ئێمە لە تۆرە کۆمەڵایەتیەکان

جیهانی

(ڤیدیۆ) کرواتیای ماندو ماراسۆنی سێیەمی لە ئینگلتەرا بردەوە و بۆ یەکەم جار لەمێژوویاندا گەیشتنە فاینەڵی مۆندیال

خەڵک سپۆرت

ئەمشەو دووەم و کۆتا ڕووبەڕوبونەوەی قۆناغی نیوەی کۆتایی مۆندیالی ڕوسیا لەنێوان هەڵبژاردەی ئینگلتەرا و کرواتیا ئەنجامدرا، کرواتیەکان توانیان بە ئەنجامی دوو گۆڵ بەرامبەر گۆڵێک سەرکەوتن بەدەست بهێنن.

تایمی یەکەم کەمتەرخەمی ئینگلتەرا

لەتایمی یەکەمدا کرواتیەکان بەهۆی ئەنجامدانی دوو ڕووبەڕوبونەوەی ماراسۆنی (١٢٠ خولەکی) ماندو دەردەکەوتن، لەبەرامبەردا هاری کەین و هاوەڵانی بەهەموو شێوەیەک ئامادەتر بوون و توانیان بەلێدانی ڕاستەوخۆ لە خولەکی پێنجەوە گۆڵی پێشکەوتن تۆمار بکەن.

بەدەر لەو گۆڵە، لینگارد و کەین و هێرشبەرانی تر چەندین هەلی مەترسیداریان دروست کرد و سەرکەوتو نەبوون لە قۆستنەوەی، چونکە لەدەستدانی هەلی زۆر و کەمتەرخەمیان لەتۆمارکردنی گۆڵی دووەمدا لەتایمەکانی تردا کاردانەوەی خێرا و خراپی لەسەر دروست کردن، لەبەرامبەردا لوکا مۆدریچ و هاوڕێیانی لە هەلێک دەگەڕان و ئەو هەلەیان لەتایمی یەکەمدا دروست نەکرد.

تایمی دووەم گەڕانەوەی کروات

ئەستێرەکانی کرواتیا ڕوحیەتی هەڵبژاردەیەکی ئەمریکی لاتینی و پابەندبون و سیستمی هەڵبژاردەیەکی ئەوروپیان نیشاندا و توانیان بەهێزەوە بگەڕێنەوە، لەم تایمەدا توانیان قەرەبووی تایمی یەکەم بکەنەوە و تەواوی هەڵە تاکتیکیەکان چارەسەر بکەن و چەندین هەلی مەترسیداریان بۆ تۆمارکردنی گۆڵ دروست کرد.

لەخولەکی ٦٨ ئیڤان پێریسیچی ئەستێرەی ئینتەرمیلان گۆڵی یەکسانکردنەوەی ئەنجامەکەی تۆمار کرد، لەدوای ئەم گۆڵەش کۆنترۆڵی یاریگا لەلایەن مۆدریچ و برۆزۆڤیچ و ڕاکیتیچەوە بەردەوام بوو، بەرگری ئینگلتەراش شڵەژان و کەمی تەرکیزیان پێوە دیاربوو و نەیاندەتوانی ئەو بۆشاییانە پڕ بکەنەوە کە دەوکەوتە بەردەم هێندێرسۆنی ناوەندی بەرگری و بەردەم لینگارد و دیلی ئالی، لەم بۆشاییەدا چەندینجار ڕیبیچ و پێریسیچ و ماندزۆکیچ شوتیان ئاڕاستەی گۆڵەکەی پیکفۆرد کرد.

ئەو تایمەش بەوشێوەیە کۆتایی هات و ناچار پەنا بۆ کاتی زیادکراو برا.

کاتی زیادکراو و کۆتایی خەونی گەلی ئینگلتەرا

لەکاتە زیادکراوەکاندا بەتایبەت تایمی یەکەم، گاریس ساوزگەیتی ڕاهێنەری ئینگلتەرا چەند گۆڕانکارییەکی ئەنجامدا و تاڕادەیەک باشتر دەرکەوتن، توانیان کێشەی لاوازی باڵی چەپ چارەسەر بکەن و کەلێنی ناوەندی یاریگایان بە ئاڵوگۆڕی هێندێرسۆن بە ئیریک دایەر چارەسەر کرد، لەگەڵ ئەوەشدا کە فشاری توندیان کرد، بەڵام سەرکەوتو نەبوون لەتۆمار کردنی گۆڵ.

لەکاتی زیادکراوی دووەمدا دووبارە کرواتیەکان سیناریۆی تایمی دووەمیان دووبارە کردەوە، هەموو وزەی خۆیان بەکارخست بۆ ئەوەی خۆیان لە پەناڵتی یەکلاکەرەوە دووربخەنەوە، لە خولەکی ١٠٩ ماریۆ ماندزۆکیچ ژیرانە مامەلەی کرد و بە تۆپەوە بەنێوان جۆن ستۆنز و واڵکەردا تێپەڕی کرد و گۆڵی دووەم و یەکلاکەرەوەی تۆمار کرد.

سەرباری ئەوەی ئینگلیزەکان هەوڵیان زۆردا قەرەبوی ئەو گۆڵە کوشندەیە بکەنەوە، بەڵام بەهێزی و نەکشانەوەی ناوەند و هێرشبەری کرواتیەکان بەرەو نیوە یاریگای خۆیان، کاریگەری دروست کرد و ئەنجامەکە (٢ – ١) لەبەرژەوەندی لوکا و هاوڕێیانی کۆتایی هات، لەم خاڵەشدا کۆتاییان بە خەونی چەندین ساڵەی ئینگلیزەکان هێنا.

بەوشێوەیەش بۆ یەکەمجار لەمێژوویاندا خۆیان گەیاندە فاینەڵی مۆندیالی ڕوسیا و لە یاریی کۆتاییدا بڕیارە ڕووبەڕوی فەرەنسا ببنەوە.

جیهانی

دیشامپ له‌گه‌ڵ ڤاڵڤێردیه‌ و مه‌سجێکی توندی ئاڕاسته‌ی دیمبیلی کرد: ده‌زانم چ پاساوێک ده‌هێنیته‌وه‌ !

خه‌ڵک سپۆرت

دیدێ دیشامپی فه‌ره‌نسی ڕاهێنه‌ری هه‌ڵبژارده‌ی فه‌ره‌نسا به‌ ئاشکرا پاڵپشتی ئیداره‌ و ڕاهێنه‌ری یانه‌ی به‌رشلۆنه‌ ده‌کات و په‌یامێکی توند ئاڕاسته‌ی عوسمان دیمبیلی ده‌کات.

پاڵه‌وانی مۆندیالی ٢٠١٨ له‌ پرێس کۆنفرانسێکدا ده‌رباره‌ی بارودۆخی عوسمان دیمبیلی له‌ یانه‌ی به‌رشلۆنه‌ و به‌رده‌وام دواکه‌وتنی له‌ مه‌شقه‌ ئاماده‌کاریه‌کان پرسیاری لێکرا، ئه‌ویش له‌وه‌ڵامدا ڕایگه‌یاند :” کاتێک له‌ مه‌شقه‌کان دواده‌که‌وێت ده‌زانم چ پاساوێک ده‌هێنێته‌وه‌، هه‌میشه‌ به‌رگری له‌خۆی ده‌کات و ده‌ڵێت: خۆ ته‌نها من دوانه‌که‌وتوم”.

پاشان به‌ ئاشکرا پاڵپشتی بڕیار و سزاکانی ئیداره‌ی یانه‌ی به‌رشلۆنه‌ ده‌کات ده‌رهه‌ق به‌ ڕه‌ش ئه‌سمه‌ره‌ فه‌ره‌نسیه‌که‌ و ده‌ڵێت :” عوسمان هه‌ندێجار له‌مه‌شقه‌کان دواده‌که‌وێت و ئه‌وه‌ش دووباره‌ ده‌بێته‌وه‌، به‌نسبه‌ت یانه‌که‌یی و هه‌ڵبژارده‌ی نیشتیمانی فه‌ره‌نساوه‌ پێویسته‌ ئاگاداری خۆی بێت، پێویسته‌ ئاگاداری هه‌موو ئه‌و کارانه‌ بێت که‌ به‌ نسبه‌ت یاریزانێکی بواری تۆپی پێوه‌ وه‌ک ئه‌رکی ڕۆژانه‌یه‌ و ده‌بێت جێبه‌جێی بکات، ئه‌و له‌ئێستادا له‌ئاستی باڵادایه‌ و ده‌بێت له‌ دۆخی خۆی تێبگات، ئه‌م حاڵه‌ته‌ی ڕوویداوه‌‌ به‌رده‌وام دووباره‌ی ده‌کاته‌وه‌، به‌ڵام ئه‌گه‌ر بتوانێت پابه‌ند بێت ئه‌وه‌ بۆ هه‌مووان سودبه‌خشه‌، ده‌رباره‌ی بارودۆخی یاریزانه‌که‌ش له‌گه‌ڵ ئیداره‌ی بارسا هیچ گفتوگۆیه‌کم نه‌کردووه‌، چونکه‌ من ده‌ستوه‌ردان له‌ کاروباری ئیداریی و وه‌رزشیی هیچ یانه‌یه‌کدا ناکه‌م، بڕیار له‌ده‌ستی خۆیاندایه‌ و چییان پێ باش بێت پێویسته‌ بڕیاری له‌باره‌وه‌ بده‌ن”.

عوسمان دیمبیلی فه‌ره‌نسی ماوه‌یه‌که‌ به‌هۆی دواکه‌وتنی به‌رده‌وام له‌ مه‌شقه‌کانی یانه‌ی به‌رشلۆنه‌ ئیداره‌ و ڕاهێنه‌ری توڕه کردووه‌، به‌وهۆیه‌وه‌ له‌ رووبه‌ڕوبونه‌وه‌ی ڕیاڵ بیتیس سزای ئیداریی درا و له‌پێکهاته‌ی بانگهێشتکراو‌ دوورخرایه‌وه‌، به‌ڵام سه‌یر له‌وه‌دابوو پێنج خوله‌ک دوای ده‌ستپێکی یاریی هاته‌ نێو یاریگا و له‌ تایمی دووه‌میشدا سه‌ره‌ڕای ئه‌وه‌ی ته‌نها بینه‌ر بوو که‌چی له‌ خوله‌کی ٤٩وه‌ گه‌ڕایه‌وه‌ پێگه‌که‌ی خۆی.

له‌م باره‌یه‌وه‌ جێرارد پیکێی به‌رگریکاری ناوداری بارسا ڕایگه‌یاند :” پێویسته‌ به‌هه‌مووان یاریده‌ی عوسمان بده‌ین تا تێبگات یاریی تۆپی پێ بۆ ئێمه‌ ٢٤ کاتژمێره‌، نه‌ک به‌ته‌نها ٩٠ خوله‌کی رووبه‌ڕوبونه‌وه‌یه‌ک”.

بەردەوام بە لە خوێندنەوە

جیهانی

سۆلاری به‌رده‌وام ده‌بێت؟ به‌پرسێکی ڕیاڵ مه‌درید‌ وه‌ڵام ده‌داته‌وه‌…

خه‌ڵک سپۆرت

سانتیاگۆ سۆلاری ئه‌رجه‌نتینی ڕاهێنه‌ری کاتیی یانه‌ی ڕیاڵ مه‌درید له‌دوای جولین لوپێتیگی توانیویه‌تی له‌ کاره‌کانیدا سه‌رکه‌وتو بێت، له‌م باره‌یه‌شه‌وه‌ به‌رپرسێکی “مێره‌نگی” مژده‌ی به‌رده‌وامبونی پێده‌دات.

ئیمیلۆ بوتراگینۆی ئه‌فسانه‌ی ئیسپانی که‌ له‌هه‌مان کاتدا به‌ڕێوه‌به‌ری په‌یوه‌ندیه‌کانی یانه‌ی ڕیاڵ مه‌دریده‌، به‌ ڕۆژنامه‌ی “مارکا”ی ڕاگه‌یاندووه‌ :” داهاتوی سۆلاری؟ ده‌توانم پێتان بڵێم که‌ له‌کاره‌کانی ڕازین و خۆشحاڵین که‌ توانیویه‌تی له‌ماوه‌یه‌کی که‌مدا بارودۆخی ژووری خۆگۆڕینه‌کان و ئه‌نجامه‌کان ڕاست بکاته‌وه‌”.

هه‌روه‌ها ده‌ڵێت :” ده‌رباره‌ی مانه‌وه‌ و به‌رده‌وامبونی ته‌نها یه‌ک وه‌ڵامتان ده‌ده‌مه‌وه‌، ئێمه‌ خۆشحاڵین، وابزانم ئه‌و وه‌ڵامه‌ش ڕوون و ئاشکرایه‌ و زۆر شت بۆ ئێوه‌ی ڕۆژنامه‌نوسان ده‌رده‌خات”.

سه‌رچاوه‌که‌ جه‌خت ده‌کاته‌وه‌، سۆلاری له‌به‌ر چه‌ند هۆکارێک به‌رده‌وام ده‌بێت، هۆکاری یه‌که‌م بریتیه‌ له‌ ڕازیبونی ئیداره‌ی یانه‌ به‌ کاره‌کانی، هۆکارێکی تریش په‌یوه‌ندی به‌ یه‌کێتی تۆپی پێی ئیسپانیاوه‌ هه‌یه‌ که‌ به‌فه‌رمی داوایان له‌ یانه‌ زه‌به‌لاحه‌که‌ کردووه‌ پێگه‌ی ڕاهێنه‌ر یه‌کلایی بکاته‌وه‌ له‌م چه‌ند هه‌فته‌یه‌ی داهاتودا، تا ئه‌م ساته‌ش له‌گه‌ڵ هیچ ڕاهێنه‌رێکی گه‌وره‌ ڕێکه‌وتنیان ئیمزا نه‌کردووه‌ و ئه‌وه‌ش واتای به‌رده‌وامبونی ئه‌رجه‌نتینیه‌که‌ ده‌گه‌یه‌نێت.

بەردەوام بە لە خوێندنەوە

جیهانی

شکستی مۆناکۆ کاریگه‌ری له‌سه‌ر پێگه‌ و داهاتوی “ئاسکه‌ فه‌ره‌نسیه‌که‌” نابێت !

خه‌ڵک سپۆرت

یانه‌ی مۆناکۆ به‌رامبه‌ر پاریس سانت جێرمان دووچاری شکستێکی گه‌وره‌ هات، ئیداره‌ی یانه‌ فه‌ره‌نسیه‌که‌ش جه‌خت له‌ مانه‌وه‌ و به‌رده‌وامبونی تێری هێنری ده‌که‌نه‌وه‌.

شه‌وی ڕابردوو له‌یاریگای “لویسی دووه‌م” یانه‌ی مۆناکۆ له‌چوارچێوه‌ی ململانێکانی هه‌فته‌ی ١٣ی خولی فه‌ره‌نسا میوانداری یانه‌ی پاریس سانت جێرمانی کرد، یانه‌ی خاوه‌ن یاریگا له‌هه‌موو ئاسته‌کانه‌وه‌ خراپ ده‌رکه‌وت و به‌ ئه‌نجامی چوار گۆڵی بێوه‌ڵام شکستی هێنا.

له‌م باره‌یه‌وه‌ ڤادیم ڤاسیلێڤی ڕوسی سه‌رۆکی مۆناکۆ دڵنیایی به‌ تێری هێنری فه‌ره‌نسی راهێنه‌ری یانه‌که‌ی به‌خشی و ڕایگه‌یاند :” هێنری بۆ ماوه‌یه‌کی درێژخایه‌ن په‌یوه‌ندی به‌ مۆناکۆوه‌ کردووه‌، ڕاهێنه‌رێکی کاتی نییه‌ تا دووربخرێته‌وه‌، یانه‌که‌مان ڕووبه‌ڕوی پێکانی ئه‌ستێره‌کانی بۆته‌وه‌، هه‌رگیز ڕووینه‌داوه‌ هێنده‌ یاریزانمان له‌ یه‌ک کاتدا پێکرابن، پێکهاته‌ی یه‌ده‌گیشمان له‌ متمانه‌ و چانسی که‌مه‌”.

له‌م باره‌یه‌وه‌ ڕۆژنامه‌ی “لیکیپ” نوسیویه‌تی: تێری هێنری به‌هۆی پێکانی ئه‌ستێره‌کانیه‌وه‌ ده‌ناڵێنێت، بۆیه‌ ئیداره‌ی یانه‌ پێیان وایه‌ شکسته‌ یه‌ک له‌دوایه‌که‌کان هێنری لێی به‌رپرس نییه‌، ئه‌وه‌ش واتای مانه‌وه‌ و به‌رده‌وامبونی ده‌گه‌یه‌نێت بۆ ماوه‌یه‌کی درێژخایه‌ن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 92%, 12
    12 92%
    12 - 92% هەموو دەنگەکان
  • وه‌زارەتی دارایی و ئابووری 8%, 1 دەنگ دان
    1 دەنگ دان 8%
    1 دەنگ دان - 8% هەموو دەنگەکان
  • وه‌زارەتی بازرگانی و پیشه‌سازی 0%, 0
    0
    0 - 0% هەموو دەنگەکان

کوردستان

دوایین