ئێمە لە تۆرە کۆمەڵایەتیەکان

عێراق

عیراق گەرمترین وڵاتی دنیایە

خەڵک-

سەرەڕای گەرمیی دۆخی ئەمنی و سیاسیی عیراق، ئەمساڵ لە ڕووی کەشوھەواشەوە بۆتە گەرمترین وڵاتی دنیا.

بەپێی ئەو داتایانەی ئاژانسەکانی کەشناسی بڵاوی دەکەنەوە، لە سەرەتای ھاوینەوە تا ئێستا پلەی گەرما لە ھەندێک شاری عیراقی بە کاتی رۆژ لە ٥٠ پلەی سیلیزی نەھاتۆتە خوار و ھیچ ئەگەرێکیش نییە تا نزیک بە کۆتایی ھاوین پلەکانی گەرما بە شێوەیەکی بەرچاو ڕوو لە دابەزین بکەن.

وەک ئەوەی ئاژانسی Eldorado Weather رۆژانە بڵاویدەکاتەوە، لە ١٠ گەرمترین شاری دنیا ٥ یان لە عێراقدایە، ٤ یان لە ئێران و یەک شوێنیش لە ئیمارات.

بە چاوگێڕانەوە بە داتاکانی ھەمان ئاژانس بۆ رۆژانی رابردوو ئەوە دەردەکەوێت، لەوەتای ھاوین ھاتووە بەردەوام عیراق لە ڕووی ژمارەی خاڵە گەرمەکانەوە، گەرمترین وڵاتی دنیایە.

گەرچی داتای ئاژانسەکان ئاماژە بەوە دەکەن، کە پلەکانی گەرما لە ٥٢.٨ پلەی سیلیزی سەرنەکەوتوون، بەڵام ھاوڵاتیان دەزگا ناڕەسمییەکان بە وێنە دۆکیۆمێنتیان کردووە کە پلەکانی گەرما لە ھەندێک ناوچەی عیراق و ھەرێمی کوردستان لە ٦٠ پلەی سیلیزی نزیک بۆتەوە، ئەوەش ژمارەیەکی پێوانەییە بۆ گەرمترین شوێنەکانی نیشتەجێبوون لە جیھاندا.

عێراق

سەرۆك كۆماری عێراق: دەبێت چەك لە دەستی دەوڵەتدا بێت

خەڵك- بەشی هەواڵ

‏‎ بەرهەم ساڵح، سەرۆك كۆماری عێراق لە میانەی كۆبونەوەیەكدا لەگەڵ وەفدێكی عەشایەرەكانی عێراق باسی لەوەكرد، پێویستە چەك تەنها لە دەستی دەوڵەتدا بێت و كار بكرێت بۆ باڵا دەستبوون و سەروەری یاسا بۆ بە گژداچوونەوەی ئەو دیاردانەی دەبنە هۆی لاواز بوونی دەسەڵاتەكانی دەوڵەت.

‏‎نوسینگەی سەرۆك كۆماری عێراق لە راگەیەندراوێكدا كە كۆپیەكی بۆ (خەڵك) ناردووە، نوسیویەتی” بەرھەم ساڵح لە كۆشكی سەلام لە بەغداد بەخێرهاتنی وەفدی میوانیكرد و ڕایگەیاند پێویستە چەك تەنیا لای دەوڵەت بێت و كاری جددیش بكرێت بۆ چەسپاندنی سەروەریی یاسا، هاوكات دژایەتی هەموو ئەو دیاردانەش بكرێت كە دەبنە مایەی لاوازكردنی رۆڵی دەوڵەت و یاسا و پێشێلكردنی دەستوور، ئەوەشی ڕوونكردەوە كە ئەو دیاردانە كاردانەوەی نەرێنیان دەبێت لەسەر كاری دامەزراوە خزمەتگوزاری و ئەمنییەكان لە ڕاپەڕاندنی ئەركەكانیاندا.”

‏‎هەر بەپێی راگەیەندراوەكە بەرهەم ساڵح گوێی لە داخوازییەكانیان گرتووە و تەئیكدی كردۆتەوە، بەدواداچونیان بۆ دەكات لەرێگەی دەزگا فەرمییەكانەوە.

بەردەوام بە لە خوێندنەوە

عێراق

ئەنجامی پشکنینەکانی تایبەت بە لەناوچوونی ماسییەکانی عیراق ڕاگەیەنرا

خەڵک-

ڕێکخراوی تەندروستیی جیھانیی کە سەرپەرشتی پشکنینەکانی تایبەت بە لەناوچوونی ماسییەکانی عیراق دەکرد لە ماوەی چەند ھەفتەی ڕابردوو، ئەنجامی پشکنینەکانی ڕاگەیاند.

ڕێکخراوی تەندروستیی جیھانی (WHO)  ڕایگەیاند: نمونەیان لە ماسییەکان و قەوزە و گژوگیای کەنار ڕووبارەکان و ئاوی ڕووبارەکان وەرگرتووە و لە دوو شاری عەممان و ڤیەننا پشکنینیان بۆکردوون.

بەپێی ئەنجامی پشکنینەکان، ھۆکاری لەناوچوونی ماسییەکان دەگەڕێتەوە بۆ ژەھراوی بوونی ئاوی ڕووبارەکان بە پلەیەکی زۆر نائاسایی بەرز بە بەکتریای جۆراوجۆر و کانزا قورسەکان و ئامۆنیا. گومان لە ژەھراوی بوونیش بەجۆرێک لە ڤایرۆس دەکرێت.

ڕێکخراوەکە دەڵێت: دابەزینی ئاستی ئاوی ڕووبارەکانی عیراق ھۆکارن بۆ بەرزبوونەوەی ئاستی مادە ژەھراوییەکان تیایاندا، ئەوەش ھەڕەشەیەکی تەواوە بۆ سەر ژیانی گیانەوەرانی نێو ڕووبارەکان.

لە چەند ھەفتەی ڕابردوو، بە ھەزاران تۆن ماسیی لە ڕووبارەکانی عیراق بێ ھیچ ھۆیەکی دیار مردن، تا ئێستاش ئەو دیاردەیە درێژەی ھەیە و ھۆکارەکانی نەزانراو بوون.

ھۆکاری کەمبوونەوەی ئاوری ڕووبارەکانی عیراقیش دەگەڕێتەوە بۆ ئەو بەنداوانەی دوو وڵاتی تورکیا و ئێران لەسەر سەرچاوە ئاوییەکان دروستیان کردوون، بە تەنھا بەنداوی ئێلیسو بەشە ئاوی عیراق لە ٢١ ملیار مەتر سێجای ساڵانە بۆ ٩.٧ ملیار مەتر سێجا دادەبەزێنێت، ئەگەر پرۆژەی بەنداوەکانی دارانیش تەواوببێت کە ئێران لەسەر ڕووباری سیروان دروستی کردوون، ئەوا ناوچەکانی باشور و ناوەڕاستی عیراق ڕووبەڕووی قەیرانی مەترسیدار دەبنەوە.

بەردەوام بە لە خوێندنەوە

عێراق

تابلۆیەكی سەدام حسێن لە لەندەن هەرادەنێتەوە

خەڵك- بەشی هەواڵ
میدیاكانی بەریتانیا بڵاویان كردۆتەوە، تابلۆیەكی یادەوەری لەبارەی سەدام حسێن، سەرۆكی لەسێدارەدراوی عیراق، لە ناكاو یەكێك لە شەقامە میللییەكانی لەندەنی پایتەختدا دەركەوتووە.

ڕۆژنامەی (ئیندپندنت) بڵاویكردۆتەوە، تابلۆیەكی برۆنزی، كە لەسەری نوسراوە “یادوەری خۆشەویستانی سەدام حسێن 1937-2006″، لەسەر یەكێك لە كورسییەكانی شەقامێكی میللی لە ناوچەی وانسیتدی خۆرهەڵاتی پایتەختی بەریتانیا دەركەوتووە، ئەمەش بۆتە مایەی شۆك و ناڕەزایی لای هەندێك لە دانیشتوانی ناوچەكە.

بەپێی ڕۆژنامەكە، ئەوەی تابلۆكەی داناوە، بزماری تایبەتی بەكارهێناوە، كە وادەكات تابلۆكە نەدزرێت و بە قورسی لێبكرێتەوە، بەڵام وتەبێژی ئەنجومەنی گەڕەكی رید بریدج بە (زە سەن)ی ڕاگەیاندووە، دەسەڵاتداران مۆڵەتیان نەداوە ئەو تابلۆیە دابنرێت، بۆیە لێكراوەتەوە.
تائێستاش ڕووننەبۆتەوە، كە ئایا ئەو تابلۆ یادوەرییە تەنیا بۆ گاڵتە دانراوە، یان كەسێك دایناوە، كە لە واقیعدا یەكێكە لەوانەی سەرسامە بە سەرۆكی لەسێدارەدراوی عیراق.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین