ئێمە لە تۆرە کۆمەڵایەتیەکان

هەواڵەکان

شاد فەرەج یەکەم گۆرانی خۆی بڵاوکردەوە

خێزان

شاد فەرەج یەکەم بەرهەمی هونەری خۆی بەناوی (بێ تۆ) بەرهەم دەهێنیت کە لە میلۆدی گۆرانیەکی ئەلبانیەوە وەری گرتووە.

شاد فەرەج لە بارەی بەرهەمەکەیەوە ڕایگەیاندووە”گۆرانی (بێ تۆ) یەکەم ئەزمونی منە لەکاری ھونەری، ئەم کارە کارێکی سادە و پوختە ،  بەو هیوایەی چێژی لێ ببیندرێت”

شاد فەرەج ڕاشیگەیاندووە کە بەرهەمەکەی لە ئاوازی پیرۆ کاکۆیە و هۆندراوەی خۆیەتی، پاش ئەم کارەش چەند بەرهەمێکی دیکەی دەبێت.

کوردستان

لە سلێمانی گەنجان لە كۆچی نایاسایی هۆشیار دەكرێنەوە

سلێمانی ـ نزار جەزا

پێشنیوەڕۆی ئەمڕۆ دیبەیتێك لەشاری سلێمانی بەمەبەستی هۆشیاركرنەوەی گەنجان لە زیانەكانی كۆچی نایاسایی سازكرا و تێیدا بڕیاردرا هەڵمەتێكی هۆشیاری دەستپێبكەن.

سەركۆ جەمال، یەكێك لەڕێكخەرانی دیبەیتەكە بە(خەڵك)ی ڕاگەیاند، بەهاوكاری ڕێكخراوی هاریكاری ئەڵمانی و ڕێكخراوی كۆچی نێودەوڵەتی لەگەڵ كۆمەڵێك چالاكوان و ڕۆژنامەنووس ئەم چالاكییەیان ڕێكخستووە.

ئاماژای بەئەوەشدا، ئامانج لەسادانی ئەم دیبەیتە كەمكردنەوەی قوربانییەكانی كۆچی نایاسییە، هاوكات مەترسییەكانی كۆچ لەسەر كۆمەڵگە كەمبكەنەوە، بۆ ئەوەی سامانی مرۆیی لەدەستنەدەن.

باسی لەئەوەشكرد، ئەمڕۆ هەڵمەتێك ڕادەگەیەنن، كە خۆی دەبینێتەوە لە كۆمەڵێك سیمینار و وۆركشۆپ و چالاكی جۆراوجۆر لەناو ناوەندەكانی خوێندندا.

هاوكات یەكێك لەبەشداربووانی دیبەیتەكە بەناوی شەن نوری بە (خەڵك)ی ڕاگەیاند، ئەو كەسانەی لێرەوە دەچن بۆ وڵاتانی ئەوروپا پێیانوایە ژیانی خۆیان لەوێ دەدۆزنەوە، بەڵام بێئاگان لەوەی ئەو خۆشییە بۆ كۆچبەرێك لەئەوروپا تەنها خەونێكە و بەكابوس تەواو دەبێت، چونكە لەوێ وەك هاوڵاتییەكی پلە دوو یان زیاتر دەبینرێن.

بەردەوام بە لە خوێندنەوە

کوردستان

بەوێنە.. ژنە دەرهێنەر و رۆژنامەوانێكی كورد كۆچی دوایی كرد

بەهار مستەفا كۆچكردوو

خەڵك- بەشی هەواڵ

شەوی رابردوو ژنە رۆژنامەوان و دەرهێنەری كورد بەهار مستەفا كۆچی دوایی.

سەلام رەشید هاوسەری بەهار مستەفا لە هەژماری خۆی لە فەیسبوك بڵاویكردەوە ” خێزانم (بەهار مستەفا رەشید) ئەمشەو كۆچی دوایی كرد… پرسەكەی لەمزگەوتی عەلی كەمال)ە”.

بەردەوام بە لە خوێندنەوە

عێراق

كازم ساهر داواكەی موقتەدا سەدری قبوڵكرد

خەڵك- بەشی هەواڵ
هونەرمەندی عیراقی كازم ساهر، داوایەكی موقتەدا سەدر، ڕابەری ڕەوتی سەدر قبوڵ دەكات سەبارەت بەوەی، كە گۆرانی (سلام علیك) بكرێتە سرودی نیشتمانی عیراق.

بەپێی تۆڕی (نواعم)ی عەرەبی، كازم ساهر مەرجی هەیە لەگەڵ سەردانی عیراقدا گۆرانییەكە وێنە بگیرێت، دوای ئەوەی لەلایەن پەرلەمانەوە بە تەواوەتی ڕەزامەندی لەسەر دەردەبڕدرێت، تا سەرلەنوێ‌ دابەشكردن و شێوازی ئاوازی ئۆركێستراكەی، تۆماربكرێتەوە.

یەكێك لە مەرجەكانی كازم ساهر ئەوەیە، “دەبێت ئەو كۆڕاڵەی لەگەڵ قەیسەردا دەبێت، لە خوێندكارانی خوێندنگەكانی عیراق بن”.

پێشتر موقتەدا سەدر، ڕابەری ڕەوتی سەدر، ستایشی هونەرمەند كازم ساهری كردبوو، خۆشحاڵیشی دەربڕی بە گەڕانەوەی بۆ عیراق لەپێناو وتنەوەی گۆرانی (سلام علیك.. علی رافدیك.. عیراق القیم)، ئەمەش بە وتەی سینان عەزاوی، هونەرمەند و دەرهێنەری عیراقی.

عەزاوی لە نوسینێكیدا لەسەر هەژماری تایبەتی خۆی لە فەیسبووك ڕایگەیاندبوو، “چاوی بە موقتەدا سەدر كەوتووە و لە چاوپێكەوتنەكەدا، سەدر ستایشی قەسیدەكەی كردووە، كە وەك سرودێكی نیشتمانی وتراوە و داوای لێكردووە، ئەو سرودە لە موسڵ بڵێتەوە، وەك دوایین خاكی عیراق، كە لە دەست ڕێكخراوی داعش ڕزگار كرا”.

بە وتەی عەزاوی، “سەدر پێشنیاری كردووە، وتنی سرودەكە لە شوێنی مەناری حەدبای داڕوخاو لە موسڵ وێنە بیگرێت، چونكە بە هێز و بازوی عیراقییەكان و سوربونیان لەسەر مانەوە لە عیراقدا بنیات دەنرێتەوە”، باسی لەوەشكردبوو، كە لەلایەن سەدرەوە ڕاسپێردراوە بۆخۆی بەدواداچوون بۆ ئەو بابەتە بكات.

سینان عەزاوی ماوەیەك لەمەوبەر، هەڵمەتێكی لەژێر ناوی “گۆڕینی سرودی نیشتمانی داوایەكی نیشتمانییە” دەستپێكرد و داوای كرد هاوكاریی بكەن لە هەڵمەتی گۆڕینی سرودی نیشتمانی عیراقی.

گۆرانییەكەی (ساهر) كە بە (سلام علیك، علی رافدیك، عیراق القیم) دەناسرێت، لە ساڵی 2008دا تۆماركراوە و وتراوەتەوە، كە ڕۆژگاری شەڕی تایەفەگەری بوو لە عیراق، زۆرێك لە عیراقییەكان داوایان كردبوو ئەو گۆرانییە بكرێتە سرودی نیشتمانی عیراقی لە بری سرودی ئێستا، كە لەلایەن پەرلەمانەوە لە ساڵی 2005دا بەشێوەیەكی كاتی بە سرودی نیشتمانی پەسەندكرابوو.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین