرا.

جیهان

لە ئێران 161 تووشبووی ڤایرۆسی كۆرۆنا گیانیان لەدەستدا

خەڵك – بەشی هەواڵ
وەزارەتی تەندروستی ئێران ڕایدەگەیەنێت، لەماوەی 24 كاتژمێری ڕابردوودا 161 هاووڵاتی بەهۆی تووشبوونیان بە ڤایرۆسی كۆرۆنا گیانیان لەدەستداوە و 2 هەزار و 245 توشبووی نوێش تۆماركراوە.

سیما سادات لاری، وتەبێژی وەزارەتی تەندروستی ئێران لە ڕاگەیەنراوێكدا، كە میدیاكانی ئەو وڵاتە بڵاویانكردۆتەوە ئاماژەی بەوەكردووە، لە ماوەی 24 كاتژمێری ڕابردوودا 161 هاووڵاتی بە هۆی كۆرۆناوە گیانیان لەدەستداوە.

ڕاشیگەیاندووە، هەر لەو ماوەیەدا 2 هەزار و 245 هاووڵاتی دیكەش لە شارە جیاجیاكانی ئێران وەك تووشبووی نوێ تۆماركراون، بەمەش تا ئێستا 341 هەزار و 70 هاووڵاتی تووشی ئەو ڤایرۆسە بوون.

ئاشكراشیكرد، لەماوەی سەرهەڵدانی پەتاكە لەو وڵاتە تا ئێستا 19 هەزار و 492 هاووڵاتی گیانیان لە دەستداوە و 295 هەزار و 630 هاووڵاتیش چاكبوونەتەوە.

بەردەوام بە لە خوێندنەوە

جیهان

ئێران، هەڵویستی خۆی لەسەر ڕێكەوتنی ئیمارات و ئیسرائیل ڕاگەیاند

خەڵك-بەشی هەواڵ

سەرۆك كۆماری ئێران ڕایدەگەیەنێت، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.

حەسەن ڕۆحانی سەرۆك كۆماری ئێران لە كۆبوونەوەیەكیدا لەگەڵ لیژنەی بەرەنگار بوونەوەی كۆرۆنا ڕایگەیاند، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.
وتیشی”ئەمریكا بۆ پەردەپۆشكردنی شكستەكەی لە ئەنجومەنی ئاسایش ئەو بابەتە دەوروژێنێت”.

ئاشكراشیكرد، شكستی ئەمریكا لە ئەنجومەنی ئاسایش سەركەوتنی سیاسی ئێران بووە، تەنانەت ڕێككەوتنی ئەتۆمیش دەتوانێ ئەمریكا زەلیل بكات.

سەبارەت بە ڕێككەوتنی ئیسرائیل و ئیمارات ناوبراو ڕایگەیاند، هیوادارین وڵاتانی ناوچەكە وانە فێر ببن لە زەلیل بوونی ئەمریكا و نزیكی ئەو ڕژێمە داگیركەر و ستەمكارە نەكەون كە ساڵانێكە خەریكی ستەم كردنە.

بەردەوام بە لە خوێندنەوە

جیهان

ڕوسیا دەستی بە بەرهەمهێنانی ڤاكسینی دژ بە كۆرۆنا كرد

خەڵك-بەشی هەواڵ

 

وەزارەتی تەندروستی ڕوسیا ڕایدەگەیەنێت، دەستمان كردووە بە بەرهەمهێنانی ڤاكسینی دژە كۆرۆنا.

وەزارەتی تەندروستی ڕوسیا ئاشكرایكرد، ئەمڕۆ شەمە ١٥-٨-٢٠٢٠ دەستمانكردووە بە بەرهەمهێنانی ڤاكسینی دژە ڤایرۆسی كۆرۆنا بۆ ئەوەی بە زووترین كات هاووڵاتیان بەكاریبهێنن و چارەسەر بكرێن.

جەختی لەوەش كردەوە، ئەم ڤاكسینە لەلایەن ناوەندی بایۆلۆجی (غامالیا)ەوە پەرەی پێدراوە و بەرهەم دەهێنرێت.

ئەمەش لەكاتێكدایە 20 وڵات داوایان لە حكومەتی ڕوسیا كردووە و ئامادەییان بۆ كڕینی ڤاكسینەكە دەربڕیوە و سەرۆكی ڕوسیاش ڕایگەیاندوە كە ڤاكسینەكەیان لەسەر مرۆڤ تاقی كردوەتەوە و ئەنجامی باشی هەبووە.

بەردەوام بە لە خوێندنەوە

کوردستان