ئێمە لە تۆرە کۆمەڵایەتیەکان

کوردستان

رۆحانی فەرمانیكرد بە لێكۆڵینەوە لە رووداوەكەی سنە

خەڵك – بەشی هەواڵ

سەرۆك كۆماری ئێران بە ناردنی پەیامی سەرەخۆشی بە بۆنەی رووداوی هاتوچۆ لە شاری سنە و گیان لەدەستدانی ژمارەیەك لە خەڵك، فەرمانی دا لێكۆڵینەوەی ورد لەم ڕووداوە بكرێت.

بە پێی ئاژانسی هەواڵی مێهر، حەسەن رۆحانی سەرۆك كۆماری ئێران داوای كرد بەرپرسانی پارێزگای سنە “كوردستان” بەپەلە لێكۆڵینەوەی ورد لە هۆكاری ڕوودانی ئەم پێكدادانە بكەن و سەبووری بە بنەماڵەی قوربانییەكان بدەن.

ڕۆحانی لە پەیامەكەیدا پرسە و سەرەخۆشی خۆی بە بۆنەی گیان لەدەستدان و بریندار بوونی ژمارەیەك لە خەڵكی پارێزگای “كوردستان” لەو ڕووداوە ڕاگەیاندووە.

هەروەها وتوویەتی: “پێویستە بەرپرسانی پارێزگای كوردستان بە تایبەت پارێزگار وەك نوێنەری دەوڵەت لێكۆڵینەوە لە هۆكارەكانی ئەم ڕووداوە بكات و هەوڵ بدات بۆ پێڕاگەیشتن و سەبووری دان بە بنەماڵەی گیان بەختكردووەكان”.

لە كۆتایشیدا داوای دڵۆڤانی و بەخشینی خوای گەورەی بۆ گیان لەدەستداوان و سەبووری بۆ بنەماڵەكانیان كردووە.

کوردستان

كەنەكە مەترسیی گەورە لە سەر رۆژئاوا و باشووری كوردستان ئاشكرا دەكات

خەڵك- بەشی هەواڵ

كۆنگرەی نەتەوەیی كوردستان كەنەكە رایگەیاند “سەرۆككۆماری توركیە، ڕەجەب تەیب ئەردۆغان، پاش ئەوەی كە لەگەڵ شەریكەكانی، باغچەلی و ئەرگەنەكۆن، ڕاوێژكاری كرد، فەرمانی دا كە هەر لە كۆبانی و گرێسپییەوە بگرە هەتا سەرێكانی و دێرك، واتە هەموو ڕێڕەو‌ی ژێر هێڵی قەتار، بخاتە ژێر كۆنتڕۆڵی خۆیەوە. ئامانجیان ئاشكرایە؛ دەیانهەوێت ئیدارەی خۆسەری ڕۆژئاوای كوردستان هەڵوەشێنن. دەوڵەتی تورك نایهەوێت گەلی كورد لەگەڵ هاوڵاتیانی لە وڵاتی خۆیدا بە ئازادی بژی. لەم بوارەدا، ئێران و هاوپەیمانانی حاكمی لە بەغدا و شام یارمەتیدەرین. خاڵی هاوبەشیان ئاستەنگكردنی ڕێی كوردانە”.

كەنەكە لە بەیاننامەیەكدا رونیكردەوە “هەوڵدانێكی بەم شێوەیە هەموو دەستكەوتەكانی گەلی كوردستان دەخاتە بن مەترسییەكی گەورەوە و هیچ ئەولەكاری و ئەمنییەتێكی بۆ لە گۆڕێدا ناهێڵێت. بە داگیركردنی بەرفرەی ڕۆژئاوای كوردستان لە لایەن دەوڵەتی توركەوە، باشووری كوردستانیش دەكەوێتەوە گەمارۆوە و هێدی هێدی دەخنكێندرێت. ئەوەش بە واتای ئەوەیە كە هەمووی كوردستان دەكەوێتە رەوشێكی مان و نەمانەوە”.

ئاماژە بەوەش دەكات “لە سەر كێشەی عەفرین ئەوە دەركەوت كە ڕووسیە لە فكری بەرژەوەندییەكانی خۆی و هاوپەیمانی خۆی، ڕێژیمی شامه. لە هێرشی بەغدا بۆ سەر كەركووك دا، ئەوەش دەركەوت كە ئامریكاش لە فكری خۆی دایە. لە ناو حیساباتی ئەو زلهێزانەی كە لە ناوچەكه ‌دان‌، كورد و كوردستانیش دەبێ بۆخۆیان حیسابی خۆیان بكەن. لە دژی هێزە تێرۆریستییەكان و هەندێك هێزی هەرێمی، ئامریكا لەگەڵ كورد لە ڕێكەوتنێك دایە. بەڵام بەداخەوە لە دژی دەوڵەتی تورك دەنگی خۆی نەرم دەكات و ئەوەش بوێری دەدات بە توركیە”.

كۆنگرەی نەتەوەیی كوردستان (كەنەكە) رەوشی ئێستا بە گرینگ دەبینێت و بانگ لە گەلی كوردستان و رێبەرانی دەكات كە ڕووداوی دوایی تەنیا بە هەڕەشە نەبینن “بە ڕژدی بگرنە دەست و قایمكاری پێویست وەربگرن و، پیشتیوانی لە گەلی ڕۆژئاوای كوردستان بكەن. ڕێبەرانی كوردستان دەبێ پێكەوه رەوشی ئێستا بە بەرپرسیارییەكی نەتەوەیی و نیشتمانی لە ئەستۆی خۆ بگرن و، پێكەوە پیلانی پاراستنی وڵات پێكبێنن و، بە یەكدەنگی خۆیان سەرنجی ئامریكا بۆ ئەوە ڕابكێشن كە سەركەوتنی توركیە بنكەوتنی ئامریكاشە”.

راشیگەیاندووە “ڕۆژ رۆژی مەترسییە. گەلی كوردستان، ڕێبەران و هەموو دینامۆی وڵات لە هەر كوێ بن، لە وڵات و لە دەرەوەی وڵات، دەبێ ئەم كێشەیە لە سەرووی هەموو كارێكی دیكە بگرنە دەست و خۆیان سەفەربەر بكەن بۆ ئەوەی كە ڕێ له ئە‌م داگیركەرییەی دەوڵەتی تورك بگرن”.

بەردەوام بە لە خوێندنەوە

کوردستان

وەزیری بەرگری توركیا زانیاری نوێ لەسەر بۆردومانەكەی مەخمور و شنگال ئاشكرا دەكات

خەڵك- بەشی هەواڵ

وەزیری بەرگری توركیا ئاشكرای كرد 20 فڕۆكەی جەنگی وڵاتەكەی شەوی رابردوو بنكەكانی پەكەكەیان لە شنگال و قەرەچووغ بۆردومانكردووە.

خولوسی ئاكار وەزیری بەرگری توركیا لە بەیاننامەیەكدا رونیكردەوە، 20 فڕۆكەی جەنگی بەشداری هێرشەكەی شەوی رابردووی شنگال و مەخمووریان كردووە و بەهۆیەوە 4 كەس كوژران و 5ی دیكەش بریندار بوون.

ئاشكراشیكرد بۆ یەكەمجار هێرشكراوەتە سەر چیای قەرەچووغ و هێرشەكە لە شێوەی هەڵكوتانەسەر بووە، تێیدا 20 فڕۆكەی جەنگی و ژمارەیەك فڕۆكەی بێ فڕۆكەوان و فڕۆكەی گوێزەرەوەی سووتەمەنی بەشدارییان كردووە، ئەوە بۆ یەكەمجارە هێرش بكرێتەسەر قەرەچووغ، تێیدا 30 بنكە و بارەگای پەكەكە لێیان دراوە.

بەردەوام بە لە خوێندنەوە

کوردستان

ناسنامەی قوربانییەكانی بۆردومانەكەی شەوی رابردووی مەخمور ئاشكرا بوو

خەڵك- بەشی هەواڵ

ناسنامەی ئەو چوار كەسەی شەوی رابردووی لە هێرشەكانی فڕۆكە شەڕكەرەكانی سوپای توركیا بۆ سەر مەخمور بوونە قوربانی، ئاشكرا بوو.

ئەنجومەنی گەلی مەخمور لە راگەیەندراوێكدا ئاشكرای كرد “سێ لەو شەهیدانە ئەندامانی یەك خێزانن، كە دایكێك و كچەكەی و نەوەیەكی بوون و لەگەڵ ژنێكی دیكەدا”.

ناسنامەی قوربانییەكان:
ئاسیا عەلی محەمەد – ٧٣ ساڵ

نارنج فەرحان قاسم – ٢٦ ساڵ، كچی ئاسیا عەلی.

ئەڤین كاوە مەحمود – ١٤ ساڵ، نەوەی ئاسیا عەلی.

ئەیلەم محەمەد عەمەر – ٢٣ ساڵ.

 

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین