ئێمە لە تۆرە کۆمەڵایەتیەکان

عێراق

موقتەدا سەدر باس لە سەرۆك وەزیرانی داهاتووی عیراق دەكات

خەڵك- بەشی هەواڵ
نوسینگەی سیاسی موقتەدا سەدر، ڕابەری ڕەوتی سەدر ڕایدەگەیەنێت، كە دووجار ڕێگەیان لە كەوتنی حەیدەر عەبادی، سەرۆك وەزیران گرتووە، ئاماژە بە كاریگەریی گۆڕەپانی عیراقیش دەكات بۆ دەستنیشانكردنی سەرۆك وەزیرانی داهاتوو.

زیا ئەسەدی، بەرپرسی نوسینگەی موقتەدا سەدر لە بەیاننامەیەكدا ڕاگەیاندووە، “ئەو فاكتەرانەی، كە كارلێك دەكەن لەگەڵ گۆڕەپانی عیراقی، دەبنە مایەی دەستنیشانكردنی كەسێتی سەرۆك وەزیرانی داهاتوو”.

ئەسەدی وەك ئاماژەكردن بەوەی كە (عەبادی شیاوترینە بۆ وەرگرتنەوەی پۆستی سەرۆك وەزیران) دەڵێت: “لەئێستادا لە عیراق، لەسەر ئاستی كاریی سیاسی، فەرماندەیەكی شیاوتر و باشتر نییە، جیاوازییەكان و ئاڵۆزییەكان و ئەو فاكتەرانەی كارلێك لەگەڵ گۆڕەپانی عیراقیدا دەكەن، كەسێتییەكان دەستنیشان دەكەن و بڕیار لەسەر هەڵوێستەكان دەدەن و بڕیارەكان دروست دەكەن”.

وەك ئەسەدی ئاماژەی پێدەكات، “مەسەلەكە زۆر ئاڵۆزە و هاوشێوەی جوڵەی تەنە بچوكەكان لە جیهانێكدا، كە یاسای میكانیكی چەندی و بنەمای ناوردی هایزنبرگ هەڵسوكەوتییان پێوە دەكات”، چونكە بە وتەی ئەو، “ناتوانێت بڕیار لەسەر شكستخواردنی سیاسی عەبادی بدات، ناكرێت مەسەلەكە لەڕێی ڕاوبۆچوون و ئارەزووی كەسەكانەوە بڕیاری لەسەر بدرێت”.

ئەسەدی لە بەیاننامەكەدا نهێنییەك ئاشكرا دەكات و دەڵێت”سەدر لانی كەم دوو جار رێگەی لە كەوتنی عەبادی گرتووە، چونكە بەرژەوەندی عیراق لەو دەمەدا بەپێی بۆچوونەكانی سەدر، لەوەدا نەبووە گۆڕانكاریی بكرێت”.

لەئێستادا گۆڕەپانی سیاسی عیراق، بزاوتنێكی فراوان لەنێوان هێزە براوەكانی هەڵبژاردنی 12ی ئایاری ڕابردوو، بەخۆوە دەبینێت، ئەوەش لەپێناو دروستكردنی گەورەترین كوتلەی پەرلەمانی، كە بۆ پێكهێنانی حكومەتی داهاتوو، ڕادەسپێردرێت.

عێراق

سەرۆك كۆماری عێراق: دەبێت چەك لە دەستی دەوڵەتدا بێت

خەڵك- بەشی هەواڵ

‏‎ بەرهەم ساڵح، سەرۆك كۆماری عێراق لە میانەی كۆبونەوەیەكدا لەگەڵ وەفدێكی عەشایەرەكانی عێراق باسی لەوەكرد، پێویستە چەك تەنها لە دەستی دەوڵەتدا بێت و كار بكرێت بۆ باڵا دەستبوون و سەروەری یاسا بۆ بە گژداچوونەوەی ئەو دیاردانەی دەبنە هۆی لاواز بوونی دەسەڵاتەكانی دەوڵەت.

‏‎نوسینگەی سەرۆك كۆماری عێراق لە راگەیەندراوێكدا كە كۆپیەكی بۆ (خەڵك) ناردووە، نوسیویەتی” بەرھەم ساڵح لە كۆشكی سەلام لە بەغداد بەخێرهاتنی وەفدی میوانیكرد و ڕایگەیاند پێویستە چەك تەنیا لای دەوڵەت بێت و كاری جددیش بكرێت بۆ چەسپاندنی سەروەریی یاسا، هاوكات دژایەتی هەموو ئەو دیاردانەش بكرێت كە دەبنە مایەی لاوازكردنی رۆڵی دەوڵەت و یاسا و پێشێلكردنی دەستوور، ئەوەشی ڕوونكردەوە كە ئەو دیاردانە كاردانەوەی نەرێنیان دەبێت لەسەر كاری دامەزراوە خزمەتگوزاری و ئەمنییەكان لە ڕاپەڕاندنی ئەركەكانیاندا.”

‏‎هەر بەپێی راگەیەندراوەكە بەرهەم ساڵح گوێی لە داخوازییەكانیان گرتووە و تەئیكدی كردۆتەوە، بەدواداچونیان بۆ دەكات لەرێگەی دەزگا فەرمییەكانەوە.

بەردەوام بە لە خوێندنەوە

عێراق

ئەنجامی پشکنینەکانی تایبەت بە لەناوچوونی ماسییەکانی عیراق ڕاگەیەنرا

خەڵک-

ڕێکخراوی تەندروستیی جیھانیی کە سەرپەرشتی پشکنینەکانی تایبەت بە لەناوچوونی ماسییەکانی عیراق دەکرد لە ماوەی چەند ھەفتەی ڕابردوو، ئەنجامی پشکنینەکانی ڕاگەیاند.

ڕێکخراوی تەندروستیی جیھانی (WHO)  ڕایگەیاند: نمونەیان لە ماسییەکان و قەوزە و گژوگیای کەنار ڕووبارەکان و ئاوی ڕووبارەکان وەرگرتووە و لە دوو شاری عەممان و ڤیەننا پشکنینیان بۆکردوون.

بەپێی ئەنجامی پشکنینەکان، ھۆکاری لەناوچوونی ماسییەکان دەگەڕێتەوە بۆ ژەھراوی بوونی ئاوی ڕووبارەکان بە پلەیەکی زۆر نائاسایی بەرز بە بەکتریای جۆراوجۆر و کانزا قورسەکان و ئامۆنیا. گومان لە ژەھراوی بوونیش بەجۆرێک لە ڤایرۆس دەکرێت.

ڕێکخراوەکە دەڵێت: دابەزینی ئاستی ئاوی ڕووبارەکانی عیراق ھۆکارن بۆ بەرزبوونەوەی ئاستی مادە ژەھراوییەکان تیایاندا، ئەوەش ھەڕەشەیەکی تەواوە بۆ سەر ژیانی گیانەوەرانی نێو ڕووبارەکان.

لە چەند ھەفتەی ڕابردوو، بە ھەزاران تۆن ماسیی لە ڕووبارەکانی عیراق بێ ھیچ ھۆیەکی دیار مردن، تا ئێستاش ئەو دیاردەیە درێژەی ھەیە و ھۆکارەکانی نەزانراو بوون.

ھۆکاری کەمبوونەوەی ئاوری ڕووبارەکانی عیراقیش دەگەڕێتەوە بۆ ئەو بەنداوانەی دوو وڵاتی تورکیا و ئێران لەسەر سەرچاوە ئاوییەکان دروستیان کردوون، بە تەنھا بەنداوی ئێلیسو بەشە ئاوی عیراق لە ٢١ ملیار مەتر سێجای ساڵانە بۆ ٩.٧ ملیار مەتر سێجا دادەبەزێنێت، ئەگەر پرۆژەی بەنداوەکانی دارانیش تەواوببێت کە ئێران لەسەر ڕووباری سیروان دروستی کردوون، ئەوا ناوچەکانی باشور و ناوەڕاستی عیراق ڕووبەڕووی قەیرانی مەترسیدار دەبنەوە.

بەردەوام بە لە خوێندنەوە

عێراق

تابلۆیەكی سەدام حسێن لە لەندەن هەرادەنێتەوە

خەڵك- بەشی هەواڵ
میدیاكانی بەریتانیا بڵاویان كردۆتەوە، تابلۆیەكی یادەوەری لەبارەی سەدام حسێن، سەرۆكی لەسێدارەدراوی عیراق، لە ناكاو یەكێك لە شەقامە میللییەكانی لەندەنی پایتەختدا دەركەوتووە.

ڕۆژنامەی (ئیندپندنت) بڵاویكردۆتەوە، تابلۆیەكی برۆنزی، كە لەسەری نوسراوە “یادوەری خۆشەویستانی سەدام حسێن 1937-2006″، لەسەر یەكێك لە كورسییەكانی شەقامێكی میللی لە ناوچەی وانسیتدی خۆرهەڵاتی پایتەختی بەریتانیا دەركەوتووە، ئەمەش بۆتە مایەی شۆك و ناڕەزایی لای هەندێك لە دانیشتوانی ناوچەكە.

بەپێی ڕۆژنامەكە، ئەوەی تابلۆكەی داناوە، بزماری تایبەتی بەكارهێناوە، كە وادەكات تابلۆكە نەدزرێت و بە قورسی لێبكرێتەوە، بەڵام وتەبێژی ئەنجومەنی گەڕەكی رید بریدج بە (زە سەن)ی ڕاگەیاندووە، دەسەڵاتداران مۆڵەتیان نەداوە ئەو تابلۆیە دابنرێت، بۆیە لێكراوەتەوە.
تائێستاش ڕووننەبۆتەوە، كە ئایا ئەو تابلۆ یادوەرییە تەنیا بۆ گاڵتە دانراوە، یان كەسێك دایناوە، كە لە واقیعدا یەكێكە لەوانەی سەرسامە بە سەرۆكی لەسێدارەدراوی عیراق.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین