ئێمە لە تۆرە کۆمەڵایەتیەکان

کوردستان

كورد ژمارەیەكی قورسە و دەبێت حسابی بۆ بكرێت

خەڵك-بەشی هەواڵ

شارەزایەكی كاروباری توركیا ڕایدەگەیەنێت، حزبە نوێیەكەی داود ئۆغلۆ دەیەوێت وەڵامی شەقامی توركیا بداتەوە.

بەهۆی ململانێكانی نێوان بەرپرسانی حزبی داد و گەشە، داود ئۆغلۆ حزبێكی نوێی بەناوی ئایندە ڕاگەیاند، بەڵام دیار نییە لە داهاتوودا ئەم حزبە ڕوئیای بۆ پرسی چارەسەری كێشەی كورد لەو وڵاتە چی دەبێت.

لوقمان حەسەن چاودێری سیاسی بۆ كاروباری توركیا بە (خەڵك)ی ڕاگەیاند، لە ئەنجامی كەڵەكەبوونی كێشەكانی توركیا و لە ئەنجامی شكستی سیاسەتی ئەردۆغان و ئەكەپە و مەهەپە لە ناوخۆی وڵات و لەنێو وڵاتەهەرێمی و نێودەوڵەتیەكان، وایكرد ڕێگا چارە لەبەردەم ئەردۆغان نەمێنێتەوە و وایلێكرا ڕووبەڕووی كەنارگیری و گۆشەگیری بكرێت.
وتیشی”گەلانی توركیا بەدەست چەندین قەیرانەوەدەناڵێنن، ئەویش لە ئەنجامی ئەو دەسەڵاتە خۆسەپێنەی توركیا، لەبەرئەوە حزبی ئایندە دەیەوێت ببێتە وەڵامێك بۆ قۆناغەكە تاكو پێداویستییەكان و وەڵامی ڕای شەقامی توركیا بداتەوە”.
ئاماژەی بۆ ئەوەش كرد، گۆڕانكارییەكانی ناوچەكە كاریگەری لەسەر توركیا هەیە و لەبەرئەوە داودئۆغلۆ دەیەوێت بێتە وەڵام بۆ خەڵكی توركیا و سیاسەتی ئەوانیش كاریگەری دەبێت لەسەر داهاتوو.

سەبارەت بە بۆچوونی حزبی ئایندە لەبەرانبەر كێشەی كورد، لوقمان حەسەن ڕایگەیاند، هەركات حكومەتێكی نوێ دەسەڵاتی گرتەدەست بەو شێوەیە نییە كە ئەردۆغان دەیەوێت بیكات، چونكە كورد ئێستا ژمارەیەكی قورسە و لەلایەن زلهێزەكانەوە حسابی بۆ دەكرێت و هاوكاری دەكرێت.
وتیشی”ئێستا كورد لە چوارچێوەی چەند كەسایەتییەكی سیاسی و چەند دەزگایەكی موخابەراتی چووەتە دەرەوە وبووە بە بڕیارێكی سیاسی لە جیهاندا،
لەبەرئەوە ئۆغلۆ ئەگەر بیەوێت دەسەڵاتێكی پتەوی هەبێت، دەبێت كرانەوەیەكی ڕاستەقینە بە ڕووی كورددا بكاتەوەو بگەڕێتەوە بۆ پڕۆسەی ئاشتی.

ڕوونیشیكردەوە، كورد لە مێژوویدا ئەو هێز و دەسەڵات و قەوارە سیاسیەی ئێستای نەبووە كە ئێستا هەیەتی و ئێستا مۆدێلێكی نوێ لە كاری حزبایەتی بەڕێوەدەبات، ئەوەتا لە سوریا وڵاتە زلهێزەكان پێداگیری لەوە دەكەن كورد بەشداری نووسینەوەی دەستوور بكات و لە عیراقیش دەبێت هەموو لایەنە عیراقییەكان حساب بۆ كورد بكەن.

کوردستان

دادگای سلێمانی بڕیاری لە دۆسیەی ئامانج و لانەی هاوسەری دا

خەڵك- بەشی هەواڵ
دادگای لێكۆڵینەوەی سلێمانی/2 بڕیاری لە دۆسیەی ئامانج بابانی و لانە محەمەدی هاوسەری و منداڵەكەی دا و بەپێی بڕیارەكە، “دۆسیەكە خۆكوژی بووە و دۆسیەكە داخرا”.

سۆران عومەر، ئەندامی پەڕلەمانی كوردستان لە هەژماری خۆی لە فەیسبووك دەقی بڕیاری دادگای لێكۆڵینەوەی سلێمانی لەكەیسی ئامانج محەمەد نوری (ئامانج بابانی) و لانە محەمەد صاڵح و ھامنۆی كوڕیانی بڵاوكردەوە.

بەپێی بڕیارەكەی دادگای لێكۆڵینەوەی سلێمانی لە ١٨/١٢/٢٠١٩ ئەوەی تۆماركردوە، كە كردەوەی خۆكوژی بووە و بەھۆی ئەوەی ئامانج كۆتایی بەژیانی خۆشی ھێناوە كەیسەكە داخرا بەشێوەیەكی كۆتایی.

بەردەوام بە لە خوێندنەوە

کوردستان

بە ڤیدیۆ؛ كوڕی بەرپرسێك لە هەولێر تەقە لە ئاسایش و پۆلیسی هاتووچۆ دەكات

خەڵك- بەشی هەواڵ

دوای نیوەڕۆی ئەمڕۆ سێ شەممە ۲۸ی كانوونی دووەمی ۲۰۲۰ لەبەردەم بازاڕی سیروان لەسەنتەری شاری هەولێر، گەنجێك تەقە دەكات و ڕادەكات.

بەپێی زانیارییەكانی (خەڵك) كە لەشایەتحاڵكی ڕووداوەكە وەریگرتووە، ئەو گەنجە كوڕی بەرپرسێكی سەربازی بووە و باوكی بەناوی (ك.خ)، ئۆتۆمبێلەكەی لەشوێنێكی نایاسایی ڕاگرتووە و پۆلیسی هاتووچۆش هەوڵی دەستبەسەرداگرتنی ئۆتۆمبێلەكەی داوە.

بەپێی وتەی شایەتحاڵەكان، دوای ئەوەی دەبێتە كێشە لەنێوان كوڕی بەرپرسەكە و پۆلیس، كوڕەكە تەقە بەئاسماندا دەكات و دوای گەیشتنی ئاسایش ڕێگا نادات دەستگیری بكەن و ڕادەكات.

هەر بەپێی زانیارییەكان، تاوەكو ئێستاش ڕوون نیە كەوا ئەو گەنجە دەستگیر كراوە یان نا.

بۆ وەرگرتنی زانیاری زیاتر (خەڵك) چەند جارێك پەیوەندی كرد بە هۆگر عەزیز، وتەبێژی بەڕێوەبەرایەتی پۆلیسی هەولێرەوە، بەڵام وەڵامی پەیوەندییەكەی نەدایەوە.

هەولێر

كوڕی بەرپرسێك لە هەولێر تەقە لە ئاسایش و پۆلیسی هاتووچۆ دەكات و دواتر هەڵدێت

Posted by Xelk Media Network on Tuesday, January 28, 2020

بەردەوام بە لە خوێندنەوە

کوردستان

سویسرا بەكارهێنانی چەكی فسفۆڕ لە ڕۆژئاوای كوردستان دەسەلمێنێت

خەڵك- بەشی هەواڵ
تاقیگەیەكی وڵاتی سویسرا بەكارهێنانی چەكی فسفۆڕی قەدەغەكراو لەلایەن توركیاوە لە ڕۆژئاوای كوردستان دەسەلمێنێت.

ئیدارەی خۆسەری ڕۆژئاوای كوردستان ئەنجامی شیكارییەكی تاقیگەیەكی سویسرای لە پاریس ئاشكرا كرد، كە پشتڕاستی دەكاتەوە، سوپای توركیا بۆمبی فۆسفۆڕی سپی لە هێرشی باكوری سوریا (ڕۆژئاوای كوردستان) لە مانگی ١٠ی ٢٠١٩ بەكارهێناوە.

ڕوانگەی سوری بۆ مافەكانی مرۆڤ بە پشت بەستن بە هەواڵێكی ڕۆژنامەی (النهار) بڵاویكردەوە، تاقیگەی ویسلینگی سویسری بڕێكی زۆر مادەی فسفۆڕی سپی لەو سامپڵانەندا ئاشكرا كردووە، كە لە پێستی شەڕڤان و بریندارەكان وەریگرتبوو.

بەپێی ئەو ڕاپۆرتەی، كە تاقیگەكە بە زمانی ئینگلیزی بڵاویكردۆتەوە، جۆری برینداری قوربانیەكانی بە سووتانی كیمیایی وەسف كردووە، كە بەشێكی زۆر ماددەی فۆسفۆڕی سپی تێدا بەكارهێنراوە.

بە وتەی عەباس مەنسوران، كە چارەسەری قوربانییەكانی هێرشەكانی توركیای كردووە، بەشێك لە سووتاوی برینەكان نائاسایی بوون، كە بە چەكی ئاسایی ئەوە ڕوونادات.

لە میانی كۆنگرەیەكی ڕۆژنامەوانیدا لە پاریس، نوری مەحمود، وتەبێژی یەپەگە و خالید عیسا، نوێنەری پەیەدە ڕایانگەیاند، زۆربەی قوربانییەكان هاووڵاتی مەدەنین، هەروەها ئاسەواری كیمیایی بەسەر جەستەیانەوە دۆزراوەتەوە.

لە مانگی ١٠ی ساڵی ڕابردوو، پەیەدە توركیای تۆمەتبار كرد بە بەكارهێنانی چەكی قەدەغەكراوی ناپاڵم و فۆسفۆڕی سپی لە هێرشەكانیدا بۆ سەر ڕۆژئاوای كوردستان لە شەڕی داگیركردنی گرێ‌ سپی و سەرێكانی.

بەردەوام بە لە خوێندنەوە

کوردستان