ئێمە لە تۆرە کۆمەڵایەتیەکان

عێراق

كەركوك، بەرەی توركمانی داوای ئیدارەی هاوبەش دەكات

خەڵك- بەشی هەواڵ
بەرەی توركمانی داوای ئیدارەی هاوبەش دەكات لە كەركوك و لە هەمان كاتدا نوسراوێكی وەزیری نیشتەجێكردنی عیراقی سەبارەت بە كاركردن بە فەرمانگەكانی شارەوانی ڕەتدەكاتەوە.

ئەمڕۆ پێنج شەممە، بەرەی توركمانی لە بەیاننامەیەكیدا ڕایگەیاند”لە كۆبوونەوەی بەرەی توركمانی بەسەرۆكایەتی ئەرشەد ساڵحی سەرۆكی بەرەی توركمانی، بەپێویست زانراوە حكومەتی عیراق ڕێوشوێنی بەپەلە بگرێتەبەر بۆ ڕێگرتن لە پێشێلكردنی سەروەریی عیراق و داواكراوە هەڵوێستە نیشتمانییەكان یەكبخرێن بۆ پارێزگاریی لە شكۆی دەوڵەت و ڕێگرتن لەوەی عیراق نەكرێتە گۆڕەپانی جەنگی ئیقلیمی و نێودەوڵەتی”.

هەر لە بەیاننامەكەدا هاتووە”پێویستە لەكاتی پێكهێنانی حكومەتدا، ڕەچاوی نوێنەرایەتی پێكهاتەكان بكرێت و توركمان دوورنەخرێتەوە لە پۆستە سەروەرییەكانی دەوڵەت، وەك حكومەتی دەستلەكاركێشاوە كردى”.

بەرەی توركمانی، جەخت لەسەر پێویستی پێكهێنانی ئیدارەیەكی هاوبەش دەكاتەوە لە كەركوك كە “لێوەی پۆستە ئیدارییەكان بەیەكسانی لەنێوان پێكهاتەكاندا دابەشبكرێن و ئەو فەرمانەش ڕەتبكرێتەوە كە لەلایەن پەنگین ڕێكانی وەزیری نیشتەجێكردنی عیراقەوە دەركراوە لەبارەی دامەزراندنی بەڕێوەبەرەكان لە یەك پێكهاتە لە بەڕێوەبەرایەتییەكانی شارەوانی”.

بەرەی توركمانی دەڵێت”دەبێت دۆخی تایبەتی شاری كەركوك ڕەچاو بكرێت و هەموو لایەنەكان دووربكەونەوە لە سەپاندنی خواستی خۆیان كە لێوەی پێوەرە یاساییەكان بۆ دامەزران پێشیل دەكرێن”.

عێراق

چەكی زۆری بەدەستەوەیە
عیراق باس لە وەڵامدانەوەی توركیا دەكات

خەڵك- بەشی هەواڵ
وەزارەتی دەرەوەی عیراق ڕایدەگەیەنێت، وڵاتەكەی چەكی زۆری بەدەستەوەیە بۆ وەڵامدانەوەی دەستدرێژییەكانی توركیا بۆسەر خاكی عیراق.

ئەحمەد سەحاف وتەبێژی وەزارەتی دەرەوەی عیراق لە لێدوانێكیدا بۆ كەناڵی (العراقیە)ی نیمچە فەرمی ڕایگەیاند:”عیراق چەكی زۆری بەدەستەیە بۆ مامەڵەكردن لەگەڵ توركیا، لەوانە بودجەی بازرگانی كە زیاترە لە 16 ملیار دۆلاری ساڵانە، دەیان كۆمپانیای توركی لە عیراقدان، وێڕای پەیوەندییە نێودەوڵەتییەكانی و قوڵایی عەرەبی كە عیراق هەیەتی”.

بە وتەی سەحاف”ئۆپەراسیۆنێكی وەك ئەو ئۆپەراسیۆنە، دەبێتە مایەی لەقكردنی سەقامگیریی لە ناوچەكە، لەگەڵ ئەوەشدا كاتێك عیراق بەشێوازێكی دیپلۆماسی لەگەڵ ئەو دوژمنكاریی و دەستدرێژیانەدا مامەڵە دەكات، مانای ئەوە نییە كە توانای چارەسەری نییە”.

وتەبێژی وەزارەتی دەرەوەی عیراق، ئاماژەی بە بوونی هەماهەنگی نێوان وەزارەتی دەرەوە و سێ‌ سەرۆكایەتییەكەش كرد، سەبارەت بە دەستدرێژییەكانی ئەم دواییەی توركیا.

سەحاف دەڵێت”ئێمە جەخت لەسەر بنەما دەستورییەكان دەكەین كە نابێت خاكی عیراق بكرێتە ڕێڕەو بۆ دەستدرێژكردنە سەر وڵاتانی دراوسی، لەگەڵ ئەوەشدا ڕەتیدەكەینەوە خاكی عیراق بكرێتە شانۆ بۆ ئەنجامدانی ئۆپەراسیۆنە سەربازییەكان “.

دوێنێ‌ سێ‌ شەممە، فڕۆكە بێفڕۆكەوانەكانی توركیا هێرشێكیان لەسەر سنوری عیراق ئەنجامدا و لە ئاكامدا پێنج كەس شەهیدبوون كە چەند فەرماندەیەكی پاسەوانی سنوری عیراق لەنێوانیاندا بوو.

سەرۆكایەتی كۆماری عیراق، ئیدانەی هێرشەكەی توركیای كرد بۆسەر ناوچەی سیدەكان لە هەرێمی كوردستان و بە پێشێلكارییەكی مەترسیدار بۆسەر سەروەریی خاكی عیراق ناوی برد.

بەردەوام بە لە خوێندنەوە

عێراق

ملیۆنێك كرێكاری بیانی لە عیراقدا هەیە

خەڵك- بەشی هەواڵ
لیژنەی كار و كاروباری كۆمەڵایەتی لە پەرلەمانی عیراق، ئاماژە بە بوونی ملیۆنێك كرێكاری بیانی دەكات لە عیراق، جەختیش لەسەر چاوخشاندنەوە بە ژمارەی كرێكارانی بیانی و سودوەرگرتن لە دەستی كاریی ناوخۆ دەكاتەوە.

فازڵ فەتلاوی ئەندامی لیژنەی كار و كاروباری كۆمەڵایەتی لە پەرلەمانی عیراق لە لێدوانێكی ڕۆژنامەوانیدا ڕایگەیاند”خۆپیشاندان مافێكی شیاوی هەموو عیراقییەكانە بۆ دەستخستنی هەلی كار و دامەزراندن لە فەرمانگە و دامەزراوەكانی دەوڵەت و كەرتی تایبەت”، داواشی لە حكومەت كرد، گوێ‌ بۆ داواكاریی خۆپیشاندەران بگرێت و بەدەم داخوازییەكانیانیەوە بچێت.

بە وتەی فەتلاوی”ملیۆنێك كرێكاری بیانی هەن لەو كۆمپانیایانەدا كاردەكەن لە عیراق، بە كۆمپانیا نەوتییەكانيشەوە”، ئاماژەی بە 90%ی كرێكارانی بیانيش كرد كە لە كۆمپانیا نەوتییەكاندا لە عیراق كاردەكەن و فرە نەژادن.

ئەو پەرلەمانتارە دەڵێت”ئەوان كاردەكەن بۆ داڕشتنی یاسایەك كە خزمەت بە هاووڵاتی بكات، لەڕێی بەگەڕخستنی كەرتی تایبەت و زامنكردنی مافی كارمەندان بۆ دۆزینەوەی هەلی كار بۆ دەرچوان و بێكاران، وێڕای چاوخشاندنەوە بە ژمارەی كرێكارە بیانییەكان لە وڵاتدا”.

بڵاوبوونەوەی بێكاریی لەنێوان عیراقییەكاندا، هەزاران كەسی لە تشرینی یەكەمی 2019وە ناچاركردووە خۆپیشاندانی ناڕەزایی دەرببڕێت سازبكەن و داوای هەلی كار و خزمەتگوزاریی و چاكسازیی بكەن لە وڵاتدا.

بەردەوام بە لە خوێندنەوە

عێراق

كۆمكاریی عەرەبیش لەسەر بۆردومانەكەی سیدەكان هاتەدەنگ

خەڵك- بەشی هەواڵ
ڕێكخراوی كۆمكاریی عەرەبی، پشتیوانی خۆی بۆ هەر جموجۆڵێك دەردەبڕێت كە لەلایەن حكومەتی عیراقییەوە لەسەر گۆڕەپانی نێودەوڵەتی بگرێتەبەر بۆ ڕاگرتنی”دەستدرێژییەكانی توركیا”.

بەپێی ڕاگەیەندراوێك كە لەلایەن ئەحمەد ئەبو غەیت، ئەمینداری گشتی ڕێكخراوی كۆمكاریی عەرەبییەوە بڵاوكرایەوە”بە توندی ئیدانەی بۆردومانەكانی توركیا دەكەین كە لە 11ی ئەم مانگە كرانە سەر ناوچەی سیدەكان لەسەر سنورەكانی توركیا عیراق و بونە مایەی شەهیدبوونی دوو ئەفسەر و سەربازێكی هێزە چەكدارەكانی عیراق و برینداربوونی ژمارەیەك مەدەنی بێتاوان”.

بە وتەی ئەبو غەیت”ئەو كارەی توركیا پێشێلكردنێكی ئاشكرای سەروەریی عیراق و بنەما و بەڵێننامە نێودەوڵەتییەكان و بنەمای دراوسێتییە”.

هەر لەو چوارچێوەیەدا، سەرچاوەیەكی بەرپرس لە ڕێكخراوی كۆمكاریی عەرەبی ڕایگەیاند، پشتیوانی لە هەر جموجۆڵێكی حكومەتی عیراق دەكەن لەسەر گۆڕەپانی نێودەوڵەتی بۆ ڕاگرتنی دەستدرێژییە سەربازییەكانی توركیا بۆسەر خاكی عیراق و لەپێناو پاراستنی سەروەریی و ئاسایش و سەقامگیریی عیراق.

بەردەوام بە لە خوێندنەوە

کوردستان