سوپای ئیسرائیل دەوروبەری دیمەشقی پایتەختی سوریای بە مووشەك كردە ئامانج، سوپای سوریاش ڕایدەگەیەنێت، كە ژمایەك لە مووشەكەكانی تێكشاندووە.
بە پێی هەواڵێكی ئاژانسی”سانا”ی سوری، بڵاویكردەوە، كە شەوی ڕابردوو سوپای ئیسرائیل لە جۆلانەوە چەند مووشەكێكی ئاراستەی ناوچەیەكی دیارییكراوی دەوروبەری دیمەشقی پایتەخت كردووە.
ئاماژە بۆ ئەوەشكراوە، كە هێزی بەرگری ئاسمانی رژێمی سوریا ژمایەك لە مووشەكەكانی تێكشاندووە و هێرشە مووشەكییەكەی ئیسرائیل هیچ زیانێكی گیانی نەبووە و تەنیا زیانی ماددی لێكەوتووەتەوە.
ئەمە لەكاتێكدایە، لە ماوەی 24 كاتژمێری رابردوودا، دووەم جار سوپای ئیسرائیل هێرش دەكاتە سەر دیمەشق، لە هێرشی یەكەمدا دوو سەربازی رژێمی سوریا برینداربوون.
