ئێمە لە تۆرە کۆمەڵایەتیەکان

کوردستان

لیژنەی دووی قائیمقامیەتی سلێمانی راپۆرتی ساڵانەی بڵاودەكاتەوە

خەڵك- بەشی هەواڵ

لیژنەی دووی قائیمقامیەتی سلێمانی راپۆرتی ساڵانەی خۆی بڵاودەكاتەوه ‌كە بڕێكی زۆر جگەری مریشكی قەدەغەكراو، گۆشت، قیمە و مریشكی خراپ بووی گرتووە هەروەها دەیان سەر ئاژەڵی سەربڕدراو بەنایاسایی لەناوبردووە.

بێوەی ئەحمەد، نوێنەری بەڕێوەبەرایەتی ڤێتێرنەری و سەرۆكی لیژنەی دووی سەربەلیژنە هاوبەشەكانی قائیمقامیەتی سلێمانی رایگەیاند؛ ژمارەی ئەو سەردانانەی بۆ دوكان و بازاڕ و شوێنە گشتیەكان لیژنەی دوو لە ساڵی 2019 ئەنجامیداوه،‌ دوو هەزار و (572) سەردان بووە كە خۆی لە (گۆشتفرۆش وچێشتخانە و ماركێت و مینی ماركێت و فرۆشگا و خواردنگەكان) دەگرێتەوە.

وتیشی؛ لیژنەكە لەساڵی رابردوودا پسوڵەی سەرپێچی بۆ (485) شوێن كردووە، (422) پسوڵەی ئاگادارییان بۆئەو شوێنانە كردووە سەرپێچییەكانیان كەمبووە، هەروەها رێنمایی پێویستیان پێشكەش بەئەو شوێنانە كردووە تاهەڵە وكەموكورتییەكانیان چارەسەربكەن، هاوكات لەئەنجامی ئەو پسوڵە سەرپێچییانەی كە لیژنەی دوو بۆ سەرپێچیكارانی كردووە (13) شوێنی روبەروی داخستن كردۆتەوە و بەهۆی بەردەوامی بوون لەسەر جێبەجێنەكردنی مەرج و رێنماییەكانی كاركردن (6) شوێنی دیكەش دراوەتە دادگا.

وتیشی” لەساڵی رابردوودا دەست بەسەر هەزار و (913) قاپ (پارچە) جگەری ئێرانی قەدەغەكراودا گیراوە”.
ماڵپەڕی قائیمقامیەتی سلێمانی نوسیویەتی”بەهۆی زیان گەیاندن بەتەندروستی مرۆڤ، هاوردەكردنی جگەری بەستووی مریشك لەوڵاتانی دراوسێوە قەدەغەكراوە، بۆیە لەهەرشوێنێك دەستی بەسەردا بگیرێت شوێنەكە و خاوەنەكەشی روبەروی رێكاری یاسایی دەكرێتەوە.”

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان

“ئامادەنەبووین واژۆکانمان لەپەرلەمان بکشێنینەوە، بۆیە پۆستەکانیان لەدهۆک لێ وەرگرتینەوە”

خەڵک – بەشی هەواڵ

ئەندامێکی ئەنجومەنی جێبەجێکردنی یەکگرتووی ئیسلامی کوردستان ڕایدەگەیەنێت، یەکگرتوو بەرەی خەڵکی هەڵبژاردەوەو سەرجەم پۆستە خۆجێییەکانی بادینانی تەسلیم کردەوە، چونکە ئامادەنەبوو واژۆی پەرلەمانتارەکانی لە بانگهێشتی سەرۆکی حکومەت بۆ بەردەم پەرلەمان بکێشێتەوە.

 

عوسمان کاروانی ئەندامی ئەنجومەنی جێبەجێکردنی یەکگرتووی ئیسلامی کوردستان لەپەیامێکدا ڕایگەیاند، یەکگرتوو، کە خۆی ڕاگەیاند بەردەوام لەخزمەتی خەڵك و لەبەرەی خەڵکدابوو؛ کە چووە مەجلسی حوکم بوو بەپارێزەری داوا ڕەواکانی خەڵکی کوردستان، کە چووە لیژنەی نوسینەوەی دەستور داخوازییەکانی خەڵکی کوردستانی چەسپاند، کە چووە پەرلەمان و حکومەت پلان و پڕۆژەکانی لەپێناو ژیانێکی شایستەتردا بوو بۆ خەڵك.

 

ئاماژەى بەئەوەشدا، لەدوایەمین هەڵوێستیدا وەك پیشەی هەمیشەیی جارێکی تر بەرەی خەڵکی هەڵبژاردەوەو سەرجەم پۆستە خۆجێییەکانی بادینانی تەسلیم کردەوە، چونکە ئامادەنەبوو واژۆی پەرلەمانتارەکانی لە بانگهێشتی سەرۆکی حکومەت بۆ بەردەم پەرلەمان بکێشێتەوە، تا لێپرسنەوەیان لێ بکرێت لەدواکەوتنی موچە وبڕینی موچەی فەرمانبەران.

 

وتیشی: کوان ئەوانەی کە جۆرەها مزایەدەیان دەکرد، بۆ ئامادەنین واژۆی یەك پەرلەمانتاریان بخەنە سەر ئەو (22‌) واژۆیەی کە هەیە، تا لێپرسینەوە لەسەرۆکی حکومەت و جێگرەکەی و وەزیری دارایی بکرێت، کە ئەم سیانە هۆکاری سەرەکی نەدانی موچە و بڕینی موچەن.

بەردەوام بە لە خوێندنەوە

کوردستان